Në Shqipëri nuk ka luftë, nuk ka uri. Modelet e “Mercedez”-ave udhëtojnë përmes qyteteve të mëdha dhe Jugu duket si Riviera franceze.

Atëherë pse ikin shqiptarët?

Kështu e nis reportazhin e saj gazetarja Anna Prizkau, publikuar dje në të përditshmen gjermane “Frankfurter Allgemeine” të titulluar “Një tokë pa të ardhme”. Gazetarja përshkon plazhin e Durrësit, të cilin madje e krahason me San Tropez, një prej plazheve më të bukura franceze për të cilin shpreh habi se si njerëzit e kanë lënë këtë vend. Gjatë rrugëtimit të saj, ajo takohet me një djalë shqiptar, Danieli, i cili 6 muaj më parë ishte një prej refugjatëve ekonomikë që provoi fatin e tij në Gjermani. “Mendova se ika përgjithmonë”, thotë Danieli, i cili është kthyer vetëm pak ditë më parë në shtëpi. Ashtu si Danieli, në 6 muajt e fundit, mbi 20 mijë shqiptarë iu drejtuan Gjermanisë, vijon gazetarja, e cila zhvendoset më pas rreth 200 km larg Durrësit, në Shkozë, në rrethinat e Tiranës, aty ku takohet me urinë dhe varfërinë e skajshme të familjeve rome. Edhe mes tyre ka nga ata që kanë provuar të përfitojnë azil në Gjermani, siç është Lidia, personazhi i radhës së këtij reportazhi. Edhe ajo u kthye në qershor të këtij viti. Shumë prej atyre që gazetarja gjermane, Anna Prizkau ka folur gjatë rrugëtimit të saj nëpër Shqipëri, thonë se duan të ikin, madje ka nga ata që i luten t’i marrë me vete drejt Gjermanisë. Reportazhi vijon me një pasqyrim të trishtë të jetës së këtyre familjeve rome, që mbijetojnë duke mbledhur shishe plastike e më pas duke i shitur ato. “Kutërbimi atje shpjegon çdo gjë. Në Shkozë nuk ka ujë, as energji elektrike dhe as kanalizime. Përse e braktisin shqiptarët vendin e tyre?”, pyet gazetarja gjermane, ndërsa reportazhi i saj vijon me të tjerë personazhe që ajo has në udhëtimin e saj. “Sa herë që i kam pyetur shqiptarët përse ikin prej vendit të tyre, gjithmonë përgjigjja është me 6 germa. E ardhmja”, shkruan Prizkau. “Njerëzit thonë se duan që fëmijët e tyre të rriten në Gjermani”. Gazetarja gjermane zhvendoset më pas, në reportazhin e saj, në Orikum, në Vlorë, ku qindra të rinj kanë emigruar drejt Gjermanisë. Shqiptarët e kthyer u tregojnë miqve të tyre që nuk ka asnjë mundësi për të qëndruar në Gjermani. Dhe shumë shpejt e gjithë Shqipëria do ta marrë vesh”, vijon reportazhi, ndërsa gazetarja rrëfen për bisedën e saj me një kamerier. Edhe ky i fundit i tregon dëshirën e tij për të shkuar në të ardhmen në Gjermani. “Çdo ditë në këtë vend, kuptoj se fjala ‘e ardhme’ është shumë e fuqishme, ndërsa duket sikur Gjermania është vendi i sigurt për këtë të ardhme”, shprehet Prizkau. Por kur ajo i pyet njerëzit se pse nuk mund të kenë të ardhme në Shqipëri, shumë përgjigjen:

Për faj të politikës.

Gazetarja zhvendoset në rrëfimin e saj, në Tiranë, qytet të cilin e quan si një fëmijë i jashtëligjshëm i komunizmit. “Në qendër ka godina nga periudha fashiste italiane, por më tutje sheh ndërtesa të larta që ngrihen drejt qiellit”, vijon Prizkau, e cila takohet me shkrimtarin e njohur Fatos Kongoli, i cili përpiqet t’i shpjegojë këtë situatë. “Në të kaluarën njerëzit ikën nga varfëria ekstreme. Por për momentin nuk ka njerëz të varfër në mënyrë të tejskajshme që ikin. Kam parë të rinj që ankohen për ushqimin që kishin nëpër kampe, çka tregon se kanë ushqim më të mirë nëpër shtëpitë e tyre”, thotë Kongoli. “Por nëse jeta këtu nuk është aq keq, atëherë pse ikin shqiptarët e pyes shkrimtarin. Dhe Kongoli përgjigjet me të njëjtën fjalë: për të ardhmen”, vijon Prizkau. “Një aventurë? Një bast? Mendoj e mendoj dhe më pas më kujtohet Danieli, i cili luajti me të ardhmen e tij. Aventura ishte dëshira e tij për një jetë më të mirë. Nuk bëhet fjalë për një rrogë fikse apo një punë e zakonshme, sepse Danieli i ka që të dyja në Shqipëri. Ai thjesht donte më shumë për jetën e tij. Ne gjermanët jemi mësuar me këtë. Por kur mijëra të tjera jashtë papritur duan më shumë nga kjo, ne gjermanët, europianët na duket e çuditshme. Edhe mua kështu më duket. Kjo është arsyeja pse erdha në këtë vend. Arsyeja pse isha në Shkozë, në rrethinat e Tiranës. Kërkova për tmerrin, arsyen e fortë për të ikur dhe gjeta diçka tjetër: arrogancën gjermano-europiane”, e mbyll reportazhin gazetarja gjermane, Anna Prizkau.

Kërkesat për azil, situata në Kukës është emergjente

Vala e shqiptarëve si azikërkues në Gjermani, shihet nga vendorët e djathtë si mungesë strategjie e qeverisë për të ndalur këtë fenomen. Bashkim Shehu, kryetar i Bashkisë së Kukësit tha se qyteti që ai drejton është ndër më të prekurit nga largimet masive, ndërkohë që qeveria merret vetëm me aksione politike. Bashkim Shehu: “Kjo është emergjencë kombëtare dhe reagimi është pothuajse zero. Qeveria duhet të ketë strategji. Duhet të ngrejë një komision ose një agjenci. Është situatë emergjente, njerëz të shkolluar po ikin nga Kukësi dhe mundësia e punësimit, investimet kanë qenë zero. Kemi të bëjmë vetëm me aksione që i frikësojnë njerëzit. Shumica e të rinjve që unë i takoj në Kukës thonë se kemi frikë nga arrestimet”. Për kryebashkiakun mund të ndërmerren disa masa për të frenuar azilkërkuesit. “I bëj thirrje qeverisë që Kukësit duhet t’i kthehen subvencione, është pikë që do të punoj fort për rikthimin e saj, subvencione për ngritjen e ekonomive të vogla”, tha ai. Shehu tha se ndarja e re territoriale është e padiskutuar dhe se mjaft nga qytetarët nuk po marrin në zyrat e pushtetit vendor. Bashkëpunimi me qeverinë, tha Shehu, është një detyrim ligjor i Kryeministrit Rama ndaj të zgjedhurve vendorë pavarësisht ndarjes politike. Përveç azilantëve, problem tjetër madhor për Kukësin sipas kryebashkiakut është mungesa e ujit të pijshëm.

Shoqata e shqiptarëve në Greqi përgënjeshtron Ramën

Ndryshe nga sa pretendoi Kryeministri Rama në konferencën në rrjetet sociale, numri i azilkëruesve shqiptarë në Gjermani që janë nisur nga Greqia është fare i papërfillshme. Kreu i Federatës së Shoqatave shqiptare në Greqi, Edmond Guri ka hedhur poshtë faktin se shumica e azilkërkuesve shqiptarë në Gjermani janë nga Greqia për shkak të krizës. “Sipas statistikave të federatës, në Shqipëri janë riatdhesuar rreth 200 mijë shqiptarë, për në BE janë mbi 35 mijë të adresuar, nga të cilët është një përqindje shumë e vogël që i drejtohen azilit, nuk mund të përjashtohet fakti se nuk ka azilkërkues, por nuk janë këta faktorë kryesorë apo numri më i madh i azilkërkuesve në BE”, tha Guri. Ai tha për “Ora News” se i ka bërë apel qeverisë shqiptare të ndihmojë emigrantët në mësimin e gjuhës shqipe, teksa ka qenë mjaft kritik për mungesën e një strategjie për emigrantët. “Kërkojmë një koordinim, një orientim dhe më shumë një bashkëpunim me qeverinë shqiptare si mundet që fëmijët të mësojnë gjuhën shqipe. Shqipërisë i mungon një strategji kombëtare e emigrimit, pra duke marrë shkas nga kjo situatë edhe vala e rikthimit në atdhe është një valë migratore pavarësisht se ata janë shtetas shqiptarë”, tha ai. Duke u ndalur tek pensionet, Guri tha se nuk ekziston asnjë marrëveshje e tillë dhe ka kërkuar që kjo çështje të futet në axhendën qeveritare.

Varrosi taksën e sheshtë edhe veten

Sali BERISHA

Shpreh shqetësimin e thellë për diletantizmin, elektoralizmin që ka dëshmuar qeveria në përzgjedhjen e projekteve për Samitin e Vjenës. Duke përshëndetur këtë Samit si një ngjarje historike tjetër dhe vërtet, ta quajmë procesi apo nisma e Berlinit, vazhdimi i saj përbën, pas perspektivës europiane dhe euroatlantike, zhvillimin më të rëndësishëm në historinë e marrëdhënieve të vendeve të rajonit njëra me tjetrën dhe me Europën e pasLuftës së Dytë Botërore.
Samiti i Vjenës, Rama përjashton hekurudhën Tiranë-Prishtinë

Ky rajon, që u karakterizua nga konfliktet që trashëgoi prapambetjen e diktaturave, edhe pas 20 vitesh nuk ka një projekt të vetëm rajonal europian. Dhe pikërisht kësaj mungese i jep përgjigje, mendoj unë, më serioze nisma e Berlinit, Samiti i Vjenës dhe samite të tjera që do të vazhdojnë. Por çfarë po ndodh? Qeveria shqiptare dërgon atje projekte, të cilat nuk kanë fizibilitetin, janë të ndikuara nga elektoralizma dhe shmang projektet më kryesore dhe unë dua të them këtu se projekti i të gjitha projekteve rajonale për Shqipërinë, Kosovën, por dhe më tutje është hekurudha Tiranë-Prishtinë apo më thjesht Milot-Prizren. Është kjo hekurudhë, e cila bën që Shqipëria të përfitojë në shkallë maksimale nga pozicioni i saj strategjik. Shqipëria ka një pozicion strategjik të padiskutueshëm, që i ka kushtuar gjatë shekujve dhe kohërave mbi 40 e ca pushtime. Koha është që ky pozicion të funksionojë për shqiptarët. Rruga e Kombit bëri që çdo vit, jashtë parashikimeve, jashtë studimit të fizibilitetit, qytetarët shqiptarë të përfitojnë 250 deri në 300 milionë euro nga flukset e mëdha të tregut dhe njerëzore që ajo krijon, por rruga e tregut është vetëm gjysma e potencialit të jashtëzakonshëm. Por, hekurudha është përgjigjja përfundimtare. Hekurudha bën portet tona portet më të afërta, në Adriatik për Kosovën, për Maqedoninë, për Bullgarinë Perëndimore, për Rumaninë Perëndimore, për Serbinë, për Hungarinë. Hekurudha është linja e fushës drejt Europës Qendrore dhe autoritetet e Shqipërisë dhe të Kosovës nuk mund të gjejnë, por askush nga ata që u ulën të analizojnë me ndershmëri dhe gjakftohtësi, një segment më të dobishme për ndërtim se sa 130 km hekurudhë Milot-Prizren. Unë dua të informoj dhe uroj që ambasadori austriak t’ia përcjellë qeverisë së tij një kujtesë të shkurtër, austro-hungarezët, atë periudhë të shkurtër që qëndruan në Shqipëri, projektuan hekurudhën Gjakovë-Shkodër, piketat e së cilës janë edhe sot. E projektuan atë si hekurudhë paqeje, e projektuan atë si një linjë të fuqishme tregu. Ndaj dhe është rasti që të rrëmohet në arkivat e ish-Perandorisë, se do të gjejnë projektin, të cilit i ka ardhur dhe po i kalon koha. Në samite shkohet për projekte rajonale, nuk është rajonale hekurudha Tiranë-Vlorë, atë e bën Shqipëria. Rajonale është Porti i Vlorës. Vlora ka ujërat më të thella të rajonit dhe për rrjedhojë në Vlorë mund të ndërtohet porti i ngarkesave më të mëdha, i konteinerëve dhe i anijeve gjigante, i cili i shërben Shqipërisë, Kosovës, Serbisë, Hungarisë, Maqedonisë, Bullgarisë e me radhë. Jam absolutisht dakord që të bëhet gjithçka për sistemin hekurudhor, por sistemi hekurudhor në ndërtim të Lindjes ka një handikap të madh, janë 3 km që mungojnë nga Lini në anën e Maqedonisë, janë 37 km që mungojnë nga Maqedonia në kufi, janë 74 që mungojnë midis Bullgarisë dhe Maqedonisë dhe kjo lidhje hekurudhore, gjithsej 130 km, është e një rëndësie të jashtëzakonshme, pasi ndjek në njëfarë mënyre rrugën me hekurudhë, treni niset në Tiranë, përfundon në Pekin, sidomos tani me këtë tunelin e ri të Bosforit dhe kjo nuk është vetëm për Shqipërinë, është për Italinë, për Europën Perëndimore, fluksi i mallrave. Ky tani merret dhe përcakton përparësinë sipas interesave elektorale. Jam tërësisht dakord me korridorin veri-jug, një korridor i debatuar prej 30 vitesh, dakord plotësisht, por për të tjerat ky përparësitë i ka sikur të ishte një analfabet. Më duhet t’i them këto. Nuk mund të shkojë qeveria e Tiranës dhe qeveria e Prishtinës me projekt tjetër më të rëndësishëm sesa hekurudha dhe duhet të kërkojë mbështetje dhe të qeverisë së Serbisë dhe qeverisë së Maqedonisë, të cilat këtu në rajon janë qeveri përfituese të mëdha nga ky projekt dhe të tjera me radhë, por po them për këto të dyja se janë në takim. Qeveria nuk mundet t’u kthejë shpinën projekteve kaq të mëdha për inate personale. Nuk digjet për një plesht jorgani, është një oportunitet shumë i madh, hekurudha është e kushtueshme, por plotësisht e mundshme për t’u ndërtuar dhe ja ku është projekti më fizibël, nga të gjitha të tjerat. Samiti i Vjenës është një eveniment i një rëndësie historike për rajonin, për fat të keq më duhet të them se kësaj radhe Samiti ka në rend dite një problem madhor, krizën e refugjatëve, azilantëve, e cila, do të provohet shumë shpejt kriza më e madhe, më e rëndë që nga Lufta e Dytë Botërore deri më sot për Europën Perëndimore dhe nuk duhet të kemi asnjë iluzion për këtë. Ajo që është tragjike për ne, e turpshme dhe e papranueshme është se ne jemi pothuaj në krye të listës së këtij problemi, krahasohemi me sirianët, me libianët, me irakenët. Sot në një kohë kur në këtë vend të ardhurat për frymë, nga viti 1992 deri më 2014 janë rritur, sipas FMN, nga 204 dollarë për frymë në 11300 dollarë për frymë. Apo sipas agjencisë së zbulimit të SHBA, në 11 mijë e njëqind e ca.

Shqiptarët janë shndërruar në të pashpresë

Çfarë po ndodh me shqiptarët, si kanë mundësi që të kapin çatinë e botës për azilkërkim? Ku ishte në vitin 2012 kërkesa e azilit? Gjithsej 250 shqiptarë, lëvizja ishte e lirë. 100 e ca ishte në vitin 2011, çfarë po ndodh? Shqiptarët po largohen masivisht nga Shqipëria, sepse krimi është shndërruar në sistem, shqiptarët nuk mund të kenë shpresë, sepse këtu vritet shpresa çdo ditë. Nëse qeveria shkatërron, në kundërshtim flagrant me ligjin dhe zotimin elektoral se, “edhe Enver Hoxha po të ngrihet nga varri shtëpitë e ndërtuara pa leje nuk do i prishë dot”, sepse ligji nuk lejonte prishjen e shtëpive që kanë aplikuar për legalizimin pa marrë një përgjigje përfundimtare. Nëse ti merr përsipër dhe rreh gjoksin e mburresh se ke prishur 9 mijë banesa, cili shqiptar e ndien shtëpinë e vet të sigurt nga arbitariteti yt? Çdo shqiptar thotë se forca e shtetit mund të më rrënojë dhe se këtu nuk rrihet dhe se ky vend nuk bëhet. Nëse ti rreshton kriminelë e trafikantë në Parlament, qeveri dhe administratë, cili shqiptar do të mendojë se këtu ka perspektivë për jetën e tij? Nëse ti del me Luiza Xhuvanin dhe e shpall heroinë pse po largohej nga Parlamenti, pasi kish liruar të birin me një vit për vrasjen e një të riu dhe jua servir shqiptarëve si modeli i përgjegjësisë, çfarë ju mbetet nënave shqiptarëve dhe fëmijëve shqiptarë në këtë vend, të vriten dhe ekzekutohen nga Xhuvanët dhe të marrin dekoratat e Kryeministrit? Edi Rama është vrasës i shpresës së dhjetëra, qindra e mijërave shqiptarëve. Shqiptarët po largohen nga ky vend sepse e shohin se ky vend nuk mund të bëhet në këtë mënyrë. Por nëse ti iu kundërvihesh partnerëve tanë më kryesorë, për kriminelë të tipit Roshi, Bushi e Frroku e me radhë, çfarë shprese ka qytetari i thjeshtë shqiptar se këtu mund të ketë siguri në kthetrat e kriminelëve? Nëse ti ndërton vila, pallate e saraje dhe nuk tregon një faturë dhe shkatërron shtëpitë e varfanjakëve, çfarë shprese ka se do të luftohet korrupsioni në këtë vend? Unë ju them ju, autoritetet gjermane tani flasin për mundësinë e kthimit të vizave, e kam paralajmëruar një vit përpara këtë dhe ndodhte se sa herë që unë shkruaja ose denoncoja në Parlament Edi Rama më nxirrte zëdhënësen e tij dhe thoshte se nuk ekzistoka asnjë rrezik për kthimin e vizave, fliste sikur ishte zëdhënëse e qeverisë gjermane dhe e Brukselit, jo e qeverisë shqiptare. Po, po, shihni arkivat. Dhe e vërteta është se do të ecet në mënyrë të pandalshme drejt këtij problemi dhe në Samitin e Vjenës ky problem do të jetë çështje kryesore, sepse nuk mund të jetë çështje kryesore vetëm ato që do ti, janë çështje kryesore ato që shqetësojnë më shumë dhe kjo është shqetësim madhor për Europën sot dhe në të ardhmen. Çfarë bën zotëria? Përpiqet me çdo kusht ta transportojë problemin në Gjermani, se kanë bërë njoftime për punë. Po pse para dy vjetësh gjermanët nuk kishin bërë njoftime për punë? Gjermanët kanë të paktën 8 vjet që aplikojnë një lloj sistemi si green card për profesione të caktuara. Po pse nuk shkonin përpara? Po çfarë do të thotë kjo? Do të thotë se ky i inkurajonte. Po pse i njëjti faktor nuk vepronte dy vjet më parë, tre vjet më parë, por vepron kaq fuqishëm tani? Faktori Rama, lidhjet e tij me krimin, vrasja e shpresës, këto janë.

Rikthimi i sistemit të vizave është në prag

Para jush kam denoncuar në mënyrë të përsëritur qytetarë që në qeli fotografonin veten për t’i paraqitur si dokument për të marrë azilin dhe azili ka një gjë. Unë i ftoj partnerët tanë të mos besojnë, pasi ata që shkojnë për azil politik dhe shqiptarët shumë probleme mund të kenë, por budallenj nuk janë, e dinë shumë mirë ç’do të thotë kërkesë për punë dhe azil politik, e kanë shumë të qartë dallimin. Azil politik kanë kërkuar kur kanë hyrë në ambasada, azil politik po kërkojnë tani, kanë ikur me qindra e mijëra, s’kanë kërkuar azil politik, kanë kërkuar një copë punë për kafshatën e gojës dhe kaq. Tani del teori tjetër se e ka fajin Greqia. Jo more zotëri, shko në fshatrat e Matit, shko në Mokër, po sheshin lopë, shtëpi e katandi për t’u nisur për azil, është kthyer në një epidemi. Nuk përjashtoj mundësinë që shkojnë edhe nga Greqia, por shumica dërrmuese janë nga Shqipëria. Ky nuk ndjen asnjë përgjegjësi për këtë që ndodh, është vetë gjeneratori kryesor i kësaj me politikat që ndjek dhe një herë thotë se e ka fajin Gjermania që po bën njoftime, herë tjetër e ka Greqia se është në krizë. E ka kryekëput Shqipëria, se Greqia ka qenë edhe para dy vjetësh në krizë të thellë, Greqia ka qenë në krizë të thellë edhe në vitin 2012 dhe në zyrat e azilkërkimit gjerman janë paraqitur vetëm 250 shqiptarë. Të mos gënjejë, por të marrë të gjithë përgjegjësinë, të mbledhë urgjent qeverinë dhe institucionet për t’iu përgjigjur kësaj çështjeje se përndryshe absolutisht do të ketë masa të pashmangshme dhe që nuk i duan fare t’i vendosin, por nuk kanë rrugë tjetër. A e errëson ky problem Samitin? Nuk është se nuk e errëson, unë besoj se projektet për infrastrukturën do të marrin rrugë, por ky përbën një problem shumë të rëndë, shumë serioz dhe ky Kryeministër, siç jeni dëshmitarë ju, nuk ka marrë asnjë masë. Por nëse ti ia prish shtëpinë tjetrit, çfarë dallimi ka për të dhe fëmijët e tij nëse ia prishi bomba, nëse ia prishi ky apo ai? Rezultati është i pastrehë, është në rrugë, qiellin për mburojë, ti mund t’ja prishës po ti i jep një shpërblim apo strehim, i jep një alternativë. Ky sillet me njerëzit si armiq. Si përfundim, uroj që të mos ndodhë, por duhen shumë, se në një të ardhme do të rikthehet sistemi i vizave, i cili është përgatitur si modalitet i plotë për t’u vënë në lëvizje, me lëvizje të plotë, me shpejtësinë më të madhe.

– Çfarë mesazhi mund të marrë qeveria në këto kushte për të shmangur eksodin? Ju dhe zoti Rama mendoni njësoj kur thoni se Europa duhet të mendojë si e tërë për çështjen e azilkërkuesve nga vendet në konflikt?
Unë mendoj se Kasandrat ky i ngjet me dajën e vet, se ky ka sentimente antieuropiane dhe sa herë që i shkelet interesi ky lëshon marrëzira se jo do të ketë gjakderdhje, çfarë i thotë mendja e tij e sëmurë se, Europa do të shpërbëhet e ku ta di unë. Në radhë të parë ky duhet t’i thotë Europës dhe vetes së vet se do të ndërpresë fluksin e refugjatëve nga Shqipëria, kjo është detyra e tij kryesore dhe kjo kërkon veprime të shpejta energjike, për të rikthyer shpresën tek shqiptarët. Nuk rikthehet shpresa tek shqiptarët duke bërë karshillëqe me kriminelë dhe të damkosur, ndaj shqiptarëve dhe komunitetit ndërkombëtar. Nuk rikthehet shpresa tek shqiptarët duke i prishur varfanjakut kasollen dhe mbrojtur sarajet e tij e të Koços, se ndryshe nuk mbrohen ata. Nuk rikthehet shpresa tek shqiptarët kur ke vjedhur me klanet e tua mbi 170 milionë euro në Dogana e Tatime dhe tregon përralla. Tregon që nuk ke nivel dhe nuk di se çfarë thua. Thua na ranë të ardhurat se nuk importuan energji. Po ka logjikë njerëzore që pranon broçkulla të tilla. Thotë se na ranë të ardhurat se ra çmimi i naftës, po çfarë pune ka akciza e naftës me çmimin e naftës? Përkundrazi, në raport me akcizën do të shtohej konsumi. Shtohet konsumi, shtohet akciza. Çfarë pune ka taksa e qarkullimit që katërfishoi me rënien e çmimit në bursë? Ky u thotë shqiptarëve non sense, marrëzira. Ky është dështim i modelit. I rriti taksat, i rriti akcizat, u tha se do ta gropos taksën e sheshtë dhe sistemin fiskal të Berishës, urdhëro groposi vetë tani. Ja ku është në falimentim të plotë. Një herë fajin e ka Greqia, një herë Gjermania, e ka “Crown Agents”, po çfarë faji ka ajo që këta vjedhin nga mëngjesi deri në darkë. Çfarë ka kjo kompani kur Salarioni bënte ligjin dhe niste në Doganën e Tiranës jo më pak se 40 punonjës të ujësjellësit, miq të vet. Çfarë do të bëjë “Crown Agents” kur deputetët ngrenë traun, nga mëngjesi deri në darkë, të doganave? Ç’do të bëjë “Crown” kur drejtori në tatime, i afërt fare me Ramën, ky Premçi, ish-drejtori i Përgjithshëm i Policisë, i aftë, largohet, jep dorëheqjen sepse nuk do të bëhet pjesë e klaneve të pushtetit që vjedhin? Rama thotë nuk ishte vjedhje, na thanë studentët e Harvardit që janë punë tranzicioni. Atëherë kjo del se është dështim i plotë modeli. Dështoi ai model siç ta thamë para dy vjetësh se ke 95% shanset e dështimit.

– Ju keni hedhur një status ku ju bëni thirrje shqiptarëve për të mos kërkuar azil në Gjermani se nuk kanë shpresa, as këtu nuk kanë shpresa. Cila është zgjidhja për ta?
Në fakt, ju kam bërë thirrje dhe ju bëj thirrje që mos u largoni se vetëm sa do të përjetoni një sagë të dhembshme, plot me vuajtje dhe përsëri shanset e azilit janë zero. Ky është besimi im i thellë. Të kthehen dhe të krijojmë shpresën në këtë vend. Ky vend i ka të gjitha potencialet. Çfarë i tha Kancelarja Merkel? Kur piktori dështak, i cili ka mbushur muret e sallës kryesore të Kryeministrit, me fotokopje të shkarravinave të tij, narcizist. 400 kopje janë bërë me pikturat shkarravina të tij dhe Kancelarja, mençurish i thotë se me këto bojëra… Po i thotë ai, se ne bojërat kemi se ju i keni të tjerat, jo i thotë ajo, ju keni malet dhe detet, por duhet të kesh mend. Ajo nuk ia tha këtë punën e mendve, por vetëkuptohet, siç doli vetë.

– Ka edhe Ismail Qemalin?
Atij i duket vetja Enver, se e dini një histori. Ja u them unë. Ismail Qemalin, Enver Hoxha donte ta varroste. Njëlloj si Zogu, nxori tezën se bejlerët shqiptarë për interesa të tyre bënë që Ismail Qemali të tundë flamurin në Vlorë dhe kjo tezë ishte teza më djallëzore, ishte teza me të cilën po përgatiste asgjësimin e pavarësisë së Shqipërisë dhe bashkimin e Shqipërisë me Jugosllavinë, ishte teza me të cilën shqiptarët, të mos thoshin se e kemi Ismail Qemalin, se pavarësia është një gjë historike, por përkundrazi. Pasi po përgatiste të gjithë kuadrin e përfshirjes si Republikë e 7-të e Jugosllavisë, Hoxha iu thoshte shqiptarëve se një grup bejlerësh për interesat e tyre e çuan Ismail Qemalin ta tundte flamurin në Vlorë. Edhe ky absolutisht të njëjtin koncept ka për këtë. E bëri atë nga inati që ka për PD-në etj., etj., po kjo është një gjë që…

– Për çështje madhore a do të ishte e gatshme PD të bëjë koalicion me PS?
Unë i kam mbyll koalicionet e mia. Unë nuk merrem me këto punë. Këto pyetje bëja kryetarit të PD. Ka kryetar PD.

– Ai i ka mohuar këto…
Ai është kryetari im, unë i besoj atij, nuk merrem me koalicione. Unë merrem me interesin publik, siç e gjykoj unë jo me koalicione.

– Nuk ju duket se shpresa që ju kërkoni tek shqiptarët është pak jetime?
Jetime është ke të drejtë po prapëseprapë jo e pamundur të rikthehet, sepse gjithmonë mbetet një rreze e saj. Eksperienca ime dhe jeta ime më thotë që në çdo lloj momenti një rreze shprese ekziston dhe duhet të kërkosh që ta gjesh. Kështu që pavarësisht nga kjo situatë vërtet dëshpëruese, ai është bërë problem sa Asadi me azilkërkues dhe thotë se e kanë keqkuptuar atë kërkesën për krah pune të Gjermanisë, ndërsa tani thotë se ikën shqiptarë nga Greqia. Unë e kam deklaruar se ky vend do të dalë nga kjo spirale vetëm me një revolucion demokratik. Pra, me një lëvizje të fuqishme të qytetarëve shqiptarë, të cilët nuk largohen prej saj deri në momentin që kjo qeveri të arkivohet në histori. Me Edi Ramën nuk ka shpresë. Ka nisur prej dy muajsh se do të bëjë aksion në shtator për bizneset. Kjo është tipike diktatoriale. Po pse me aksion zbatohet ligji? Ligji është koncept konstant zbatimi. Po nëse ju thua vidhni gjatë verës se në shtator do të nxjerr dajakun, atëherë ky është antiligji. Jam kundër informalitetit dhe jam pro zbatimit të çdo ligji, por ky është rrënimi i ekonomisë. Çfarë po bën, kam disa mesazhe nga biznesmenë. Ju çojnë shkresa dhe ju thotë se nëse tatim fitimi yt, nëse ai ka paguar 200 mijë është bërë 2 milionë, nëse ai ka paguar 600 mijë është bërë 6 milionë. Po, po. Do ta shihni ju. E kam nga biznesmenët. S’mund ta bësh kurrë një gjë të tillë. Unë nuk them se nuk fshehin, unë nuk them se nuk bëhen bilance falso dhe merru me to, por jo në këtë mënyrë. Ku çon kjo? Kjo çon në dy gjëra. E para, në falimentime masive, e dyta, në përdorimin e këtij tatimi të jashtëzakonshëm për qëllime politike. Se pastaj, cilitdo, i thua 10-fish, tjetrit i thua vazhdo. Pra, kjo është një colpo di grazia, një goditje mëshire përfundimtare që i jep klimës së bizneseve. A mund të imagjinohet? Nga “kryediskoteka” e vendit vetëm mesazhe të tilla, se biznesi ky e biznesi ai, se në shtator do të fillojë aksioni, në shtator do të bëjmë këtë e atë. Po pse në gusht duhet të vjedhin sipas këtyre? Sipas Kryeministrit, në gusht, në korrik dhe pas dy vitesh u kujtua ky për informalitetin? Informaliteti luftohet çdo orë, çdo ditë. Dy vjet çfarë bëri ky, me se u mor apo veshi muret e zyrës së tij me shkarravinat e tij.

– Ka një kritikë nga aleatët e PD për mënyrën si po bëhet opozita. Cili është mendimi juaj?
Mendoj se Partia Demokratike ka një debat të hapur brenda dhe duhet ta ketë për mendimin tim, nga i cili në mënyrë absolute, në fund të fundit vetëm fiton. Nuk shoh asnjë lloj negativiteti në debatin e saj të brendshëm. Mendoj se Partia Demokratike është duke lexuar rezultatin e zgjedhjeve dhe uroj dhe dëshiroj që të gjejë përgjigjet më të duhura. Natyrisht unë nuk kam marrë pjesë qoftë edhe një orë të vetme në fushatë dhe nuk kam të drejtë të trajtoj probleme në të cilat nuk kam asnjë investim.

– Kryetari i PD, Basha ka paralajmëruar protesta në shtator. Do të përfshiheni në këto protesta?
Në asnjë lloj aktiviteti unë nuk jam më dhe nuk do të jem drejtues. A do të marr apo nuk do të marr pjesë si deputet apo si qytetar kjo do të përcaktohet aktivitet pas aktiviteti. Ky është shpjegimi im.

– Duke marrë shkas nga rasti i Dhërmiut, a mendoni se duhet të ndalohet ndikimi i Greqisë në ortodoksinë shqiptare dhe si duhet të ndodhë kjo, ka një debat për këtë…
Tani lidhur me rastin e Dhërmiut, unë personalisht kam denoncuar dhe denoncoj mënyrën arbitrare të ndërhyrjes në kishë. E kam denoncuar dhe e denoncoj. Shqipëria ka një histori unike të shkatërrimit barbarisht të kishave dhe xhamive. Duke thënë këtë dhe prapë i qëndroj, qeveria dhe autoritetet nuk mund të kryejnë një veprim arbitrar, por nga ana tjetër është e domosdoshme të respektohet plotësisht historia në zhvendosjen e himarjotëve drejt Vatikanit, por duke ruajtur ritin oriental, qëndron rezistenca e tyre ndaj Fanarit dhe Portës së Lartë, në kohën kur Fanari flirtonte me Portën nga mëngjesi deri në darkë himarjotët i kërkuan Vatikanit dhe Vatikani pranoi kërkesën e tyre. I kërkuan për t’i rezistuar, për të ruajtur besimin e tyre ortodoks dhe për t’i rezistuar edhe Fanarit edhe Portës së Lartë. Pra, problemi i priftit që është i varrosur aty është shumë i ndjeshëm sepse Vatikani mbi bazën e kërkesës së Himarës ngriti një kolegj të veçantë për të përgatitur priftërinjtë, natyrisht jo vetëm për Himarën, por edhe për arbëreshët edhe për zona të tjera, vareshin nga Vatikani, por ritin oriental duke respektuar ritin bizantin. Tani, kjo përbën një trashëgimi të madhe historike, të kombit shqiptar. Përsa i përket ndërhyrjeve janë absolutisht mentalitet bizantin dhe është totalisht e papranueshme.
Qeveria greke nuk është qeveri e Perandorisë Bizantine, është qeveri e një vendi anëtar të Bashkimit Europian dhe duhet të çlirohet nga dogma sipas të cilës ortodoksit janë vetëm grekë. Së dyti, Himara s’ka qenë dhe nuk është kurrë zonë minoritare, Himara është një bastion i fuqishëm i shqiptarisë dhe atdhetarisë me një popullatë me gjashtë fshatra dhe qytetin e Himarës bilinguale, dygjuhëse. Ndaj dhe as nuk mund të bëhet fjalë për minoritet, as nuk është në interesin e qeverisë greke apo të marrëdhënieve që të marrë funksione bizantine të trashëguara nga një perandori që është shuar prej shekujsh. Edhe një herë vandalizmi ndaj kishës është plotësisht i dënueshëm të tjerat pastaj, himarjotëve nuk duhet t’i preket historia. Gjithë ato çka ata trashëgojnë nga ritet orientale nën Vatikanin janë pjesë e qëndresës së tyre shekullore.

Ben Andoni

Deri kur ky popull do t’i durojë këta banditë, kriminelë e mafiozë në skenën politike?

Dikur analfabetë, sot janë bërë multimilionerë

Nga njerëz të pashkolluar, u shndërruan në njerëz të diplomuar, me diploma fakulteti, master e deri tek ”doktor shkence”! Të gjithë u bënë me diploma universiteti, magjistra, doktorë “shkencash” e akademikë

Babai im i ndjerë gjithmonë më thoshte:

Nëse e marrin pushtetin njerëzit që para ardhjes në politikë kanë qenë të varfër dhe të pashkolluar, është shumë rrezik për atë shtet dhe për atë popull, sepse ata janë të pangopur dhe nuk kanë kufi! Pastaj pas disa viteve kur lëshojnë rrënjë të thella në politikë, është vështirë për t’i larguar nga pushteti! Dhe me të vërtetë ashtu ishte dhe ashtu ndodhi. Shteti ra në duart e njerëzve të tillë, njerëz që  ishin të varfër, të pacivilizuar dhe të paarsimuar. Këta politikanë të sotëm nga super të varfër, u shndërruan në njerëz super të pasur. Nga njerëz të pacivilizuar dhe çobanë, u shndërruan në njerëz të ”civilizuar”! Nga njerëz të pashkolluar, u shndërruan në njerëz të diplomuar, me diploma fakulteti, master e deri tek ”doktor shkence”! Të gjithë u bënë me diploma universiteti, magjistra, doktorë “shkencash” e akademikë. U kujdesën edhe për gratë e tyre, fëmijët, familjen e ngushtë dhe të gjerë, që brenda natës të marrin diploma universiteti e deri tek doktoraturat. I punësuan gratë, burrat, fëmijët, dajat, tezet, hallat, xhaxhallarët, fisin, farefisin, shokët e miqtë, në institucionet më të rëndësishme shtetërore. Punësuan edhe dashnoret dhe dashnorët e tyre. Uzurpuan edhe TV publik, duke e mbushur me familjarë të tyre. Gratë dhe dashnoret e tyre injorante dhe gjysmanalfabete, që në fillim s’dinin as t’i lidhnin dy fjalë, falë fuqisë së burrave që i kanë në pushtet, brenda natës u bënë femra të “shkolluara” dhe të “emancipuara”. “Zonjat” e tyre nga fshatare dhe amvise të thjeshta, u graduan me lloj-lloj titulli. Të gjitha u bënë profesoresha universiteti. Këto “zonja” që para luftës ishin injorante dhe analfabete, pasluftës u fuqizuan aq lart me pozita, saqë uzurpuan të gjitha universitetet publike dhe private për t’i “edukuar” fëmijët tanë. Kurse fëmijët e tyre me paratë tona u shkolluan në shkollat më prestigjioze të botës.

 

Shteti që udhëhiqet nga injorantët

Këta ish-të varfër, debilë e analfabetë, sot janë bërë multimilionerë, politikanë, diplomatë, akademikë, profesorë dhe çka jo tjetër! Çdo institucion shtetëror e uzurpuan dhe e familjarizuan. E mbushën administratën shtetërore me lloj-lloj debili, analfabeti, injoranti, banditi, skizofreni e psikopati. Uzurpuan shtetin dhe kapën për fyti çdo institucion shtetëror. Plaçkitën dhe vodhën të gjitha fabrikat dhe ndërmarrjet shtetërore e publike. Krijuan monopol në ekonominë e vendit. Për çdo ditë pamëshirshëm e zhvatin paranë publike, dhe atë në mënyrën më të tmerrshme. Abuzojnë me ligjin, me shtetin, me qytetarët dhe paratë e tyre. Abuzojnë edhe me makinat dhe telefonat zyrtarë për nevojat e tyre personale. Rrënuan, shkatërruan dhe degraduan çdo gjë. Sot këta debilë jo vetëm që diktojnë shtetin, drejtësinë, arsimin, shëndetësinë, ekonominë, policinë, diplomacinë, mediet, por diktojnë edhe jetën e çdo qytetari. Diktojnë edhe ajrin  dhe frymën e qytetarëve të saj. Janë bërë të paprekshëm nga sistemi i drejtësisë, pavarësisht se kanë vjedhur, plaçkitur, kanë vrarë dhe kanë bërë krime të natyrave të ndryshme. Me paratë e këtij populli, kanë degjeneruar në superluks. Jetojnë si mbretër dhe pashallarë. Janë shndërruar në diktatorë ”modernë”. Me paratë e këtij populli bëjnë xhiro nëpër botë, me gratë, burrat, fëmijët, dashnoret dhe dashnorët e tyre, nëpër plazhet dhe hotelet më superluksoze të botës. Nuk duan të flasin për dështimet e tyre, duan të flasin vetëm çfarë duan ata, se gjoja kanë arritur vetëm ”suksese”. Madje janë bërë shumë arrogantë dhe të egër. Kur kritikohen për të bëmat e tyre, përgjigjen me arrogancë, madje popullit i shesin edhe ”moral”.

 

As Zotin nuk po e njohin më

Të mjerët ne që po udhëhiqemi nga këta ish-të varfër dhe analfabetë. Këta janë bërë aq të bezdisshëm, sa që nuk po durohen më. Kanë kaluar çdo kufi. Përveç që janë bërë të paprekshëm nga organet e drejtësisë, as popullit nuk po i frikohen më. Sillen sikur gangsterë dhe rrugaçë. Kanë krijuar përshtypjen se askush s’ka se çfarë t’u bëjë, madje as populli. Që janë të paprekshëm dhe të pamposhtur. As Zotin nuk po e njohin më. E të gjitha këto po i bëjnë në ”emër të popullit” dhe në ”emër të së kaluarës” së tyre të ”lavdishme”. Por. ky popull edhe sa kohë do t’i lejojë që këta ish-varfanjakë dhe analfabetë të pangopur, të shndërruar në multimilionerë, të na udhëheqin, të na vjedhin, të na plaçkitin, të na vrasin e të tallen me ne?! Deri kur, deri kur…??? Deri kur ky popull do t’i durojë këta banditë, kriminelë e mafiozë në skenën politike, të cilët janë bërë kanceri i shtetit dhe gjithë shoqërisë??? A do t’u tregojë ky popull këtyre mafiozëve të politikës, që populli është më i fuqishëm se ata, pavarësisht pushtetit të tyre kriminal dhe mafioz???

 

Shkruan: Faik Krasniqi

Mjerë ne që po udhëhiqemi nga ish-të varfrit!

Disa studiues po grumbullojnë të dhëna për prejardhjen e të parëve të Gjergj Fishtës. Ata mendojnë se trungu është në Dom Gjon të Mirditës. Mendojnë, gjithashtu, se stërgjyshërit e Fishtës rrjedhin nga fisi i Pacajve. Në raste të tilla mua më vjen nëpër mend një aforizëm i Niçes. Ai ka thënë diku se një popull nuk vlerësohet nga numri i njerëzve të shquar që ka nxjerrë nga gjiri i tij, por nga qëndrimi që ai popull mban ndaj figurave të veta të shquara.

Qëndrimi që kanë mbajtur mirditorët ndaj Fishtës është si për njeriun e tyre: e duan Poetin Kombëtar dhe veprën e tij. Shumëkush ka ditur vargje të tëra përmendësh nga “Lahuta e Malcis” dhe i ka përcjellë ata gojë më gojë edhe atëherë kur vepra e Fishtës ishte e ndaluar dhe bënte fajësi të dënueshme për agjitacion e propagandë për këdo që e lexonte qoftë edhe për kënaqësi vetjake.

Lidhjet e mirditorëve me Poetin e Madh bëhen më të qarta duke analizuar dy të dhëna të pavlerësuara sa duhet deri sot. E para ka të bëjë me shoqërinë “Bashkimi” e themeluesin e saj Abat Doçin dhe, e dyta, me botimet e para të Gjergj Fishtës, që sipas gjasave, vijnë si rrjedhojë e aktivizimit të Gjergj Fishtës në shoqërinë “Bashkimi”.

Për të parën, pra, për themelimin e shoqërisë “Bashkimi”, “Kalendari i Maleve” i vitit 1900 i Faik Konicës shkruante:
“Ma e madhia ndodhinë për kombin shqiptar më 1899, asht krijimi i shoqnisë “Bashkimi” ne Shkoder, per përparimin e gjuhës kombetare.  Kjo shoqni zgjodhi për kryetar Imzot Prenn Doçin, Abatin e Mirditës. I shkëlqyeshmi Abat i Mirdites ka me vedi besimin edhe uzdajen e gjith shqyptarve, te shka do fes qi ne qofshim.”

Një tekst i tillë nuk ka nevojë për koment kur është fjala për rolin e Mirditës dhe të njerëzve të saj të shquar si Prend Doçi në historinë e Shqipërisë.
Më tej do të rrekem t’i japim një përgjigje të pranueshme pyetjes që shtrova më sipër: si ka ndikuar shoqëria “Bashkimi” në fillimet letrare të një poeti e shkrimtari si Fishta?
Gjergj Fishta ka qenë njëri ndër themeluesit e shoqërisë “Bashkimi”, ku bënin pjesë personalitete të letrave shqipe, si: Ndre Mjeda, Luigj Gurakuqi, Ndoc Nikaj, Mati Logoreci etj.

Aso kohe ai ishte famullitar i Gomsiqes, që i përkiste Abacisë së Doçit. Ajo që unë dua të theksoj këtu është fakti se shkrimi i parë i Fishtës, më saktë, dy shkrimet e para të botuara të tij datojnë në nëntor të vitit 1899, disa muaj pas themelimit të shoqërisë “Bashkimi” (janar-qershor 1899). Shkrimi i  pari është një poezi satirike që titullohet “Zoti Anselmo Lorecchio në Vienë” dhe, i dyti, një ese e shkurtër që titullohet “Një hije e zezë” (N’I HIE’ E’ ZEZE).  Të dy shkrimet botohen në revistën “Albania” të Faik Konicës kur Fishta ishte 28 vjeç. Botohen me alfabetin e revistës (jo si është thënë ndonjë herë me alfabetin e klerit katolik të Shkodrës) dhe i pari mban pseudonimin E Popullit, ndërsa i dyti është pa emrin e autorit dhe pa ndonjë pseudonim të tij.

Anselmo Lorecchio na del, kështu, personazhi i parë qysh në nismat letrare të Fishtës. Në numrin e njëmbëdhjetë të revistës “Albania” të vitit 1899, emrin e tij e gjejmë qysh në titull të poezisë (Zoti Anselmo Lorecchio në Vjenë), por edhe eseja, që botohet në të njëjtin numër (f.19-21) me titull “Një hije e zezë”, ka në qendër, d.m.th., ka si hije të zezë Anselmo Lorecchio-n, tashmë jo në Vjenë, por në Romë, ku paska qenë zhvilluar një kongres gjuhëtarësh që trajtojnë edhe probleme të gjuhës shqipe.

Lorecchio e propozon Shqipërinë si pjesë të Greqisë, prandaj Fishta e bën atë hije të zezë dhe ngrihet kundër tij, ndryshe nga qëndrimi që mban në vargjet satirike, ku ndihet edhe një farë krenarie etnike (e të qenit shqiptar) të një njeriu që është i zoti edhe të përziejë punë të mëdha në mes të shteteve si Italia e Austro-Hungaria.

Se si u gjenden të dy shkrimet e para të Fishtës në të njëjtin numër të revistës “Albania” të Faik Konicës, unë nuk jem në gjendje të formuloj ndonjë përgjigje të argumentuar për mungesë informacioni të domosdoshëm. Por mund të them se poezia “Zoti Anselmo Lorecchio në Vjenë” është botuar në pjesën e pasme të kopertinës së parë dhe ka shënimin në kllapa: “Kasnik për Vitin e Ri”, si dhe në fund: “Kjo vjershë asht e qitun ka Kalendari i Maleve me zbukurime, per 1900…”. pra, si kuptohet nuk janë dërguar për botim nga autori për të njëjtin numër të revistës “Albania”.

Viti 1899 shënon themelimin e shoqërisë “Bashkimi” nga abat Doçi i Mirditës si dhe fillimet letrare të Fishtës, duke paralajmëruar Poetin Kombëtar të shqiptarëve, që, sipas studiuesit gjerman Maksimilian Lamberc, gjuha shqipe e ka si “nji fat të madh e të jashtëzakonshëm, çka nuk e patën popujt e tjerë, veçse mbas qindra vjetsh të një jete letrare”. Prandaj kanë të drejtë mirditorët që e duan Poetin e tyre Kombëtar, por jo vetëm ata.

Gjergj Fishta i ri
Gjergj Fishta
Zoti Anselmo Lorecchio në Vjenë
(Kasnik[1] për Vitin e Ri)
Loreki, një trim Ilti[2],
Shtie Taljant[3] në gjemi[4],
Në Trieste po don me hi,
Me çartë Nemc’[5] me ba Itali.

U çart Nemc’, u banë makaronat,
N’Bec e n’Bud[6] u rrëzuen fronat.
Loreki po dredh mustakun,
N’Bec mbrenda do të derdh gjakun.

Kush po shkon në Adriatik?
Loreki tue shti frikë,
Tue shti frikë, tue pre krerë:
Se ç’të gjet, mori Nemce e mjerë!
Ne Hofburg[7] na vajti fjala:
Se ç’na ra Anselmo-palla!

Mori Nemce me fiorita,
Të hangra e të përpita!
Nuk i njofte gojët tonat
Që me grusht hamë makaronat!
Dalin Nemcet e bertasin:
O Anselm, ç’faj t’kemi pasun?
Mori Nemce vet e dini:
Shqypëninë ku ma kini?
E Popullit.

Shqiptarja.com.

Gazetari investigativ, Artan Hoxha ka zbuluar një sërë të dhënash të pabëra më parë publike në lidhje me operacionet anti-kanabis të policisë dhe kultivimit të bimëve narkotike në vend. Në studion e Opinion në Neës24, Hoxha tha se policia po punon mirë, por se nuk po goditet kokat e trafikut të marijuanës.

Ai tha se në zonën e Dukagjinit këtë herë po përdoret taktikë tjetër për zbulimin dhe asgjësimin e bimëve narkotike, çka ka sjellë edhe rezultate pozitive.

“Operacioni në zonën e Dukagjinit ka hyrë në ditën e katërt. Rezultatet pozitive, sasi e madhe është korrur. Mbi 35 mijë rrënjë. 480 forca FNSH, RENEA, të Shkodrës në mbështetje.

Këtë radhë u ndoq taktikë tjetër. Hyrja në zonë më parë është bërë gjatë orëve të mesditës, kësaj here u kapën pikat strategjike. Në mënyrë që kur të hynte policia të mos kishte kohë për reagim. Ndërhyrja është bërë sapo ka zbardhur dita, ka nisur operacioni. Forcat snajperiste me helikopter. I janë krijuar mundësitë policisë që të mos vihet nën zjarrin e atyre personave. Të gjithë trupat që janë në operacion nuk kthehen në shtëpi por flenë në mal”, tha Hoxha.

Sipas tij, shtrirja e kultivimit të kanabisit në çdo rreth të vendit edhe aty ku nuk është mbjellë më parë tregon se goditja e Lazaratit ishte goditje e sipërfaqes dhe jo e kokave të narko-trafikut. Hoxha tha se i gjithë territori i vendit është kthyer në një hambar për kultivimin e bimëve narkotike.

“Shtrirja e bimës narkotike uniformë në të gjithë vendin. Sasia e madhe e lëndëve narkotike në të gjithë territorin, tregon se trafikantët e vërtetë nuk u goditën në Lazarat, u godit vetëm sipërfaqja. Duke mos u goditur kokat kryesore në Lazarat dhe duke e ditur që ata që e kontrollonin Lazaratin. Nuk ishin lazaratasit, por persona të tjerë, ata kanë krijuar sot këtë situatë”, tha ai.

Autori i emisionin “Xhungël” ka zbuluar detaje edhe për operacionin e policisë në Kavajë, ku u asgjësuan 6500 bimë narkotike si dhe 12 thasë me lëndë të thatë. Ai tha se ka pasur të shtëna me armë zjarri dhe se në vendin ku është gjetur lënda narkotike janë gjetur pajisje dhe infrastrukturë e posaçme.

“Kanabisi në të gjithë vendin duke filluar që nga qarku i Vlorës, Gjirokastrës, Fierit, Durrësit, etj. Çudia më e madhe në qarkun e Tiranës. Çudia më e madhe ajo që ka ndodhur mbrëmë natën në Kavajë. Në një patrullim është qëlluar me armë. Policia është larguar dhe ka raportuar. Është hartuar një plan masash. FNSH-të nga Tirana kanë shkuar në mëngjes dhe pasi kanë ecur 40 minuta më këmbë kanë gjetur 6500 rrënjë kanabis të mbjellë, më shumë se 2 ha. E gjithë zona ruhej me vend roje. Po ashtu janë gjetur edhe dy tenda të mëdha, një për procesin e tharjes dhe një kur qëndronin personat. Aty janë gjetur pije freskuese, frigoriferë, gjeneratorë silenciatorë. Një infrastrukturë e tyre. Është e cuditshme kur qarku i Tiranës është krehur 3 herë më parë. Çfarë tregon kjo? Kjo tregon që mesa duket lufta ndaj narkotikëve edhe këtë vit nuk ka për t’ia arritur qëllimit nëse nuk goditen trafikantët e mëdhenj. Policia dhe prokuroria të tentojë të hyjë brenda radhëve të organizatorëve dhe të tentojë të ndëshkojë të gjithë policët, drejtuesit që janë të implikuar. Është e pamundur që në qarkun e Tiranës dhe Durrësit të mbillen sasi kaq të mëdha pa patur garanci”, tha Hoxha.

Sipas Hoxhës, kanabisi nuk mbillet nga fermerë dhe fshatarë të thjeshtë pasi tashmë kultivohet edhe në zona ku nuk ka ujë dhe i krijohet infrastruktura e nevojshme, çka kërkon shpenzime dhe një kosto relativisht të lartë. Duke u ndalur tek kostoja, Hoxha tha se këtu hyn edhe pagesa që trafikantët u bëjnë drejtuesve të policisë, duke treguar se për një rrënjë të mbjellë paguhet 40 euro.

“Kanabisi mbillet edhe në zona ku nuk ka ujë, pasi krijohet infrastruktura me mjetet e duhura, gjeneratorë. Në veri policia ka gjetur me kilometra të tërë tubacione. Nuk janë mbjellë nga fermerë e fshatarë por nga grupe kriminale që kanë financuar për kultivimin e këtyre bimëve, që kanë shpenzuar para dhe madje kanë korruptuar edhe drejtues të policisë. Për një rrënjë të mbjellë trafikantët paguajnë drejtuesit e policisë 40 euro. Duke parë në këtë tërësi, trafikantët kanë mbjellë sipërfaqe që ato i quajnë të humbura, domethënë i falen policisë. Qeveria pretendon që 70-80 % të sasisë e ka korrur sikur edhe 10% të shpëtojë justifikon gjithë koston e mbjelljes dhe u krijon mundësinë për të mbajtur linjën e trafikut ndërkombëtar”, deklaroi Hoxha.

Në lidhje me uljen e sasisë së kanabisit që del nga Shqipëria drejt tregut ndërkombëtar të narkotikëve, Hoxha tha se kjo vjen pasi ende nuk është korrur bima e re.

“Në 24 orët e fundit janë raportuar 2 raste të kanabisit të ardhur nga Shqipëria. Kanabisi i ri ende nuk është korrur. Rasti i Kavajës, u gjetën 12 thasë me kanabis të vitit të kaluar. Pjesa më e madhe e produktit është shitur. Produkti vjen në fundin e gushtit, në shtator dhe rezultati duket në tetor, nëntor. Duke patur parasysh këtë situatë ndaj nuk kemi patur raste nga vendet partnere të kapjeve. Për të asgjësuar një parcelë duhet një ditë e tërë për një skuadër policie. Çdo ditë raportohen sasi të kapura por jo autorë, kjo do të thotë se këta autorë do të jenë prezentë sërish vitin tjetër”, tha ai.

(BalkanWeb)

Atleier Albania është një histori skandali dhe aferash të pista korrupsioni që po hetohet nga drejtësia belge. Një skandal që ka shpërthyer në Belgjikë me një tender të zhvilluar për studimin e fizibilitetit për realizimin e projekteve në Shqipëri ka nxjerrë në sipërfaqe lidhjet e arkitektëve që janë nën hetim nga autoritetet belge me Edi Ramën. Jo vetëm kaq, por pas këtyre fijeve lidhen edhe familjarë e bashkëpunëtorë të ngushtë të Kryeministrit shqiptar. Peter Swinnen, drejtues i Qendrës së Arkitektëve Flamanë, ish-këshilltar i qeverisë flamane dhe themelues i studios “51N4E” po hetohet për shkak se një tender, sipas nismës “Atelier Albania” të Edi Ramës, ia ka dhënë një miku të tij në konflikt interesi, edhe ai i njohur i Kryeministrit shqiptar.
Swinnen konsiderohet si njeri me lidhje të forta me qeverinë shqiptare për shkak të njohjeve me Ramën. Ai nuk është i lidhur me kryetarin e qeverisë së Tiranës vetëm përmes projekteve publike kur Rama drejtonte Bashkinë e kryeqytetit, por edhe me projekte private të tij të kohëve të fundit. “51N4E” është projektuese e vilës së Edi Ramës në fshatin Surrel, rrëzë malit të Dajtit.
Veç projekteve të fituara në Bashkinë e Tiranës, në regjistrat e “51N4E” zbulohet edhe një lidhje familjare mes Peter Swinnen dhe Ramës. Një prej bashkëpunëtorëve të kësaj studioje arkitekturore rezulton të jetë Rea Xhillari, vajza e Linda Bashës, bashkëshortes së Kryeministrit shqiptar. Emri i saj është në listën e mëposhtme që pasqyron skuadrën e “51N4E”.
Veç familjares së Kryeministrit, “51N4E” është e lidhur edhe me një prej bashkëpunëtorëve të tij më të ngushtë. Anri Sala, një prej miqve më të afër të Ramës (bashkëpunëtor në lyerjen e fasadave të kryeqytetit) ka bashkëpunuar me “51N4E” në projektin për rehabilitimin e Sheshit “Skënderbej”, sipas projektit belg që Rama synonte të implementonte në Tiranë kur ishte kryetar i Bashkisë.
“51N4E” është jo rastësisht edhe projektuesja e kullës shumëkatëshe (TID) të ndërtuar në rrugën “Abdi Toptani” nga një prej miqve të ngushtë të Ramës.
Peter Swinnen u shkarkua nga detyra dhe po hetohet në Belgjikë pasi favorizoi në tenderin për studimin e fizibilitetit të projekteve në Shqipëri studion Centrum voor Stadsontëikkeling CVBA, që drejtohet nga Patrick Janssens. “Lapsi.al” zbulon se lidhjet mes tyre të çojnë sërish në Shqipëri.
Janssens, kryetar i Partisë Socialiste flamane në Belgjikë dhe kryetar i Bashkisë së Atnëerpit, kohë gjatë së cilës mendohet se është njohur me Ramën, ka qenë pjesë e jurisë së konkursit për projektin e “Lungomares” – shëtitores së Vlorës.
Ky projekt u fitua nga “XDGA”, e drejtuar nga Xaveer de Geyter. Fijet e lidhjes shtrihen nga Geyter tek “51N4E” e Peter Swinnen, pasi Xaveer de Geyter rezulton të ketë qenë pjesë e komisionit të vlerësimit për projektin e Sheshit “Skënderbej”, të hartuar nga “51N4E”. Ai ka qenë edhe redaktor i manualit të “51N4E”.
Swinnen dhe Janssens kishin vendosur të bashkëpunonin më në fund hapur për projektet e “Atelier Albania”, një organizëm në vartësi të Ministrisë së Zhvillimit Urban dhe Turizmit, i drejtuar nga arkitekti Joni Baboçi. “Atelier Albania” është një “njësi laboratorike” në brendësi të Agjencisë Kombëtare të Planifikimit të Territorit të drejtuar nga Adelina Greca. Zonja Greca ka qenë funksionare në Drejtorinë e Planifikimit Urban dhe shefe e Departamentit të Planifikimit në Bashkinë e Tiranës, në kohën kur ajo drejtohej nga Edi Rama.
Misioni i “Atelier Albania” është: “Atelier Albania do të hartojë procesin për projektet transformuese urbane dhe territoriale në bashkëpunim të ngushtë me të gjitha ministritë e interesuara, me shoqërinë civile, si dhe të gjithë palët publike apo private me interes të drejtpërdrejtë në zhvillimin territorial dhe atë urban. ‘Aterlier Albania’ do të projektojë dhe koordinojë planin për hartimin e një plani. Ajo do të funksionojë si një platformë e përhershme bashkëpunimi midis ekspertëve vendas, ekspertëve të huaj dhe grupeve të interesit; duke ndërtuar kapacitete në të gjitha nivelet e shoqërisë për sa i përket zhvillimit hapësinor, territorial dhe urban në Shqipëri. ‘Atelier Albania’ do të jetë një instrument për ndërtimin e projekteve dhe për ndërlidhjen e donatorëve me prioritetet e vendit dhe me ekspertizën e duhur lokale dhe të huaj”.
Tenderi për të cilin po hetohet kreu i studios belge, i cili ka projektuar edhe shtëpinë e Ramës në Surrel, ishte pikërisht për studimin e fizibilitetit për projektet që mund të zhvilloheshin në bashkëpunim me “Atelier Albania”, që siç shihet drejtohet nga një “besnike” e Ramës.
Kështu, afera e fundit që ka shpërthyer në Belgjikë, ashtu siç thonë tashmë mediat belge, nuk ka qenë e rastësishme. Arsyet që të çojnë në këtë përfundim janë lidhjet e forta që Swinnen ka me Kryeministrin shqiptar, Edi Rama, jo vetëm nga bashkëpunimi i hershëm për projekte të rëndësishme miliona euroshe në Bashkinë e Tiranës apo i atyre në rang kombëtar tani që Rama është zgjedhur Kryeministër, por edhe nga njohja dhe bashkëpunimi me familjarët dhe miqtë më të afërt të kreut të qeverisë shqiptare.

Qeveria belge shkarkoi Swinnen për tenderin e Ramës

Kryeministri Edi Rama është pjesë e hetimeve që po zhvillohen prej disa muajsh në Belgjikë në lidhje me tenderin që ia ka ofruar mikut të Swinnen. Skandali lindi pasi qeveria belge shkarkoi Peter Swinnen, arkitektin e qeverisë flamane për abuzimet me një tender. Sipas belgëve, Swinnen ka abuzuar duke favorizuar Patrick Janssens në dhënien e një tenderi duke i ofruar informacion paraprak. Tenderi ka qenë për “Lungomaren” në Vlorë.
Më 27 shkurt të vitit të kaluar Swinnen shpalli tenderin për një studim fizibiliteti në Shqipëri ku morën pjesë tre kompani belge.
Por nga tre kompanitë kuptohet që tenderi prej 31 mijë eurosh iu dha kompanisë së Patrick Janssens. Pas hetimeve të Qendrës së Auditimit Financiar të qeverisë flamane doli në dritë se Swinnen i kishte dhënë informacion paraprak kompanisë së Janssens duke krijuar garë të pandershme. Kjo ka qenë arsyeja e pushimit nga puna të Swinnen dhe ndaj tij pritet të nisë një procedim penal.
Sipas gazetës belge “De Morgen” zgjedhja e Shqipërisë nuk ishte krejt e rastit, por e mirëstudiuar. Kompania ku Swinnen është ortak, “51N4E”, ka lidhje të forta me qeverinë shqiptare. Gazeta belge gjithashtu ngre dyshime pasi thotë se Janssens, që fitoi projektin, ishte në Shqipëri rreth një javë para se të shpallej tenderi.
Janssens ka qenë në Shqipëri më 20 shkurt 2014, 7 ditë para shpalljes së tenderit.
Kompania ku Swinnen është ortak, është e njëjta kompani që ka bërë projektin për ndërtimin e Sheshit “Skënderbej”, i cili zgjati katër vjet rresht dhe nuk u përfundua. Po ashtu fituesi i projektit të “Lungomares” në Vlorë, Xaveer de Geyter, është bashkëpunëtor i Swinnen pasi ai ka redaktuar manualin e kompanisë së këtij të fundit.
Ndërkohë që në jurinë që vendosi për “Lungomaren” ka qenë edhe Patrick Janssens. Janssens duket se ka lidhje të hershme me Ramën, që në kohën kur Janssens ishte kryebashkiak i Anverpit, bashkisë më të madhe në Belgjikë dhe kryetari i Partisë Socialiste flamane.

Sadri Danaj ka marrë sërish bekimin e Koços dhe Ramës për t’u zgjedhur për një mandat të dytë në krye të Qarkut të Vlorës. Pas zgjedhjes së krerëve të Bashkive si dhe pas konstituimit të Këshillave Bashkiakë pritet të bëhet edhe zgjedhja e krerëve të qarqeve në të gjithë vendin. Rama ka vendosur se në krye të Qarkut të Vlorës edhe për vitet e ardhshme të jetë Sadri Danaj, një emër që vjen nga bota e errët e krimit dhe mafias, me lidhje me një organizatë mafioze që ka ushtruar aktivitetin në Itali së bashku me Cosa Nostrën. Emri i kryetarit të përzgjedhur nga Rama është në dosjet e drejtësisë italiane si i përfshirë në pengmarrje dhe ku sipas përgjimeve ai rezulton si më ekstremisti i organizatës mafioze që kërkon jo vetëm marrjen peng të vajzës, por edhe vrasjen e saj dhe zhdukjen e trupit.
Një përbindësh i tillë i krimit do të drejtojë për të dytin mandat radhazi qytetin e Vlorës. Me individë të tillë në krye të saj, Vlora është shndërruar në një qytet të kontrolluar tërësisht nga mafia. Rikandidimi  i Danajt vjen në një kohë kur kambanat e alarmit për inkriminimin e pushtetit vijnë tanimë jo vetëm nga opinioni i brendshëm, por dhe ai ndërkombëtar dhe veçanërisht nga Shtetet e Bashkuara.
Një vendim i tillë i Ramës dhe Metës është një tjetër sfidë e hapur që pushteti kriminal i Tiranës i bën Shteteve të Bashkuara. Mesazhi që Rama po i jep për çdo ditë partnerëve të vendit është se ai nuk ka ndërmend që të ndahet nga krimi dhe se fati i tij në politikë është i lidhur me këto kontigjentë kriminalë. Ai vijon të promovojë në postet e larta njerëz me histori krimi me organizatat mafioze më të rrezikshme sot jo vetëm në Europë, por edhe në botë. Përveç Danajt pak ditë më parë, Rama po ashtu emëroi në krye të Këshillit Bashkiak të Lezhës një tjetër familjar të deputetit Ndoka për të cilin ka denoncime se edhe ai është i përfshirë në botën e krimit dhe trafiqeve.
Edhe emrat e listave për këshilltarë në qytete të ndryshme kanë një numër të madh trafikantësh dhe të inkriminuarish që po ashtu janë katapultuar për të qenë aty nga Rama dhe Meta. Ndonëse Meta deklaroi kohët e fundit se ai nuk ka të inkriminuar, në fakt ai është po aq përgjegjës në votën mbështetëse që po i jep këtyre elementëve.
I njëjti mekanizëm sikurse në listat për deputetë që u mbushën nga Rama e Meta me të inkriminuar vijoi në zgjedhjen e kandidatëve për kryetarë të Bashkive dhe tani po vazhdon edhe me zgjedhjen në krye të Këshillave Bashkiakë si dhe të qarqeve.

Pengmarrja e Sadri Danajt

Kryemafiozi i zgjedhur nga Rama në krye të Qarkut të Vlorës, Sadri Danaj është një nga emrat e skeduar nga drejtësia italiane si një ndër njerëzit më të rrezikshëm të grupeve kriminale shqiptare që bashkëpunojnë me organizatën mafioze “Cosa Nostra”. Deklarata është bërë nga përfaqësues të Prokurorisë italiane, të cilët kanë njohur mjaft mirë emrin dhe rolin kriminal të Sadri Danajt. Prokurori italian Giovani Tinebra deklaron se, Danaj është një nga bashkëpunëtorët e afërt të organizatës kriminale “Cosa Nostra”. “Jemi shumë të shqetësuar për saldimin e grupeve kriminale të mafies së Cosa Nostras me ato shqiptare si ai i Sadri Danajt, gjë që mund të çojë në një shpërthim kriminaliteti” është deklarata e Prokurorit Tinebra, i cili i referohet arrestimit të kryemafiozit të zgjedhur në krye të Qarkut të Vlorës.
Sadrit Danaj është përfshirë në rrëmbimin e vajzës së një biznesmeni në Itali në vitin 2000, për ta detyruar këtë të fundit, që të paguante një gjobë të majme. Ai ka qenë pjesë e një prej organizatave mafioze siçiliane dhe ka bashkëpunuar me mafiozë të tjerë në rrëmbimin e vajzës së biznesmenit italian.
Sikurse dëshmohet edhe nga Prokuroria italiane, shqiptari Danaj që drejton me bekimin e Ramës Qarkun e Vlorës, ka qenë më i ashpri në bandën mafioze siçiliane të përfshirë në rrëmbimin e vajzës së biznesmenit. Nga përgjigjet e Prokurorisë italiane, Danaj kërkonte vrasjen dhe zhdukjen e trupit të vajzës së re me qëllim që mafiozët të humbisnin gjurmët.
Sipas gazetës italiane, “La Republica”, policia ka përgjuar telefonatën e Sadrit Danajt, me bashkëpunëtorët e tij italianë, ku në një moment është shprehur: “Vajza duhej vrarë, vetëm kështu do t’ia kishim hedhur. Trupi nuk do të gjendej kurrë dhe ne nuk do të kishim rrezikuar asgjë”.

Mashtrimi me dëshminë e Brindisit

Dëshmia e publikuar nga Sadrit Danaj se ai nuk ka pasur probleme me drejtësinë italiane vlen vetëm për Brindisin, pra që nuk ka probleme me drejtësinë në qytetin e Brindisit. Për të çertifikuar që nuk ka probleme në pjesën tjetër të territorit italian duhet të na tregojë një “vizura nacionale” (quhet italisht), pra një dëshmi penaliteti që vlen për gjithë territorin italian jo vetëm për një qytet.
Ai ka gënjyer publikisht, duke publikuar dëshminë e penalitetit lëshuar nga Ministria e Drejtësisë së Italisë, por ka fshehur të tregojë se dënimi parashkruhet për 5 vite dhe dëshmia lëshohet e bardhë pas këtij afati. Praktika e dëshmive të bardha të penalitetit është një e drejtë e parashikuar nga ligji edhe në Shqipëri.

Pengmarrja e vajzës për gjobën 500 mijë euro

“La Republica”

Rrëmbimi më i mirë është kur e vret menjëherë pengun. Nëse trupi nuk gjendet, atëherë nuk rrezikon asgjë. Graziano Ambrogetti e Dante Cavasini sipërmarrës, por që ndodheshin në krizë ekonomike kishin përgatitur pengmarrjen në detaje, sepse nuk duhet të dështonte dhe të ishte si një operacion blic pa rënë në sy. E gjithë kjo pengmarrje u përgatit disa ditë, pasi u krye. Ky ishte projekti për t’i rrëmbyer 500 mijë euro një kolegut të tyre biznesmen. Vajza e një tjetër sipërmarrësi ishte objektivi i banditëve, për të kryer këtë pengmarrje, dy personat e mësipërm iu drejtuan një grupi të përbërë nga shqiptarë e siçilianë, të cilët ishin të akuzuar edhe më parë për vepra kriminale. Investigimet e karabinierëve të GELA u koordinuan nga prokurori i Caltanissetta, Luca Tescaroli, duke arritur të zbulonin planin, të cilin pengmarrësit nuk arritën kurrë ta realizonin, kjo falë investigimit të policisë. Dy sipërmarrësit e pa skrupuj ranë në pranga bashkë me ta edhe 4 shqiptarë. Akordi me bandën e organizuar të pengmarrjeve ishte arritur që më parë dhe ishte i qartë, dy italianët do të merrnin pjesën e tyre, pasi kishin grumbulluar informacion për familjen e biznesmenit dhe vajzën e tij. Pjesa më e madhe e lekëve që do të merreshin nga kjo pengmarrje do të shkonin për të blerë drogën që vinte nga Shqipëria për në Itali. Ambrogetti e Cavasini kishin sugjeruar ortakëve të tyre që të punësonin ekstrakomunitarë. Me urdhër të lëshuar nga organet më të larta të policisë u vendosën përgjues në telefonat e Graziano Ambrogetti e Dante Cavasini, e më pas u zbuluan telefonatat që tregonin për planin e tyre mizor. Në fillim janë të shqetësuar për pengun “janë të paaftë, njerëz që nuk reflektojnë, kanë uri për lekë dhe nuk dinë nga të vendosin duart” ishte fragmenti i një telefonate, ku Ambrogetti i thotë shokut të vet (telefonata e regjistruar më 24 janar).
Cavasini është i terrorizuar: “E vrasin. Nuk ndërgjegjësohen që janë në Itali, dhe ne duhet të rrezikojmë jetën, duhet njëri që t’i kontrollojë”, kalojnë disa javë dhe lajmet për vrasjen e vajzës së marrë peng janë një histori e shkuar. 19 mars, karabinierët regjistrojnë një tjetër telefonatë mes Ambrogetti e Cavasini dhe shqiptarit Sadrit Danaj.
Të tre fillojnë të flasin për rrëmbimin e Tacchinardi dhe Soffiantini, e cila u mbyll me lirimin e pengjeve dhe arrestimin e kriminelëve. “Me siguri, Tacchinardin duhet ta kishim vrarë, thotë shqiptari (Sadrit Danaj) biznesmenëve, vetëm në këtë mënyrë do ta kishim kaluar rrezikun. Trupi nuk do të ishte gjetur, nuk do të kishim rrezikuar asgjë”.
Për gjykatësin Leopoldo De Gregorio, ai dialog për fatin e pengut duket një plan për synimet në të ardhmen. Graziano Ambrogetti, 42 vjeç kishte transferuar prej kohësh aktivitetin e tij në Shqipëri dhe pikërisht në Vlorë. Dante Cavasini, 51 vjeç pas shumë eksperiencash për biznes, të cilat nuk kishin përfunduar me sukses kishte hapur një punishte në Orbetello. Në tetor kishte qenë disa herë në Shqipëri për të mbyllur disa çështje biznesi bashkë me Ambrogettin. Të dy biznesmenët e marrë në hetime kanë pranuar se janë takuar në Peruxhia me të dy shqiptarët, por vetëm për arsye biznesi.

Arben SHAHINI

NDIHMOMËNI TË QESH!

KËNGA E VERBËR

E shkreta ti, o Republikë
u blatohesh të zotërve
pa e ditur ç’janë.

Dritën ta shuajnë në terr
e ditën ta ndezin;
bukën ta shtrojnë në sofër
e duart t’i presin;
në burim të çojnë
e gojën ta mbyllin.

Ata të kthyen në metelikë!

E shkreta ti, o Republikë,
e çmendura ti, o Republikë,
gënjeshtarja ti, o Republikë,
kusarja ti, o Republikë!

Me emrin tënd, të vjedhin jetën.

Sa do të doja
që ballin e ftohtë
me dritën e rrufeshme të ma përkëdhelje,
ëndrrat e ngrira të më zgjoje.

Me tmerrin duke shkuar
do të kuptoja dashurinë e jetës,
kur je në gji të nënës.

O njerëz të thjeshtë,
ju dua!

Mund t’ju shërbej
si ushtar, si shërbëtor besnik.

Veç me mua ejani,
t’ju rrëfejë të vërtetën
që ndrit.

Të dinë udhëheqësit lart
dhe e larta Republikë
se nuk jemi
as të verbër
as të shurdhër në politikë.

O Republikë e pabesë!

T’u fala
si kristiani Krishtit,
po ç’më dhe?

Dhe diellin do të ma zësh.

Turp,
Atdhe!

S’dua të di kush je!

Tek ty jam
I lirë pa liri,
I gjallë i pajetuar,
I vdekur i pavarrosur.

O vendi im
O Republikë!

Në ç’rrugë po ecën tani
me duar të gjakosura,
me sy të çuditshëm?

Vetë jeta çudinë ta zmadhon
e të ardhmen ta shuan.

E pikëlluar
mashtrimi i buzëqesh.

Shko!

Shko, o Republikë!

Mua më duhet të eci në rrugën time.

Nga nata ilegale
ku ndrydhen qëllimet,
të dal në ditët e të ardhmes,
të ngre flamurin e besimit tim.

Aty
të shkruar e kam biografinë,
të pastër e pa njolla.

Dhe, ti,o Republikë,
e gjora republikë,
do të jesh përsëri me mua.

Po tani,
të të pështyj unë dua,
se ti nuk pate turp
të mbytësh historinë.

Me këtë këngë të verbër
të ngre në gjyq,
në gjyqin e të heshturve.

Ç’të të këndoj më? Trishtimi po më mbyt.
Lodhja dorën ma përshkon.
Por tërbimin nuk e ndal dot.

Jo!

Nuk mundem të të fal.
Gjuha mu zgjidh.
Vramë po të duash.
Në netët e tua të gjakosura
do të dëgjosh zërin tim:

“Të urrej o Republikë,
lavire e zotërve gjakprishur!”

Prill 1962

Pasi ka humbur betejën e mbushjes së buxhetit nga tatimet e rritura, qeveria po bën gati një aksion të përqendruar në dy muaj për mbledhjen me forcë të detyrimeve. Banka Botërore lajmëron se evazioni është 50-100% për tatime të veçanta. Ekspertët lajmërojnë dështim si në rastin e Greqisë në vitin 2011
Ata që kanë ndjekur zhvillimet e krizës greke e kujtojnë të ashtuquajturën “Lagard List” të vitit 2012, ku mbi 2000 individë kryesisht të lidhur me biznesin dhe politikën, u evidentuan si evazorë në kuadër të një aksioni që qeveria e George Papandreou zhvilloi në plotësim të masave në këmbim të paketës së ndihmës nga Trojka. Aksioni antievazion nëpërmjet fotografive satelitore evidentoi pasuritë e paluajtshme, të individëve, të cilat u përdorën më vonë nga organet fiskale si hetime për paratë e fshehura në bankat offshore jashtë Greqisë. Por aksioni që zgjati gati dy vjet në fund fare nuk solli asnjë rezultat në të ardhurat e buxhetit grek, të cilat ngelen në nivelin e 56 miliardë eurove për tre vitet në vijim 2011, 2012 dhe 2013. Hetimet e thelluara gjetën të afërm të ish-Kryeministrit Papandreou dhe ministrave të tjerë me shuma të mëdha të depozituara jashtë dhe të pajustifikuara, teksa aksioni degjeneroi pa sjellë rezultat, por përkundrazi i thelloi edhe më shumë mjetet e evazionit në periudhën e mëvonshme.
Na u desh të bëjmë këtë parashtresë, si një precedent që qeverisë shqiptare duhet t’i shërbejë për aksionin e lajmëruar antievazion që synon që vetëm për muajt shtator dhe tetor të sjellë në binarë të ardhurat buxhetore që kanë marrë pikiatën, duke rënë realisht me 4.6% përgjatë këtij viti, kur rritja ekonomike është më e larta e tre viteve të fundit (2.8%) dhe konsumi (4.7%) gjithashtu.
Siç mësohet, aksioni po ndërmerret edhe nën presionin e Fondit Monetar Ndërkombëtar, i cili nuk e nënshkroi rishikimin e pestë të marrëveshjes me Shqipërinë për arsyen se, qeveria nuk ka mundur të justifikojë me argumente deficitin mbi 13 miliardë lekë në të ardhurat e programuara për 6-mujorin nga tatimet e doganat, në kushtet kur barra fiskale është rritur dhe ekonomia gjithashtu. Për të mos rrezikuar reputacionin e prishjes së marrëveshjes me FMN, por edhe fondet që disbursohen nga nënshkrimi i saj, qeveria shqiptare ka kërkuar dy muaj afat për të vënë situatën në vend.
Por a ka gjasa që kjo të ndodhë?! Ekspertët e ekonomisë njëzëri pohojnë se miradministrimi paqësor në vetëm dy muaj nuk mund të ndodhë, ndaj mbetet vetëm një rrugë, ushtrimi i forcës, që në periudhën afatmesme rrezikon të shembë marrëdhëniet tatime-biznes të ndërtuara me aq mund për vite me radhë e për pasojë të mos realizojë qëllimin për rritjen e të ardhurave në buxhet të aksionit.
Kasem Seferi, një ekspert i njohur i fiskut shpjegon se, qeveria nuk i ka bërë llogaritë mirë, pasi kostot që kërkon aksioni nuk do të shpërblehen me përfitimet që priten. Ata pak inspektorë tatimorë që ka administrata e kanë të pamundur të kontrollojnë fizikisht mbi 120 mijë bizneset e vogla, pesha e të cilave në të ardhurat e buxhetit është shumë modeste në krahasim me bizneset VIP. Pikërisht pse qeveria synon të nisë aksionet me evidentimin e informalitetit në bizneset e vogla për përdorimin e kasave, Seferi thotë se, aksioni nuk është serioz. Madje, këtu mundësitë për korruptimin e administratës tatimore janë edhe më të mëdha, pasi biznesi i vogël punon me cash, ndryshe nga VIP-at që zbrazin vetëm faturat në duart e tatimorëve.
Seferi, duke iu referuar edhe praktikave greke të kësaj natyre, thotë se aksioni i mbledhjes së detyrimeve me forcë rrezikon të thellojë më tej metodat e informalitetit ndër biznese dhe korrupsionin në tatime.
Arsye tjetër pse aksioni rrezikon t’ia arrijë qëllimit është fakti se kontrollet mund të gjenden përballë mungesës së likuiditetit të biznesit.
Në këmbim të shkeljeve që do të gjenden, do të vërshojnë gjobat nga inspektorët tatimorë, dhe administrata tatimore do ta ketë shumë të vështirë të përkthejë rezultatet e aksionit në të ardhura për buxhetin.

Aksioni “qorr” antievazion
Pikë së pari, një aksion si ky që pritet i luftës ndaj ekonomisë informale, të paktën në nisje duhet të bazohet në të dhëna për madhësinë e evazionit, kush e kryen dhe ku e kryen atë. Por administratat fiskale, të keqpërdorura politikisht ndër vite dhe pa kapacitetet përkatëse, nuk e kanë bërë deri më sot një studim të saktë për madhësinë e informalitetit sipas sektorëve, natyrës së biznesit dhe gjeografisë së aktivitetit të tyre.
Në materialin që siguroi “Monitor”, në të cilin Drejtoria e Përgjithshme e Tatimeve referonte madhësinë e informalitetit në Ministrinë e Financave, evazioni është trajtuar vetëm teorikisht. Aludimi se informaliteti është mbi 35% bazohej në matjet të jashtme. Ndërsa për tatimet dhe taksat, ku më së shumti bëhet evazioni, janë marrë referenca rajonale, ku është parë se vendet e Ballkanit mbledhin më shumë të ardhura nga sigurimet shoqërore, nga tatimi mbi të ardhurat personale nga TVSH, Tatimi mbi Fitimin etj.
Por a mjafton kjo për të nisur aksionin derë më derë në 160 mijë biznese kur dihet se, 100 tatimpaguesit e mëdhenj edhe sipas bilanceve që kanë dorëzuar në tatime, shihet krejt lehtë që bëjnë evazion nëpërmjet borxheve fiktive, duke lënë pa paguar milionat në tatime.
Drejtoria e Përgjithshme e Tatimeve, në raportin për Ministrinë e Financave, shpjegon se evazioni fiskal është i vështirë për t’u matur. Pavarësisht shifrave, i sigurt dhe i pamohueshëm është fakti që në vendin tonë ai mbetet i lartë dhe sipas disa vlerësimeve në Shqipëri, ai e kalon nivelin 30-35%, referojnë tatimet.
Më tej, institucioni taksambledhës raporton në financa se, shprehje e qartë e evazionit është ngarkesa fiskale (raporti i të ardhurave tatimore ndaj GDP-së) tepër e ulët në Shqipëri krahasuar me vendet e tjera. Ky tregues, për vendet e OECD-së është rreth 35-38%, ndërsa në Shqipëri, 24%.
“Boshllëku ynë, prej disa pikë përqindje, lidhet ndër të tjera edhe me sektorin relativisht të madh bujqësor, sektor i cili zakonisht sjell vështirësi serioze për sistemet tatimore në vendet në zhvillim. Megjithatë, edhe pas korrigjimit të madhësisë së sektorit bujqësor, boshllëku i të ardhurave tatimore në vendin tonë krahasuar me vendet e tjera mbetet i rëndësishëm”,  raportojnë më tej tatimet.

Faza e parë ka përfunduar
Në kulmin e fushatës së zgjedhjeve vendore, me vendim të posaçëm qeverie, u punësuan 500 tatimorë të rinj. Siç mësohet nga Ministria e Financave, ky kontingjent po përdoret nga tatimet për të skanuar gjendjen fizike të bizneseve në terren. Me një formular në dorë ata, tatimorët e rinj, janë shpërndarë në të gjithë vendin dhe kanë verifikuar me imtësi gjendjen e bizneseve të vogla, kryesisht nëse e përdorin apo jo kasën fiskale dhe a ka punonjës të padeklaruar. Kjo fushatë, tashmë në përfundim, do të hapë siparin e fazës së dytë, ku tatimet në bazë të këtij informacioni do të ushtrojnë kontrollet antievazion. Eksperti i çështjeve fiskale, Kasem Seferi, thotë se tatimet duhet të trajtojnë biznesin si një klient me durim dhe maturi, në mënyrë që të marrin rezultatet e duhura, në të kundërt çdo trajtim tjetër rezulton të kthehet në kosto të pariparueshme.

Tre tatimet me rezultatet me të dobëta
Të ardhurat nga kontributet e sigurimeve shoqërore, tatimi mbi të ardhurat personale dhe të ardhurat nga tatimi mbi pasurinë janë tre faktorët më të spikatur që çojnë në boshllëkun tatimor të vendit tonë në krahasim me vendet e tjera, raportojnë tatimet.
Domethënës është sidomos fakti lidhur me mbledhjen e kontributeve të sigurimeve shoqërore dhe shëndetësore, ku vendi ynë arrin të sigurojë çdo vit vetëm mesatarisht 4% të ardhura ndaj GDP-së, ndërkohë që në vendet e tjera sigurohen shumë më tepër në mbi 8%. Pra, vetëm në këtë zë të ardhurash, vendi ynë është disa pikë përqindje më poshtë dhe diferenca tjetër është në tatimin mbi pasurinë dhe në tatimin mbi të ardhurat personale. Kjo do të thotë në mënyrë shumë evidente se, evazioni më i rëndësishëm tatimor është pikërisht në këto lloj të ardhurash, pa anashkaluar llojet e tjera të të ardhurave tatimore, ku gjithashtu ka evazion domethënës.

Banka Botërore lajmëron se evazioni është 50-100% për tatime të veçanta

Ka shumë vlerësime për evazionin. Matjet më të hershme të INSTAT e llogarisnin ekonominë informale në kufijtë e 30-35%. Facebook CIA e Shërbimeve Inteligjente Amerikane vlerësojnë 50% ekonominë informale në vendin tonë. OJF të ndryshme kanë dhënë vlerësime në nivelin e 40%, por Banka Botërore, në një analizë të fundit për këtë çështje sugjeron se, evazioni fiskal në Shqipëri luhatet në kufijtë e 50-100% për tatime dhe taksa të veçanta.
Në ekspertizën e posaçme për informalitetin në Shqipëri, Banka ka vlerësuar se dy metodat më reale që masin evazionin fiskal, janë produktiviteti i taksave dhe e dyta hendeku tatimor. E para tregon tatimin e mbledhur në përqindje të bazës tatimore (PBB dhe konsumit) ndërsa e dyta, hendeku tatimor është përcaktuar si diferencë ndërmjet shumës së taksave që qeveria duhet të mbledhë dhe shumës faktike që mbledh.
Duke marrë në konsideratë këto dy metoda, Banka Botërore në analizën që u ka bërë financave publike shqiptare, arrin në përfundimin se produktiviteti i TVSH-së në Shqipëri është 53%, në një kohë kur mesatarja për Europën Lindore është 66%. Kjo do të thotë se, në Shqipëri, për çdo 1% të normës së tatimit të TVSH, administrata tatimore mbledh TVSH në vetëm 53% të konsumit të përgjithshëm, duke lënë 47% të pa taksuar. Në këtë 43% të konsumit të pa taksuar, janë të përfshira përjashtimet ose korrupsioni dhe evazioni fiskal, që e bëjnë të pamundur tatimin e bazës së plotë.
Akoma më e rëndë paraqitet produktiviteti në Tatimin mbi të Ardhurat Personale në vetëm 6% produktivitet dhe tatimi mbi fitimin me vetëm 17%. Për të ardhurat personale do të thotë se vetëm 6% e bazës (PBB) tatohen në të vërtetë dhe 94% është e pa taksuar. Produktiviteti i tatim fitimit është pak më i mirë. Analiza tregon se, pothuajse në të gjitha llojet e tatimeve ka shumë vend për përmirësim të administrimit.
Analistët e Bankës Botërore thonë se, ende gjenden hapësira të mëdha në luftën ndaj informalitetit në Tatimin mbi Vlerën e Shtuar dhe në Tatimin mbi të Ardhurat Personale.
Ndërsa analiza e produktivitet të taksave tregon se, tashmë ka një evazion evident shumë të lartë, metoda e hendekut tatimor sugjeron se, administrata tatimore mund të përmirësojë mbledhjen e TVSH-së në Shqipëri nga 10 deri në 20%. Në nivele edhe më të larta vlerësohet përmirësimi që mund të vijë për Tatimin mbi të Ardhurat Personale dhe tatim-fitimi. Sidomos të ardhurat nga TAP të paktën do të dyfishoheshin nëse do të zbatoheshin politikat më të efektshme. Ekspertiza e Bankës Botërore këshillon se, hendeku tatimor në tatimin mbi fitimin është rreth 38%, por në raste të veçanta evazioni në këtë tatim shkon edhe 66%. Kjo situatë vjen nga nën raportimet që bëjnë kompanitë për fitimet dhe shpenzimet e fryra. Ekspertiza e Bankës sugjeron se, ka ende një hapësirë për rritjen e mbledhjes së të hyrave të duhanit, alkoolit dhe të karburantit.

Rritja e të ardhurave mes antievazionit dhe taksave më të larta
Qeveria shqiptare e ka një pakt me FMN në marrëveshjen aktuale, në të cilin, nëse nuk përmbushen angazhimet vjetore në grumbullimin e të ardhurave, atëherë taksat duhet të rriten, edhe pse ekonomia e vendit tonë trashëgon ende një hapësirë shumë të madhe ende të pataksuar. Siç mësohet nga burimet brenda financave, FMN vuri kusht rritjen e taksave në këmbim të më shumë të ardhurave në buxhet, pasi historia 25-vjeçare e bashkëpunimit me Shqipërinë ka treguar se, lufta ndaj evazionit fiskal nuk ka pasur sukses. Por tani kur kanë kaluar gati dy vite që qeveria e re ka ardhur në pushtet dhe po aplikon këtë sugjerim të FMN-së, të ardhurat buxhetore krahasuar me PBB janë në nivelet e dy viteve më parë. Praktika tregoi se, rritja e taksave duket se është kthyer në bumerang, duke e nxitur biznesin për më shumë evazion dhe administratën tatimore për më shumë korrupsion.
Gjatë dy viteve të fundit, qeveria e re ndryshoi politikën fiskale, duke kthyer taksën e sheshtë në progresive, duke e rritur tatimin mbi pagat deri në 23% nga 10% që ishte më 2013 dhe rritjen e tatim fitimit te bizneset nga 10% në 15%. Gjithashtu u aplikua një rritje e akcizës te cigaret me 40 lekë për paketë dhe një rritje e taksës së qarkullimit që vilet te nafta më shumë se 20 lekë. Rritjet në këto taksa pritej të sillnin në buxhet një shumë të shtuar prej 40 miliardë lekësh, gjatë dy viteve. Por të dhënat e fundit sjellin një situatë krejt të ndryshme. Nga tatimet dhe doganat në fund të gjashtëmujorit kanë munguar 13.4 miliardë lekë. Historia ka treguar se, ndryshimet në vlera të taksave, edhe kur kanë pësuar ulje apo rritje, nuk kanë sjellë ndryshime të dukshme në rritjen e të ardhurave. Ky fakt vjen si një leksion i qartë se, administrimi dhe lufta ndaj informalitetit duhet të jenë në fokus më shumë se rritja apo ulja e disa tatimeve apo taksave.

“Monitor”

Te nderuar bashkekombas! Vellezer Shqiptare!

Mbreme ne sheshin “Makedonia” ne Shkupin e trimave, kriminelet te drejtuar nga falangat shteterore sulmojne femije dhe gra te pafashem, deri ne demtime serioze fizike, aq dhunshem njelloj sic goditen njerezit nga Shteti Islamik ne Irak.
Deri kur politikanet tradhetare te Shqiptareve te Maqedonise do te rrine pa folur, reaguar, pa kundershtuar dhe pa i kerkuar Gruevskit dhe Ministrit te Brendshem te denojne me seriozitet tifozet bandite te Vardarit.
Vellezerit kjo lloj politike Maqedonase nuk po ben asgje tjeter por vecse po pershpejton me deshiren e Maqedonasve ate qe prej shume kohesh Perendimi po mundohet ta shmange.
Deri kur do te vazhdojme te behemi viktima te nje shteti qe nuk ka as integritetin me te Vogel per tu quajtur i tille.
Nese kjo politike shoviniste antishqiptare do te vazhdoje, Fyromasit shume shpejt do te vulosin me deshiren e tyre fundin e bashke ekzistences me Shqiptaret.

=”https://www.facebook.com/ZoguRames/videos/458200587690614/“></

http://telegraf.al/kulture/bardhyl-berberi-nje-drame-mbinjerezore-greke-ne-nje-fshat-te-pogradecit

Tre jugorët që po “i hapin probleme” Lulzim Bashës në PD. Dhe një këshillë nga “brenda”: “Edhe Papa flet më shumë se Basha”

Rekordet e zeza të 600 ditëve

Sali BERISHA

Shqipëria po digjet dhe qeveria po krihet. Por qëllimi i kësaj konference është t’i tërheqim vëmendje qytetarëve shqiptarë për rekordet e zeza dhe dështimet e mëdha të kësaj qeverie në 300 ditëshin e saj të dytë, apo në 600 ditorin e saj. Këto 300 ditë spikati më shumë se çdo gjë tjetër krimi në pushtet dhe pushteti i inkriminuar. Aktet, të cilat faktojnë njëlloj si në dritën e diellit lidhjet e Edi Ramës me krimin, të cilat tashmë janë të qarta, evidente për çdo shqiptar. Mjafton t’ju rikujtoj këtu dosjen Meta-Doshi, të cilën e mbajti të fshehtë për 6 muaj, urdhrin e tij për të liruar trafikantin Pllana, në makinën e Mark Frrokut, paraqitjen e tij, para kombit me nënën e vrasësit të katërfishtë, kjo nuk kishte ndodhur kurrë, është jashtë çdo lloj imagjinate dhe jo të viktimave të Kostandinit të partisë, fshehjen e kërkesës së qeverisë së mbretërisë së Belgjikës, për ekstradimin e Mark Frrokut, si vrasës i dënuar 10 vite nga Gjykata e Apelit të Brukselit. Shndërrimin e vendit gjatë këtyre 300 ditëve në arenë kryesore, të trafikut të kokainës në rajon dhe të heroinës, unë kam disa shifra tronditëse këtu, të cilat do ti jap më vonë. Lidhjet e tij të padiskutueshme me “Hakmarrjen për Drejtësi”, të faktuara të familjarëve të tij dhe të atij vetë, përcjellja për në Kubë, ose të paktën ashtu thonë, se ai mund të jetë edhe në Mal të Zi, ku ta di unë, i Arben Frrokut, të nesërmen e takimit dhe të birrës që piu me Edi Ramën në Pukë. Shkelja flagrante e marrëveshjes për dekriminalizimin dhe mbrojtja flagrante që ai bëri kriminelëve të kandiduar për Kryetar Bashkie dhe Këshilla Bashkiake, mbrojtja flagrante që ai bëri, duke mos respektuar marrëveshjen e dekriminalizimit, kriminelëve në Parlament. Të gjitha këto sollën pasoja shumë të rënda, jo vetëm bllokuan procesin e dekriminalizimit, por detyruan për herë të parë në historinë e këtij vendi, që qeveria e SHBA në raportin e saj për trafikun e qenieve njerëzore, të denoncojë me vendim politik praninë si deputet në Parlament, të mbrojtur nga Edi Rama, të Arben Ndokës, të dënuar 7 apo 8 vite nga Gjykata e Romës për këtë krim të shëmtuar. Pra, vendimi politik i qeverisë së SHBA për të denoncuar këtë akt, ka ardhur pas përpjekjeve të fuqishme dhe unë një pjesë e këtyre përpjekjeve të fuqishme dhe të jashtëzakonshme që ambasadori i SHBA në interesin më të mirë të shqiptarëve ka bërë, për t’i dhënë rrugë procesit të dekriminalizimit, pa asnjë lloj tendence partiake, dhe jo vetëm ambasadori i SHBA, por edhe ambasadorët e vendeve mike kanë dhënë një ndihmë të jashtëzakonshme absolutisht jashtë çdo lloj detyrimi, kontraktual apo ligjor, por në shenjë respekti për qytetarët shqiptarë, të cilët nuk duhet të lejojnë kurrë që të ketë kriminelë në krye të Bashkisë, komunave, Parlamentit, administratës. Kjo pra, përbën rekordin më të zi, në historinë 23-vjeçare të pluralizmit shqiptar.

Largimi i FMN nga klanet pranë qeverisë

Një rekord tjetër i zi, i paprecedent në 23 vjet është largimi i FMN nga Shqipëria. Ju i dini mirë mendimet dhe konsideratat e mia, por mos harroni, se unë kam qenë në favor, absolutisht të angazhimit të FMN në Shqipëri, me këtë qeveri. Pse kam qenë? Sepse, kjo qeveri, konstatova se kishte zero program ekonomik, dhe juve ju kujtohet, po të doni merrni programin e qeverisë të paraqitur në Parlament, i paimagjinueshëm. As edhe një objektiv të vetëm makro apo mikro ekonomik të përshkruar në program. Pse? Sepse raportin e bënte një mësues anglishteje, që edhe anglishten nuk e flet mirë! Kjo është e vërteta. Jeni dëshmitarë, që Banka Botërore ishte shumë e interesuar për të ndihmuar qeverinë e re, si në çdo rast, organizoi në muajn gusht të 2013 konferencë ndërkombëtare në Sheraton, solli këtu ekspertët më të mirë të ekonomisë, ministra që nxorën Suedinë nga kriza në vitet ‘90, që nxorën Rumaninë nga një krizë shumë e thellë para 6-7 vitesh, pasi dëgjuan dy ditë me radhë eksperti i madh i ekonomisë, ju tha se ju keni 95% mundësinë e dështimit, sepse ju mohoni gjithçka dhe se njeriu që mohon gjithçka nuk di asgjë. Ndaj edhe unë personalisht e kam mirëpritur angazhimin e Fondit, sepse Fondi pret më të keqen. Politika e tij synon stabilitetin monetar, synon kontrollin e borxhit, këto të dyja janë objektivat më themelore të Fondit dhe janë më të rëndësishmet për një vend që të mund të ecë përpara. Nuk di vend tjetër përveç Greqisë, që të jetë larguar Fondi siç u largua nga qeveria jonë. Pse u largua Fondi? Fondi u largua, sepse klanet e klientelës qeveritare, po përvetësojnë në mënyrë të papërmbajtur, të ardhurat nga doganat dhe tatimet e vendit. Merrni dhe shikoni ku janë difiçitet. Difiçitet më të mëdha janë në akciza. A e dini ju se ata që i shkojnë para e prapa Edi Ramës, ata janë kalorësit e përvetësimit dhe të ndarjes së akcizave me të, të cigareve, të birrës, të pijeve të tjera të forta, të naftës, e kështu me radhë. Abuzimi i parë i akcizave dhe dëshmia më kompromentuese, më flagrante e kapjes së një qeverie.

Ekonomia është në pikiatë

Ekonomia është në rënie në pikiatë dhe Edi Rama ju paraqet, qytetarëve, sukseset imagjinare që i llois me Gjergjin e tij të statistikave, me pinokun e statistikave shqiptare apo papagallin statistikor. Unë i kërkova Valit, ndihmëses sime, që t’ju japë ju një material, ku në këtë material paraqitet përllogaritja e rritjes ekonomike bazuar në metodën e konsumit, që është një metodë gjerësisht e përdorur nga vendet e BE dhe që këto vende japin përparësi krahasuar atë në prodhim. Merrni kronikat tuaja dhe do të gjeni Gjergjin ku ju thotë se GDP e llogaritëm me dy metoda, e llogaritëm me metodën e prodhimit dhe e llogaritëm më metodën e konsumit dhe na doli në të dy radhët 2.88% rritja. E mashtroi rritjen 300 për qind. Në këto tabela ju e keni shumë qartë, se rritja ekonomike e bazuar mbi konsumin sipas vetë Gjergjit është minus 1.07% në tremujorin e parë të këtij viti, pra është në recension të sigurtë. Rama me Gjergjin e tij mashtrojnë në mënyrë më të paskrupullit për numrin e të punësuarve. E kam theksuar dhe e theksoj se përsëri, ai njoftoi shqiptarët se kam punësuar 104 mijë qytetarë këto 300 ditë, mashtroi 300 herë. Po pse mashtroi 300 herë. Sepse në Sigurimet Shoqërore nuk ka absolutisht asnjë të punësuar shtesë. Ka blerje të sigurimeve, p.sh, një fshatar nuk ka paguar 10 vjet sigurime, këta hapën rrugën e blerjes së sigurimeve, blerjes së viteve. Kjo nuk do të thotë se je i punësuar dhe me gjithë këtë blerje nuk ka shtesë asnjë qindarkë në fondin e Sigurimeve Shoqërore nga të punësuarit, siç thotë Edi Rama, gjithçka është cinizëm ekstrem dhe imagjinatë e sëmurë.

Thirrje BB:“Krim që një qeverie që vjedh veten t’i jepen para për t’u vetëmbajtur”

Ky thotë se, në Shqipëri u punësuan këto 300 ditë, 104 mijë në një kohë kur në Gjermani, me ekonominë lider të Europës me një popullsi 82 milionë, u punësuan në vit 279 mijë vetë, pra do të fillojnë gjermanët të punësohen në Shqipëri, për të mos thënë italianët, të cilët arritën të punësojnë gjithsej në një vit 122 mijë italianë. Pra, ekonomia dhe gjithë treguesit e saj, nga krediti tek eksporti, tek investimet e huaja, tek llogaria korente, tek lëvizja e kapitaleve është në rënie të lirë. Të gjitha këto bënë që të ardhurat të jenë të paktën 170 milionë dollarë më pak se plani dhe rreth 80 milionë më pak se në vitin 2014, e di Gjergji i tij sesi e nxjerr rritjen nga prodhimi ai duke pasur rënien pikiatë të të ardhurave. Këto çuan në vendimin politik të FMN, për të ndërprerë, disbursimin e kredisë dhe marrëdhënien me qeverinë. Me këtë rast, unë i bëj thirrje Fondit, të rishqyrtojë qëndrimin e tij, se këta janë një grup aventurierësh të papërgjegjshëm. Këta fillimisht nuk e donin Fondin e di edhe Fondi këtë, por largimi është një e keqe e madhe që i bëhet vendit. Ikën nga Greqia, por Greqia u kthye prapë tek kushtet dhe ata erdhën përsëri. Ata për këto situata duhen, unë gjithnjë kam pasur një debat të frytshëm me Fondin, me kundërshtira dhe dakortësira, por ky është momenti që ata duhen më shumë, jua them shqiptarëve se ky është momenti ku Fondi është i domosdoshëm. I bëj thirrje Bankës Botërore të ndjekë strikt FMN, të mos lejojë lidhje të shkurtra, të ndikojnë në qëndrime të ndryshme dhe të ulet me përfaqësues të opozitës për çdo kredi dhe huaj që i jep Shqipërisë, është krim që në këtë kohë një qeverie që vjedh veten t’i jepen para për t’u vetmbajtur. Ne nuk jemi kundër kredive, por ato para të jepen për të larë borxhin, kjo do të ishte shumë pozitive. Ato para të jepen për projekte konkrete. Pra, kjo është thirrja ime, zakonisht këto institucione, institucionet Bretton e Wood bashkëpunojnë me njëri-tjetrin, por uroj që ndonjë lidhje e shkurtër të mos pengojë këtë bashkëpunim uroj që të qëndrojnë në parimet e tyre të bashkëpunimit tradicional.

Pas 25 vitesh shqiptarët morën rrugën e eksodit politik

Rekord tjetër i zi, i 300 ditëve të Edi Ramës është eksodi. Pas 25 vitesh shqiptarët marrin rrugën e eksodit politik, azilit politik dhe arrijnë në këto 300 ditë të parakalojnë me dhjetëra kombe të tjera, të dalin në krye, ndonjëherë të parakalojnë edhe sirianët , të cilët janë në një luftë dhe konflikt të armatosur në vendin e tyre. Ne e kemi denoncuar këtë. Ky është eksod i bërë nga duart e qeverisë. Dua t’ju them dy gjëra avoketërve të qeverisë, së pari; Shqipëria në vitin 1992 kishte gjithsej të ardhura, 204 dollarë për frymë sipas FMN. Sipas FMN të ardhura e Shqipërisë për 2013 që janë statistika të 2014, janë 11 mijë e 300 dollarë ndërkombëtarë, ekuivalent me dollarin amerikan. Shqiptarët vërtet kanë lëvizur kanë ikur jashtë shtetit për të kërkuar punë edhe këto vite, por azil politik kanë kërkuar vetëm 140 vetë në vitin 2011, vetëm 250 qytetarë shqiptarë në vitin 2012, vetëm 1 mijë e ca qytetarë në vitin 2013, që ishte edhe viti i zgjedhjeve, pra në tre vitet të marra sëbashku pas heqjes së vizave, shqiptarë kanë kërkuar azil politik tre vite sëbashku, 4 herë më pak sesa muajin maj që kaloi. Çfarë ndodh dhe pse? Së pari, ka një njëri që vret shpresë nga mëngjesi deri në darkë, me veprimet e tij ky është bërë shpresë-killer, njeriu që ka kënaqësi shpirtërore të madhe t’ju komunikojë qytetarëve vetëm kërcënime, t’ju komunikojë qytetarëve vetë-mallkime, t’i arrestojë, ky është një problem shumë i thellë dhe unë ju them miqve tanë, është në interesin më të mirë të tyre të BE, të vijnë në Shqipëri dhe ta studiojnë. Ta studiojnë se nuk është e thjeshtë. Pse nuk është e thjeshtë? Atij që i prishet shtëpia në kundërshtim me ligjin, a nuk i shkelet atij një e drejtë shumë e rëndësishme e tij. Ai që burgoset për asgjë? A nuk i dhunohet atij një e drejtë. Se çfarë është azili politik. Pse nisen njerëzit? Ikin ato që ju shkelen të drejtat. Atyre që për motive politike ju hiqet ndihma ekonomike. Unë kam qenë, jam dhe do të mbetem kundërshtar i çdo largimi nga Shqipëria, kushdo që më pyet mua merr vetëm këtë përgjigje;- “kurrë mos u largoni”, por kjo nuk e zgjidh problemin. Problemi zgjidhet, duke konstatuar shkaqet që i nisin shqiptarët në mërgim në azil politik dhe shkaqet janë tek qeveria. Viti 2012 në memorien time ishte viti më i vështirë ekonomik gjatë qeverisjes sonë, sepse ashtu qenë rrethanat, por numri qytetarëve që kërkoi azil politik në Gjermani ishte 250 vetë. Nuk do të zgjidhet ky problem pa u studiuar shkaqet dhe të vihen pikat mbi ‘i’ . Një politikë e çmendur që përzë qytetarët e vet me të gjitha mjetet nga mëngjesi deri në darkë. A e dini ju se ç’po ndodh nëpër fshatra të zonave të ndryshme, po shesin shtëpi e katandi për t’u nisur dhe për të kërkuar azil. Ndaj dhe ky është një rekord tjetër i zi i 300 ditëve të Edi Ramës.

Në 600 ditë nuk u realizua asnjë premtim

Por tani jemi këtu dhe ju kërkoj njerëzisht, mbyllni për një moment sytë dhe mendoni se çfarë ndërtoi kjo qeveri për 600 ditë, jo 300, 600 do të marrim. Së pari në 600 ditë nuk realizoi asnjë nga premtimet e tij, por të gjitha u treguan mashtrime. Së dyti, nuk është e zonja t’ju tregojë ju dhe nëpërmjet jush publikut, asgjë tjetër të ndërtuar përveç 3-4 shatërvanëve në Korçë, Durrës apo gjetiu me nga 2.5 milion dollarë shatërvani, nga firmat e miqve të Ramës, kullën falike në Korçë, mballomën dhe livadhin në Kryeministri. Më thoni çfarë ndërtoi? 600 ditë nuk mjaftuan për të rindërtuar 15 km rrugë të ngelur të rrugës Lushnjë-Berat, fushë e tëra, pa asnjë kodër, mal, tunel dhe asgjë tjetër një urë e shkurtër dhe kaq ishte, që absolutisht çdo qeveri me punë normale e mbaronte atë brenda katër muajve. 600 ditë nuk u mjaftuan për të ndërtuar rrugën Buqezë-Pogradec, traseja e së cilës ishte e hapur që në vitin 2013. 600 ditë nuk mjaftuan për të mbaruar unazën e Tiranës, që lamë paratë shpronësimin dhe çdo gjë tjetër, një segment të shkurtër të Unazës së Tiranës, që nuk është më shumë se një kilometër e gjysëm. 600 ditë nuk kanë treguar dot një shkollë të re të ndërtuar në këtë vend, nuk kanë treguar dot një kopsht, një spital të ri. Kurrë ndonjëherë në këtë mënyrë zhvillimi në Shqipëri nuk ka ndaluar. 600 ditë ju keni dëgjuar çdo fjalë nga kreu i ekzekutivit, me hekura e me burgje e të gjitha, por nuk keni dëgjuar njëherë fjalën zhvillim, sepse zhvillimi për të nuk ekziston në fjalorin dhe konceptet e tij. Nuk ekziston fjala zhvillim. Në 600 ditë nuk kanë firmosur qoftë edhe një kontratë, përveç atyre me të cilat vjedhin dhe ndajnë paratë, koncesionet e ilaçeve etj. Por nuk kanë firmosur qoftë edhe një kontratë të vetme, të tyre për ndërtime të këtij vendi. Asnjë. Që të gjitha janë trashëgimi e qeverisë së mëparshme. Dhe që të gjitha u shtynë për qëllime korruptive.

Pazaret me autostradën Tiranë-Elbasan

Çfarë ndodh me autostradën Tiranë-Elbasan. Iu vërsulën një kompanie, e cila për hir të së vërtetës ka ndërtuar 70% të punëve publike në Greqi, një nga kompanitë më të mëdha më të fuqishme, e cila punoi me cilësinë më të lartë, me çmimin më të ulët dhe cilido që dëshiron të shikojë të shkojë të marrë dosjen. Sigurisht, urrejtja e Edi Ramës që sapo erdhi, pse hapi tunelin para zgjedhjeve, ju vërsul atij. Ia ndërprenë financimin dhe më pas ndodhi shembja. Shembjet e terreneve në çdo ligj për prokurimet, janë arsye madhore për të rishikuar kontratën. Çdo ligj, është e shkruajtur dhe këta zotërinjtë në vend që të ulen dhe në mënyrë konstruktive të zgjidhin vështirësitë për vëllimet që krijoi shembja, këta duan ta përzënë, sepse duan një kompani, me të cilën të ndajnë paratë, sepse me AKTOR-in nuk ndajnë paratë, AKTOR-i bën punë. Është një kompani nga më seriozet me reputacion kudo. Po kështu edhe me ujësjellësin e Durrësit. Pse durrsakët janë pa ujë sot. Sepse tenderin e bërë nga ne me paratë e BB e anuluan, sepse tenderin duhet ta fitonte me domosdoshmëri familjari i drejtorit të ujësjellësit, që është njëkohësisht njeriu i Gjushit (Vangjush Dakos), njeriu i Ramës dhe me radhë e me radhë dhe s’ka filluar akoma, po kështu impiantin e ujërave të zeza të Tiranës. Duhet të përfundonte impianti i ujërave të zeza, një kredi e akorduar nga Qeveria Japoneze shumë kohë para gjatë vizitës sime në Japoni, e tenderuar dhe i shpallur fituesi që në vitin 2012. E bllokuan tenderin e mbajnë dhe e mbajtën me qëllim që të vjelin. Se çfarë bëjnë këta, kompanive ndërkombëtare, kur nuk përballen direkt me ta merren me kontraktorët dhe aty pastaj ndajnë paratë, ju nxjerrin 100 yçkla derisa ju imponojnë nën kontraktorët që duan vetë, prandaj në 600 ditë ka zero, përveç atyre objekteve që unë ju përmenda. 600 ditë përveç 136 rrogave të ministrave, zëvendësve të tyre, që u rritën me 1 milion lekë në muaj rrogat e shqiptarëve u bënë 12% më të ulta.

Nga vendi u larguan 295 miliardë lekë

Shqiptarët sot pas 600 ditë qeverisje, për cilindo që merr rrogë në sektorin shtetëror apo privat, rroga minimale as dhe rroga mesatare apo e lartë nuk është rritur një qindarkë. Përkundrazi, rrogat janë ulur nga inflacioni 6%, por po të keni parasysh se ato 70% e shpenzimeve bëhen për mallrat e shportës apo mallrat e përdorimit të përditshëm, çmimet e të cilave kanë pësuar rritje 12 deri 15%, dalë se sot të gjithë shqiptarët marrin më pak se 600 ditë më parë, të paktën 12%. 600 ditë u larguan nga vendi 295 miliardë lekë dhe qindra kompani të huaja. Qeveria nuk është në gjendje të tregojë një kontratë të vetme me një kompani të madhe të huaj në 600 ditë. Asnjë. Në daljen e tij të fundit ndërmori sulm të egër ndaj ndërtimit të HEC-ve dhe njoftoi se po anulon 30-40 leje ndërtimi të hidrocentraleve në zonat e mbrojtura, paçka se Kryeministrisë i lidhën sytë me një shami i vë një lidhëse turpi, paçka se tek Kalaja e Tiranës lanë paratë me Xhillarin, dhe ndërton muaj të tërë në zonën më të mbrojtur, paçka se me Koçon ndërton sarajet 25 metra ngre buzë uji, ky mjedisori i madh.

600 ditët e rrënimit të demokracisë dhe ekonomisë

Që të gjitha jua them unë këtu në mënyrë absolute, janë dhënë në përputhje me ligjet e vendit, në përputhje me studimet mjedisore, në përputhje me të gjitha kushtet që duhet të ndërtohen, por ky është i verbër në urrejtjen dhe inatet e tij. Ky nuk kupton, që energjia është një përparësi absolute sot për çdo vend, edhe për ato që kanë burimet më të mëdha. Ky nuk kupton që Shqipëria, me shfrytëzimin e potencialit ujor, mund të shndërrohet dhe do të shndërrohet në një superfuqi të vogël të prodhimit të energjisë ujor në rajon. Nga viti 2007 deri më sot, janë ndërtuar 98 hidrocentrale, plotësojnë deri tani 29% të nevojës vjetore të Shqipërisë. Në shkurtin që vjen përfundon Banja, mbushet liqeni deri në shtator dhe fillon prodhimi. Shpejt do të përfundojnë hidrocentralet e Fanit, që vetëm ato prodhojnë deri në 7% të nevojës vjetore të Shqipërisë. Filloj Moglica, janë hidrocentralet e alpeve. Pra, nga shndërrimi i ujit në energji një pasuri të madhe publike para se të derdhet në det, ky del dhe thotë se kam anuluar për qëllime mjedisore 30-40 hidrocentrale, të cilat i ka anuluar në kundërshtim me çdo ligj të vendit dhe i ka anuluar siç anuloi shkollat e larta. Vetëm katër janë të mbyllura se që të gjitha paguan dhe ngrohen xhepat. Njëra është Vitrina, Kristali, Albania University, vetëm se e kishin dy tropojanë dhe duhej mbyllur dhe u mbyll Akademia e Bardhyl Musait, njeriut që njeh më mirë se kushdo tjetër në terren dhe doktrinë arsimin parauniversitar me vlerësimet më të larta nga ndërkombëtarët për kualifikimin e ekipeve të mësuesve që bënte. Të tjerat i kanë ngrohur xhepin dhe që të gjitha funksionojnë. Kështu do të ndodhë edhe me hidrocentralet do të detyrohen t’u paguajnë gjoba të gjitha atyre që janë për rreth. Problemi është se shtyhen. Këto 600 ditë të Edi Ramës mund të quhen ditët e shkarjes prapa, ditët e rrënimit të standardeve të demokracisë, e luftës së egër kundër institucioneve të pavarura. E thyerjes në mënyrë progresive të ligjeve dhe Kushtetutës. E vërteta është, që këto 600 ditë janë një apel mbi 60 herë për një revolucion demokratik, në mënyrë që Shqipëria të mos ecë në këtë rrokullisje të madhe siç po ecën.

Berisha: Rama është koka e krimit

Ish kryeministri i Shqipërisë Sali Berisha, e ka quajtur kryeministrin aktual Edi Ramën si lider të krimit të organizuar në shtetin shqiptar.

Një kilogram marijuanë shitet sot në Shqipëri nga prodhuesit për 1800-2000 euro. Në Itali, kjo drogë trafikohet duke u shitur nga 3800-4000 euro. Krerët e bashkive në zonat ku mbillet hashashi nga Tepelena deri në Krujë u marrin trafikantëve nga 100 euro për rrënjë, ndërsa policia që të mos u prekë, u merr nga 200 deri në 300 euro për kilogram

Helikopterët e Guardia di Financa të Italisë zbarkuan pak ditë më parë në Shqipërim duke fotografuar plantacionet e mbjella me hashash në të gjithë vendin. Përfundimi është i trishtë. Janë me qindra mijëra hektarë të mbjella me hashash në të gjithë vendin. Italianët parashikojnë një verë dhe vjeshtë të fortë. Policisë së saj i duhet të përballojë fluksin e madh të prodhimit të hashashit në brigjet e veta. Tregu kryesor i hashashit për të gjithë të mbjellat e këtij viti do të synohet që të jetë Italia. Me rrugë ilegale natyrisht. Përdorimi i lirshëm i skafeve të fuqishëm anëekënd bregdetit i lehtëson punën trafikanëtve, të cilët kanë nisur nga planet e dërgesave prej kuintalësh të hashashit drejt Italisë. Puna e policisë italiane do të jetë akoma dhe më e vështirë. Ndërsa trafikantët po përgatiten për të korrat e tyre, Italia ka hartuar planin e vet të masave drastike për t’u përballur me trafikantët.
Shqipëria është shndërruar në Kolumbi e Europës për prodhimin e hashashit. Përgjatë këtyre dy viteve numërohen disa qindra tonelata drogë në drejtim të Italisë, por ky vit pritet të jetë edhe më i madh në eksportin e drogës. Një rol të rëndësishëm kanë luajtuar këtu deklaratat nxitëse të qeverisë për të legalizuar hashashin. Në krye të fushatës u vendos benjamini i Kryeministrit Kokëdhima. Ky e konsideron veten si Kryeministër të Jugut ndaj edhe Jugu sot është i mbushur i gjithi me hashash.
Policia e cila do të duhet të ishte në vijën e parë të frontit për të luftuar trafikun e drogës jo që ka kapitulluar, por tani është bërë pjesë e biznesit të trafikantëve. Dëgjohen në mënyrë sporadike lajme për shkulje të disa rrënjëve hashash në disa zona të vendit, por ato bëhen sa për të gënjyer opinionin. Por më keq akoma banorët tregojnë se të gjitha operacionet e policisë adresohen në zona ku trafikantët kanë refuzuar që të paguajnë gjobën që u është kërkuar nga policia.
Shifrat e biznesit të hashashit gjatë këtij muaji janë të frikshme. Një kilogram hashash po tregtohet sot nga 1800 euro për kilogram në 2 mijë euro për kilogram. “Varet nga cilësia. Deri tani jemi të kënaqur me këto çmime. Nëse prodhimi do të jetë i lartë sikurse po dëgjojmë, atëherë çmimet mund edhe të bien”, shprehet Kujtim F., një banor i Tepelenës, i cili thotë se ka mbjellur 1500 rrënjë me kanabis.
Të pyetur nëse kanë frikë nga policia, ata thonë se nuk kanë aspak frikë, pasi e kanë gjetur “gjuhën me policinë”. “Që të mos kemi probleme me policinë këto ditë duhet të paguajmë. Policisë i japim 100 euro për kilogram. Kjo është një marrëveshje e heshtur që e respektojmë të gjithë”, vazhdon banori, i cili thotë se kjo është puna e vetme që ai shpreson të marrë para.
Pothuajse e gjithë Tepelena është e mbjellë me hashash. Kryetari i Grupit parlamentar të PD, Paloka denoncoi në Parlament implikimin e Kryetarit të Bashkisë së Tepelenës në këtë trafik, duke lexuar mesazhin e një prej forcave policore. “Mbërritëm tek parcela e një trafikanti, pasi kishte 10 mijë rrënjë të mbjella. Kur nisëm punën, dikush na doli dhe na tha se janë të Tërmetit, Kryetarit të Bashkisë së Tepelenës, gjë që na bëri që të mos i prekim asnjë rrënjë”, shkruante mesazhi.
Nga Jugu në Veri beteja për Bashkitë ka qenë edhe betejë për drogën. Fushata në Krujë e trafikantit Bushi ka qenë në zonat e Malësisë së Krujës dhe zona të tjera se në rast se më votoni mua do t’i keni të sigurta të mbjellat e hashashit. Sot, nuk funksionon krejtësisht ashtu.
Nga Jugu në Veri kryebashkiakët janë bërë po ashtu pjesë e biznesit të trafikantëve të drogës. Kryebashkiakët marrin 100 euro për rrënjë të çdo parecele të mbjellë me hashash. Nëse ndokush nuk i bindet këtij pakti, atëherë kryebashkiaku u dërgon forcat e policisë, të cilat nisin të shkulin rrënjët. Kryebashkiakët me rekorde kriminale që Rama e Meta kanë vendosur në shumë bashki udhëheqin punët e trafikut dhe organizojnë edhe mbledhjen e “taksës” së tyre.
Ata caktojnë njerëz që trokasin në dyert e shtëpive të të gjthë atyre që kanë plantacione droge. I numërojnë rrënjët dhe më pas i vendosin edhe gjobën. Për një parcelë me 1 mijë rrënjë kanabis, marrin 100 mijë euro. Por kjo nuk është kostoja e vetme që kanë trafikantët. Kostoja tjetër është ajo e policisë. Këta janë më të ashpër. Këta përfitojnë për çdo kilogram hashash nga 200 deri në 300 euro. Asnjë rrënjë kanabis nuk mund të tregtohet nëse trafikantët nuk kalojnë më parë nga policia.
Parcelat që jepen para mediave si askokoe të policisë janë pikërisht të atyre trafikantëve që kanë refuzuar që të paguajnë gjobën ose tek policia, ose tek sekserët e Kryebashkiakëve që kontrollojnë territorin.
Megjithatë trafikantët thonë se, janë të kënaqur edhe duke paguar gjobat tek policia dhe kryebashkiakët. Arsyeja është e thjeshtë të shesësh një kilogram hashash deri në 2 mijë euro nuk është një shumë e vogëll dhe të llogarisësh se prodhimi këtë vit ka arritur kulmin, kuptohet që fitimi është mjaft i madh.
Kjo që kemi shpjëguar është skema si funksionojnë trafikantët prodhues. Trafikantët e tjerë janë ata që e blejnë nga prodhuesit dhe e shesin hashashin tek trafikantë që e trafikojnë në Itali, Greqi dhe vende të tjerë. Këtu nisin pazare të reja. Një trafikant që e merr drogën për ta trafikuar në Itali fiton po ashtu një shumë kolosale. Hashashi tregtohet në Itali me dyfishin e vlerës që blihet në Shqipëri. Nëse një kilogram këtu po tregtohet deri në 2 mijë euro, në Itali një kilogram hashash i cilësisë së mirë shitet deri në 4 mijë euro.
Kuptohet që flitet për shuma të mëdha dhe fitimet arrijnë miliona euro. Trafikantët kanë zgjedhur të bashkëpunojnë me policinë edhe për trafikimin drejt Italisë apo Greqisë. Askush nuk i ndal skafet e tyre të shpejtë dhe të fuqishëm. Ndërsa skafet përdoreshin për klandestinë, tani për drogë. Por, nuk janë vetëm skafet. Trafikimi me anije për tonelatat e hashashit është një opsion tjetër i përdorur me sukses një vit më parë.
Nuk dihet se kush do të ndalë trafikun e drogës këtë vit, ndërsa që qeveria, dhe policia dhe pushteti vendor janë pjesë e biznesit të trafikantëve. Shqetësimi është i madh në Itali, Greqi, por edhe në Malin e Zi. Ndërsam Guardiua di Financa ka nisur kontrollet nga ajri, policia në Malin e Zi ka shtuar edhe kontrollet e qytetarëve që shkojë me pushime, duke i çuar radhët në kilometra.
Fundi i të gjithë kësaj historie do të jetë i trishtë, Shqipëria një Kolumbi e Europës dhe një shoqëri që gjithnjë dhe më shumë po kriminalizohet.
Arben Shahini