Kush vendos të lëshojë armet bërthamore ruse ?
Nëse Putin jep urdherin bërthamor çfarë ndodh ?
Shtabi i Përgjithshëm rus ka akses në kodet e lëshimit dhe ka dy metoda të lëshimit të kokave bërthamore. Ai mund të dërgojë kode autorizimi tek komandantët individualë të armëve, të cilët më pas do të ekzekutonin procedurat e lëshimit. Ekziston edhe një sistem rezervë, i njohur si Perimetr, i cili lejon Shtabin e Përgjithshëm të iniciojë drejtpërdrejt lëshimin e raketave me bazë tokësore, duke anashkaluar të gjitha postat e menjëhershme të komandës.
A ka gjasa të nisë nis nje sulm berthamor me urdhërin e Putinit ?
Putin tha në fundjavë se forcat bërthamore të vendit duhet të vihen në gatishmëri të lartë. Të nesërmen, ministria e mbrojtjes e Rusisë njoftoi se forcat e saj raketore bërthamore ishin vendosur në detyrë luftarake “të zgjeruara”.
Shprehja detyrë luftarake e zgjeruar ose e posaçme nuk shfaqet në doktrinën bërthamore të Rusisë, duke i lënë ekspertët ushtarakë në mëdyshje se çfarë mund të nënkuptojë.
Pavel Podvig, një studiues i lartë në Institutin e Kombeve të Bashkuara për Kërkimin e Çarmatimit në Gjenevë, tha në Twitter se urdhri mund të kishte aktivizuar sistemin e komandës dhe kontrollit bërthamor të Rusisë, duke hapur në thelb kanalet e komunikimit për çdo urdhër të lëshimit eventual. Përndryshe, ai tha se kjo mund të nënkuptojë thjesht se rusët shtojnë staf në objektet e tyre bërthamore.
A kanë rusët rregulla për leshimet bërthamore ?
🔺përdorimi i armëve bërthamore ose armëve të shkatërrimit në masë kundër Rusisë ose aleatëve të saj;
🔺 të dhënat që tregojnë lëshimin e raketave balistike që synojnë Rusinë ose aleatët e saj;
🔺 një sulm ndaj vendeve kritike të qeverisë ose ushtarake që do të minonin veprimet e reagimit të forcave bërthamore të vendit;
🔺 Përdorimi i armëve konvencionale kundër Rusisë “kur vetë ekzistenca e shtetit është në rrezik
Çfarë aftësi bërthamore ka rusia ?
Federata e Shkencëtarëve Amerikanë vlerëson se Rusia ka 5977 koka bërthamore, më shumë se çdo vend tjetër.
Nga këto, 1,588 janë vendosur dhe gati për përdorim.
Raketat e saj mund të gjuhen nga toka, nga nëndetëset dhe aeroplanët. Putin mbikëqyri një test të koordinuar të forcave bërthamore të Rusisë më 19 shkurt pak para se të urdhëronte trupat në Ukrainë.
AL in Sweden. 