Kategori
Uncategorized

Perse e mbron Putin–Asadin.

Për më shume se 3vjet, diplomatët kryesorë të Rusisë janë përpjekur t’i mbushin mendjen amerikanëve, arabëve dhe europianëve se nuk janë bashkëpunëtorë dhe aleatë të Presidentit sirian Barashar al-Assad. Tani që avionët rusë janë duke përshkallëzuar fushatën e tyre ajrore kundër grupeve që po përpiqen të rrëzojnë liderin sirian të rrethuar nga të gjitha anët, Presidenti rus Vladimir Putin është duke treguar se, deri ku mund të arrijë për ta mbajtur në pushtet Assadin, mikun më të mirë arab të Moskës. Të shpëtojë Assadin nga fati tragjik i dispotëver të tjerë të Lindjes së Mesme të ngjashëm me të si Muammar al-Qaddafi i Libisë apo Hosni Mubaraku i Egjiptit, duket se është qëllimi më madhor i strategjisë ruse në rajon. Duke mbrojtur me çdo kusht një nga liderët më të përgojuar, Moska po përçon mesazhin e qartë se ka ndërmend të veprojë agresivisht në një rajon ku shumica e aleatëve amerikanë tashmë po ndihen të pasigurt, dhe po ngre pikëpyetje mbi angazhimin e Washingtonit për t’i mbrojtur ata.
“Rajoni është duke u rrënuar, shtetet po rrëzohen dhe rusët janë të gatshëm të ndërhyjnë për të mbrojtur interesat e tyre, ndërsa Shtetet e Bashkuara nuk po e bëjnë”, thotë Andrew Tabler, një ekspert i politikës arabe në Institutin e Washingtonit për Politikë të Lindjes së Afërt.
“Vendet e Lindjes së Mesme kërkojnë siguri dhe qëndrueshmëri dhe këtë nuk e kanë gjetur tek administrata Obama”, vazhdon ai. “Edhe pse nuk mbështesin atë që rusët po bëjnë në Siri, njerëzit i admirojnë ata për shkak se janë të gatshëm të shpenzojnë paratë dhe trupat ushtarake pikërisht aty u volet më shumë”. Prej shumë kohësh është bërë e qartë se Siria, si një aleate besnike ushtarake, është një pjesë kritike e strategjisë së sigurisë ruse në Lindjen e Mesme.
Qyteti bregdetar sirian, Tartus, ka edhe portin kryesor që lidh Rusinë me lindjen mesdhetare. Rreth 800 prej 2 mijë xhihadistëve rusë kanë shkuar në Siri për të luftuar, po kështu edhe në Irak, sipas vlerësimeve të Ministrisë së Jashtme ruse dhe ekspertëve të pavarur. Që kur filloi konflikti sirian në vitin 2011, Rusia ka ofruar mbështetje të çmuar diplomatike për regjimin e Assadit, duke ushtruar disa herë veton për të ndaluar rezolutat e Kombeve të Bashkuara që synonin ta rrëzonin nga pushteti.
Muajin e kaluar, Moska ndërhyri ushtarakisht me ftesë të Assadit, duke lëshuar sulme ajrore kundër shënjestrave që thuhej se i përkisnin Shtetit Islamik, por në fakt më shumë kanë goditur forcat e opozitës siriane që kërkojnë të rrëzojnë regjimin. Tani po merret në shqyrtim mundësia për të dërguar trupa ruse ose “vullnetarë” për të kryer operacione në terren. Ditën e mërkurë, forcat siriane nisën sulmin tokësor, teksa avionët rusë sulmonin shënjestrat në Sirinë perëndimore, sipas “Washington Post”.

Përgatiti
KLARITA BAJRAKTARI

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s