Kategori
Uncategorized

Osmani: ‘Open Balkan’ ekspozon Ballkanin Perëndimor ndaj ndikimit rus …

Presidentja e Kosovës, Vjosa Osmani, e ka bërë të qartë se Kosova nuk ka ndryshuar qëndrim sa i përket pjesëmarrjes në iniciativën rajonale “Ballkani i hapur”. Ajo në konferencën e përbashkët me presidentin e Malit të Zi, Milo Gjukanoviç, ka thënë se “Ballkani i hapur” do ta ekspozonte më shumë rajonin e Ballkanit Perëndimor ndaj ndikimit rus.

“Edhe nga takimi i fundit i G7-ës është potencuar që bashkëpunimi rajonal i Ballkanit Perëndimor përkrahet në kuadër të Procesit të Berlinit, proces në të cilin Kosova vazhdimisht ka kontribuar dhe ka treguar rol konstruktiv.

Ky është një proces i cili vërtet ka për qëllim që të ofrojë shtetet tona drejt Bashkimit Evropian, për dallim prej iniciativës ‘Open Ballkan’ e cila mendoj që ka dëshmuar sidomos në muajt e fundit që do të rezultonte me hapjen e rajonit tonë për një ndikim edhe më të madh të Rusisë.

Ne atë duhet ta ndalojmë me çdo kusht dhe po ashtu në vend se ta përshpejtonte ecjen e shteteve tona drejt Bashkimit Evropian do t’i vendoste ato në një paradhomë ose dhomë pritjeje dhe rrjedhimisht do ta zgjaste procesin e integrimit në struktura euro-atlantike gjë që fare nuk është në interes të rajonit tonë”, ka thënë Osmani.

Më tutje, Osmani ka thënë se Kosova do ta zhvillojë bashkëpunimin rajonal në iniciativat ekzistuese ku bën pjesë, në veçanti në Procesin e Berlinit.

Ndërsa kryeministri Edi Rama thotë se nisma Ballkani i Hapur nuk do të ndalet sepse e ardhmja nuk ndalet.

“Kushdo është kundër Ballkanit të Hapur është në të drejtën e vet që as mos të shohë, as mos të dëgjojë dhe as mos të kuptojë se kjo nisëm nxit paqen, bashkëpunimin, integrimin dhe e përshpejton Procesin e Berlinit! Ballkani i Hapur nuk do të ndalet sepse e ardhmja nuk ndalet dot.”-tha Rama.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s