Kategori
Uncategorized

Kryetaret e bashkive qe do te dorëzojne mandatet.Ja emrat.

IMG_20151123_194821

Krerët e bashkive që do të dorëzojnë mandatet, si dhe rezultojnë me rekorde kriminale. Ata kanë qenë të përfshirë në vrasje, trafik droge dhe trafikim të prostitutave. Ligji do të hetojë të gjithë historinë e tytre që nga vitet e rinisë, kur edhe kanë qenë pjesë e krimit të organizuar. 

Të paktën dosjet për shtatë kryetarë bashkish tashmë janë të pastra. Rekordet e tyre kriminale janë të regjistruara dhe as Rama dhe as Meta nuk do të kenë asnjë mundësi që t’i mbajnë në postet që kanë marrë në zgjedhjet lokale të 21 qershorit. E gjitha do të jetë një procedurë burokratike, e cila mund të zgjasë vetëm pak ditë ose në më të shumtën e rasteve do të kërkojë vetëm disa javë kohë. Shumë prej këtyre krerëve të bashkive janë të dënuar në vendet fqinje. Ata janë arrestuar për vepra të rënda kriminale si ato të vrasjeve apo trafiqeve dhe kanë vuajtur dënime me burgim.

Ambasada e Shteteve të Bashkuara dhe ajo e Bashkimit Europian gjithashtu i kërkuan në mënyrë zyrtare Ramës që të heqë nga listat e kandidimit emrat e të inkriminuarve, por Rama vendosi që të kandidojë me të inkriminuarit, duke qenë i bindur se ai nuk do t’i nënshtrohej presionit të brendshëm dhe atij ndërkombëtar për largimin e këtyre të zgjedhurve. 

Roshi i Kavajës

I dënuar me 5 vite burg në Zvicër për trafikun e kokainës dhe i shpallur njeri i padëshiruar në Holandë, Ervini i Kavajës është njeri i përzgjedhur nga Rama për të drejtuar Bashkinë e këtij qyteti për të dytin mandat të siguruar nga blerja masive e votave me paratë e pista të drogës. Ai po ashtu është dënuar me burgim për tentativë vrasje, ku ka plagosur një tjetër bashkëqytetar nga Kavaja. 
Gjatë viteve 1997-2000 ka kryer dënimin me burg për trafik droge në Zvicër. Ai deklaron nëpër qytet se ka një pasuri që i kalon 4 milionë eurot dhe me paratë e fituara nga trafiku i drogës, ka ngritur në qendër të qytetit të Kavajës edhe një hotel.
Po PS në këtë qytet nuk ka trafikant droge kryetarin e Bashkisë, por edhe kryetarin e PS. 
Gentian Daja, është i besuari i Ramës në krye të Partisë Socialiste në këtë qytet. Përveçse drejtimin e PS së Kavajës, Rama i ka besuar Dajës edhe një tjetër post të rëndësishëm, Drejtorinë Rajonale të Tiranës për shërbimin e Transportit Rrugor. Gentian Daja është një person me precedentë të fortë penalë. Ai është dënuar në Kazerta të Italisë për trafik droge dhe po me të njëjtën akuzë, ai është dënuar edhe në Frankfurt të Gjermanisë. Njeriu i duhur për të drejtuar PS në Kavajë.

Artur Bushi

Do të jetë një tjetër kryebashkiak që ka blerë mandatin e deputetit me paratë e mafias dhe bandat e armatosura që kanë terrorizuar banorët e Krujës dhe Fushë-Krujës. Bushi rezulton i arrestuar nga policia italiane si pjesë e një organizate të trafikut të drogës nga Holanda në Itali. 
Por, historia kriminale e Bushit nuk është vetëm ajo e trafikut të drogës, por edhe trafikut të prostitucionit, për të cilën ai është dënuar në Itali me një emër tjetër, të cilën gazeta do ta bëjë publik në ditët e ardhshme.

Bardhi i Kurbinit

Artur Bardhit i është dhënë nga bibat e KQZ, mandati në tavolinë. Ai as ka garuar fare, sepse rivalit të tij i është hequr e drejta e kandidimit. Artur Bardhi është një tjetër emër nga banda e të inkriminuarve të Ramës, të cilët do të drejtojnë bashkitë. Ai ka precedentë penalë të arrestimit në Itali për trafikun e drogës dhe konsiderohet si pjesë e krimit të organizuar në rajon. Ai është mbështetur personalisht nga Rama dhe elementë të tjerë të inkriminuar të zonës, të cilët edhe pse nuk ka pasur garë kanë manipuluar të gjithë procesin farsë të Kurbinit.

Kokoneshi i Divjakës

Është denoncuar publikisht nga ish-drejtuesi i PS të këtij qyteti se ka qenë një trafikant prostitutash në Itali. Ai ka rrëfyer të gjithë historinë se si Kokoneshi mbante prostitutat dhe se si fitimet vetëm për njërën prej tyre arrinin deri në 60 milionë lireta në Itali gjatë kohës që ende nuk kishte hyrë euro në qarkullim. Pikërisht ky trafikant prostitutash do të drejtojë sot Divjakën në lidhje të ngushtë me bandën e Lushnjës dhe vrasës e trafikantë droge që u duhet kjo pikë për të nisur ngarkesat e hashashit.

Tërmeti i fitores publiçitare

Nuk e ka përzgjedhur Rama kot. Ai nuk ka asnjë klasë shkollë. Edhe filloren kanë dyshime nëse e ka mbaruar. I vetmi fakultet i tij që ka bindur Ramën që ta kandidojë është ai i trafikut të drogës. Është një nga njerëzit e monitoruar për shumë kohë nga policitë e vendeve fqinje dhe pjesë e të i inkriminuarve që do t’u duheshin bashkive pas 21 qershorit.

Qaja në Devoll

Ka ndryshuar dy herë emrin që të heqë njollat e së kaluarës të krimeve të kryera në Greqi. Kryesisht ka kryer trafikimin e drogës. Ai nuk mundi që të fitojë, por ishte në garë deri në momentin e fundit për të marrë bashkinë dhe për t’iu bashkëngjitur bandës kriminale Rama-Meta për të drejtuar pushtetin vendor pas 21 qershorit.

Ndoni në Këlcyrë

Njihet po ashtu për lidhjet me trafikun e drogës. Ka precedentë penalë në vendet fqinje dhe nuk mund të shkelë në disa vende të Europës, pasi arrestohet nga policitë e atyre vendeve. Ai nuk e fitoi Bashkinë e Këlcyrës, por e grabiti, duke manipuluar rezultatin përmes mbushjes së kutive të votimit, të cilat u çertifikuan nga dy bibat e KQZ-së.

Hasalla i Peqinit

Ky është një tjetër emër i botës së krimit i përzgjedhur me kujdes nga tutori i këtij në këtë qytet, me të cilin ka edhe lidhje familjare. Ka precedentë penalë dhe kjo ka qenë arsyeja që është kandiduar nga Rama për të drejtuar Peqinin.

Lista e deputetëve pritet të jetë e gjatë

Deri tani janë burgosur dy deputetë për vrasje, Mark Froku dhe Armando Prenga, ndërsa deputeti tjetër Ndoka ka dhënë dorëheqjen nga Kuvendi nga frika e një arrestimi të mundshëm të tij. Listës me emrat e këtyre tre deputetëve pritet që t’i shtohen edhe të paktën 15 deputetë të tjerë, të cilët rezultojnë me dosje penale në vende të ndryshme. PS kundërshtoi me ngulm mosmarrjen e shenjave të gishtërinjve për zytarët e lartë dhe arsyeja ishte se nuk donte të dorëzonte deputetët e inkriminuar. Tani që ligji ka kaluar në komisionin e ngritur nga Kuvendi nuk ka më asnjë shans për kthim pas. Lista e deputetëve dhe Kryetarëve të Bashkive, të cilët duhet të dorëzojnë mandatet o të “pasurohet” akoma më shumë më administratën. Është një “ushtri” tjetër të inkriminuarish, të cilët do të duhet që të dorëzojnë mandatet e tyre nga krerë qarqesh dhe deri tek drejtorët dhe nivelet më të ulta, të cilët janë rekrutuar në administratë vetëm mbi bazën e inkriminimit të tyre në të shkaurën si dhe në blerjen e votave me paratë e pista të krimit dhe trafiqeve. 

One reply on “Kryetaret e bashkive qe do te dorëzojne mandatet.Ja emrat.”

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s