Qeveria e Rilindjes ka thyer çdo limit korrupsioni, ka rekordin sa as një qeveri tjetër në lidhjet e saj me krimin e organizuar, manipulon me mediat sa askush tjetër në këto 30 vite, blenë ndërkombëtarët në Tiranë, por dhe në Bruksel sa askujt nuk i shkon në mëndje se si lëvizin milionat e eurove në xhepat e kësaj shpure ndërkombëtarësh që na japin leksione për demokracinë.
So it is, Rama , Veliaj, Balla and their comrades is on the way to the dustbin of history. “Whoever comes too late will be punished by history”, said Gorbachev on 7 October 1989 in East Berlin, 4 weeks later there was no longer a communist government…
Çdo shpresë nis me një ëndërr e cila bëhet realitet.
🔹-Monika Kryemadhi:
Ta kthejnë 25 prillin në një referendum për një Shqipëri më të mirë.
Zgjodhën 1 marsin për të finalizuar zyrtarisht bashkëpunimin e tyre para dhe pas zgjedhor nëse opozita e bashkuar vjen në pushtet pas 25 prillit. Simbolika ishte e qartë. Kreu i Partisë Demokratike, Lulzim Basha, dhe ajo e Lëvizjes Socialiste për Integrim, Monika Kryemadhi thanë se duan t’u dërgojnë sinjalin shqiptarëve se pranvera e re po vjen për ta dhe ndryshimi nis nga sot.
Edhe pse do të garojnë të ndarë, diktuar nga ndryshimet e njëanshme të kodit zgjedhor, qëllimin e kanë të përbashkët, largimin e Edi Ramës.
Marrëveshja përmban 13 pika të përqëndruara në 3 shtylla kryesore, ekonominë, shëndetësisë, rendin dhe integrimin e vendit në Bashkimin Europian.
Marrëveshja erdhi e plotë nën zërin e aktorit Neritan Licaj, i kthyer në simbol të protetstës kundër prishjes së Teatrit Kombëtar, ndërsa palët angazhohen për ti dhënë vendit një qeverisje për njerëzit.
PD dhe LSI do të garojnë me 2 lista në zgjedhje. PD me 13 partitë aleate është regjistruar në KQZ në koalicionin “Partia Demokratike-Aleanca për Ndryshim”, shkronjat nistore të koalicionit “PD-AN”.
Slogani i opozitës për garën e 25 prillit do të jetë “Shqipëria, shtëpia që fiton”.
Fjala e plotë e Lulzim Bashës
Të dashur bashkëqytetarë, bashkëkombës kudo ku ndodheni, çdo udhëtim i madh nis me një hap, me një hap të parë. Dhe çdo shpresë nis me një ëndërr e cila bëhet realitet. Udhëtimi ynë i përbashkët për të ndryshuar Shqipërinë fillon sot. Koalicioni ynë, Partia Demokratike dhe Aleanca për Ndryshim dhe Lëvizja Socialiste për Integrim, ka bashkuar të gjitha forcat për të garantuar që 25 prilli të jetë dita e ndryshimit.
Pas 8 vite dështimesh, 8 vitesh premtimesh boshe, pas 8 vitesh ku Shqipëria ka mbetur vendnumëro në të gjitha drejtimet, ndërsa vendet e ngjashme me ne kanë përparuar dhe janë përmirësuar, ka ardhur koha që të ndryshojmë. Ne do të sjellim ndryshimin. Gjatë javëve të fundit unë jam takuar çdo ditë me ju qytetarë të Shqipërisë anë e mbanë vendit. E shoh shpresën dhe optimizmin tuaj.
E ndjej entuziazmin se bashkë me pranverën po vjen dhe dita e ndryshimit të shumëpritur. Dëshirën tuaj të vërtetë për të ndryshuar gjërat me të vërtetë për çdo shqiptar.
Në emrin tim, te Partisë Demokratike dhe të koalicionit tonë angazhohem se nuk do të ju zhgënjej. Se do të punojmë së bashku duke bashkuar të gjitha forcat për të sjellë një të ardhme të re dhe të mirë për çdo shqiptar.
Ne e dimë të vërtetën. Njerëzit tanë janë të fortë. Shqiptarët janë të fortë. Shqipëria është e fortë dhe plot me mundësi por, Shqipëria meriton një qeverisje të mirë. Një qeverisje që kujdeset për ju në vend që të kujdeset për veten e saj.
Ndaj gjatë javëve të fundit kam prezantuar planet tona të punës në të gjitha drejtimet. Për ekonominë, për arsimin, për shëndetësinë, për turizmin, për luftën pa kompromis kundër krimit dhe korrupsionit, për kthimin e të rinjve në vend dhe ndaljen e katastrofës kombëtare të emigracionit, për integrimin Europian të Shqipërisë. Pra në çdo drejtim, me anë të së cilit fiton çdo shqiptar, fiton Shqipëria. Këto nuk janë premtime boshe nga ato që bën përsëri kryeministri në ikje.
Këto janë plane pune që do të ndryshojnë jetën e secilit prej jush. Tani ka ardhur çasti të bashkohemi, tani ka ardhur çasti të fitojmë së bashku për Shqipërinë, për familjet tuaja, për çdo shqiptar. Të shkojmë shtëpi më shtëpi, rrugë më rrugë, fshat më fshat, qytet më qytet, dhe të garantojmë fitoren e 25 Prillit, fitoren e zgjedhjeve me anë të së cilës do të fitojë Shqipëria, do të fitojnë familjet tuaja dhe e ardhmja e fëmijëve tanë.
Sot është një ditë historike do ta quaja për Lëvizjen Socialiste për Integrim dhe Partinë Demokratike. Por më e rëndësishme do të ishte për të gjithë shqiptarët, sepse bashkimi dhe konsolidimi i një koalicioni përfundimtar përballë një sekti kriminal më 25 prill, do të jetë i domosdoshëm për të ardhmen e Shqipërisë dhe të shqiptarëve, sidomos të të rinjve dhe të rejave tanë.
Sot LSI dhe PD janë bërë bashkë si një aleancë kundër dështimeve të qeverisë së Ramës dhe sot në një ditë që ne bashkohemi formalisht, do të bashkojmë forcat dhe të punojmë me njëri tjetrin në shërbim të popullit shqiptar. Partneriteti ynë dërgon një sinjal të fortë dhe të qartë për të gjithë shqiptarët se ndryshimi po vjen, se ndryshimi është i paevitueshëm dhe se ditë më të mira ka përpara për shqiptarët kudo që jetojnë.
E di se do të ketë shumë prej atyre që do të thonë se LSI-ja është një parti që rritet nga elektorati i së majtës, por një parti si ne, LSI, ku në thelb të saj ka social demokracinë dhe bashkë me Partinë Demokratike që është parti e djathtë, dua të adresoj këtë gjë, që së pari ne si LSI dhe PD do të vijojmë të jemi dy entitete, me identitetin e tyre. Do të vijojmë, që në kohëra mund të kemi mund të kemi edhe kundërshtime për politika të caktuara, por zotohemi se do të gjejmë gjuhën e përbashkët të bashkëpunimit dhe të punojmë fort me njëri tjetrin, duke vendosur gjithmonë përpara interesin e Shqipërisë dhe të shqiptarëve.
Së dyti, jemi absolutisht të unifikuar me besimin se vendi është sot më keq seç ka qenë 4 apo 8 vite më parë, pothuajse të gjithë shqiptarët, përveç atyre që kanë lidhje të ngushta me qeverinë, të cilët janë më mirë se 99% e shqiptarëve. Ne dhe Partia Demokratike jemi të unifikuar në besimin se vendi po shkon drejt drejtimit të gabuar dhe se duhet të bëjmë më shumë për të lëvizur Shqipërinë dhe shqiptarët atje ku ata duan të jenë, në Bashkimin Evropian, që të kenë një jetë më të sigurt, të kenë një kosto jetese më të ulët, të kenë një standard jetese më të lartë, të kenë një arsimim më të mirë për fëmijët e tyre, të kenë një sistem shëndetësor më të mirë për ta dhe mbi të gjitha duhet të ndihen në Shqipëri si në shtëpinë e tyre.
Ne duhet të ndalojmë dëshirën e shqiptarëve për të emigruar nga Shqipëria, por duhet t’u krijojmë atyre më shumë mundësi, më shumë punësim, në mënyrë të tillë që të ndihen si qytetarë evropianë në Shqipëri.
Së fundmi, partneriteti ynë do t’i lejojë LSI-së që të ndjekë axhendën e saj politike. Në veçanti, ne si LSI do të punojmë për implementimin e pesë prioriteteve tona në pesë muajt e parë, për të ulur koston e jetesës për shqiptarët, për të krijuar punësim të mirë paguar për ta, për t’iu dhënë shqiptarëve shpresën dhe mundësinë që ata ta bëjnë Shqipërinë shtëpinë e tyre.
Dua të garantoj të gjithë shqiptarët që ky është një partnership i ndërtuar për të zgjatur, jo vetëm gjatë fushatës elektorale, por edhe në qeverisjen e re të LSI me Partinë Demokratike dhe me z. Basha duke drejtuar të gjithë frontin opozitar në zgjedhjet e 25 prillit.
Do të punojmë krah për krah të gjithë së bashku, do të punojmë krah për krah z. Lulzim Basha, por jo vetëm, por edhe ne të gjithë përkrah njëri – tjetrit, në çdo qytet, në çdo qark, në çdo shtëpi e në çdo rrugicë, anëtarë të Partisë Demokratike dhe të Lëvizjes Socialiste për Integrim, por jo vetëm këta, por edhe të rinjtë dhe të rejat, të gjithë ata që janë pa parti, por që duan të ndryshojnë Shqipërinë, që duan të sjellin një jetë më të mirë për të rinjtë dhe për të rejat dhe që duan të jenë qytetarë dinjitozë në vendin e tyre.
Ne jemi përgatitur të fokusojmë të gjithë vëmendjen në rimëkëmbjen e ekonomisë sonë në post-Covid, atë të cilës Edi Rama jo vetëm që nuk i dha zgjidhje, por përkundrazi e futi vendin në krizë të jashtëzakonshme. Edi Rama premton që do të hapë vende pune, por një njeri që krijoi kriza pa pasur kriza, mendoni se si mund të nxjerrë vendin nga një situatë e tillë.
Dua t’ju bëj thirrje të gjithë shqiptarëve, që të bashkohemi të tërë së bashku, të shkojmë drejt kutive të votimit më 25 prill. Referendumi i 25 prillit nuk është kalkulim politik. Referendumi i 25 prill është mision. Është mision kombëtar për t’i dhënë fund njëherë e përgjithmonë çdo sekti, që kërkon të marrë peng të ardhmen e Shqipërisë dhe shqiptarëve.
Unë ju ftoj të gjithëve, duke iu falënderuar, të drejtohemi drejt kutive të votimit, të flasim me miqtë, me shokët, me familjarët tanë, t’i bindim ata. E kuptojmë që janë të lodhur nga politika, e kuptojmë që janë të zhgënjyer nga politika, por sot më shumë se kurrë, bashkimi i LSI me Partinë Demokratike dhe aleatët e saj është një sinjal më i fortë, në këtë ditë të mrekullueshme, në ditën e parë të muajit mars, në ditën e pranverës për të filluar një pranverë të re, pranverën e zhvillimit, pranverën e emancipimit, për të pasur më shumë gra dhe vajza, jo vetëm në qeverisje, por edhe në politikë bërje, për të pasur më shumë të rinj dhe të reja jo vetëm në qeverisje por edhe në politikë bërje, dhe për t’i dhënë forcë votës së shqiptarëve.
Edhe në Shtabin e Forcave të Armatosura të Shqipërisë ka ish-oficerë të Sigurimit të shtetit! Nuk ka institucion shtetëror a publik të rëndësisë kryesore në vend që të mos jetë montuar ky sekt i policisë politike të diktaturës komuniste. E kuptojmë që pushteti i Rilindjes, Partia Sociliste, i ka thirrur nën armë, u ka shpërndarë detyrat survejuese, raportuese konfidenciale. Po në Shtabin e Forcave të Armatosur ç’duhet kjo shpesëri nate? Mos vallë për të marrë informata brenda strukturave të armikut të përbetuar – NATO-s e për t’ua dhënë miqve të idealit, shërbimeve sekrete të ish Traktatit të Varshavës? Qenia e ish oficerëve të sigurimit në këtë strukturë të rëndësishme shtetërore e ndërshtetërore është krejtësisht jashtë ekspertizës e në shkelje flagrante të kritereve të punësimit. E para, për shkak të mospërputhjes së shkollimit profesional, të parashikuar në kriteret e punësimit në këtë strukturë, germa “d” ku thuhet: “Të ketë përputhshmëri gradë-funksion-specialitet për vendin përkatës të punës”. Ç’përputhshmëri mund të ketë në Shtabin e Forcave të Armatosura një pjesëtar që ka mbaruar shkollën e Ministrisë së Punëve të Brendshme me profilin “Sigurim”? Pse p.sh, nuk ka Shtabi i FA oficerë që kanë mbaruar për agronomi? Së dyti, po në kriteret e punësimit në shtabin e FA, në pikën “g” thuhet: “Të jetë i pajisur me certifikatë sigurie”, që parakupton edhe – të mos ketë qënë në shërbim të Sigurimit të shtetit komunist. Lind pyetja se si e kanë marrë këtë “certifikatë sigurie”? Kush ua ka dhënë? Apo shokët që kryesojnë zyrën e vetingut në DSIK? Dhe e treta, si rrjedhim, është pika “b” që thotë: “Të ketë zotësi të plotë për të vepruar”. Si mund ta ketë zotësi për të vepruar një pjesëtar i Shtabit të FA kur ai profesionalisht është i papërputhshëm dhe moralisht e botëkuptimisht është i kompromentuar? Shtabi i FA gëlon nga ish oficerët e Sigurimit të shtetit, siç e tregon dhe dokumenti i mëposhtëm zyrtar, përkundër kritereve të punësimit që ka shpallur vetë kjo strukturë, të cilën po e përcjellim më poshtë:
a. Të jetë vetëm shtetas shqiptar; b. Të ketë zotësi të plotë për të vepruar; c. Të përmbushë kërkesat ligjore për nivelin arsimor; d. Të ketë përputhshmëri gradë-funksion-specialitet për vendin përkatës të punës; e. Të jetë i aftë nga ana shëndetësore; f. Të mos jetë dënuar me vendim gjykate të formës së prerë për kryerjen e një krimi; g. Të jetë i pajisur me certifikatë sigurie; h. Të mos ketë filluar procedim penal ndaj tij; i. Të mos ketë konflikt interesi me detyrën ose funksionin që do të kryejë; j. Të ketë nivelin e kërkuar të Anglishtes për pozicionin e punës.
Dvorani, një ish gjyqtar komunist, nuk është dhe nuk mund të jetë kurrë një Kampion Antikorrupsion
I nderuar z.Anthony J. Blinken,
Ne u tmerruam kur pamë vendimin tuaj më të fundit të Z. Dvorani si një kampion antikorrupsion. Asgjë tjetër nuk mund të ishte më larg të vërtetës, sesa ky emërtim i tillë. Edhe pse është Deklarata Juaj, ne e kuptojmë,që është një informacion jo i vërtetë që Ju mund të keni marrë nga stafi shqiptar i Ambasadës Amerikane në Tiranë, Shqipëri, i cili përbëhet kryesisht nga ish anëtarët e tmerrshëm të forcës së fshehtë komuniste dhe elita komuniste. Ata luajnë me SHBA-në, dhe për fat të keq Departamenti i Shtetit nuk ka qenë në lartësinë e detyrës për të kuptuar lojërat e tyre të poshtëra.
Dvorani nuk është dhe nuk mund të jetë kurrë një Kampion Antikorrupsion. Një ish-gjyqtar komunist, që dënoi njerëzit me burg të gjatë vetëm për arsye politike dhe një gjykatës i korruptuar në periudhën Post-Komuniste të Demokracisë, pasuria e të cilit nuk mund të justifikohet nga paga e tij prej më shumë se njëqind milion lek. Ju lutemi të shikoni bashkangjitur Raportin e Agjencisë Shqiptare, që vlerëson pasurinë e zyrtarëve publikë. Për më tepër, jo vetëm që ai kurrë nuk ka qenë një Kampion antikorrupsion, por ai është arsyeja kryesore që Reforma në Drejtësi, e cila u miratua me 100% të votave të parlamentit shqiptar “doli nga shinat” , duke shkaktuar shkatërrimin e plotë të Sistemit Gjyqësor. Shqipëria nuk ka një Gjykatë të Lartë funksionuese dhe për katër vjet nuk ka një Gjykatë Kushtetuese dhe e gjitha kjo fal Z. Dvorani. Komisioni i Venecias ka lëshuar një akuzë të ashpër kundër Z. Dvorani, ju lutem gjejeni atë, dhe ju do të shihni se sa joreal dhe sa mashtrues është informacioni, që Ambasada Amerikane në Tiranë i dërgon Departamentit të Shtetit.
Populli shqiptar është një popull, si pjesa tjetër e botës. Ai e ka treguar veten me nder në shekuj. Populli shqiptar mbrojti 100% të popullsisë hebreje gjatë okupimit gjerman, dhe këtë e vërteton fare mirë numri i larte i hebrenjve që gjendeshin në Shqipëri pas Luftës së Dytë Botërore, në krahasim me vendet fqinje, si Italia, Greqia dhe Jugosllavia, ku ata u persekutuan dhe gjetën siguri në Shqipëri. Populli shqiptar e ka treguar që është më pro-amerikani në Evropë, duke treguar mirënjohjen më të madhe ndaj Presidentëve të SHBA-se si Ëilson, Clinton, Bush Sr. dhe Bush Jr për ato që ata bënë gjatë 100 viteve të fundit për Kombin shqiptar. Ne nuk e meritojmë të trajtohemi si një tufë delesh dhe të tallemi kaq skandalozisht nga diplomatët e SH.B.A-së, teksa ata i ngrene në piedestal përndjekësit tanë.
Ne me respekt ju paraqesim këtë kërkesë për të rishikuar këtë zgjedhje të gabuar dhe faleminderit për shqyrtimin tuaj. Me respekt dhe mirënjohje Nikolas Mirakaj Alempijevic dhe Hajro Çini
AL in Sweden. 