Kategori
Uncategorized

Rilindas të babëzitur! Kurrë mos u ngopshi: Vdekja e Marko Bellos/ Shpërthen Arben Malaj

Për kategorinë e arrogantëve dhe të babëziturve populli ka një mallkim nga shpirti: “Kurrë mos u ngopshi”!

Vdekja e Marko Bellos/ Shpërthen Arben Malaj: Rilindas të babëzitur! Kurrë mos u ngopshi

Ish-ministri i Financave në qeverinë socialiste, Arben Malaj reagoi me zemërim pas vdekjes së ish-kolegut të tij, Marko Bello. Malaj poston një shkrim ku shihen reagimet e socialistëve Gramoz Ruçi, Taulant Balla dhe Pandeli Majko për vdekjen e Bellos. Sipas Malajt, këto janë reagime hipokrite.

Boll me hipokrizinë tuaj ndaj kolegut dhe mikut Marko Bello! Lëreni të prehet i qetë! Është shumë e vërtetë që Marko ishte një deputet diplomat, ministër dhe profesor me vlera dhe kontribute të veçanta, por pasi e shpallët “Armik të Partisë”, asnjë mundesi nuk i dhatë që t’i shërbente vendit të tij me dinjitet, integritet dhe profesionalizëm.

Kështu jeni sjellë me shumë shqiptarë të mirë, thjesht dhe vetem se i konsideroni armiq të partisë.

Pas nenit famëkeq 24/1 në ‘92 që largoi nga shërbimi publik disa mijëra shqiptare të ditur dhe me integritet, periudha juaj e “Rilindasve të babëzitur” do të jetë periudha më e zezë në shkatërrimin e institucioneve të shtetit dhe në largimin nga politika dhe administrata publike të kujtdo që ju pengon të vidhni deri në pangopësi.

Para 30 ditëve pushuat nga puna deputetin dhe ish-gazetarin luftarak e patriot të qarkut të Vlorës, Adrian Myslymaj thjesht për një sms që i nisi Taulant Ballës.

U angazhua drejtpërdrejt kryerilindasi Rama dhe e kërcënoi me pushim nga puna.

Ministria e Financave, Denaj brenda 48 orëve dhe jashte cdo procedure ligjore e pushoi nga puna.

Heshti Gramozi, mentori dhe promovuesi i tij politik.

Heshti bashkëluftëtari e bashkëgazetari Braçe.

Heshti Pandi dhe të gjithë të tjerët.

Ju nuk e kuptoni se sa shumë ju ka korruptuar pushteti absolut, ose ndoshta babëzia ka qenë motivi i vetëm në jetë.

Ju përligjni çdo vjedhje dhe abuzim sepse çdo njeri që ju denoncon, i suleni me gjithë arsenalin shpifës për ta vrarë, jo vetëm shpirtërisht. 

Boll me pangopësinë tuaj!

Boll me hipokrizinë tuaj!

Boll me vuajtjet e pafund që me arrogancën dhe babëzinë tuaj po i kushtoni shqiptarëve të varfër.

Për kategorinë e arrogantëve dhe të babëziturve populli ka një mallkim nga shpirti: “Kurrë mos u ngopshi”!

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s