Kategori
Uncategorized

Aleanca e despotëve

Sundimtari i Kremlinit, Vladimir Putin, shefi i Turqisë, Rexhep Taip Erdogan dhe presidenti iranian, Ebrahim Raisi-

Tre despotë që shtypin popullin e tyre dhe sulmojnë vendet e tjera ushtarakisht.

Të martën ata u takuan për bisedime në Teheran.

BILD

Mesazhi në fund të takimit: despotët rrinë bashkë, ata janë të unifikuar.

Të tre pozuan për një foto së bashku, të kapur dorë për dore- asnjë gjurmë e akullit me të cilin sundimtari i Kremlinit, Putini priti krerët e qeverive perëndimore në Moskë.

Pas mbërritjes në Teheran, Putini ishte dukshëm në humor të mirë- dhe ai dhe Erdogan u pritën me nderime ushtarake.

Ky ishte vetëm udhëtimi i dytë zyrtar jashtë vendit për luftënxitësin Putin që kur Rusia pushtoi Ukrainën më 24 shkurt.

Më parë ai ishte në një samit të vendeve aleate në Taxhikistan në fund të qershorit.

Zyrtarisht, takimi ishte për situatën në Siri. Këto shtete kanë negociuar për të ardhmen e Sirisë në të shkuarën. Rusia dhe Irani mbështesin qeverinë siriane, kurse Turqia është aleate me opozitën.

Por për diktatorin e Kremlinit, një çështje tjetër ishte në krye të listës: lufta në Ukrainë.

Në një bisedë dypalëshe mes Putinit dhe Erdoganit për shembull u fol për rifillimin e dërgesave të grurit nga Ukraina.

Turqia kohët e fundit ka vepruar si ndërmjetëse mes Ukrainës dhe Rusisë në mosmarrëveshjen mbi eksportet e bllokuara të drithërave në Ukrainë.

Pas bisedës, Putini vlerësoi përparimin në negociatat për grurin, duke i thënë Erdoganit: ‘Me ndihmën tuaj, ne kemi ecur përpara’.

Ukraina dhe shtetet perëndimore akuzojnë Rusinë për bllokimin e porteve detare të Ukrainës dhe rrjedhimisht edhe të dërgesave të drithit- në mënyrë që t’i instrumentalizojnë këto dërgesa për qëllimet e tyre.

“Moska nuk i shmanget përdorimit të furnizimeve me drithë dhe energji si armë,” tha kancelari gjerman, Olaf Scholz të hënën. “Ne duhet të mbajmë një qëndrim të vendosur kundër kësaj”.

Lini një koment