Bujar Muçaj

Nafta dhe ulliri

Mund të harrosh gjëra të tjera pa përmendur, por binomin naftë-ulli kurrsesi, se pa këtë binom nuk mund ta njohësh Mallakastrën e sotme. Jo më kotë e përmëndëm në fillimet e librit¹ Nimfeun e famshëm, por duhet të përmëndim edhe një nga emblemat e Muzakëve që kishin të gdhendur dhe dy rrëkeza nafte, duke na treguar që qysh në ato kohë banori i këtyre trojeve, bylyni apo mallakastrioti e myzeqari i mëpasëm e dinte se jetonte mbi këtë xhevair të çmuar. Ndërsa për ullirin këtë hyrje do të doja ta ilustroja me disa vargje të poetit Xhevahir Spahiu.

Raport lufte

I perëndishmi Padishah!

Zjarri i xhehnemit

mbi Arbërinë ra.

Dhjetë mijë frymë

I dërguam në atë botë:

Shtatë mijë arnautë,

Tre mijë ullinj të moçëm.

Të paudhët

I shkuam me shpatë,

Drurët

I dogjëm të gjithë të gjallë.

Tre ditë e tre net: ç’aromë profetike

E një flake ylberore,

Veç të ishe aty.

Zoti im!

Shërbëtori yt i përunjur

Ibrahim

E kundërta ka ndodhur me një pushtues tjetër, me gjermanët e pikërisht në Mallakastër diku midis Hekalit e Kashit ku ishte disklotuar një repart. U ishin mbaruar drurët apo qymyri dhe nuk dinin me çfarë të gatuanin. Një “mik” ideali i tyre nga anët tona e mori vesh seç kërkonin, i papërtuar rrëmben sopatën dhe nisi të presë ullirin më të afërm. Nga çadra ku pushonte i madhi i tyre doli një britmë, e cila sa nuk e rrëzoi nga pema mikun shqiptar.

-Nein!

Ulliri i shpëtoi ndëshkimit të egër, nuk u pre dhe guzhina përdori për gatim ca arka të boshatisura municioni nga Ruhri i largët.

Dy shëmbuj diametralisht të kundërt që flasin shumë nga kohë të ndryshme, nga pushtues që vinin njëri nga lindja e tjetri nga perëndimi, të dy superfuqi të kohës së tyre. Diku kam lexuar se ullinjtë e Hekalit janë ndër më të vjetrit e Shqipërisë e të Ballkanit. Ullinjtë e moçëm mund t’i shohësh në çdo fshat të tejendanë Mallakastrës. Është gjë e rrallë ose e pamundur të gjesh shtëpi në këtë krahinë që të mos kultivojë ullirin. Me nam të mirë janë ullinjtë e Cakranit, Hekalit, Kashit, Greshicës, Ruzhdies, Gjinoqarës, Siqecës, Visokës, Kuqarit, Margëlliçit, Aranitasit, Dukasit, Rrerësit, Kashit, Fratarit etj.

Në librin austriakut Voith “Lufta e Durrësit midis Qezarit dhe Pompeit”na tregon më së miri sipas studimeve të tij se:

“Në kohën e Qezarit Mallakastra merrej me blektori dhe me kultivimin e ullinjve…”

Në fillim nafta sikur i prishi qetësinë shekullore ullirit, por më pas pema e lashtë u mësua, duke e pranuar e duke patur dashur pa dashur një lloj armonie me të. Nga kohë e vjetër e më pas na kanë arritur disa toponime edhe për ullinjtë:

Ullinjtë e Kolës, Ulliri i Kuq, Ullinjtë e Menxarakut, Lagja e Ullinjëve, Ulliri i Rrapo Hekalit, Pesë Ullinjtë, Ullinjtë e Toskëve, Ullinjtë e Qarrishtës, Ullinjtë e Gjeneralit (Mbjellë këta në vitet tridhjetë nga Xhemal Aranitasi ish ministër i mbrojtjes i Zogut 25-39),Ullinjtë e Hajredinit (Fratarit) në Bejar, Ullinjtë e Topave në Hekal etj.

Nuk mund të shikosh një pejsazh me ullinj pa një sondë nafte midis tyre apo anasjelltas. Atë ekollogji që “dogji”pakujdesia e të nxjerrit të “arit të zi” i lashti ulli përpiqet ta çojë në vend pak nga pak, me durim e këmbngulje.

Po citoj përsëri Xhevair Spahiun poetin e dashuruar marrëzisht pas ullinjëve në poezinë e shkurtër por të dhimbëshme “Mallakastra” në librin “Ferrparajsa” në faqen 84.

Valëzim i valëzuar

i një shkretimi të shkretuar-

këto brigje.

Pikëllimin kullosin kopetë e ullinjve.

Burimi i parë i naftës në këtë zonë u çel më 19 korrik 1926 nga shoqëria “Anglo-Persiane” në Patos, e cila kishte marrë me konçension për të kërkuar naftë 220 000 ha dhe për të shfrytëzuar 60 000 ha . Një shoqëri tjetër amerikane që kishte futur kthetrat në naftën shqiptare ishte dhe “Standart Oil”, e cila kishte marrë me konçension 51 000 ha . Më pas kjo zonë u shfrytëzua nga italianët të cilët blenë konçensionet e shoqërisë “Anglo-Persiane”. Shoqëritë italiane ishin “Agip”dhe “Aipa”. Duke folur në librin e tij “Politika e Italisë në Shqipëri” mëkëmbësi i mbretit në Shqipëri Jakomoni kur flet për përparimin teknik në trugun e lashtë të traditave perndimore ndërmjet të tjerave shkruan:

“…Berati, në këmbët e malit të Tomorrit, vendbanimi legjendar i perëndive, në truallin e të cilit gjenden shtresëmbajtëset e naftës së Devollit e të Patosit …”

Për nxjerrjen e naftës janë mbajtur statistika të rregullta nga viti 1929 e këtej. Në vitin që thamë është nxjerr vetëm 100 ton. Viti rekord i nxjerrjes së naftës mbahet viti 1974 me shifrën 2 248 227 ton. Rezervat e llogaritura në zonën Patos-Marinëz dhe asaj të Visokës të mara së bashku janë 280 270 219 tonë, duke nxjerrë prej tyre 24 662 296 tonë. Edhe rëra bituminoze që gjendet në zonën e Patos-Kasnicës në një territor prej disa hektarësh është një pasuri që mendohet deri 15 000 000 m3 . Në ditët e sotme kapaciteti nxjerrës ka arritur deri në 50 000 tonë në vit. Venburimi i gazit metan në Frakull i zbuluar në vitin 72 është shfrytëzuar deri në vitin 88-të dhe mendohet se sasia e përgjithëshme e vendburimit arrin në 107 233 893 N. m3. Nga vendndodhja e dikurshme e zjarrit të famshëm të Nimfeut është nxjerrë sasia 101 841 158 N.m3. Në përfytyrimin popullor nafta mendohet se është një lumë ku një degëz e tij kalon edhe ndër ne dhe po të ecësh me magjinatën popullore pak a shumë bindesh sikur je para një të vërtete. Naftë ka në rrethinat e Kuçovës, ndjekim rrugën duke zbritur në Myzeqe të Beratit në zonën e Kozare – Arrëzës, kalojmë në Myzeqe të Lushnjës në Divjakë ku ka gaz hidhemi në të Fierit drejt Povelçës, bëjmë një kthesë gjarpërushe si lumi i Semanit, por në të kundërt drejt Frakullës, sulemi disa gradë kthesë për në Kallm -Verri, në bregun tjetër pastaj duke filluar nga Jakodina, Belina, Marinza, Sheqishta, Zharrëza, marrim përpjetë Kuqarit, Patosit, Dukasit, Banajt, Rusinjës, Margëlliçit, Rrerësit, Gjorgozit, Visokës, Patosit-Fshat, Belishovës, Ballshit, Drenovës, Kashit, Hekalit, Mollajt, Poçemit, hidhemi pastaj matanë Vjosës drejt Labërisë, në Karbunarë, Gorisht, Amonicë, duke ju shtuar lumit dhe “rrëkeza” e Drashovicës që na kujton se pusi i parë i çpuar për naftë në Shqipëri është pikërisht aty, në vitin 1916 nga italianët. Në Amonicë përpara na del masivi shkëmbor i maleve duke e përfunduar përfytyrimin popullor në Finiq të Sarandës. Ndërsa për specialistët është krejt ndryshe dhe shkencërisht kanë përcaktuar thellësitë e shtresave të ndryeshme, llojin e naftës që nxirret në çdo vendburim, katet e tyre etj. Për naftë është shpuar gjithandej Mallakastrës edhe në Aranitas, Panahor, Kalenjë, Metoh e gjetkë, por pa dhënë ndonjë rezultat. Për kuriozitet po shtojmë se për dekada me radhë në linjat tona detare dhe ndërkombëtare ishte një anije çisternë me emrin “Patosi”. Uzina e përpunimit të thellë të Naftës në Ballsh, e cila bënë pjesë sot në shoqërinë aksionere ARMO, është një uzinë ndër të paktat e më cilësoret që i rezistoi ekonomisë së tregut dhe furisë vetvrasëse të nëntëdhjetë e shtatës. Si përfundim, Nafta dhe Ulliri janë dhe mbeten dy nga pasuritë më të çmuara të krahinës e të vendit. Dhe për të dyja këto pasuri Mallakastra mbanë kreun paçka se në ndonjë shkrim ose studim shkencor e ndonjë “shkencëtar” flokëthinjur e sup rënë nga pesha e gradave të marra kohët e fundit e quan me të pa drejt krahinë e prapambetur.

Figura të shquara në vite në naftë mund të përmëndim:

Lipe Nashi*, Kapllan Hajdari, Sotir Skorovoti, Hysni Ajasllari, Uani Çapo, Avni Liçaj, Zarif Saliaj, Barjam Shehu, Qemal Rrapushi, Kiço Kasapi, Sokrat Pitushi,Myrteza Kepi, Muhamet Shehu**, Sheme Mara, Napolon Mërtiri, Sabri Hoxha, Nexhip Xhuveli, Haki Fejzo, Adil Zotaj, Pjetër Leka, Feruze Nepravishta, Beqir Alia, Ramiz Xhabia, Miti Dhamo, Petro Olldashi, Ilia Karaduni, Piro Bozdo, Bahri Shanaj, Protoko Murati, Nebi Sulkaj, Enriko Veizi***, Abib Pasha, Koço Plaku****, Milto Gjikopulli*****, Kamber Brezhani, Sulo Kamberi, Nikodhim Shtrepi, Skender Elbasani, Belul Kamberi, Fatmir Shehu etj. Ndërsa nga të huajt që i dhanë aq shumë nxjerrjes së naftës në vendin tonë e veçaënrisht në Mallakastër është inxhinieri polak Zuberi****** i cili është i pari që bëri hartën gjeologjike të Shqipërisë dhe njihet si zbulues i vendburimit të Patosit. U eksekutua nga rregjimi komunist si sabotator në zonën e naftës Kuçovë. Kanë dhënë kontributin e tyre plot specialistë nga Italia, Anglia, Jugosllavia, Hungaria, Çekia, Bashkimi Sovjetik, Rumania, Kina etj. Në kohë të komunizmit në Patos dilte një revistë shkencore e titulluar “Nafta dhe Gazi”(1972-1991) e cila ishte e një cilësie të lart.

* Lipe Nashi ish drejtor i përgjithshëm i naftës. Me rastin e festave të çlirimit nëntor 1974 merr titullin Hero i Punës Socialiste. Pak muaj më pas në mars të vitit 75 arrestohet dhe dënohet si armik i popullit, si sabotator në naftë. Pas daljes nga burgu në një intervistë dhënë gazetës “Nimfeu” 1 tetor 1991, Lipe Nashi do të shprehej:

“Nga regjimi 46-vjeçar, ndër të tjera u cilësova si shumë shokë të mi, si armik dhe sabotator në naftë. Këtë akuzë ma bëri Enver Hoxha, të cilit të mos ja hamë hakun, ishte i zgjuar …për poshtërsi, por jo si shkencëtar, siç mundohej të të paraqitej nëpërmjet një matriali të gjerë që la të shkruar dhe që unë s’di se sa ju shërbeu pasardhësve. E vërteta është se veçanërisht në fushën e naftës padituria e tij ishte totale për të mbuluar këtë padituri e mëndjemadhësi që pasqyrohej rrënqethshëm në ekonomi, ai fabrikoi armiq e sabotatorë sipas cikleve të përcaktuar vetëm nga një mëndje e çmendur.”

Mbas vdekjes së Lipe Nashit një nga sheshet kryesore të Patosit mban emrin e tij.

**Myrteza Kepi nga Preza e Tiranës dhe Muhamet Shehu nga Bicaj i Kukësit ranë në krye të detyrës në Linas të Elbasanit pas një shpërthimi të një nënstacioni pompimi që dërgonte naftën në rafinerinë e Cërrikut. Emrin e Myrtezait e mbanë një shkollë e mesme në Kuçovë, ndërsa të Muhametit një shkollë në Patos. Për kujtim të dy heronjëve rruga për nga qendra e Patosit, deri në Stadiumin e futbollit mbanë emrin “Heronjtë e Linasit”

***Enriko Veizi specialist i mirfilltë në insitutin e kërkimeve të naftës, një nga karikaturistët më të mëdhenj që ka nxjerrë Shqipëria.U dënua me grupin e përfolur sabotator në naftë duke parë lirinë me ardhjen e demokaracisë. Pa ju gëzuar mirë lirisë ndërroi jetë më 1992. Nga njerëz të ndryshëm të artit e të kulturës është propozuar që t’i ngrihet një monument në Patos, Fier apo dhe Himarë që ishte vendlindja e tij.

****Koço Plaku një nga specialistët gjeologë më të mirë që kishte nafta, vëllai i të njohurit Panajot Plaku, u dënua me vdekje, kur s’kishte as tre muaj që ishte martuar. Kishte zbuluar vendburimin e Gorishtit dhe atë të Cakranit. Para se të arrestohej kam punuar me të në Pusin Verria 33 në zonën e çpimit Kallm –Verri.

*****Milto Gjikopulli një nga specialistët më të mirë që kish gjeologjia shqiptare dhe ajo e naftës në veçanti. U dënua me vdekje si sabotator në sektorin e naftës.

******Zuberi, inxhinier polak, një nga gjeologët më të mëdhenj të botës. Kishte zbuluar venburimin e Bakusë në Bashkimin Sovjetik në kohë të Leninit. Më vonë u angazhua me Shoqërinë Anglo – Persiane në Gjirin Persik e më pas erdhi në Shqipëri. Kudo ku shkeli hartoi dhe përpiloi me saktësi hartat gjeologjike. Dha një kontribut të madh në zonën e Kuçovës dhe është zbuluesi i zonës naftëmbajtëse të Patosit. Në një nga bormbadimet e aviacionit Anglo – Amerikanë i vritet gruaja në Kuçovë. Në Shqipëri si para lufte e më pas punoi me përkushtim. Hartat gjeologjike të Zuberit referohen edhe sot në shumë vende të botës.

¹Kjo pjesë është shkëputur nga libri “Aranitasi dhe Mallakastra midis legjendës dhe të vërtetës” të Bujar Muçës. Botuar se pari ne gazeten ”Albania Press” Athine.

Të flasësh për demokraci në një vend që përherë e më shumë vetë media është nën ndikimin e politikës është mjaft e vështirë.
Jo më larg se dje burrë e grua gazetarë janë pushuar nga puna për shkak të një statusi në ‘Facebook’ mbi situatën politike në të cilën po kalon vendi.

Është fjala për gazetarin shkodran Simon Shkreli dhe bashkëshorten e tij të cilët punonin një median lokale në Shkodër. Lajmin ua kanë bërë të ditur papritmas në kohën që Shkreli ishte në studion e lajmeve duke bërë punën e tij si çdo ditë tjetër.

“Shqipëria ka kenë e shkume për lesh, tash ka shku në p*** t’sams”, është ky postimi që i ka kushtuar mjaft shtrenjtë të dyve.

Pas kësaj të shumta kanë qenë mesazhet sensibilizuese në ndihmë të gazetarit. Vetë ai ka reaguar me një status në rrjetet sociale.

“Si njeri i lire jam munduar gjithmone te shpreh mendimin tim. Por ja qe edhe liria e ka nje çmim. Kam zgjedh e do zgjedhi te ruaj lirin time. Pavaresisht pasojave! Respekt per koleget dhe miqt!!!”, shkruan Shkreli.

Në statuset e tij në profilin e vetë në ‘Facebook’ Shkreli jo pak herë ka shprehur qëndrimet kundër mënyrës sesi po qeveriset vendi:

1-Une ose jam i marre ose ne jemi popull pa memorie. I sillet dhurate nga Kisha Katolike Ditmir Bushatit, te birit te ish sekretarit te pare, pjese e asaj nomenglature qe ka persekutu e shkatrru Kishen e Madhe, Kishen e Zojes, Kishen Franceskna,e Kishen e Shenkollit e shume kisha tjera. Une o jam i marre ose ata njerez qe drejtojne Kishen su plase fare per gjakune e Martireve. Dhurate qe i dorezohet nga Kardinal France Rode. Une jam per falje, por me pare duhesh me kerku falje per me kene i falun. Falje s’ka kerkua asnjehere, asnje nga ata qe persekutuan kleriket, e as nga femijet e tyre!!!

2-Pasi e ka shkaterruar e ka denuar, e ka perbaltur per 50 vite. Sot na mbane edhe leksione se si ne duhet te ndjekim edhe ti Lutemin Zojes se Shkodres….

3-Deputet do kemi more ta marrsha tane jane me targa Tirane. Por ma e keqja asht se edhe ata qe po na vijn tu u thirre ne taraf mundohen me fol shkodrançe. Po te pakten neper dasma me pas ardh o burre ne Shkoder kishe mesu dicka…

Në një intervistë të dhënë për ‘’Tirana Today’’, gazetari Shkreli ka deklaruar se vendimi është tërësish politik dhe se ata nuk mund të ankohën pasi nuk kanë pasur as edhe një kontratë pune me televizionin.

Kujtojmë se në rrjetet sociale çdokush është i lirë të shprehë qëndrimet e tij personale dhe kjo nuk ka pse të reflektohet tek puna e tyre. (E.K/SHUPLAKA)
Simon dhe Eliona Shkreli

Jakup B. GJOÇA
Kandidatët për deputetë të PS për parlamentin e ri 2017-2021 janë (gati 90 %) anonimë për Shoqërinë Cilive. Pa asnjë kontribut shoqëror. Pa asnjë aktivitet partiak. Pa asnjë personalitet intelektual. Madje, edhe po të pyesësh në lagjen ku jetojnë, me emra nuk i njohin as konshiu përballë.
Kryetari i PS, Edi Rama, duke përfituar nga sistemi zgjedhor, ku elektorati nuk voton drejtpërdrejt në zgjedhjet parlamentare kandidatin që dëshiron për deputet, por një Listë Partiake të kandidatëve për deputetë, ka përzgjedhur në renditjet përfituese të Listave për Deputetë, ata kandidatë që janë tërësisht jo personalitete, por thjesht vetëm numra kartonësh, që kanë vetëm duar që të ngrenë dhe ulin kartonin e Votës, sipas urdhërit partiak, pa gjykuar asnjëherë, nëse projektligji që duhet votuar, pa duhet rrëzuar është në Dobi të Shoqërisë, apo është një shërbesë ligjore në interes të dikujt dhë në dëm të Shoqërisë!
Kryetarit të PS, Edi Ramës nuk i duhen më deputetë si Ben Blushi, si Mimoza Hafizi që ta kundërshtojnë, edhe kur kryetari i PS shkel Statutin e PS dhe vetëzgjidhet kryetar partie me farsën e Referendumit, ngaqë trembet të votohet nga anëtarët e PS.
Kryetari I PS, Edi Rama në 2017 vepron njësoj sikurse Enver Hoxha, që bënte deputetë kooperativistët e thjeshtë, sepse ata kishin “entuziazmin” dhe “dëshirën” që të votonin symbyllur çdo ligj, edhe sikur ky ligj të shkruante që “ 3+ 4 = 8”, sepse kështu thotë Kryetari I Partisë Socialiste, dhe Edi Ramën nuk mund ta kundërshton dot kurrë, nëse do të vegjetosh!”
Në Listat për Kandidatë për Deputetë të PS për parlamentin e ri 2017-2021 nuk kemi asnjë intelektual, që është shquar qoftë jashtë Shqipërisë, qoftë edhe në Shqipëri.
Në Listat për Kandidatë për Deputetë të PS për parlamentin e ri 2017-2021 nuk kemi asnjë aktivist të Shoqërisë Civile, që të ketë kontribuar për interesat e Komunitetit dhe të ketë kundërshtuar të gjitha ato shkelje flagrante të Ligjit dhe Të Të Drejtave të Qytetarëve nga Qeveriu!
Në Listat për Kandidatë për Deputetë të PS për parlamentin e ri 2017-2021 nuk kemi asnjë të ri dhe të re, që është shquar në jetën e tyre, jashtë “stanit” të FRESSH-it partiak të Jozelës.
Në Listat për Kandidatë për Deputetë të PS për parlamentin e ri 2017-2021 nuk kemi asnjë shqitar që është shquar në emogracion, për veprimtarinë e tij intelektuale, që Partia Socialiste të bënte Ftesë të gjithë shqiptarëve emigrantë, që të vijnë dhe të kontribojnë në Shqipëri dhe për Shqipërinë, me përvojën që kanë fituar në Vendet Demokratike të përparuara!
Në Listat për Kandidatë për Deputetë të PS për parlamentin e ri 2017-2021 nuk kemi asnjë personalitet të Botës Akademike, që nuk është katandisur në puthëdorë të (asnjë) kryetari partie!!!
Përkundrazi….
Në Listat për Kandidatë për Deputetë të PS për parlamentin e ri 2017-2021 kryetari i PS riciklon për deputetë, të gjithë zyrtarët e lartë të Qeverisë, që dështuan plotësisht në Qeverinë e Rilindjes Socialiste.
Është Trup për Korçës e Mësinjëtores, që Elisa Spiropali, e cila dështoi si drejtore e Përgjithshme e Doganave (ku u akuzua, sepse korrupsioni u bë fenomen mbizotërues dhe të ardhurat dështuan tërësisht, dhe u shkarkua nga Kryeministri), t’i përfaqësojë si deputete, kur ndërkohë, këtë Spiropali nuk e njeh asnjë qytetar i Korçës, sepse nuk ka jetuar kurrë aty!
A mund të votojnë dibranët patriotë dhe të mençur Ilir Beqaj për deputetë, i cili si ministër dhe me dhjetëra tendera dhe koncensione të Shëndetësisë Publike, i akuzuar për mungesë transparence dhe që deri tani vetëm ka heshtur përballë akuzave?
Është injorim intelektual për Elbasanin e Normales, që Taulant Balla të përfaqësojë Listën e Kandidatëve për Deputetë të PS, ndërkohë që Taulanti ende nuk ka asnjë diplomë të ndonjë universiteti të rregullt, por që diplomën e ka marrë më korrespodent në Rumani, dhe që në jetën e tij nuk ka asnjë aktivitet akademik, përveçse se ka kryer detyrën e zëdhënësit të çdo kryetari të PS!!!
Përsëri në Listën e kandidatëve të PS për Deputetë janë ata bizmenmenë miliarderë, klientët e kryetarit të PS Edi Rama, që në mandatet e tyre të mëparshme si deputetë kurrë nuk kanë diskutuar në komisionet parlamentare, dhe në asnjë séancë plenare të Parlamentit, ngaqë nuk kanë asnjë dije juridike dhe profesionale, por që dinë vetëm të ulin dhe ngrenë me zellshmëri kartonin e Votës, siç i urdhëron kryetari i Partisë!!!
90 % e kandidatëve për deputetë të Listës së Partisë Socialiste janë anonimë për qytetarët shqiptarë, janë pa asnjë kontribut intelektual, nuk kanë asnjë personalitet shoqëror, janë “fruta” pa shije të prodhurata në “serrat” e Unit të Kryetarit të PS, janë pa ngjyrë si uji, janë “gjethe rozë” sepse u mungon “klorofili” i Jetës.
Nëse në Shqipëri, do të kishim Sistemin Elektoral, ku votuesi do të përzgjidhte në Listën për Kandidatë për Deputetë dhe do të votonte drejtpërdrejt atë kandidat që dëshiron dhe jo Listën rendore të Partisë, atëhere, 90 % e kandidatëve të Listës së Partisë Socialiste nuk do të merrnin votbesimin as të familjarëve të tyre!!!
Shqiptarët e pësuan 50 vjet me parlamentin “Lolo” të Sistemit Kominist, ku askush nga deputetët nuk guxonte të kritikonte ligjet e përgatitura nga PPSH.
Edi Rama po e mbush parlamentin sërish në 2017 me rilindasit socialistë Made In Lenka Çuko, Pali Miska, Simon Stefani, Pilo Peristeri, Prokop Murra…
Kandidatët për deputetë të Listës së Partisë Socialiste, kur të votohen nga shqiptarët, thjesht 4 vjet me mandatin e tyre si deputetë, DO TË VEGJETOJNË në karriket e deputetëve, për t’u bërë hije ligjeve të Kryeministrit Rama që do votojnë për interesat vetiake të kryeministrit Edi Rama.

Doda ikën nga takimi me ambasadorët: Borshard na kërkoi të zhdukim PD. Jo kinezëri në Shqipëri
Doda ikën nga takimi me ambasadorët: Borshard na kërkoi të zhdukim PD. Jo kinezëri në Shqipëri

12:02, 28/04/2017
Takim i tensionuar ka qenë ai i ambasadorëve të BE-së, OSBE-së dhe SHBA-së me përfaqësuesit e partive te vogla.

Këtë kanë shprehur si Nard Ndoka ashtu edhe deputetja e PDIU-së, Mesila Doda e cila tregoi se ambasadori i OSBE-së Bern Borshard është shprehur që të hyhet në zgjedhje pa PD-në.

Siç tregoi deputetja Mesila Doda, ambasadori i OSBE-së është shprehur se “mungesa e PD-së në zgjedhje do të jetë vetëm një fjali në raportin që do të përgatitet”.

Mësohet se Doda i ka thënë ambasadorit Borshard në sy të ambasadorit Lu, i cili është me origjinë aziatike se: “Kinezëri të tilla nuk do lejojmë të ndodhin në Shqipëri. Zgjedhje pa opozitën nuk mund të ketë”.

Doda doli 10 minuta më herë nga takimi me ambasadorët dhe u shpreh se biseda ka qenë e tensionuar dhe jo e qetë.

Ish-Kryeministri Berisha paralajmëroi dje fundin e pashmangshëm të Ramës dhe largimin e tij nga pushteti, bashkë me narkotrafikun e krimin e organizuar, me të cilët sot ai qeveris vendin. Berisha foli dje në ditën e 69 të protestës në sheshin e lirisë, ndërsa i bëri thirrje Ramës të largohet e t’i hapë rrugë krijimit të qeverisë teknike, çka do të garantojë mbajtjen e zgjedhjeve të lira dhe të ndershme. Ai tha se opozita nuk do të tërhiqet nga kauza e saj për zgjedhje të lira dhe të ndershme, ndërsa shprehet e vendosur për të bërë çdo sakrificë për mbrojtjen e votës së lirë. “Këtu karshi nesh është një drogmen, një përdorues droge pervers, karshi nesh është një njeri i papërgjegjshëm që e shndërroi Shqipërinë në narkorepublikë dhe ju them të lexoni se çfarë janë narkorepublikat. Narkorepublika ka ekzistuar vetëm një në botë. Nuk është Kolumbia, nuk është Meksika, por ishte Panajama e Noriegës, njeriu të cilin e ndihmuan për të bërë demokraci dhe shtet ligjor, por që e shndërroi Panamanë në epiqendër të të gjitha trafiqeve të Amerikës Latine, që e bëri bankën e tij, njëlloj si Edi Rama sot, kanal të zi të larjes së parave të drogës. Edi Rama, njëlloj si Noriega pasi bëri fushatë të gjerë për legalizimin e drogës, pasi u dha dritë jeshile dhe urdhëroi policinë për të ndërtuar infrastrukturën e mbjelljes së saj, tani kërkon votat nëpërmjet drogës. Ne jemi këtu për t’i thënë atij, por dhe mbarë botës, se jemi të vendosur për të bërë çdo sakrificë për votën tonë të lirë, për të çmontuar republikën e Noriegës, për të çmontuar narkorepublikën dhe për të ndërtuar këtu shtetin ligjor, republikën e ligjit, atë të lirive dhe të drejtave të qytetarëve. Vjen tek ju me fjalë boshe, kakaris si gjel në pleh! Pyesni prindërit tuaj, pavarësisht nga përkatësia partiake, cilin nga 41 premtimet kryesore ka mbajtur Edi Rama në këto katër vite? Sot gazeta më e madhe e botës gjermane ‘Frankfurter Allemigne Zaitung’ i jep një përgjigje për të gjithë ju. Që të gjitha premtimet e tij u faktuan pas katër vitesh vetëm fjalë boshe, shprehet ajo. Ju të rinj që ishit me detyrim dje në Korçë: Pyesni prindërit tuaj, cilit prej tyre i shkoi rruga tek ngastra gjatë këtyre katër viteve, cilit prej tyre i shkoi uji tek parcela këto 4 vite, cili prej tyre shiti prodhimet më mirë gjatë këtyre katër viteve? Cili prej tyre mori naftën pa akcizë gjatë këtyre katër viteve, cili prej tyre mori naftën pa taksën e qarkullimit gjatë këtyre 4 viteve? Cili prej tyre mund t’ju thotë se ai premtoi para katër viteve se do të barazonte pensionet e fshatit me të qytetit? Cili mund t’u thotë se vërtet ky ka 5-fishuar investimet për fshatin shqiptar? Atëherë të gjithë ju, bashkë me prindërit tuaj duhet të ngriheni fuqishëm kundër një mashtruesi që kërkon t’ju grabisë dhe plaçkisë ju votën dhe të ardhmen për karrigen e tij. E njëjta gjë është në qytet. Premtoi heqjen e taksave për biznesin e vogël! Vetëm qiranë e ka bërë më të lartë se sa ç’paguanin të të gjitha taksat biznesmenët e vegjël. Premtoi se do të ulte korrentin, të hiqte TVSH-në e ushqimeve. Sot ato janë qartësisht 15% më shtrenjtë se ç’ishin 4 vite më parë. Ndaj thonë gazetat e botës se ky kreu juaj që të gjitha i ka fjalë boshe”, tha Berisha. Berisha u ndal tek turi i Ramës së fundmi në qytete të ndryshme të vendit, ndërsa vuri në dukje mashtrimet me të cilat ai u drejtohet qytetarëve. “Edi Rama po shëtit këto ditë nëpër Shqipëri si fantazma e Nastradinit, me një moto për të zëvendësuar mashtrimet e vjetra me gënjeshtra të reja. Në çdo takim u thotë qytetarëve: ‘Kemi bërë shumë, por më shumë do të bëjmë’, pra kemi mashtruar shumë, por më shumë do të mashtrojmë. Këto kohë, meqë kjo është pranvera më e thellë e vetmisë së tij, me detyrim merr nxënësit e shkollave nga Delvina dhe i sjell në Vlorë, nga Elbasani dhe Përrenjasi i çon në Korçë. Unë me ndjenjat më miqësore iu drejtohem këtyre të rinjve: Mos u mashtroni nga ky njeri, i cili pas diktatorëve të diktaturës komuniste është armiku më i egër personal i çdo të riu shqiptar. Shtroni sot pyetjen vetes: Çfarë ka ndodhur me shkollimin tuaj në këto 4 vite? Do të gjeni se familjet tuaja ishin të detyruara në vitin 2016 të paguanin tre herë më shumë tarifën e shkollimit se në vitin 2013”, tha Berisha. Duke iu referuar pikërisht ligjit klientelist të arsimit, Berisha tha: “Do të gjeni se në vitin 2017, me ligjin e mbylljes së dyerve të universiteteve për të varfrit, çdonjëri prej jush do të paguajë 4 herë më shumë se ç’paguante 4 vite më parë si tarifë universitare. Pra, çdo familje, do të paguajë për një fëmijë sa ç’paguante katër vite më parë për tre ose katër fëmijë për të shkolluar. Shkollimi është vetëm njëra anë. Hidhni sytë tek bashkëmoshatarët tuaj. Cili prej tyre është punësuar? Sa prej tyre janë punësuar? Papunësia në vitin 2013 për të rinj ka qenë 21%. Papunësia për të rinjtë sot është rreth 50%. Lini shifrat, hidhni sytë tek bashkëmoshatarët tuaj, tek njerëzit që ju njihni: Janë të punësuar apo janë të detyruar të largohen nga vendi i tyre për kafshatën e gojës, për punë sepse punë nuk gjejnë në Shqipëri?! Së treti, ju jeni të rinj, ne po luftojmë në këtë çadër, po luftojmë në mbarë Shqipërinë më shumë se për çdo gjë tjetër për ju dhe të ardhmen tuaj! Kur vendi juaj nuk ju siguron një shkollim, me Noriegën në krye, ju bën gjëmën me drogën. Ju jeni të rinj, vajza dhe djem, mund të ketë prej jush që dhe thith ndonjë cigare hashash dhe ajo ka shijen e vet. Ka prej jush që shkojnë edhe më tutje. Por edhe një gjë jua them me dashurinë, respektin dhe dhembjen më të madhe: asgjë nuk ju shkatërron ju të ardhmen, asgjë nuk shkatërron më shumë karakterin dhe njeriun, forcën dhe vitalitetin e tij sesa droga dhe kjo betejë që ne bëjmë është se ne besojmë tek ju, besojmë tek e ardhmja e Shqipërisë në duart tuaja”, tha Berisha.

Si u evakua Rama nga Blloku në Zall Herr kur rrëzohej busti

Berisha ka shprehur bindjen se do të jetë forca e revoltës popullore, e cila do të largojë përfundimisht Ramën nga pushteti dhe do t’i rezervojë atij fundin e merituar. “Ky është narkoshteti, ky shteti i banditëve, i bandave, i organizatave kriminale, ky shtet duhet të çmontohet! Çdo ditë na takon të mendojmë për format më të fuqishme të mosbindjes civile dhe i themi Edi Ramës: Mos guxo, mos guxo të bësh hapa drejt zgjedhjeve se do të kesh fundin fatal që meriton me duart e tua! Të jesh i bindur që ata që ke rreth teje dhe nuk të lejojnë ty të japësh dorëheqjen, nuk kanë asnjë hall tjetër veç milionat që kanë vjedhur së bashku me ty, nuk kanë asnjë dhembshuri apo dashuri për ty përveç mundësisë për të vjedhur dhe më shumë. Ata do t’ia mbathin, midis tyre dhe të veshur me rroba grash siç bëri Gramoz Ruçi më 1996-ën. Po tani nuk është më ’96, por është revolucioni demokrat që do t’ju kërrejë me radhë aty ku e meritoni. Edi Rama, mos imagjino se mund të shkosh në zgjedhje duke ua përvetësuar votën shqiptarëve. Jetën janë të vendosur ta japin, por votën jo! Mjerë ti po vazhdove në këtë rrugë! Të hënën që kaloi, revolucioni demokratik, që ka shtatmadhorinë në këtë çadër, ka shtabin e vet në këtë çadër, ka trurin e vet në këtë çadër, ka zemrën e vet në këtë çadër njohu një zhvillim të ri të madh: Filloi mosbindjen civile, e cila do të flakë Edi Ramën në koshin e plehrave të historisë njëlloj si etërit e tij! Dua t’ju kujtoj një moment: Më 20 shkurt 1991, është evakuuar me autoblind të ushtrisë Ramiz Alia bashkë me familjen e tij dhe njerëzit e tjerë dhe është dërguar në Zall Herr. Tani Edi Rama nuk ka Zall Herr më për ty. As në Surrel nuk mund të rrish. Të garantoj se kjo çadër shumë shpejt do të të kërrejë ty nga ajo zyrë, do të të japë vendin që meriton. Mos mendo që do të çojë Mimi autoblindat, se nuk do të jetë as ajo aty ku është”, u shpreh ish-kryeministri.

Mashtrimi me legalizimet, lejet janë falso

Berisha denoncoi dje mashtrimin që Rama po bën ndaj qytetarëve me shpërndarjen e lejeve të legalizimit, ndërsa tha se lejet që shpërndan qeveria nuk janë gjë tjetër veçse letra falso pa asnjë vlerë. “Shëtit si fantazma e Nastradinit nga një zonë në tjetrin duke shpërndarë lejet e legalizimit. Po ç’janë ato? Letra më e pavlerë që ekziston! Qytetarë, leja e legalizimit është një letër falso, me të cilën ai do t’ju hedhë hi syve për mashtrimin që u bëri se do të bëjë legalizimet falas, se edhe Enver Hoxha po të ngrihet s’do t’u prishë dot shtëpinë e tyre, se ju s’do të paguani një qindarkë për legalizimet. Pyesni pak: Sa janë tarifat sot krahasuar me 3 vjet më parë? Janë 60% më të larta dhe ka tendencë t’i rrisë më shumë! Sa janë tapitë e firmosura? As 1000 nuk janë. Të gjitha ato që jep janë leje mashtrimi.
Kini besim se PD, se qeveria e ardhshme e kryeministrit Lulzim Basha do të konsiderojë tapinë 1 euro për të gjithë ju, për të mbyllur njëherë e përgjithmonë në koshin e plehrave të historisë Nastradinin që ka dy muaj që jeton me maskë në zyrën e tij”, tha Berisha.

Rama, autori i bllokimit të Reformës në Drejtësi

Shkelja e marrëveshjes së 21 korrikut në lidhje me Reformën në Drejtësi nga ana e Edi Ramës bëri që sot një vit pas arritjes së marrëveshjes, reforma të jetë e bllokuar dhe përgjegjës për këtë bllokim është vetë kryeministri.
“Çadra e lirisë, protesta e opozitës, është bërë një çështje europiane, çështje botërore vetëm e vetëm se çështje europiane, çështje perëndimore e botërore është liria e votës, është vota e lirë. Ju keni dëgjuar dhe do të dëgjoni prapë, miq, vizitorë, që thonë PD të votojë reformën. Unë ja u them me respektin më të madh që kam ndaj tyre, me ndershmerinë më të madhe se s’bëjnë gjë tjetër vetëm përsërisin një mashtrim të Edi Ramës. Sepse PD, siç po qëndron për votën, po qëndron edhe për ato parime mbi të cilat ndërtohet drejtësia e çdo vendi të lirë. Ndaj ju qytetarë në këtë çadër dhe kudo që jeni, duhet të uleni dhe t’i shpjegoni çdo shqiptari të vërtetën siç është. Më 21 korrik, Lulzim Basha, Ilir Meta, Edi Rama bashkë me diplomatë të huaj ranë dakord për të votuar Kushtetutën, për të votuar bashkërisht reformën zgjedhore, 7 ligjet e drejtësisë. Nga mbarë bota, jo Edi Rama, por Lulzim Basha mori përgëzimet më të zjarrta dhe urimet më të përzemërta. Të nesërmen, Edi Drama, Edi Ligësia shkeli marrëveshjen! Nga 7 ligje, votoi 6 prej tyre pa konsensus. Do të votonte edhe Prokurorinë speciale, por e ndaloi ambasada amerikane, e cila i nxori kartonin e kuq dhe i tha se ligjet marrëveshja i parashikon të votohen, me konsensus, ndryshe po e votove pa konsensus qeveria amerikane s’të mbështet. E bëri për sytë e bukur të opozitës apo për dashurinë ndaj opozitës? Jo! E bëri se opozita po mbronte ato parime që janë jetike për një prokurori që të funksionojë në përputhje me ligjin dhe jo diktatin e qeverisë. Ndaj ne e votuam atë dhe ai ligj është i votuar. Të dashur qytetarë, duhet ta dini se shkatërrimtari dhe pengesë kryesore e Reformës në Drejtësi është Edi Rama sepse është i lidhur nga gishti i këmbës deri në truallin e kokës me krimin, drogën, vjedhjen.
Është Edi Rama që jeton në një rezidencë të gjatë sa një pallat, për të cilën s’ka shpenzuar asnjë qindarkë, është Rama që ka ndërtuar pallat 5-katësh kur ishte kryebashkiak pa asnjë faturë, është Edi Rama sepse sa erdhi në pushtet, bashkë me vëllain filloi trafikun e kokainës, është Edi Rama sepse për paratë e drogës hapi drogën në të gjithë Shqipërinë dhe krijoi këtu narkorepublikën. Është Edi Rama, sepse vetëm me klanin Nushi kanë përvetësuar para të të sëmurëve shqiptarë, para të taksapaguesve shqiptarë në tendera dhe koncesione mbi 400 mln dollarë. Është Edi Rama që ndau qindra miliona euro me CEZ në kurriz të taksapaguesve. Ky s’po bën shtet, por vetëm narkorepublikën. Para pak minutash po lexoja sesi firma e një trafikanti, firma e një të akuzuari për vrasje, firma e kryetarit socialist të Bashkisë së Poliçanit ka detyrime ndaj KESH-it të papaguara, 180 mijë USD! Mendoni për një moment, një statistikë tjetër: Më 2015 thotë policia, arrestuam 22 mijë shqiptarë se nuk kishin paguar faturat e energjisë elektrike. E arrestuan tjetrin dhe vdiq në burg për 35 USD! E lanë të vdiste nga i ftohti një nënë 90-vjeçare në fshatrat më të thella të Mirditës kurse baroni i drogës dhe i vrasjeve, miku i ngushtë i Edi Ramës nuk paguan 180 mijë USD”, tha Berisha.

A.Shahini

Jakup B. GJOÇA

E pabesueshme dhe e paimagjinueshme, deklarata e Ambasadorit Amerikan Lu në “Zërin e Amerikës”: “Zgjedhjet parlamentare në Shqipëri mund të konsiderohen të ligjshme, edhe pa Opozitën”!

Këtë deklaratë sa herë e kishte bërë vetëm Kryetari i Partisë Socialiste dhe kryeministri Edi Rama, por që ditët e fundit, jo vetëm që nuk guxon më që ta përsëritë, por është detyruar, me penderënë, që të pranojë. Madje, edhe ndryshimin e Kodit Zgjedhor, edhe shtyrjen e datës së zgjedhjeve parlamentare, vetëm e vetëm që Opozita të marrë pjesë në zgjedhje….por pa Qeveri Teknike!

Nuk e di, nëse ndonjë Ambasador i SHBA në 1946 do të guxonte që të bënte të këtillë deklaratë publike, që “ Zgjedhjet parlamentare në Shqipëri mund të konsiderohen të ligjshme, edhe pa Opozitën”, kur Enver Hoxha burgosi dhe pushkatoi deputetët e Opozitës dhe paskëtaj, bëri zgjedhje parlamentare vetëm me PKSH!!!

Edhe në 1991, kur Presidenti Ramiz Alia lejoi subjekte të tjera politike, përveç PPSH, të merrnin pjesë në zgjedhjet e para pluraliste, sikurse Organizatat e Rinisë, të Grave, Bashkimet Profesionale, ato u cilësuan “PARODI” “FARSË POLITIKE”, sepse Presidenti Aliaj përjashtoi qëllimisht Partinë Demokratike, e para parti politike në Shqipërinë e pasvitit ’90-të!!!

Asokohe, SHBA këmbëngulën që në Shqipëri të zgjillohen Zgjedhje të lira Demokratike, me pjesëmarrjen  DOMOSDOSHMËRISHT edhe të Opozitës!

Dhe, i detyruar nga protesta e gjerë popullore, Presidenti Ramiz Aliaj, pas disa muajsh pranoi ripërsëritjen e zgjedhjeve të reja pluraliste parlamentare, me pjesëmarrjen edhe të Partisë Demokratike!!!

Atëhere, si mundet që Ambasadori i SHBA në Tiranë, Donald Lu të deklarojë në “Zërin e Amerikës”, që: “Zgjedhjet parlamentare në Shqipëri mund të konsiderohen të ligjshme, edhe pa Opozitën”!

A shpreh Ambasadori Lu edhe politikën zyrtare të SHBA, të Presidentit Donald Tramp?

A mund të njohin zyrtarisht SHBA një qeveri e cila ka dalë nga zgjedhjet parlamentare pa pjesëmarrjen e Opozitës?

A muns të imagjinohet që SHBA të njohin zgjedhje parlamentare në ndonjë vend tjetër të Botës, ku Opozita nuk merr pjesë në zgjedhje, pikërisht sepse akuzon Pushtetin se do të manipulojë, do të blejë votat me paratë e Krimit?

A është misioni diplomatik i Ambasadorit Amerikan Lu që të shprehet publikisht, se “Zgjedhjet parlamentare në Shqipëri mund të konsiderohen të ligjshme, edhe pa Opozitën”?

SHBA, edhe pse kanë me Kinën marrëdhënie diplomatike, tregëtare të nivele të larta, prapëseprapë, sa herë SHBA e kritikon Kinën, pikërisht, sepse nuk lejon pluralizmin politik dhe se kësisoj, shkel të Drejtat e Njeriut dhe nuk zbaton standarte demokratike!!!

Atëhere,  si ka mundësi që ambasadori Lu të shprehet publikisht se në Shqipëri sot, mund të zgjillohen zgjedhje parlamentare të ligjshme edhe pa pjesëmarrjen e Opozitës?

Ambasadori Lu, duhet të jetë i pari që duhet të përkrahte Kauzën e Opozitës, për Qeveri Teknike, e cila të përkujdesohet për zgjedhjet parlamentare, sepse Ambasadori Lu ka denoncuar i pari kriminalizimin e Parlamentit para zgjedhjeve vendore në 2015!

Por kryeministri dhe kryetari I PS Edi Rama e shpërfilli, e injoroi publikisht Ambasadorin Lu, dhe nuk  e dëgjoi Apelin e ambasadorit Lu për të mos kandiduar për kryebashkiakë persona me rekorde kriminale. Ambasadori Lu, e kishte detyrim diplomatik dhe detyrim politik, që të distancohej publikisht nga kryeministri Rama, duke mos e trajtuar më si partner politik,  pasi KQZ-ja,  zyrtarisht, I hoqi mandatin kryebashkiakut socialist pikërisht për shkak të rekordeve kriminale, të cilat I denoncoi paraprakisht Ambasadori Lu!

Ambasadori Lu, në nëntor 2015 denoncoi publikisht ministrat e korruptuar të qeverisë së kryeministrit Rama, që pengojnë dhe nuk duan Reformën në Drejtësi, por kryeministri Rama e shpërfilli dhe e injoroi publikisht ambasadorin Lu, duke deklaruar menjëherë, se asnjë ministër I tij (I akuzuar për korrupsion nga Ambasadori Lu) nuk do të shkarkohet!

Majfton kjo, që ambasadori Lu të mos e trajtonte më kryeministrin Rama si partner politik!

Ambasadori Lu, e di gjuhën shqipe, e kupton shumë mirë! Atëhere, nuk ka dëgjuar, nuk ka parë kronikat televizive (përveç burimeve të tjera dipmolatike) që në Shqipëri kultivohet gjërësisht Canabis dhe trafikohet me tonelata nëpër Europë?

Ambasadori Lu, si diplomat karriere, nuk e kupton dot, se kultivimi I Canabis në të gjithë territorin e Shqipërisë në sipërfaqe më të madhe edhe  sesa  gruri, misri, pemëtaria së marra së bashku, është pasojë e bashkëpunimit të drejtëpërdrejtë të Qeverisë me Botën e Krimit të Organizuar???

Ambasadori Lu, si diplomat karriere, a arrin të kuptojë dot se trafikimi i tonelatave Canabis nëpër Europë nga Shqipëria, nga doganat, nga Deti dhe kufijtë e Shqipërisë bëhet vetëm me bashkëpunimin e drejtpërdrejtë të Qeverisë së Kryeministrit Rama me Krimin e Organizuar???

Atëhere, si mundet që një ambasador i SHBA në Shqipëri të heshtë, kur qeveria është bashkëpunëtore në kultivimin e gjerë të Canabis në Shqipëri dhe është bashkëpunëtore edhe në Trafikimin e Canabis nga Shqipëria në Europë?

Ambasadori Lu, mori pjesë drejtpërdrejtë në procesin e zgjedhjeve vendore në 2015-të, sepse vetë deklaroi që votat blohen dhe manipulohen.

Atëhere, me miliardat euro që janë siguruar nga trafikimi i Canabis, a nuk është rrezik më i madh blerja e votës? Kush mund ta blejë votën me para? Mazhoranca, apo Opozita?

Ambasadori Lu, me gjithë këto fakte, a bindet se Opozita ka të drejtë politike, që një qeveri e korruptuar, një kryeministër që kriminalizoi Parlamentin, nuk mund të garantojnë zgjedhje parlamentare të lira?

A ëshët mision diplomatik i Ambasadorit të SHBA në Tiranë, që të mbrojë me çdo kusht që  zgjedhjet parlamentare të zhvillohen të lira? Dhe së pari, zgjedhjet parlamentare mund të dhunohen, të cënohen, të rrezikohen nga Pushteti!!!

Vetëm një ambassador, që është katandisur Lolo në Oborrin kryeministror, mund të guxojë që të shprehet publikisht se zgjedhjet parlamentare në Shqipëri mund të jenë të ligjshme, edhe pa pjesëmarrjen e Opozitës.

Zgjedhje parlamentare pa Opozitës, i shërbejnë pushtetit të një Diktatori, por kurrë Demokracisë së Shqipërisë!!!

Dhe kur një Ambasador i huaj mbështet dhe përkrah zgjedhje parlamentare pa Opozitën, atëhere, mjerisht, ky ambasador është kantandisur në Lolo të Oborrit kryeministror!!!

Qershori po vjen, ja edhe pak, tjetri më shpejt do te vijë,
veç ndërrimit të stinëve, viteve, asgjë tjetër s’do të ndryshojë.
Të zhgënjyer, hallexhinj, zagarë, lypsarë, azilantë, sekserë,
do të sjellë përsëri me bollëk kjo, ajo, dhe ajo tjetër verë.

Cohuni……Cohuni për veten, fëmijët tuaj or të mjerë, ndryshe…. asgjë s’do ndyshojë, asgjë, veç ndërrimit të stinëve,
bisha përsëri do jetë në pushtet,
endrra për një jetë më të mirë, iku diku larg, ajo u vra,
Iku për të mos u këthyer më kurrë, bashkë me të edhe ne,
ikem te trembur, tmerruar, dhunuar, e vrarë nga djajtë e zinj.

Po ku jeni ju….
ju….
ju ata që shpresën ndezët dhe sollët tek  ky popull, ëndërrat e lirisë.
ju u lartesuat dhe mbetët, përjetësisht atje lart, në altarin e lirisë,
ju…heronj te vertete, që askush nuk mundi dot më t’ju zëvëndësojë.
Mjerë, o i mjerë ky popull, të mjerët ne, nën diktatin dhe  dhunën e kujt ramë dhe jetojmë,
Në duart e kujt vendi ka rënë.             Kokën varur, i dhunuar, zhgënjyer, pa shpresë.

Azem çohu ku je.                                         Cohu bre burrë i dheut, boll ndejte atje.

Çohu o sokëllima e malit.                     Kaq  vite që ty po të presim Azem Hajdari,
çohu.
Cohu dhe ndale vampirin si dikur, nga pas i ke të gjithë, me ty.
Le të tallen, të qeshin, djajtë e pa besë, ata këtë ditë pritën,
që ti, zëri, urugani i demokracisë dhe liria, të heshtë, të vdesë.

Çohu Shqipe mali çohu.

Po kush do të mund të çohet, ata që partinë e këthyhen në biznes familjar,
ata që demokracinë e përdorën, e ropën, e molën si Lopë,
ata që kurvëria, pabesia dhe dosjet ful i ndjekin nga pas,
ata që bustin e Enverit me krenari e mbajtën në shpinë, ata bukshkelë, zagarica, zagarë, ish ministra apo sot deputetë që si mizat e h*lesë  në hamamët e pushtetit gumëzhijnë.

Çohu Azem, çohu, të presin,
ti nuk duhesh më monument, ti je dhe duhesh i gjallë.

Kuçedra edhe ujin e ka zënë, pak nga pak dhe ajrin po na e merr.
Diktatura me një tjetër fytyrë , më të egër ëshë rikëthyer në dhimbje dhe tmerr,
Bijtë, nipërit, mbesat e atyre qe ju vranë, sot janë këthyer në krye të kombit, baballarë.

Çohu Azem Hajdari çohu,
të presim,
toka dhe monumentet nuk janë më për ty.

Cohu Azem cohu.                                              Mijra djem e vajza të presin në ‘Cadrën e lirisë’ , cohu për ti këthyer nderin dhe dinjtetin Shqipërisë.                                         Cohu.

Jakup B. GJOÇA

Kriza politike në Shqipëri është pasojë e bashkëpunimit të Kryeministrit me Krimin dhe Korrupsioni i qeverisë së Rilindjes Socialiste. Si e tillë, Zgjidhja e Krizës Politike në Shqipëri është largimi i Kryeministrit Rama nga Qeveria dhe domosdoshmërisht, krijimi i një qeverie Teknike, e cila do të organizojë dhe mbikqyrë procesin zgjedhor. Nëse, edhe ndërkombëtarët e SHBA dhe Bashkimit Europian, ambasadorët e akredituar në Tiranë, kërkojnë zgjidhje të Krizës Politike në Shqipëri, me kryeministër Ramën, është e njëllojtë sikur ata të alibojnë edhe kriminalizimin e Parlamentit nga Kryetari i PS Edi Rama, edhe korrupsionin e qeverisë së Rilindjes me Kryeministër Edi Ramën.

Kur Bashkimi Europian thekson në 2016-n, që Korrupsioni është fenomen që nuk është luftuar, fajëson drejtpërdrejtë Korrupsionin e qeverisë aktuale të Kryeministrit Rama. Dhe, që të luftohet korrupsioni i qeverisë së kryeministrit Rama, nuk mund të pritet Reforma në Drejtësi. Ambasadori amerikan Donald Lu, në nëntor 2015 publikisht denoncoi që ministrat e korruptuar nuk e duan Reformën në Drejtësi.

Atëhere, me një qeveri të korruptuar, siç e pranon zyrtarisht edhe BE që është qeveria e Kryeministrit Rama, nuk mund të presësh zgjedhje të lira dhe të ndershme parlamentare!

Vetë Bashkimi Europian, në funddhjetorin e 2016-s, problemin e kriminalizimit të Politikës Shqiptare dhe Korrupsionin në Shqipëri e përcaktoi si faktorë politikë që Shqipërisë i mohoi haqpjen e negociatave për anëtarësimin e saj në Bashkimin Europian.

Natyrisht, kriminalizimi i Politikës në Shqipëri është pasojë e politikës që ndjek Kryeministri Edi Rama. Opozita, është e pamundur që, të jetë faktor politik i Kriminalizimit të Politikës.

Personat me rekorde kriminale, që u bënë deputetë në Parlamentin aktual shqiptar janë deputetë të Partisë Socialiste. Është kryetari i PS, Edi Rama, që i përzgjodhi këta persona me rekorde kriminale dhe i bëri deputetë. Kryetari i PS Edi Rama i përdori këta persona me rekorde kriminale në fushatën elektorale të zgjedhjeve parlamentare të 2013-s, për të fituar votën. Edi Rama  u mbështet, së pari në financimin që këta persona me rekorde kriminale i bënë fushatës elektorale të Partisë Socialiste. Këto financime elektorale nuk u deklaruan kurrë nga PS, sepse burimet financiare ishin jo transparente. Askush, sado bizmenmen i ndershëm të jetë, nuk mund të financojë një parti politike, pa patur qëllim kryesor FITIMIN. Kryetari i PS Edi Rama i shpërbleu financuesit elektoralë të PS edhe duke i bërë deputetë, pavarësisht se ata kishin rekorde kriminale. Kryetari i PS Edi Rama ishte i ndërgjegjshëm se personat që e financuan elektoralisht në 2013 kishin rekorde kriminale, sepse, së pari, Edi Rama e dinte që ata kishin të ardhura financiare jo nga aktiviteti I bisnezit të ndershëm. Së dyti, edhe sikur të pranojmë që Kryetari I PS nuk kishte dijeni për rekordet kriminale të kandidatëve për deputetë që përzgjodhi në Listat e PS, prapë mban përgjegjësi Politike!

Së dyti, personat me rekorde kriminale, që u bënë deputetë përdorën në fushatën elektorale edhe ligjin “ E të Fortit” në electoral, për të ushtruar terror psikologjik mbi elektoratin. Këto fenomene u denoncuan në fushatën elektorale, por askush, as KQZ dhe as Prokuroria, as Policia e Shtetit nuk ushtruan detyrën ligjore për të parandaluar dhunën dhe terrorin psikologjik ndaj elektoratit.

Fenomeni i kriminalizimit të listave të kandidatëve u përsërit edhe në zgjedhjet vendore të 2015-s, aq sa ambasadori amerikan në Tiranë Donald Lu publikisht në mënyrë të përsëritur u bëri Apel kryetarëve të Partive ( duke fotografuar kryetarin e PS Edi Ramën), që të mos kandidonte për kryebashkiakë persona me rekorde kriminale. Ky Apel u injorua nga kryetari i PS. Atëhere, ambasadori Lu i bëri Apel elektoratit shqiptar që të mos votonte kandidatët për deputetë që kanë rekorde kriminale.

Mirëpo, ndaj elektoratit u ushtrua dhunë psikologjike dhe Bota e Krimit financoi fushatën elektorale të kandidatëve me rekorde kriminale.

OSBE në raportin e saj paszgjedhor të 2015-s raportoi se procesi zgjedhor në Shqipëri u finacua nga burime jo transparente, bëri fjalë për fenomenin e blerjes së Votës. Natyrisht, u fotografua se këto i bëri mazhoranca, sepse Opozita e denoncoi këtë fenomen të blerjes së votës.

Më vonë, 2 vjet pas zgjedhjeve vendore të 2015-s,, KQZ u detyrua t’i heqë mandatin kryebashkiakut socialist, pikërisht për rekorde kriminale, atij kryebashkiaku ku kryeministri Edi Rama e mbështeti në kundërshtim me Apelin e Ambasadorit amerikan për ta hequr nga kandidimi!!!

Atëhere, këto fakte ( si edhe dhjetëra të tjera) janë të mjaftueshme për t’i dhënë  kryetarit të PS dhe Kryeministrit Edi Rama përgjegjësinë e plotë politike të Kriminalizimit të Parlamentit dhe Pushtetit Vendor!

Kryeministri Rama është përgjegjësi politik edhe i fenomenit të “Canabiziminit” të Shqipërisë. Dhjetëra tonë Canabis tregëtohen nga Shqipëria  nëpër Europë, kamionë me tonelata ngarkesë dalin nga doganat shqiptare, dhe natyrisht, është qeveria e  Rilindjes ajo që lejon haptazi këto tonelata Canabis të trafikohen nga Doganat, nga Deti, me avionët “mushkonjat” – siç i ka cilësuar vetë Edi Rama, sepse janë qeveritarët rilindas ata që bashkëpunojnë me trafikantët e Canabis. 1 ton Canabis i Kultivuar kërkon dhjetëra hektarë tokë, dhe Policia e Shtetit nuk pa, nuk dëgjoi, nuk zbuloi, nuk luftoi, apo kultivimi i dhjetëra hektarë Canabis u bë pikërisht nën përkujdesin e Policisë së Shtetit, sepse kështu është urdhëruar nga qeveria?

Nuk mund të pranohet as justifikim, as argumentim, që përgjegjës mund të jenë disa persona, qoftë edhe komisarë dhe kryekomisarë të Policisë së Shtetit, që lejuan kultivimin e dhjetëra hektarë Canabis. Asnjë person i vetëm, sado pozitë shtetërore të lartë të ketë, nuk mund të përkujdesë dot dhjetëra hektarë kultivim Canabis, pa mbështetjen e drejtpërdrejtë të Qeverisë, sikurse asnjë doganier, apo drejtor dogane nuk mund të lejojë asnjë ton Canabis të trafikohet nga Dogana, pa urdhër nga Qeveria!!!

Europa e ka cilësuar Shqipërinë, ku qeveris kryeministri Rama, si “Kolumbia e Canabis” e Europës!!!

Kjo përgjegjësi politike e kryeministrit Rama për kriminalizimin e Parlamentit dhe Pushtetit Vendor merr përmasa më frikësuese, për zgjedhjet parlamentare të 18 qershorit 2017, duke menduar se me miliardat euro që kanë (për)fituar nga bashkëpunimi me Krimin, ata, që kanë edhe monopolin e Piramidës funskionale të Administratës Zgjedhore,  e kanë më të lehtë se kurrë edhe blerjen e votës dhe manipulimin e rezultatit zgjedhor. Kryeministri Rama u përkujdes që Reforma e re Zgjedhore të mos lejonte numërimin elektronik të votave, sepse kjo do t’i hiqte monopolin e manipulimit të votave.

Kryeministri Rama u përkujdes që Reforma e re Zgjedhore të mos zhbënte Sistemin Zgjedhor me Listat e Mbyllura të Kandidatëve për Deputetë, sepse, nuk do kurrë që votuesit me votë të zgjedhin deputetin që duan, por do që ai, si kryetar i PS,  të ketë monopolin edhe të përzgjedhjes të atyre personave që do bëhen deputetë!

Atëhere, negociatorët ndërkombëtarë, dhe Bashkimi Europian nuk mund të pranojnë zgjidhje të Krizës Politike me një qeveri, ku kryeministër është Edi Rama.

Dhe askush, as ndërkombëtarët në SHBA dhe Bashkimin Europian, as ambasadorët në Tiranë, por as shqiptarët nuk mund të presin zgjedhje parlamentare  të lira dhe të ndershme me kryeministrin Rama, i cili është faktori i kriminalizimit të Politikës shqiptare dhe përgjegjësi politik dhe penal i Korrupsionit në Shqipëri

Bledi KASMI

Negociata nuk pati sa kohë nuk kishte një plan politik për zgjidhjen e krizës së votës. Bisedimet mbeten në paradhomën e dy negociatorëve që mbanin në duar një plan të qeverisë që më më shumë se për të zgjidhur krizën ishte për të shpëtuar Ramën nga përmbysja popullore me votë të lirë.
Kryetari i opozitës Basha e refuzoi. Ishte një pakt turpi. Një vetvrasje për opozitën dhe kauzën e shqiptarëve për votën e lirë. Ai synonte që, Rama pasi ka qeverisur për katër vite si Kryeministër i LSI dhe PDIU, në këto gjashtë javë të tjera të bëhej edhe Kryeministër i PD dhe opozitës dhe disa ministrave që do të ishin nën hyqmin e tij!
Si do të arrihej kjo ? Sipas planit alla sorosian të përpunuar në Tiranë dhe të lexuar në orët e pasdites së djeshme, Rama do të vazhdonte të ishte Kryeministër deri në ditën e zgjedhjeve, por përveç ministrave të PS, LSI, ky pranonte që të kishte edhe disa ministra të propozuar nga opozita, a thua se opozita prej 67 ditësh po protestoka dhe ka ngritur këtë lëvizje popullore për të ndarë qeverinë si tavën e byrekut për të ngopur disa individë.
Përpjekja e Ramës për të tërhequr PD në qeveri, ishte një ofertë amatoreske dhe djallëzore. Sipas saj, Rama do të vazhdonte të ishte garanti i krimit të organizuar në qeveri, por kësaj rradhe ai do të kishte edhe koperturën e opozitës si fasadë për të legjitimuar këtë aktivitet banditesk.
Rama mendonte se në këtë mënyrë mund të blinte me postin e Shalsit apo shalëve të tjerë në qeveri edhe lëvizjen popullore, edhe kauzën e zgjedhjeve të lira edhe betejën për luftën ndaj krimit dhe narkotrafikut. Nisur nga këto kalkulime të Ramës bisedimet e djeshme nuk mund të konsiderohen serioze.
Ato nuk i shërbyen zgjidhjes së problematikës që ka sot vendi dhe nuk e zgjidhën problemin e votës. Rama ka humbur një mundësi për të dalë nga spiralja e një tmerri pa fund që do të përjetojë gjatë ditëve dhe javëve të ardhshme. Shqipëria në vitin 1991 u përfshi në një betejë nga Tirana në Shkodër për votën e lirë nga manipulimi i zgjdhjeve të 31 Marsit. Eshtë absurde të mendohet se ajo që nuk o tolerua atëhere do të mund të falet sot 16 vite pas në Qershorin 2017.
Opozita ka kërkuar një qeveri teknike pa Ramën në qeveri, ndërsa Rama me delirin e liderit global paraqiti në tryezë një zgjidhje ku të pranohej si Kryeministër edhe nga ministra të PD dhe ai de fakto të shpallej mbret , se në këtë mënyrë nuk do të kishim më as opozitë.
Oferta tjetër e bërë po sipas këtij plani, që në fund të ditës rezultoi të ishte një humbje kohe, ishte që Rama pranonte të shtynte zgjedhjet me tre javë. Për të parën herë, Rama gjithsesi tërhiqet nga teza e vet që ka këmbëngulur deri tani se zgjedhjet nuk shtyhen dhe se e vetmja datë kushtetuese është 18 qershori. Na dilka si datë kushtetuese edhe 16 korriku. Natyrisht, sepse ka dhe data të tjera që mendon opozita dhe që janë edhe koha më optimale për të përmbushur procesin e zgjedhjeve të lira.

Qytetarët në Tiranë dhe rrethe janë ndeshur shpesh me njerëz, që prezantohen si vullnetarë e që kërkojnë para për të ndihmuar njerëz në nevojë.

Kamera e fshehtë e emisionit “STOP” ka arritur të demaskojë punën e dy grupeve të ndryshme, që hiqen si bamirës, por paratë që marrin nga kutitë e ndihmës i fusin në xhepat e tyre.

Agim Hajdari, që ka një shoqatë të tillë, tregon mekanizmin e mbledhjes së të hollave dhe përfitimet. Po kështu një grup vajzash, që jetojnë me para të fituara në këtë mënyrë.

Kamera e fshehtë e emisionit “STOP” shfaq me zë e figurë se si një grup vajzash punësojnë persona, rroga e të cilëve përfitohet nga paratë e ndihmave.

Qytetarja – Po, tani më thuaj?

Organizatorja – Atëherë, siç i sheh edhe këto kutitë, ne dalim me këto.

Qytetarja – Po. Nisma vullnetare në ndihmë të familjeve. Po.

Organizatorja – Ne dalim me këto, e zemë unë me ty, kupton? Ndahemi domethënë bëhemi çift dhe shkojmë nëpër rrethe. Për shembull shkojmë në Vlorë, shkojmë 5 grupe e zemë, dyshe dyshe, kupton? Edhe na çojnë këta me makinë.

Qytetarja – Po.

Organizatorja – Orari fillon nga ora 10 në mëngjes, ndonjëherë ndodh që mund të vish herët këtu, se mund të shkosh nëpër rrethe në Shkodër, e kupton? Do fillosh atje në orën 10 me 2, katër orët e para. Pastaj dy orë i ke pushim, që mund të hash ndonjë gjë dhe ke 4 mijë lekëshin, plus 10 mijë lekë (të vjetra), që i thonë 300 mijë lekë (të vjetra), nëse ti shkon nëpër rrethe. Plus që do hash ndonjë gjë e do pish ndonjë gjë me 4 mijë lekëshin tënd.

Qytetarja – E kuptoj. Si punë diete.

Organizatorja – Po, si punë diete. Ndërsa 10 mijë lekë (të vjetra) i fut në xhep, që i bie domethënë 300 (mijë lekë të vjetra) në muaj, nëse ti vjen përditë paradite – mbasdite.

Organizatorja – Kjo ishte. Ti do thuash vetëm kaq, do marrësh kutinë dhe do përshëndesësh njerëzit. Edhe do t’ju thuash: “Përshëndetje! Si kaluat? Më falni për shqetësimin”, kur jemi në plazh flas. Kur jemi në plazh, do t’ju thuash: “Më falni, që ju shqetësoj. Ne jemi nisma vullnetare në ndihmë të familjeve në nevojë dhe fëmijëve me sindromën Down dhe autik. Keni dëshirë të kontribuoni sadopak?”

Qytetarja – Po ku korrespondon kjo domethënë? Se në qoftë se, një person bën një pyetje, ku shkojnë këto lekë, e ke parasysh?

Organizatorja – Këto lekë shkojnë, ke shumë të drejtë, sepse normale.

Qytetarja – Duhet të dish t’ju kthesh (përgjigje)…

Organizatorja – Ty do të pyesin në rrugë, po jo se unë nuk kam besim se ku shkojnë këto lekë. Këto lekë shkojnë në ndihmë të familjeve në nevojë, jemi nga shoqata rinore do thuash. Jemi mbledhur një grup rinor dhe ne jemi vullnetarë, domethënë nuk marrim lekë për vete, e kupton? Sepse kështu do t’jua shpjegosh, se thonë këta i marrin lekët për vete.

Qytetarja – Kjo është ndonjë shoqatë?

Organizatorja – Jo, akoma nuk jemi bërë shoqatë.

Qytetarja – Jeni thjesht të rinj?

Organizatorja – Po, jemi thjesht të rinj që po grumbullojmë lekë dhe po ndihmojmë të varfërit. Kupton? Edhe ty, ka raste, që do të pyesi ndonjë, po ne nuk kemi besim, jo këtej jo andej. Atëherë, ti i tregon, domethënë është një bexhë, kemi bexhën. I thua që përfaqëson, që ti të më besosh mua e para dhe e dyta do i tregosh nenin dhe do t’i tregosh: Ky është neni, që mund ta bëjë çdo njeri, ka të drejtë të futet në këtë punë, çdo njeri. Kupton?

Qytetarja – Po pjesën e pagave tona? Ne mbajmë pagat nga kontributet?

Organizatorja – Po nga kontributet. Domethënë, kur të vish këtu ti në darkë, që mbaron turnin, përshembull në darkë, të jep 10 mijë lekëshin ai çuni.

Qytetarja – Nga ato që ke mbledhur?

Organizatorja – Po, por njerëzit kur të pyesin, se thonë po juve i mbani lekët për vete, ti do i thuash: “Jo, unë jam vullnetare.”

Qytetarja – Po pjesën e siguracioneve? Apo është pa siguracione?

Organizatorja – Nuk ka siguracione.

Qytetarja – Zakonisht kontribuojnë shumë?

Organizatorja – Po! Për shembull, kur kam ardhur për herë të parë këtu në punë, që i bie para dy muajsh, kam bërë 70 mijë lekë (të vjetra) turnin e parë, për katër orë, ose 80 mijë lekë (të vjetra), kam bërë edhe turnin e dytë prapë 60 mijë lekë (te vjetra).

Por çfarë ndodhi kur kjo qytetare u punësua?

1/Punonjësja – Vajza, përshëndetje! Më falni pak?

Qytetarja – Po.

Punonjësja – Jemi një nismë vullnetare, në ndihmë të familjeve në nevojë. Në qoftë se keni mundësi të kontribuoni sadopak…

Qytetarja – Unë jam pa portofol sot.

Punonjësja – Mirë, faleminderit!

2/Punjonjësja – Goca, përshëndetje!

Qytetarja – S’kam kohë.

Punonjësja – Mirë, faleminderit.

Më falni që po ju shqetësoj. Jemi një nismë vullnetare, në ndihmë të familjeve në nevojë. Në qoftë se keni mundësi të kontribuoni sadopak? Me aq mundësi sa keni? Ju falenderoj! Po mund ta lini këtu, keni kutinë.

4/Punonjësja – Mund t’ju them diçka. Jemi një nismë vullnetare në ndihmë të familjeve në nevojë.

Qytetari – E di, e di, se 100 herë më keni ndaluar.

Punonjësja përfundoi me sukses turnin e parë prej 4 orësh, nga ku mblodhi 50 mijë lekë (të vjetra). Jo keq si fillim, apo jo?

Agim Hajdari është në krye të një shoqate fitimprurëse, i cili shpjegon se si funksionon mbledhja e parave dhe përfitimin që ka.

Agimi – Kemi edhe biznese të tjera, po kemi dhe një biznes. Dhe ndërmjet tyre kemi dhe tip shoqate, është fitimprurëse. A më kupton?

Qytetarja – Si fitimprurëse, se nuk e kuptoj?

Agimi – Fitimprurëse domethënë që ne i paguajmë njerëzit (punonjësit).

Qytetarja – Nuk është vullnetare?

Agimi – Jo jo, s’është vullnetare, është me lekë.

Qytetarja – Është me pagë?

Agimi – Me pagë. Konsiston kështu… shoqata qendrën e ka këtu. Punon, ai që punon direkt në terren merr 15 mijë lekë (të vjetra) në ditë. Shkojmë me makinat tona ktheheni me makinat tona. A më kupton?

Qytetarja – Ne do dalim në terren. Çfarë do bëjmë konkretisht?

Agimi – Ne kemi piketuar fëmijët që do shërojmë.

Qytetarja – Si piketuar? I keni zgjedhur?

Agimi – Po. I kemi zgjedhur, i kemi piketuar me anën e organeve të pushtetit vendor.

Qytetarja – Pse këto fëmijët, që do shërojmë ne, që…

Agimi – I kemi piketuar me fotografi, me numër llogarie, me të gjitha. Ku të gjejë më lirë (spital më të lirë), ky është fitimi im. Unë e dua në Tiranë me thënë të drejtën, se të shkoj nëpër rrethe kot, ato lekë lart e poshtë. Se unë kam bilance, kam mbledh kaq lekë, edhe do bëj dalje kaq lekë. A më kupton? Prandaj e kam bërë fitimprurëse, të jem në rregull me shtetin.

Qytetarja – E keni të regjistruar?

Agimi – Po , po me NIPT e me të gjitha.

Qytetarja – Po si e ka (emrin)?

Agimi – NIHL- 1 .

Qytetarja – Ne çfarë do t’ju themi njerëzve?

Agimi – Hiç, ne jemi shoqata filan, urdhëro numrin, jam filania. Punojmë për x fëmijë. Nqs dëshiron hidhi! Nëse nuk dëshiron, hidhi në numër të llogarisë, ja ku e ke.

Qytetarja – Do kemi ndonjë kuti ne?

Agimi – Patjetër. Kuti të vogël, kaq. Unë i kam bërë të vogla, që mos jenë shumë të mëdhaja.

Qytetarja – Po, që është e sigurtë, që këto lekë shkojnë për ndihmë? Që edhe ne të paktën, kur t’jua themi robve….

Agimi – Unë heq gjithë shpenzimet tuaja, makina, a më kupton? Pjesën e tatimit ma heq shteti. Ça ngelet fitoj.

Qytetarja – Sa mund të shkojë rroga për shembull?

Agimi – Këtu rroga, po punove 30 ditë, të shkon 350 mijë lekë (të vjetra).

Qytetarja – 30 ditë. Ideja është këtu, që a ia del që të na paguash edhe neve edhe të mbledhim për ata kalamajtë.

Agimi – Unë të thashë, dy muaj kam.

Qytetarja – Keni ndihmuar ndonjë?

Agimi – Kemi filluar ne.

Qytetarja – Keni mbaruar ndonjë të paktën?

Agimi – Jo mo, nuk mbaron për dy muaj, do lekë shumë.

Punonjësja – Ne jemi edhe 3-4 grupe nga 100 (mijë lekë të vjetra).

Qytetarja – 300- 400 (mijë lekë të vjetra).

Punonjësja – Po!

Menaxheri – Kjo është vajza, që ne e kemi me fotografi.

Qytetarja – Kjo goca.

Menaxheri – Kjo vajza është dy vjeçe. Quhet Kledja Dervishi, është e lindur dhe banuese në fshatin Katier të Përrenjasit dhe ka nevojë për një operacion jashtë vendit. Kjo është kutia kontribuuese.

Agimi – Kjo duhet të vijë me vulë.

Menaxheri – Duhet të kapësh 100 mijë lekë (të vjetra). E kape 100-çen, e kapi dhe tjetri, futemi në makinë, nisemi e vijmë në Tiranë.

Pra, mund të themi që po krijohen vende të reja pune, mjafton të kesh dëshirë për të punuar (fituar) dhe mund të gjesh opsione nga më të ndryshme… /tvklan/

SHPERTHEN MENTOR KIKIA / “Në djall zgjedhjet e koalicionet, po na vrasin me ushqimet dhe ilaçet që na japin”

Në një kohë që në vend po diskutohet gjatë për zgjedhjet, koalicionet, opozitën dhe maxhorancën, gazetari Mentor Kikia kërkon më shumë vëmendje në ushqimet që konsumojmë përditë si dhe ilaçet që na rekomandojnë mjekët.

Sipas tij, i konsultuar edhe me specialistë të fushave përkatëse, sëmundjet kancerogjene janë rritur për shkak të prodhimeve OMGJ që konsumojmë.
STATUSI
Në djall koalicioni e zgjedhjet, këta po na vrasin!
Bisedova me një mjek sot, i cili më tha se shkaku kryesor i rritjes së sëmundejeve kancerogjene janë ilaçet(përdorimi pa kriter që bëhet si nga vetë njerëzit ashtu dhe me rekomandim mjeku) dhe ushqimet.
Bisedova me një mik, pedagog i veterinarisë. Më renditi rreziqet që vijnë nga mishi i kafshëve që rriten me hormone. Më foli për produktet blegtorale që prodhohen nga qumështi pluhur. Më foli për kosin e “lopës” me qumësht pluhur. Më foli për djathin e “deles” e të “dhisë” që bëhen me qumësht pluhur dhe aromatizues artificialë. Më foli për rrezikun e sallameve që bëhen me 3-4 fishin e kimikateve për ti zgjatur jetën sallamit.
Bisedova me një tjetër njeri, ekspert i sigurisë ushqimore dhe më foli për miellin që përdoret për bukë, me nivel proteine shumë të ulët. Më foli për bukën e “zezë’ që nxihet vetëm nga solucione kimike dhe shitet si bio. Më foli edhe për verën, një shishe e të cilës kushton sa një kg rrush, që prodhohet me ujë, alkol dhe ngjyrues artificial.
Pastaj edhe domatet me hormone që piqen për 24 orë, kastraveci që rritet për 48 orë, shalqini që peshon 15 kg e qe mban aromë kungulli…
Lexova edhe fjalimin e djeshem te Albin Kurtit në parlamentin e Kosovës, që fliste fiks për të njëjtat gjëra. Që akuzonte një grup tregtarësh vrasës që importonin krundet e Serbisë e i shesin për miell buke në tregun e Kosovës dhe Shqipërisë. Që fliste për prodhuesit e bulmetit që nuk ua blejnë qumështin fermerëve, por produktet i bëjnë me qumësht pluhur…
Mjeku që takova këtë mëngjes më tha se këta jo po e vrasin popullin, por po i ndryshojnë edhe genin me këto që po i fusin në trup.
Por ku flitet për këto probleme? Kush ngre zërin? Askush. Të gjithë flasin për politikë. Të gjithë e kanë mendjen tek koalicioni. Po na vrasin o njerëz, po na shkatërrojnë organizimin, po na deformojnë fëmijët fizikisht dhe mendërisht.
Në djall vaftë koalicioni dhe zgjedhjet, këta po na vrasin. Ndërsa ata që i prodhojnë dhe na i shesin këto produkte, sëbashku me ata që duhet ti kontrollojnë, fëmijët e tyre i kanë në Vjenë, në lagjen e oligarkisë shqiptare.

<img src="https://urimgjata.files.wordpress.com/2017/04/mentor-kikia1.jpg&quot; alt="mentor-kikia[1].jpg" width="600" height="430" class="alignnone size-full wp-image-11728"

Presidenti Bujar Nishani ka konfirmuar se ndaj kryetarit të Partisë Demokratike Lulzim Basha ishte planifikuar një sulm terrorist dhe për këtë arsye u shtua siguria ndaj tij.

Nishani e bëri këtë deklaratë në emisionin “Arena” të Dritan Hilës në Ora News, duke shtuar se agjencitë e Inteligjencës kanë arritur të parandalojnë një ngjarje që është organizuar nga të huaj me qëllim destabilitetin e vendit.

“Nuk kemi vetëm miq, por ka edhe aktorë që synojnë destabilizimin e Shqipërisë dhe rajonit. Por ne kemi edhe institucione që tentojnë parandalimin e këtyre tentativave. Po. Ne kemi institucione që kanë kapacitetet të parandalojnë tentativën për destabilitet nga aktorë të jashtëm, por nuk duhet të mendojmë se nuk ekzistojnë tentative të tilla. Fakti i sigurisë së liderit të opozitës tashmë është duke u konsideruar dhe po konsiderohet me seriozitet nga agjensitë kryesore ligjzbatuese të shtetit”, deklaroi Bujar Nishani.

Në media sot u publikua lajmi se vrasës të huaj me pagesë janë kontraktuar për vrasjen e Lulzim Bashës, me qëllim destabilizimin e Shqipërisë dhe të rajonit.

Gazeta Telegraf.                                            Ish-kryeministri Sali Berisha ka sulmuar sot një zyrtar të Komisionit Europian. Nga çadra e protestës, Berisha pretendon se një zyrtar nga Brukseli erdhi në Tiranë si misionar për të blerë mandate për llogari të Ramës.

Berisha nuk përmend emër, por thotë se ky zyrtar takoi partitë aleate të PD duke i kërkuar atyre të hyjnë në zgjedhje.

Berisha: Këtu para 5-6 ditësh erdhi një misionar, erdhi dhe mblodhi parti të tjera të opozitës. Ta kishte dërguar Kominterin i Josif Stalinit, ndryshe nuk mund tu fliste. Çfarë u tha drejtori që erdhi nga Brukseli kryetarëve të partive opozitare?! U tha; tani lereni PD dhe Lulzim Bashën të kalben në çadër, por futuni merrni ato mandate se u erdhi radha. Erdhi me misionin të shkatërrojë opozitën, erdhi të ndërtojë opozitën sipas Edi Ramës. Dy gjëra do ti them atij: Sigurisht ti nuk erdhe nga Kominterni, sepse Kominterin ka degada që ka përfunduar në koshin e historisë. I sigurtë jam se nuk more porosinë nga Komisioni i BE, sepse ky është institucione që ndërtohet mbi ligje demokratike, por ti erdhe ose si anëtar i klubit 4700 euro metri katror ose erdhe si anëtar i klubit të kanabisit të Tiranës. Por misionin tënd të turpshëm je treguar i pamend, sepse ata burra që takove atë ditë, përfaqësues të partive aleate i kanë këtu aleatët prej 56 ditësh. Dëgjo tani, se edhe emrin nuk ta di: Nëse ata nuk do kishin ardhur në këtë çadër me vullnetin e tyre të lirë, Edi Rama do tu kishte bërë atyre çdo shpërblim, nëse ata nuk do ishin në çadër Edi Rama do të ishte i gatshëm ti falte nga një magazinë si ajo e Përmetit me drogë. Na kujtove ato kohërat e Perandorisë Osmane, kur Sulltani para se të dërgonte ushtritë dërgonte qeset me para, erdhe këtu të blesh mandate për llogari të Ramës, turpi të mbuloftë. Thirrja ime për KE: largojeni këtë njeri nga Komisioni, largoni njerëzit e korruptuar nga Komisioni. Ky është një akt i turpshëm dhe nuk i bën nder as Komisionit dhe as vendit nga i cili ka ardhur.

Sali Berisha i është përgjigjur edhe kryeministrit Rama duke i thënë se ka ofenduar shqiptarët me shprehjen tokë e “xanun”

Berisha: Së pari me shprehje tënde prej ordineri ti mendove se mund të fyesh ata që përdorin faljen “xanun”, por harron që ata janë shumicë në diellin shqiptar. Harron se ky është një akt përçarës i turpshëm, por harron se po të garantoj ty se ata dhe secili prej tyre janë 1000 herë me njeri sesa ti. Ata i thonë Shqipërisë Shqipëri dhe e duan këtë vend më shumë se ti. Ata i thonë familjes familje dhe nuk ndajnë kurrë konceptin që ti ke për familjen, sepse ata i thonë dinjtetit njerëz dinjitet dhe i bindur të jesh ti se janë të gatshëm të të bëjnë ty që lana të të duket vaskë floriri. Por ti Edi Rama je verbuar, ti nuk lexon çfarë shkruhet në muret e çadrës. Në çdo centimetr shkruhet “guxo po deshe”. Ti sillesh si skuth, nga një studio në një tjetër duke u zënë me gazetarët, edhe njëherë guxo po deshe.

Kryetari i një partie të vjetër parlamentare në vend, PBDNJ, Vangjel Dule dje dekonspiroi një fakt tronditës, që ka të bëjë me rolin e diplomatëve të huaj në vendin tonë. Sipas Dules një diplomat i rëndësishëm, edhe në prani të 4-5 aleatëve të tjerë të Partisë Demokratike, u ka bërë atyre një ofertë të pistë, ose më saktë kriminale për parametrat e demokracisë.

“Braktisni kauzën e PD-së, hyni në zgjedhje sipas planit të Edi Ramës dhe merrni sa më shumë mandate nga ato të lënat bosh nga partia më e madhe opozitare në vend, që përfaqëson rreth 600 mijë vota.”

Kjo ka qenë e nënkuptuar oferta tipike mafioze e këtij diplomati, emrin e të cilit sot po e zbulohet.

Pavarësisht se Vangjel Dule u tregua i rezervuar në dhënien e emrit të diplomatit të rëndësishëm, meqenëse në këtë bisedë ka pasur edhe shumë dëshmitarë të tjerë, nuk ishte shumë e vështirë që të zbulohej edhe identiteti i këtij të huaji që ka organizuar këtë kërkesë dhe ofertë, që kërkon hapur deformimin sipas mënyrave mafioze të rregullave të lojës, në një demokraci.

Bëhet fjalë për “të famshmen” Romana Vlahutin, dora vetë ambasadorja e Bashkimit Europian në Tiranë. Ambasadorja që tashmë nuk e fsheh se është në shërbim pa kushte të Edi Ramës, që po hetohet nga shefat e saj për një aferë korrupsioni për blerjen e një rezidence “sheikësh” në Tiranë.

Por cili ka qenë plani dhe çfarë ka ndodhur në këtë bisedë, që mund të quhet pa frikë një puç kundër parimeve demokratike të një Republike të Pavarur?

Vlahutin pasi ka thirrur “për ndihmë” në Tiranë Eduard Auer, shef i Divizionit për Ballkanin Perëndimor më datën 6 Prill, nga ora 17:30-18:30, ka organizuar një takim me aleatët kryesorë të Lulzim Bashës, Vangjel Dule, Dashamir Shehi dhe Fatmir Mediu.

Pas retorikës së dalë boje tashmë, që duhet të futen në parlament, nuk është e drejtë qeveria teknike, duhet të futen në zgjedhje pavarësisht nga këmbëngulja e Bashës etj, etj, në fund ju ka lëshuar edhe “ofertën e madhe”, e njëjtë si dy pika uji që ka kaq ditë, që bën edhe Edi Rama;

Hyni në zgjedhje dhe merrni (vidhni) votat dhe mandatet e Partisë Demokratike…

Përgjigjja ka qenë një “Jo” e prerë.

Madje kryetari i Partisë Republikane ka replikuar ashpër me Eduard Auer, i cili pas kësaj tentative të dështuar ka kërkuar, që të paktën biseda të mbahet në kufijtë e konfidencialitetit.

Prapa gjithë kësaj maskarade që kalon kufijtë e zhvillimeve politike në vend, mësohet se qëndron ambasadorja Romana Vlahutin që po bën gjithçka edhe në kundërshtim të plotë me detyrat që ka për rolin e saj nga Brukseli për të shpëtuar Edi Ramën nga kjo situatë, ku e ka future veten pasi shndërroi vendin në fermën më gjigante në botë të drogës.

SYRI.net

Të nderuar populli Romun, shpresoj që letra ime që lexohet. Unë që po ju shkruaj jam Hamdi Skeja.                           Jam Shqiptar, por në Shqipërinë time ka pak, shumë pak Shqiptar. Popull i dashur, shembull i një bote të zhurmshme, ju lutem, nëse ju patët vullnetin e vullkant’t, dua të ju kërkoj një nder.

Ju lutem, vendi ynë ka 27 vite që po shtypet, po përdhoset , po vidhet , po shkatërrohet, po “përdhunohet” nga pushtetarët.                                               Ne si popull jemi shumë të mirë , shumë mendjelehtë.                                               Ne si popull gënjehemi shumë shpejt, deri në një thes miell, e di, do të qeshni me lot, por kjo është e verteta.

Ne jemi patriot të shtirur, të shtypur.   Ne jemi si popull që ngrihemi vetëm kur na thotë partia, si dikur në kohën e *Qoftlargut*.                                         Kishim 50 vjet, që duartrokisnim “parti Enver”, por edhe pas ngrodhjes së atij, ne vazhduam sërisht atë refren “parti Enver” dhe nuk thamë njeherë “atdhe popull”.

Ndaj ju lutem, ejani dhe protestoni ashtu siç bëtë për vendin tuaj dhe Ne do u’a japim gjysmen e shqipërisë. Fundja, nëse vini ju,.gjysma tjetër e shqiperisë na mjafton..
Ju lutem, më kuptoni!
Pres pergjigjen tuaj pozitive!
Me respekt,
Hamdi Skeja!