Diaspora;hambar cilësor i demokratëve që nuk presin ti ushqejë partia .

✍🏽 Petrit Fidani; Diaspora – Hambari i Demokratëve /

Për ne, Partia Demokratike nuk është thjesht një forcë politike.

Ajo është një ideal, një histori sakrificash dhe një dashuri që e kemi mbajtur gjallë ndër vite.

E kemi ngritur nga hiçi më shumë se një herë dhe, sa herë është rrëzuar, kemi qenë aty për ta ngritur sërish.
Prandaj edhe sot, nuk do ta lëmë kurrë vetëm.

Brezi i ri, si Erisa dhe shumë të rinj të tjerë, duhet të hyjë në politikë me këmbën e djathtë.

Ata kanë energjinë, guximin dhe vizionin për të çuar përpara kauzën tonë. Ne, që kemi kaluar shumë beteja, nuk pretendojmë të dimë gjithçka, por kemi një përvojë të fituar me sakrifica.

Jemi një shkollë që ka mësuar edhe nga fitoret, edhe nga gabimet.

Detyra jonë është t’ua përcjellim këtë përvojë brezave që vijnë.

Nëse ata arrijnë të mësojnë nga gabimet tona dhe të mos i përsërisin, atëherë do të kenë marrë notën 10 në provimin më të rëndësishëm të politikës.

Dhe kur kjo të ndodhë, e ardhmja e Partisë Demokratike do të jetë më e sigurt se kurrë.

Diaspora shqiptare është hambari i demokratëve. 

Është një rezervuar i jashtëzakonshëm njerëzish të lirë, të formuar dhe të pavarur, që nuk presin të ushqehen nga partia, por janë të gatshëm ta ushqejnë atë me ide, përvojë, punë dhe përkushtim. 

Pikërisht kjo e bën diasporën një pasuri të çmuar për Partinë Demokratike dhe për Shqipërinë.

Kur forca e rinisë bashkohet me përvojën e brezit tonë, krijohet ekipi që nuk mund të mposhtet lehtë.

Vetëm së bashku mund të ndërtojmë një opozitë më të fortë, një parti më të bashkuar dhe një Shqipëri më demokratike.

Le ta nisim çdo javë me besim, me përgjegjësi dhe me bindjen se idealet nuk plaken kurrë. 
Plaket vetëm dorëzimi, dhe ne nuk jemi dorëzuar kurrë.

Javë të mbarë për të gjithë!