Kush është “Qorri”, dora e zezë e kontrabandës së cigareve, rrënuesi i buxhetit të shtetit shqiptar, dhe cilat janë lidhjet e tij me ministrin kontrabandist? A është “Qorri” instrumenti i ministrit kontrabandist për të realizuar dhe ekzekutuar në terren skemën e kontrabandës së mallrave me akcizë, kryesisht të cigareve, ku buxheti i shtetit humbet çdo muaj nga 7-10 milionë euro? Si doli në skenë kontrabandisti i famshëm me pseudonimin “Qorri” dhe pse pikërisht ky personazh u shpëton të gjitha reprezaljeve dhe fshesave në dogana? Si ka mundësi që “Qorri” është imun dhe u mbijeton të gjitha spastrimeve në dogana? Çfarë di ai për ministrin kontrabandist dhe a është kjo arsyeja pse “Qorri” vijon qetësisht të ngrejë traun e doganave për maunet me cigare pa u regjistruar? Pse në dogana dhe në korridoret e qeverisë këto ditë flitet kaq shumë për ministrin kontrabandisti dhe veglën e tij, me pseudonimin “Qorri”? Pse Prokuroria, krimi ekonomik, anti-korrupsioni dhe hetimi doganor nuk po e ndalin dot kontrabandën e cigareve në dogana, e cila dihet tashmë se orkestrohet nga një ministër? Ç’thonë dhe ç’tregojnë shifrat e fundit për realizimin e të ardhurave në dogana? Për krerët e doganave, kryefinancierin e vendit, për kryeministrin dhe anti-kontrabandën e doganave të gjithë pyetjet e mësipërme janë retorike. Janë të tilla pasi të lartpërmendurit janë në dijeni të skemës së kontrabandës me cigare. Madje, shefi i qeverisë, mësohet se ka marrë një raport të detajuar për këtë çështje nga Zamir Shtylla, ish-drejtor i Departamentit Operativ Hetimor në Drejtorinë e Përgjithshme të Doganave, ose siç quhet ndryshe Antikontrabanda. Në raport mësohet se dilnin zbuluar gjurmët e ministrit kontrabandist, ndaj ky i fundit thuhet se u investua fort për ta shkarkuar Shtyllën, duke i dhënë një mesazh të qartë edhe personave të tjerë, të cilët janë në dijeni dhe që mbajnë ende detyra në dogananë ditët në vijim, do të publikojë targat e mjeteve që bëjnë kontrabandë dhe të dhëna të tjera rreth shpartallimit të doganave. Në kushtet kur Antikontrabanda nuk vepron, pasi i ka duart dhe gojën e lidhur, ne do të publikojmë të dhënë të tjera rreth këtij skandali. Në fund të fundit, ky është misioni i mediave. Të orientojë prokurorinë drejt vjedhjes si dhe të informojë qytetarët se kush po i përvetëson paratë e tyre. Mediat nuk kanë qëllim të vënë gjoba dhe t’i marrin shtetit bakshish, por janë ministrat ata që vjedhin paratë e qytetarëve, marrin thellat e mëdha dhe mashtrojnë sa herë dalin në televizor. Adriatik Doçi
AL in Sweden. 