📌Kryetari i PD, Sali Berisha përcolli një apel direkt për ndërkombëtarët, duke kërkuar prej tyre që të mos mbështesin një qeveri të korruptuar.
📌Por, një paralajmërim i drejtpërdrejtë shkoi edhe për Edi Ramën, që të mos guxojë të prekë votën e shqiptarëve, pasi pasojat do të bien mbi të.
📌Kuptimplota ishin edhe mesazhet e kryetarit të PL, Ilir Meta se populli do ndryshimin dhe Edi Rama duhet të largohet.
Në mbyllje, protestuesit përkujtuan të rinjtë që kanë humbur jetën në duart e policisë, teksa ndezën qirinj në shkallët e Kryeministrisë.
Tubimi historik i opozitës u mbyll pa incidente, por policia shoqëroi një protestues në mënyrë të pakuptimtë.
Shqiptarët protestuan paqësisht dhe tashmë presin reflektimin e Edi Ramës i cili tashmë ka kundër shumicën e qytetarëve.
Ne u themi partnerëve tanë, se vetëm një Shqipëri sovrane, e respektuar, do mund të qëndrojë në përputhje me ligjin ndërkombëtar.
E vërteta është se në këtë mënyrë si e trajtoni ju Shqipërinë e Edi Ramës, punoni kundër miqësisë, kundër bashkëpunimit me Shqipërinë dhe shqiptarët.
Sot kam një apel: në rast se duan të votojnë të lirë, të bashkohen me ne, në betejën tonë vendimtare, sepse ne jemi të betuar të bëjmë çdo sakrificë për të sjellë votën e lirë në Shqipëri.
Edi Rama, mos harro traditën e shqiptarëve për liri. Nuk po t’i them sot, por merre me mend: mjerë ai që prek lirinë e tyre, mjerë ai që prek votën e tyre.
Votën kurrë nuk ta falim. Çdo qytetar shqiptar, që e do shpresën, besimin te ky vend, të bashkohet me ne, kundër vrasësit të shpresës së tyre, kundër Edi Ramës“, tha Berisha
Meta: Marrëveshje historike me PD për t’i dhënë fuqi qytetarëve! Trafikantët e Rilindjes të zhduken, grabitën bukën e jetimëve
Kreu i PL, Ilir Meta, në protestën para kryeministrisë deklaroi se në Shqipëri abuzohet nga qeveria, duke përmendur aferat korruptive. Ilir Meta u shpreh se një tjetër shqetësim i qytetarëve janë çmimet e larta të cilat janë bërë të papërballueshme. Sakaq, Meta përmendi grabitjen e buxhetit të shtetit nga oligarkët dhe mafia në pushtet.
📌”Miliardat e buxhetit, grabitjet me koncesione, PPP, tendera sekretë me 10 fishin e çmimit, asnjë lek nuk shkon në mbrojtjen e qytetarëve nga inflacioni. Paratë gllabërohen sepse mbi shpatullat e qytetarëve e bizneseve bie pesha e borxhit të rëndë publik, 14 miliardë euro, po e çon vendin drejt greminës financiare.”-tha Meta.
Më tej kreu i Partisë së Lirisë, deklaroi se grabitqarët e Rilindjes, nuk kanë prodhuar asgjë përveç varfërisë e mjerimit.
“Nuk rrisin pagat e pensionet, por taksa shtesë. S’kanë vullnet për indeksimin e pagave e pensioneve se e kanë mendjen të vjedhin për inceneratorin e Tiranës që nuk ekziston. Këta të Rilindjes janë aq të pashpirt sa vodhën dhe bukën e jetimëve. Trafikantë e oligarkë.
Fjala e qytetarëve është ligj, mision, e vërteta e padiskutueshme e popullit dhe e vetmja e vërtetë legjitime.
📌Marrëveshje historike kam nënshkruar me PD për t’i dhënë fuqinë qytetarëve. Përpara për të shpëtuar Shqipërinë e familjeve tona.”-tha Meta
AL in Sweden. 