”Liri Demokraci” Si fëmijë atë natë e kujtoj gjajtë, tik-takun e lirisë në shpirtin tim.

Babit i kishin sjell gazetën, “Rilindjen Demokratike”

botimi i parë, aq shumë i dashur, që në aq shumë duar kishte kaluar sa ngjante si shekullore…

Babi e lexoi me zë disa herë, ne mbanim veshët,

Ai fshiu sytë dhe na tha se ishin lot gëzimi, se koha po ndryshon.

Se dita që aq shumë e kishte prit, erdhi…

Se gjërat do bëheshin bukur si tek Stacionet e TV 📺 Italiane që dëgjonim në fshetësi.

Si fëmijë atë natë e kujtoj gjajtë.

Gjatë sepse provova për herë të parë tik-take lirie në shpirtin tim prej fëmije

dhe fjalët “Liri-Demokraci” u gdhënden përgjithmonë, për t’u bërë dritë e forcë.

Çuditshëm ndihem edhe sot,

edhe pse kanë kaluar kaq vite, tanimë jam nënë,

Por përsëri jam po ai fëmijë që pret ndryshimin….