Kategori
Uncategorized

Taulant Balla, fole njëherë edhe per veten tende.

12278682_559026794253824_7547923661929074808_n

Nga Jakup B Gjoca.

Redaktor i Politikes tek Gazeta Telegraf…

Zoti Taulant Balla, nuk e prisja që ti të ishe relatori i socialistëve në Parlamentin tonë, për ligjin e dekriminalizimit. Sepse, nëse kohë më parë, do të kishte një ligj të dekriminalizimit, sot ti, Taulant Balla, nuk do të kishe mundësinë që, jo vetëm nuk do flisje në Parlament, por as që do të ishe fare në Parlament, sepse, meqë je i dënuar nga gjykata për shpifje për 3 çështje civile, nuk duhet të jesh fare deputet. Ose sa ta votosh edhe ti ligjin për dekriminalizimin, duhet të vetëdorëzosh mandatin e deputetit, sikurse veproi sot edhe Mark Frroku!
Zoti Taulant Balla, meqë kërkove që ligji i dekriminalizimit të përfshijë në orbitën e tij, edhe ata politikanë që kanë përgjegjësi për 21 janarin 2011, e sidomos për të 4 të vrarët, unë të jap plotësisht të drejtë, qoftë nga ana ligjore, por edhe morale, ndaj, po publikoj edhe foton tënde, të korrikut 2009, ku zotrote me dhunën fizike tënde kundër forcave të rendit, kërkoje me dhunë, që të tjetërsoheshin rezultatet zgjedhore, të shpallura nga KQZ. Me sa di unë, zoti Taulant, në demokraci, kurrë një deputet nuk mund të përdorë dhunë kundër forcave të rendit, qoftë edhe për të kërkuar “drejtësinë” e rezultateve të votimit, sepse në gjuhën juridike, sjellja jote është vepër penale, ku në bazë të ligjit të ligjit të kriminalizimit, të heq edhe ty mandatin e deputetit!
Zoti Taulant Balla, meqë sot në Parlament, bëre fjalë për gjyqtarë e prokurorë të korruptuar, që drejtësinë e shesin dhe e blejnë si mall, ju kujtoj, zoti Balla, se ju u akuzuat publikisht para disa ditësh, se keni emëruar në dogana dhe tatime qindra njerëz, të afërmit tuaj, jashtë çdo kriteri që përcakton ligji për DAP, dhe ju nuk e përgënjeshtuat, pra unë e marr të mirëqenë kritikën. Sot ti, Taulant Balla nuk guxove të flisje edhe për ministrat e korruptuar dhe deri më sot, as që e përgënjeshtrove akuzën e ambasadorit amerikan Donald Lu, ndaj unë e pranoj të mirëqënë, por, zoti Balla, veç ministrave të korruptuar, dalin edhe deputetë të korruptuar, që vendin e punës në administratën publike e përdorin si mall, që shitet e blihet. Sepse ti, si deputet ndërtove një realitet, bëre standart, që shqiptari sot, po të mos ketë një deputet si ju, zoti Taulant Balla, që të blejë një vend pune, nuk mundet kurrë që të emërohet në administratën publike, sado merita, personalitet, aftësi profesionale të ketë.
Zoti Taulant Balla, ju u akuzuat publikisht edhe për afere që njerëzit tuaj të afërt kanë bërë me rimbursimin e ilaçeve dhe deri më sot asnjëherë nuk i keni përgënjeshtruar, sepse ata prokurorë të korruptuar, që ju thatë sot në Parlament, po zvarritin hetimet ndaj njerëzve tuaj të afërm. Ju pyes: Mos vallë edhe të afërmit e tu kanë korruptuar prokurorët, siç thoni ju, që të mos hetohen? Di gjë?
Zoti Taulant Balla, ju si deputet i opozitës na u zotuat 100 herë, që nëse vini në pushtet, do të anulloni koncesionin e Lotarisë Kombëtare, meqë u dha në dëm të interesave kombëtare, për 5 qindarka, siç pohuat ju. Por ju, zoti Balla, si deputet i mazhorancës, keni heshtur edhe pse u akuzuat publikisht, që punësuat motrën tuaj të Lotaria Kombëtare.
Ndaj, zoti Taulant Balla, a do të flasësh për veten tënde, për ligjin e dekriminalizimit? Sepse, në demokraci është më i rëndë kriminalizimi moral, sesa kriminalizimi penal! Nëse ju, zoti Taulant Balla keni krijuar te njerëzit, te votuesit, te shqiptarët, perceptimin se jeni shefi i kuadrit të PS, që emëroni dhe shkarkoni këdo që ju doni, duke shpërfillur ligjet, që njerëzit tuaj familjarë të abuzojnë me fonde dhe ju nuk keni mundësi t’i përgënjeshtroni akuzat publike, që ju vetë jeni i dënuar për 3 çështje civile për shpifje, a nuk duhet që moralisht, të vetëdorëzoni që sot mandatin e deputetit, meqë votuat ligjin e dekriminalizimit?
Zoti Taulant Balla, meqë jeni i dënuar nga gjykata për shpifje, a mund të jeni më deputet, a mund të ketë më reputacion fjala juaj për elektoratin? Nëse, këtë përgjigje nuk e keni në përmbajtje në ligjin për dekriminalizimin, të cilin vetë ju e hartuat, do t’ju lutesha, zoti Taulant Balla ta pasuroni, me qëllim, që ta bëjmë sa më thellë edhe katharsin e politikës nga krimi penal dhe krimi moral!

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s