Jacob Grandstaff asistent i Presidentit të SHBA-s, Xhorxh W. Bush. Ai ka titullin profesor, dhe aktualisht është gazetar e analist i lirë.

Në një intervistë për median rumune ai, ndër të tjera ka thënë:

Puna e ambasadës në Bukuresht dhe kudo në botë drejtohet nga Departamenti i Shtetit. Ideologjia dominuese e të cilit është shumë afër asaj të Sorosit.

Për të qenë më të saktë duhet thënë se ideologjia e DASH është në një linjë me atë të Partisë Demokratike amerikane, ku Soros është një financues i rëndësishëm i ekstremit të majtë.

Shumica e stafit të DASH janë demokratë(janë simpatizantë të Partisë Demokratikë Amerikane). Dikush në administratën amerikane më ka treguar se 80-90 për qind e stafit të DASH janë demokratë; në vitin 2017, në DASH kishte 75 mijë punonjës, dhe kjo do të thotë se mbi 60 mijë prej tyre janë demokratë.

Kjo është arsyeja përse nuk është e lehtë të ndryshosh qëndrimet e DASH në kuptimin që edhe kur në krye të vendit vjen një President Republikan, si për shembull Xhorxh W. Bush apo tani Donald Trump, ata janë të detyruar të punojnë me punonjës që janë në shpirt me Partinë Demokratike, sepse është pothuajse e pamundur të largosh me mijëra vetë dhe të emërosh me mijëra të tjerë.

Kjo është arsyeja që në Rumani duhet të kenë parasysh se situata nuk do të ndryshojë për shkak të qëndrimeve të punonjësve të DASH por ajo duhet të ndryshojë nga brenda Rumanisë.

Rumunët për më tepër duhet të kenë parasysh se DASH e trajtonin Rumaninë si koloni.

Dhe përderisa Rumunët dhe Shqiptarët, nuk do të jenë në gjendje të menaxhojnë vetë vendin e tyre, vendi i tyre do të trajtohet si koloni nga DASH, sic ka vepruar gjatë 10 vjetëve të fundit.

DASH nuk e trajton as Hungarinë dhe as Poloninë si koloni se qytetarët e këtyre vendeve nuk e suportojnë një trajtim të tillë.

Vijon dritëshkurtësia kryeministrore, që nuk e kupton se tensionet kanë mbërritur në kulm dhe situate është përgjithësisht e sëmurë..

Vijon përzgjedhja e pakuptueshme e Gjykatës së Kukësit, në lidhje me të 11 të arrestuarit protestues, që mbeten në burg.
Vijon të mos ndjehet qartësisht se nervat janë krejtësisht të zhveshura dhe se teprimet abuzive që kanë mbërritur shifra dhe kuota të papërfytyrueshme, nuk kapërdihen më kollaj nga askush.

Realiteti tashmë konsumohet përpara syve të të gjithëve.

Super luks vezullues, sfidues dhe pordhëmadh nga njëra anë, ministrash, drejtorësh dhe sipërmarrësish të përkëdhelur nga pushteti dhe padrejtësi e theksuar sociale nga ana tjetër.

Djelmosha që futen në burg, për pak gjë, me ose pa të drejtë ligjore dhe buaj të korrupsionit që shkelin si harbutë në zyrat e shtetit, me sytë nga arka e qeverisë, grabitqarë të pashoq dhe llapaqenë të sprovuar tashmë.
Të vërtetat janë tashmë bardhë e zi dhe kontrasti i thellë dhe acarues, nuk mbushet dot më, me ngjyrat e rreme të fjalimeve kryeministrore, të cilave u ka rënë shkëlqimi, sepse janë shndruar tashmë në avokatinë e mëkatarëve të mëdhenj të këtij vendi.
Kryeministri avokat, që mbron përkundrejt gjygjit të Opinionit publik, palën mëkatare, palën gjakpirëse, që fryhet si shushunjë në kurriz të shumicës popullore, pa kuptuar as ai vetë dhe as kupola që ka krijuar, po shndërrohet me shpejtësi në një personazh antipatik.

Tepsia dhe Timoni që morri, krejt për vete, e ka lënë si peshku pa ujë, pasiqë nuk ka më se ku të qahet dhe të justifikohet se ja prishin qeverisjen dhe projektet shtetformuese, aleatët dhe “maskarenjtë” e domosdoshëm për të mbajtur pushtetin, në emër të gjoja “gjërave të mëdha” dhe shtetformuese…

Dhe ay, kryeministri, ndjehet i gëlltitur nga antipatia në rritje.
Krejt i paaftë të gjejë Zgjidhje, që ta afrojnë me shumicën popullore, që ndjehet e tradhëtuar, nga ky kryeministër i të Pasurve, që e ka vënë qeverinë dhe shtetin në punë, si të ishte një shtojcë e ca pak kompanive të mëdha shqiptare.
Më rëndë Rama nuk ka qenë asnjëherë deri më sot.

Dhe e keqja është se ai, nuk del dot më nga kjo grackë perfekte detyrimesh dhe ndër-vartësie ndaj oligarkëve, të cilën e ka krijuar vetë, në mënyrë të talentuar…

Mirëpo shushunjat, duan, ashtu si edhe vampirët, gjithmonë e më shumë gjak të freskët konçesionesh… kjo është natyrë e tyre. Nëse ky gjatoshi nuk u shkon tashmë krejt pas oreksit, ata e braktisin…
Sepse e kanë paguar sigurisht “gjobën”, ndaj tij ose ministrave të tij…/360grade.al/

Lajmi i vrasjes së Mario Majollarit në Tiranë është pasqyruar edhe nga mediat suedeze. 28-vjeçari kishte aplikuar për azil në Suedi, por kërkesa i ishte refuzuar. Pesë ditë pasi ishte kthyer në Shqipëri, ai u ekzekutua me armë poshtë pallatit ku banonte në zonën e ish-Kinostudios.

“Ai vazhdimisht thoshte që nëse do ta kapnin, do ta qëllonin”, shprehet Anders Hedqvist, i cili ishte menaxheri i vendqëndrimit të azilit ku rrinte Mario Majollari, gjatë kohës që kërkesa e tij ishte në proces. Ka qenë Maj i vitit 2014 kur 28-vjeçari shqiptar aplikoi për leje qëndrimi në Suedi, shkruajnë mediat suedeze.

Autoritetet vlerësuan se Mario nuk kishte nevojë për mbrojtje, pavarësisht se 28-vjeçari thoshte vazhdimisht se ishte kërcënuar kur babai i tij u arrestua. Në Gusht të vitit 2015, Bordi i Migracionit refuzoi kërkesën e tij për azil.Mario e apeloi këtë vendim duke kërkuar që azili të aprovohej, por kërkesa e tij sërish u refuzua dy ditë përpara Krishtlindjeve të të njëjtit vit.

28-vjeçari bëri kërkesë për gjykim në Gjykatën Supreme të Migracionit, por iu refuzua dhe u kthye në Shqipëri në Pranverën e vitit 2016, sipas shtypit suedez.“Ai u njoftua kur mori refuzimin për azil. Tha se nuk mund të qëndrojë në Shqipëri dhe duhet të shkojë në një shtet tjetër për të punuar“, shpjegon Anders Hedqvist. Menaxheri i qendrës së azilit në Suedi ku qëndronte Mario gjatë kohës që shqyrtohej kërkesa e tij, Anders thotë se e kishte ndihmuar 28-vjeçarin të gjente punë të ndryshme dhe mbante kontakte në Facebook me të. Më pas – tregon ai – përmes një miku të tyre të përbashkët mësoi se Mario ishte vrarë.Mediat në Suedi janë interesuar në lidhje me vendimin për refuzimin e kërkesës së Mario Majollarit për azil. Sipas informacioneve që disponojnë dhe i kanë bërë publike, Gjykata e Migracionit në Goteborg vendosi të refuzojë kërkesën e 28-vjeçarit sepse dëshmia e tij nuk u konsiderua e besueshme dhe nuk besonin se ekzistonte kërcënim real në Shqipëri për Marion.Shtypi suedez thotë se vendimi i Gjykatës u bazua edhe mbi informacionin e përcjellë nga Shqipëria, duke bërë që trupa gjyqësore të arrinte në përfundimin se “pavarësisht mangësive aktuale, sistemi gjyqësor në Shqipëri mund të ofrojë mbrojtje për konfliktet e gjakmarrjes”.Ndërsa zëdhënësja për shtyp e Bordit të Migracionit, Irene Sokolow thotë se është tragjike ajo që ndodhi në Tiranë.

Avokati i Mario Majollarit në Suedi, Maravgi Staifo: “Fatkeqësisht ju nuk e besuat dhe menduat se mund të merrte mbrojtje në Shqipëri. Kjo është një provë e qartë se Mario kishte të drejtë në pretendimet e tij, por fatkeqësisht ju i refuzuat gjyqin”. Irene Sokolow: “Jam shumë e pikëlluar për këtë që ndodhi. Është jashtëzakonisht tragjike”/klan.

Vendimi i firmosur nga ish sekretari i shtetit, Rex Tillerson u kontestua nga Llalla që akuzoi ambasadorin Lu se gënjeu departamentin e shtetit.

Ish-Prokurori i Përgjithshëm, Adriatik Llalla, në shkurt të 2017-ës, deklaroi përgjatë një interviste në emisionin ‘Opinion’ se ambasadori amerikan Donald Lu i ka kërkuar arrestimin e një zyrtari të lartë të shtetit, ku pavarësisht këmbënguljes së gazetarit Blendi Fevziu, ai preferoi të mos nxjerrë emër.

Llalla tregoi në emision historinë e takimit privat që pati me ambasadorin në zyrë, ndërsa i ishte bërë presion për Bankers Petroleum.

Pyetjes nëse ky politikan ishte Sali Berisha, Llalla nuk i dha përgjigje, duke lënë hapësira për aludime.

Megjithatë, emri i politikanit që iu kërkua nga Donald Lu të arrestohej, Adriatik Lalla e ka zbuluar në Kongresin Amerikan, kur iu kërkua informacion në lidhje me ndikimin e Soros-it në Shqipëri.

Mediat kanë ‘zbuluar’ sot një letër të Adriatik Llallës për disa kongresmen në vitin 2017 ku raporton shantazhin dhe ndërhyrjet e Ambasadorit Lu në hetimet e prokurorisë. E para ishte kërkesa për të ndihmuar Bankers dhe e dyta kërkesa për t’i bërë më të lehtë pushtetin Edi Ramës duke arrestuar pa hetim dhe prova ish kryeparlamentarin Ilir Meta.

Në letër shkruhet: “…Donald Lu i sugjeroi Prokurorit të Përgjithshëm arrestimin e Ilir Metës, kryetar i Parlamentit dhe njëkohësisht kryetar i Lëvizjes Socialiste për Integrim. Në vlerësimin e z. Lu, Kryeparlamentari Meta ishte i korruptuar dhe po bllokonte Reformën në Drejtësi”.

Më tej, Llalla tregon se ambasadorit amerikan mendonte se arrestimi i tij mund të ndihmonte Shqipërinë për t’u integruar në Bashkimin Europian, ish-Kryeprokurori shpjegon: “Kjo kërkesë, tërësisht e papërgjegjshme, detyroi Prokurorin e Përgjithshëm të ndërpriste takimin, duke u shprehur se arrestimi i çdo njeriu, përfshirë edhe zyrtarët, mund të bëhet vetëm në bazë të provave”.

Debati duket se ka qenë i ashpër, pasi Llalla, në letrën drejtuar Kongresit, shkruan: “Prokurori i Përgjithshëm theksoi se kërkesa (e ambasadorit) ishte jo logjike dhe se, arrestimi i zyrtarëve të lartë, pa prova, rrezikon të sjellë destabilitet politik dhe social”.

Pjesa më e rëndë e këtij komunikimi vjen më poshtë, sipas përshkrimit të ish-Prokurorit të Përgjithshëm të Shqipërisë. “Përballë këtij qëndrimi (të prokurorit të përgjithshëm), Ambasadori Lu u shpreh se destabiliteti i mundshëm i Shqipërisë nuk përfshihej në prioritetet e tij”.

Në nëntor, Adriatik Llalla u zëvëndësua në detyrë me Arta Markun dhe fill pas kësaj ish-Kryeprokurorit, iu ndalua hyrja në Shtetet e Bashkuara të Amerikës bashkë me familjen. Vendimi i firmosur nga ish sekretari i shtetit, Rex Tillerson u kontestua nga Llalla që akuzoi ambasadorin Lu se gënjeu departamentin e shtetit.

Historia e ngjarjes

Vendimi theksonte se vetë Sekretari i Shtetit Rex Tillerson e miratoi masën e ndalimit për shkak të përfshirjes së ish-zyrtarit shqiptar në raste të mëdha korrupsioni.

Ligjet amerikane parashikojnë që në rastet kur ka informacione të besueshme se zyrtarë të huaj përfshihen në afera madhore korrupsioni, ose në shkelje të rënda të të drejtave të njeriut, këtyre individëve dhe familjes së tyre të afërt u ndalohet hyrja në SHBA.

Shefi i diplomacisë amerikane miratoi ndalimin e hyrjes në Amerikë edhe të bashkëshortes, Ardjana Llalla dhe fëmijëve.

Vendimi vinte para nisjes së vettingut dhe u komentua gjerësisht si një vetting amerikan për njerëzit e drejtësisë. Ajo që ndodhi më pas i konfirmoi komentet.

Mes ish-kryeprokurorit dhe ambasadorit amerikan, Donald Lu pati dukshëm një marrëdhënie të tensionuar. Konseguenca me të cilën ambasadori amerikan e ndoqi rrugëtimin e Llallës, edhe pas largimit nga sistemi i drejtësisë tregon që asgjë nuk ishte rastësi, apo qëndrim spontan.

Në kohën kur ish-prokurori deklaroi largimin nga drejtësia dhe për këtë njoftoi edhe organet e vettingut, ambasadori iu rikthye duke bërë të qartë se historinë e Llallës nuk do ta mbyllë as kërkesa e tij për të mos qenë më pjesë e sistemit të drejtësisë.

Përmes dy mesazheve në Tëitter, Lu reagoi se vendimi për tërheqje nuk i shfajëson ish-zyrtarët nga përgjegjësitë e mundshme penale për korrupsion, apo shpërdorim.

Reagimi i Adriatik Llallës

Pas bllokimit të vizës amerikane për të dhe familjen e tij, ish Prokurori i Përgjithshëm iu kundërpërgjigj ambasadorit amerikan, Donald Lu nga Ëall Street Journal.

Llalla e akuzoi ambasadorin se e ka gënjyer Departamentin Amerikan të Shtetit, në lidhje me veprimtarinë e tij.

“Jam i sigurtë se vendimi është marrë bazuar në keqinformimin e dhënë për personin tim nga ambasadori Donald Lu për Departamentin e Shtetit”,-tha ai për WSJ.

Llalla tha për Ëall Street Journal se ai nuk dinte se çfarë provash për korrupsion ka SHBA për të, por ai fajësoi Donal Lu duke thënë se “keqinformoi dhe keqinformoi me qëllim”.

“Ai më ka ofenduar mua dhe familjen time dhe të gjithë trupën gjyqësore dhe të prokurorëve, duke na trajtuar i kriminelë, duke na denigruar publikisht dhe personalisht”,- ka thënë Adriatik Llalla për ËSJ.

Reagimi i Prokurorisë së Përgjithshme

Zëri i Amerikës kërkoi nga Prokuroria e Përgjithshme një qëndrim “nëse do të ndërmerret apo jo ndonjë veprim ndaj ish Kryeprokurorit Adriatik Llalla, pas vendimit të Departamentit amerikan të Shtetit për t’i ndaluar atij hyrjen në Shtetet e Bashkuara për shkak të përfshirjes në raste të mëdha korrupsioni”

“Prokuroria e Përgjithshme e Republikës së Shqipërisë i jep përparësi integritetit moral dhe profesional të zyrtarëve. Populli shqiptar pret dhe meriton që zyrtarët të punojnë me ndershmëri dhe integritet në të mirë të interesit publik”, thuhet në përgjigjen e Prokurorisë së Përgjithshme ndërsa shton se ky institucion “u jep mbështetjen e plotë të gjithë prokurorve që punojnë me përkushtim, dinjitet dhe integritet” e se “gjithashtu mbështet qëndrimin për ndëshkimin e cilitdo që cënon parimet e Shtetit të së Drejtës”.

Rasti i zotit Llalla ishte i pari i një zyrtari të lartë shqiptar ndaj të cilit Shtetet e Bashkuara marrin sanksione të tilla. /Opinion/

Shqiperise i duhet nje Victor Urban.Ndoshta po i vjen koha..

Sikur…!

Nah Guxi Alimani/
———–
Sikur nje dore magjike”deus ex machina” te mund te largonte kopilet e Sorosit nga jeta shqiptare do te ndodhte si me poshte:

-Shume parti te rendesishme do ngeleshin pa kryetar.
-Nga Kuvendi i Shqiperise do zhdukeshin plot 43 parlamentare.
-Nga televizionet e mediat me te rendesishme do zhdukeshin analiste e pronare.
-Ne universitetet private si ai i Naim Çilit do kendonte qyqja dhe jo zëri i bilbilit.
Ah sikur te kishim pak drejtesi e ti dergonim ne kampin muze te Tepelenes keta monstra.

Shqiperise i duhet nje Victor Urban.Ndoshta po i vjen koha..

Presidenti i Judical Watch, Tom Fitton ka dhënë detaje të reja në lidhje me aktivitetin e Xhorxh Sorosit në Shqipëri, sponsorizimin e tij nga fondet e administratës së Barack Obamës dhe rolit të Donald Lu në Tiranë.
Duke bërë një përmbledhje të zbulimeve të tij dhe Judical Watch, Fitton tregon se si në vitin 2017, ambasadori i SHBA-së në Tiranë, Donald Lu minoi planet e opozitës shqiptare.‘Ambasadori i SHBA në Shqipëri, Donald Lu, i emëruar nga administrata e Obamës, ka qenë i lidhur ngushtë me Sorosin dhe qeverinë socialiste të Edi Ramës, në Shqipëri. Në maj 2017, Lu ndihmoi të minojë planet e partive opozitare shqiptare për të protestuar ndaj zgjedhjeve të ardhshme parlamentare duke deklaruar se SHBA do të pranonin rezultatet e zgjedhjeve edhe në qoftë se partitë e opozitës refuzuan të merrnin pjesë.Lu është përshkruar në shtypin e SHBA si ‘një forcë shtytëse prapa reformave gjyqësore të Shqipërisë’, shkruan Tom Fitton në një shkrim të gjatë në lidhje me financimet ndaj Xhorxh Sorosit nga administrata së Obamës .Sipas presidentit të JW, administrata e Obamës kaloi në heshtje të paktën 9 milionë dollarë amerikanë në taksat e taksapaguesve amerikanë, në mbështetjet të miliarderit të krahut të majtë Xhorxh Soros.Me këto para, ky i fundit financoi qeverinë socialiste të Edi Ramës në Shqipëri. Është veçanërisht e papranueshme që Departamenti i Shtetit lejoi Sorosin që me paratë e amerikanëve të ndikonte në qeveritë anti-amerikane.Soros është një miliarder dhe ai nuk duhet të marrë mbështetjen e tatimpaguesve për të çuar përpara axhendën radikale të tij të majtë, e duke minuar liritë dhe të drejtat si në SHBA ashtu edhe jashtë vendit.Javën e kaluar, raportuam për përpjekjet tona për të ekspozuar financimin e administratës së Obamës për aktivitetet politike të krahut të majtë të George Soros në Rumani dhe Kolumbi. Gjithashtu vura re se ne po i ndiqnim veprimet e tij në Shqipëri, shkruan Fitton.‘Këtë javë jam i lumtur të them se kemi rezultate. Kemi marrë 32 faqe të të dhënave që tregojnë se si administrata e Obamës i dërgoi fondet e taksapaguesve të SHBA-së në një grup të mbështetur nga Soros për të financuar aktivitetete politike të krahut të majtë në Shqipëri.Kjo përfshinte bashkëpunimin me qeverinë e Edi Ramës për të nxitur reforma shumë të diskutueshme gjyqësore. Të dhënat gjithashtu tregojnë se Soros ndikoi tek Departamenti i Shtetit që të rishikonte planet e aplikimeve për grantet nga grupe të tjera për financimin e taksapaguesve.Dokumente të reja tregojnë se fondet e USAID-it u kaluan përmes projektit të Shoqërisë Civile për të mbështetur fondacionet e krahut të majtë të Sorosit në Shqipëri, veçanërisht në përpjekjet për t’i dhënë qeverisë socialiste kontroll të madh mbi gjyqësorin. USAID thuhet se ka dhënë 9 milionë dollarë në vitin 2016 në fushatën “Drejtësia për të gjithë”, e cila mbikëqyret nga “East West Management Institute” i Sorosit.

Fort të vështira janë disa punë:

Erl Kodra.

Çdo qytet, fshat a katund e ka një budallë. Ne budallën shkojmë dhe e bajmë Kryeministër. Po ky nuk na doli vetëm budallë, por edhe i mashkull i keq.

Shikoni se në çfarë sikletesh e ka futë Shqipërinë ky hajvani jonë. Ndërton disa raporte krejt private me Presidentin turk, duke e ditë se Recep Tayyip Erdoğan njerëzit i sheh vetëm si shërbëtor të tij, ose si armiq të tij. Tayyip-i do ta varrosi përfundimisht parimet e Republikës së Mustafa Kemal Atatürk.

Por këtu duhet ditë me ba një dallim; Presidenti Recep ashtë i përkohshëm, ndërsa Turqia ashtë e përjetshme. Ndaj unë besoj se duhet me pas kurajo të madhe me mujtë me ba dallimin e domosdoshëm mes Turqisë si shtet mik dhe aleate e madhe e shqiptarëve në Ballkan dhe Presidentit të përkohshëm Recep Tayyip, që me siguri nuk e dojnë ma shumë se gjysma e popullit të vet, turqit pra.

Fort e vështirë do të jetë për Shqipërinë ta përballojë presionin e këtij farë Presidenti, sidomos pas borxhit personal ku e ka shti Edi Rama Shqipërinë dhe Hashimi shqiptarët në Kosovë.

Ditët që vijnë do të jenë fortë të vështira për shqiptarët. Por me shpresë të Zotit dhe të Amerikës, shpejt do kthjellohen ujnat ku na kanë zhytë Hasha e Rama.

Mbrëmjen e djeshme është dhunuar administratori i “Tv Zjarr”, Ismet Drishti, i cili është sulmuar me leva nga persona të maskuar.

Menjëherë pas ngjarjes ai ka kërkuar ndihmën e policisë, por patrulla e forcave blu ka mbërritur shumë me vonesë.

Por ajo që mbetet më shqetësuese është se policia sot nuk ka nisur asnjë hetim ndaj dhunës së ushtruar mbi Drishtin, apo dhe për të marrë provat filmike nga bizneset.

Drishti njihet si një nga zërat dhe kritikët më të fortë opozitarë kundër qeverisë.

Këtë akt të dhunshëm e ka denoncuar edhe deputetja e PD-së, Albana Vokshi.

Ja postimi i Vokshit:

Administratori i “TV Zjarr”, gazetari Ismet Drishti, është kërcënuar nga një grup me maska, që ka sulmuar me leva dhe sende të forta ndërtesën e studiove të televizionit.

Gazetari Drishti ka kërkuar ndihmën e policisë, por patrulla e parë policore ka mbërritur shumë vonë. Në përpjekje për të mbrojtur pronën dhe punën e tij, gazetari Ismet Drishti është përleshur me agresorët dhe ka pësuar lëndime të lehta në kokë.

Në 4 dhjetor të 2017, studiot e televizionit Zjarr u sulmuan dhe u plaçkitën natën, ndërsa policia ende nuk ka asnjë të ndaluar.

Edhe sot, policia nuk ka bërë asnjë veprim për të sekuestruar kamerat e bizneseve përballë studiove të televizionit për të rënë në gjurmë të agresorëve.

Partia Demokratike e dënon me forcë sulmin ndaj gazetarit Drishti dhe kërkon hetim të plotë e të shpejtë për ngjarjen e përsëritur kundër gazetarit Ismet Drishti, i njohur për qëndrinet kritike ndaj qeverisë.

Partia Demokratike ka nisur procesin e konsultimeve me shoqatat e gazetarëve dhe organizatat ndërkombëtare për hartimin e një rezolutë parlamentare në mbrojtje të jetës dhe profesionit të gazetarëve ne Shqipëri.

Vete Ismet Drishti, sot pasdite ka publikuar pamjet filmike te dhunes ndaj tij, ku shihen disa persona duke e goditur.

Derdhet kupa që mbushi arroganca e Ramës

Nga Artur Zheji

Shqiptarët i dhanë besim dhe pushtet, ndoshta si askujt tjetri në këtë vend, ku pasioni për eksperimentet njerëzore nuk njeh kufinj.

E bënë, ministër, e bënë 3 herë kryetar bashkie të kryeqytetit dhe 2 herë kryeministër. E bënë të pasur dhe të famshëm. E veshën dhe e ushqyen më së miri këtë kryeministër, e vunë si pasha në krye të vendit, e përkëdhelën me vota dhe dhurata të paçmuara.

Por ndërkohë, me vesin e keq të këtij populli, që prodhon diktatorë dhe diktatorucë, dhelat dhe përkëdhelat e shumta, e bënë kryeministrin të besonte gabimisht se ishte i pakundërshtueshëm, apo se mund t’i blinte të gjitha mendjet dhe gojët e lira në këtë vend mjeran.

Dhe ja arriti pothuaj, por ndërkohë është shkëputur krejtësisht nga realiteti që e rrethon, nga realiteti i popullit të vet, që e parazgjodhi ndaj shumë të tjerëve dhe më shumë se këdo tjetër.

Dhe kryeministri, pronar i plotë i krejt Tepsisë së pushtetit, vuri në tepsi, si të ishte një dash i pjekur në hell, krejt Shqipërinë.

Pastaj morri një hanxhar dhe çdo ditë të shtune, në gostinë e ngrënies së Dashit të pjekur – Shqipëri, priste ndonjë llokëm dhe ua hidhte si dikur mongolët e Çengçiz Hanit, në prehër pashallarëve më të vegjël, të shpurës së tij grabitqare. Ata që veshin stinë pas stine, herë çallma blu dhe herë çallma rozë, gjithmonë të uritur për llokmën e dhjamur të dashit, me të cilën s’kanë të ngopur.

Ja pra që gabuan këta derdimenë shqiptarë, që ja dhanë të gjithë Tepsinë, një individi të vetëm, qoftë ky më i gjati i politikanëve, apo qoftë ky batutaxhiu më i suksesshëm i Kuvendit të Shqipërisë, ku koha ka treguar, që ka mbledhur më së shumti batakçinj me vulë.

Mirëpo te “koqet” e Dashit-Shqipëri, ngatërrohet gjithmonë loja.

Ato të shkreta dhe të uruara hallate, dhembin.

10 apo 22 euro për të shkuar në Kosovë, për pak tregëti apo për pak çmallje me fisin, për të nisur pak kanabis drejt Beogradit, për punë të pastërta apo të papastërta, dhembin, sepse kjo është rruga e turizmit kombëtar që sjell dhjetëra e mijëra shqiptarë të Kosovës, çdo fundjavë në Shqipëri.

Më ç’rast qarkullon paraja, ushqehen bizneset e vogla të shërbimeve, punojnë qebabtoret e byrektoret, punojnë hotelet, restorantet apo hanet shqiptare, dhe mbyllet financiarisht muaji i varfër i të varfërve qëu gënjen mendja se bëjnë biznes. Por që të paktën kësisoj mbahen në këmbë.

Por pronari i Tepsisë të të gjitha pushteteve, i ka harruar qebabtoret, picat apo byrektoret apo birraritë e shumicës, që dikur, kur jetonte në Paris si i varfër, i frekuentonte përditshmërisht, si të gjithë ne, kush më shumë e kush më pak, në kohërat e para të ngushticës.

Si shekuj më parë Maria Antuaneta, që nuk e kuptonte se përse populli i Francës bëri revolucion për Bukë, kur në Pallatet e Versajës, shërbeheshin fazanë, peshq të rrallë dhe buka ishte hequr nga menyja mbretërore, edhe kryeministri i gjatë dhe përherë e më dritëshkurtër, ai, nuk e kupton dot sot, se 10 apo 22 euro janë shumë para, për t’u dhuruar në një sportel rruge, për ata që kanë pak para.

Udhëtimet me fluturime çarter, shefat personalë që gatuajnë për të, rrobaqepësit e famshëm milanezë që qepin kostumet e tija, arkitektët e mëdhenj që i projektojnë shtëpitë, me 10 euro pijnë vetëm një gotë ujë me gaz dhe me 20 euro paguajnë kafenë…

Nuk do të doja që ti shikoja kuksianët me leva në duar dhe as zjarret që më kujtojnë 21 Janarin.

Talenti ynë për të prishur e shkatërruar në një kohë të shkurtër, është i mahnitshëm.

Por me sa duket me pronarin arrogant të Tepsisë-Shqipëri, nuk ka rrugë tjetër për t’i hequr nga duart hanxharin që ndan llokmat fitimprurëse të Dashit-Pasuri Kombëtare, këtij anadollaku ortodoks-katolik dhe frankofon, përveçse me një “kryengritje” kukësiane.

Si dhe u dërmua edhe ngrehina presidenciale e Berishës së parë, nga kryengritja vlonjate në vitin ‘97.

Dhe kështu, derdhet në Kukës kupa që mbushi arroganca e Ramës, në të gjithë Shqipërinë.

Do të doja të ndodhte në Tiranë. Do të doja të ishin studentët në ballë, por Tirana është shumë e përzier dhe është padyshim, përveçse Kryeqyteti i shumicës së shqiptarëve, edhe kryeqyteti i maskarenjve më të pasur të Shqipërisë, kryeqyteti i pordhës dhe i shpërdorimeve.

Prandaj dhe shpërthen sot në Kukës apo dje në Vlorë./360grade.al/

Në 19 shkurt 2015 Saimir Tahiri ka marrë pjesë në takimin e Ramës me Presidentin Obama. Pra është futur në zyrën ovale dhe ka shtrënguar duart me Presidentin Obama. Shtrohen me këtë rast disa pyetje për ambasadorin e SHBA në Tiranë, Donald Lu?
A kishte dijeni ambasadori Lu për lidhjet e Tahirit me klanin e Habilajve, ndërkohë që sot rezulton se lidhjet mes Tahirit dhe klanit mafioz të Habilajve ishin më të hershme?Nga dosja Habilajve e përgatitur nga shërbimet inteligjente dhe autoritet e zbatimit të ligjit, rezulton se Tahiri “vëzhgohej” që nga dhjetori i vitit 2013 për lidhjet me klanin mafioz të Habilajve. A i zotëronte ambasadori Lu këto informacione konfidenciale që mund të jenë shkëmbyer mes shërbimeve inteligjente?
A kishte dijeni ambasadori Lu për trafikun e drogës nga klani mafioz i Habilajve? Por për lidhjet e Tahirit me klanin e Habilajve? Por për faktin që Tahiri i kishte shitur makinën e tij Habiljave dhe vazhdonte ta përdorte sa herë që kishte nevojë?Çfarë i ka sugjeruar ambasadori Presidentit Obama për takimin ku do të bënte pjesë Tahiri, i cili edhe në 2015 kur është futur në Zyrën Ovale për të shtrënguar dorën me Presidentin Obama?Të gjithë këto pyetje dhe përgjigjet e tyre do të hidhnin dritë për rolin e vërtetë të Lu në luftën kundër lidhjes së politikanëve të lartë me klanet dhe grupet mafioze. Përndryshe roli i Lu do të lexohej si mbështetje për qeverinë Rama, përfshi Tahirin apo ministra të tjerë të dyshuar për korrupsion. Nisur nga fakti që Tahiri prej kohësh dyshohej për lidhje me klanet mafioze dhe trafikantët e drogës, shqiptarët e ndershëm ndjehen të çuditur se si ka mundësi që një ish-Ministër i Brendshëm, i lidhur me klanet mafioze e trafikantët e drogës është takuar me Presidentin e SHBA në zyrën ovale.Shqiptarët e ndershëm nuk do të besonin që ambasadori Lu nuk i zotëronte informacionet e duhura për implikimin e Tahirit në cështjen e trafikimit të drogës, aktivitet të cilin e ndiqnin shërbimet inteligjente italiane me të cilat SHBA ka marrëveshje bashkëpunimi. Aq më tepër që bëhet fjalë për një ministër të brendshëm shqiptar. Për një ministër të akuzuar me fakte e prova nga media dhe opozita.Nëse rezulton se ambasadori ka qenë i mirinformuar për lidhjet e Tahirit me klanin mafioz të Habilajve, ka heshtur apo këtë gjë nuk ja raportuar stafit të Presidentit Obama në momentin kur Tahiri do të futej në zyrën ovale për të shterura duart me Presindetin Obama, atëherë kjo është një përgjegjësi e rëndë për ambasadorin Lu.Dhe nëse kjo do të rezultonte e vërtetë, atëherë shqiptarët do të mendonin se ambasadori Lu është kompromentuar nga Rama dhe/ose qeveria Rama.

Nga A.Shullaku/

Por vendimi për taksën mbi atë rrugë, nuk ishte lajthitje nga përllogaritjet e gabuara apo nga nxitimi për të vjelë paratë pa përfunduar skemën e aboneve. Ai ishte një vendim i marrë në frymën e arrogancës së qeverisë, që është e gatshme të sakrifikojë “delet” e saj për “deshët” që i prijnë kopesë së abuzimit dhe korrupsionit. Tollet e 5 eurove në Rrugën e Kombit, ishin pika që derdhi një zemërim të akumuluar dhe jo gabimi që provokoi një protestë të izoluar.

Zjarri në Kukës nuk u ndez për 5 euro.

Qeveria po jep shenja të qarta se nuk do ta kuptojë fare atë që ndodhi disa ditë më parë në Kukës. Në njërën anë, ajo po përpiqet ta paraqesë revoltën qytetare si një fenomen lokal, të organizuar nga individë me precedentë penalë dhe të nxitur nga opozita, e cila kërkon të përfitojë politikisht prej saj. Ndërsa në anën tjetër, falë edhe ushtarëve mediatikë që i ka në rresht sa herë është në hall, po kërkon ta trajtojë protestën e Kukësit si pasojë e një “gabimi njerëzor”, si një rast të izoluar të provokuar nga pakujdesia e qeverisë për të parashikuar në kohë tarfimin e përshkallëzuar për banorët e zonës apo si një keqmenaxhim të marrëdhënieve me publikun për të shpjeguar rëndësinë e kësaj takse. Sigurisht që kësaj propagande nuk mund t’i mungonte refreni i përhershëm që, edhe për tarfiën e sotme të Rrugës së Kombit, faji duhet kërkuar tek ata që qeverisën para pesë vjetësh.

Edi Rama do të ishte plotësisht i besueshëm dhe i mirëkuptueshëm, nëse vërtet ngjarja e Kukësit do të ishte pasojë e një gabimi në menaxhimin e koncesionit për Rrugën e Kombit. Një qeveri, e cila ka dëshmuar se në veprimtarinë e saj drejtohet nga interesi publik, nuk do të gjykohej për një rast të vetëm kur ky interes do të cënohej. Në kushte të tilla do të kishim vërtet të bënim me një fenomen lokal, të izoluar, pasojë e një vendimi të nxituar, dhe të gjithë do të ishin të durueshëm (përfshi dhe kuksianët) në pritje të korrigjimit të tij.

Por vendimi për taksën mbi atë rrugë, nuk ishte lajthitje nga përllogaritjet e gabuara apo nga nxitimi për të vjelë paratë pa përfunduar skemën e aboneve. Ai ishte një vendim i marrë në frymën e arrogancës së qeverisë, që është e gatshme të sakrifikojë “delet” e saj për “deshët” që i prijnë kopesë së abuzimit dhe korrupsionit. Tollet e 5 eurove në Rrugën e Kombit, ishin pika që derdhi një zemërim të akumuluar dhe jo gabimi që provokoi një protestë të izoluar.

Propaganda qeveritare që i mëshon këtij versioni, duke i bashkangjitur edhe skenarin e vandalëve që përfituan të ndezin zjarrin e dhunës, u intesifikua pikërisht për të fshehur shkëndijën e vërtetë që shpërtheu flakët në Kukës. Ajo shkëndijë është qeverisja abuzive për llogari të një grushti njerëzish, është heqja e ndihmës ekonomike, është shtrenjtimi i kostos së jetës, papunësia, rritja e taksave në mënyrë të vazhdueshme, mungesa e shërbimeve dhe pafuqia e njerëzve përballë arrogancës dhe dhunës shtetërore. Ajo shkëndijë ka të bëjë me gjendjen e mjeruar në spitale, ku njerëzit vdesin për shkak të mungesave elementare, ndërkohë që taksat e tyre shkojnë për koncensione miliona euro për miqtë e kryeministrit, për privatizime të dyshimta, PPP abuzive, “rilindje” urbane, palma e pisha që thahen pa u mbjellë akoma. Shkëndija mori flakë nga arroganca e kryministrit që e trajton Shqipërinë si pronë të lënë nga Kristaqi dhe shqiptarët si argatë që nuk duhet të ngrenë kokën edhe kur u rrëmben pronën, edhe kur ua kthen qytetin në beton, edhe kur ua degradon arsimimin e fëmijëve, edhe kur i dënon, madje edhe kur i godet. Ata ose duhet të nënshtrohen ose duhet të ikin.

Ajo që ndodhi në Kukës është rrjedhojë direkt e një politike 5 vjeçare që vetëm merr dhe nuk kthen asgjë për qytetarët. Që vetëm ngre taksa dhe nuk ofron asgjë në këmbim. Që nuk bën investime publike, por truke kozmetike. Që nuk ndërton një kilometër rrugë, por kërkon të përfitojë nga rrugët që janë bërë po me taksat e qytetarëve. Kjo është dhuna që qeveria u bën shtetasve të saj dhe për këtë duhet të shqetësohen “pacifistët” që nxituan të distancohen nga flakët e të shtunës së kaluar.

Zjarri në Kukës nuk u ndez për 5 euro. Ai ishtë simbol i zemërimit të akumuluar nga abuzimi i gjatë me qeverisjen e vendit dhe mospërfillja arrogante e kryeministrit. Prandaj edhe mbështetja popullore për atë protestë ishte e njëzëshme. Shkaktari i zjarrit është vetë kryeministri me mënyrën se si po qeveris, prandaj duket e kotë propaganda që kërkon merret me atë që ndezi shkrepsen. Ajo mund të ndizet kudo, jo vetëm në Kukës. ©lapsi.al

Thirrje qytetarve elbasanas të djathtë të majtë, pa parti.

Të ngrihemi si qytetarë të lirë.
Për të protestuar për të drejtat që na përkasin.

Nëse nuk ngrihemi edhe rruga Elbasan – Tiranë
do taksohet po edhe taksat që kanë hy në fuqi
më një 1 prill për shumicën janë të përpaballueshme pasi jeni të papunë.

Ngrihuni dhëmb për dhëmb,nëse ju i besuat timoni atherë keni të drejtën tuaj që ti ja lidhni timonin në qafë.

Ngrihuni të tregojmë se të parët jemi ne, jo një grusht oligarkësh që po ju vejnë Lakun cdo ditë në fyt.

Nah Gani Murati/

Protestat paqesore jane lesh me qime, Rama i rrethuar nga barbarista vandalista e krenarista…

Nah Basir Çollaku/

Kjo shprehja “Proteste paqesore” eshte lesh me qime. Protesta ndodh sepse ka shkuar per lesh paqja. Shikoni protestat paqesore ne Gjermani, France, SHBA, Angli, kercet rremuja shqeto nga ata qe kane dale per te kundershtuar per nje padrejtesi. Po te ishte nga facebook atehere behej keshtu ankese digitale se mos merakoset pushteti. Ne proteste qytetari del per te negociuar shfaqur mosdakortesine me veprime e vendime te cilat perkeqesojne ndjeshem jetesen e tij. E ne kete rast si ne Kukes perkeqesimi eshte deri ne varferi ekstreme. Protestuesit e 21 janarit i quante paqesore te provokuar dhe jo ushtrues dhune shoku KM, kishte harruar hunjte e shishet me benzine djegien e makinave dhe zjarrin plot ne bulevard. Per Ramen ata nuk ishin barbarista e vandalista, siç i dalin protestuesit e Kukesit. I rrethuar nga krenarista Rama, zeholluar e frymerenduar, lexon perralla dhe hedh policine agresivisht ndaj nje qyteti. E mbush drejtorine e policise Tirane me te ndaluar nga qyteti i Kukesit arrestuar ne mesnate tej standardeve ligjor ku ne banese nuk mundesh te hysh nga ora 20 deri ne 07. Kjo eshte trashegimia e diktatures e perfaqesuar nga ministri i brendshem.Fatmir Xhafa. Ai di si torturohen njerezit sepse e ka bere kete pune shume here si hetues. Tashme me sjelljen e tij KM kthehet ne barbarist dhe vandalist i rrethuar nga krenaristet e tij, ku pasi kane bere kerdine ne hashash e kokaine, kane nxjerre ne shitje vendin me PPP. Hera e pare qe ngrihen qytetaret kunder nje PPP-je skllaveruese per ekonomine e tyre, barbaristet dhe vandalistet me pushtet rrokin armet. Ndaj kjo thirrja poetike e disa mendimtareve dashamires me se shumti me qeverine per proteste paqesore eshte si lavazh pa uje. Mos presin te vere traun dhe per te hyre ne banese si kembesore, atehere te prishim paqesisht reagimin..!! Ndaj duhen rralluar keto qokat ekstramoderne per proteste paqesore. Protestat nuk jane paqesore as miqesore, jane shprehje e nje tensioni tej normales. Perse nuk u thote vandaliste e barbariste FMN e BB e nderkombetareve qe kerkojne te ndalohen koncensionet. Perse nuk u thote amerikaneve vandaliste e barbariste kur kerkuan ndaljen e rritjes se taksave, siç tha kreu i Dhomes Amerikane Mark Crowford..!! Ndaj babezia e qeverise nuk ndalet me letra anonime as me lutje nga oxhaku..Protesta jo paqesore eshte detyrimisht fillimi i nje negociimi me nje qeveri te dhunshme dhe arrogante.. Mos valle ata pushtetare dhe klientet e tyre, oligarket bashkeqeveritare, qe kane baterdisur miliarda euro duke vjedhur nuk jane barbare, vandale dhe jo krenare..Ata jane modeli i ketij emertimi…

Nga Kreshnik Osmani

—Ata që na vodhën me “Taksën Majko” te Rrugës së Kombit që u zhduk dhe u përpi nga vrima e zezë e korrupsionit pa e marrë vesh askush.
—Ata që vendosin sot të aneksojnë Veriun e Shqiperisë me taksën dhjetë euroshe për 70 klm, si në asnjë vend të botës bazuar ne (standart jetese- te ardhura-çmin-sasi kilometrash).
—Ata që na vjedhin me konçensionet dhe PPP-të e famshme. Ata që na vjedhin votën dhe na e blejnë atë me paratë e vjedhura 50 euro. Ata që na vjedhin naftën dhe kromin.

Ata që na vjedhin detin dhe naftën poshtë tij.
—Ata që na vjedhin Atdheun dhe na perzenë prej tij.
—Ata që na vjedhin ne spitale, ne zyra, në shkolla, në rrugë, në burgje, në gjykata, në polici, në ajer në qiell dhe në tokë.
—Ata që na vjedhin jetën e rinisë duke ua mbushur hundet me hashash e kokainë.
—Ata që na vjedhin bregdetin, malin, kodrën, fushën, detin, lumin, liqenin.
–Ata që po na vjedhin nderin dhe po i detyrojnë vajzat e familjeve të varfëra të kurvërojnë për të fituar të drejtat e tyre për shkollim, karriere dhe jete më të mirë.

Ata që po shkaterrojnë nderin e femijëve tanë nëpër shkolla duke ua mësuar atyre ndyrësinë dhe perversitetin.
–Ata që po na pinë gjakun si vampirë me dhëmbët e tyre të qenit.
—Ata qe na kane vjedhur median, radion, gazetën, revistën dhe shoqerinë civile.
—Ata që na vjedhin shendetin me miell kaceroz Serbie. Vjedhin jetë pleqsh me ilaçe të “rimbursuara” te skaduara Indie.
—Ata që vjedhin jetët tona me hekur të rrezatuar Ukraine. Me ushqime të qelbura dhe të skaduara Serbie.

Ata që na vjedhin asfaltin, fletoret, gomat, fashot, gjilpërat, paracetamolin, serumin, çarçafët.
—Ata qe na vjedhin dritat, ujin, naftën, benzinën, frymën dhe pështymën.
—Ata që na vjedhin të shkuarën, të tashmen dhe te ardhmen.
—Ata që na vjedhin shpresën, nderin dhe krenarinë. —Ata që na poshtërojnë çdo ditë me arrogancën e dhjamrave dhe jakave te tyre te bardha.
—Ata që na ç’nderojnë çdo ditë dhe dalin në televizionet e tyre te blera me konçensionet e gjakut që të provojnë virgjerine e tyre, jane raca me hajdute, me kriminale dhe me bastarde që mund të kete deshmuar ndonjehere historia e Shqiperise. Por edhe një popull që nuk mbron nderin, gjakun dhe pasurinë e tij nuk ndryshon shumë nga ata bastardë.
—Ata na njohin mirë, prandaj nuk na kanë frikë për sytë dhe rrylat e tyre te enjtur prej krimit, korrupsionit, grabitjes, mashtrimit dhe babëzisë!

Nga Gerta Zaimaj

Gjithmonë dera e saj është e hapur, çdo ditë ky vend pret me dhjetëra njerëz, qofshin besimtarë ose jo. Ajo ngrihet majë një kodrine dhe duket sikur vetë Zoti e ka pikturuar pozicionimin e saj aty.

Nëse gjatë ditës bëhesh kurioz, sepse në largësi nuk arrin dot ta kuptosh çfarë mund të jenë ato ndërtesa aq të bukura në formë kupole, maj kodrine dhe rrethuar nga male, në mbrëmje nga ndriçimi duket si një qytet më vete. Është Teqeja e Baba Aliut në fshatin Alipostivan të Përmetit. Një mrekulli e vërtetë!

Rruga që të çon në të është problematike, dhe jo e asfaltuar, kjo tregon që duhet të kalosh pak vështirësi për të marrë kënaqësinë dhe qetësinë që të fal ky vend, ato gjërat që arrihen me vështirësi kanë vërtet vlerë dhe duhen më shumë. Rruga malore nga e cila Teqeja nuk duket aspak, e shton edhe më tepër kureshtjen e çdo njeriu dhe nuk të bën që të stepesh, përkundrazi kush e merr atë rrugë e çon deri në fund. Dhe sapo hyn në fshatin e vogël pamje fantastike të mbulon hapësirën që shfaqet përpara.

Një portë e madhe të pret para se të hysh në Teqe. Është ndërtuar me qemer të lartë, me gurë të bukur të disa llojeve, është projektuar aq madhështore saqë kalimin në anën tjetër te saj mezi e pret. “Teqeja e Baba Aliut Alipostivan -1857”, është mbishkrimi mbi portën hyrës, i cili tregon kur është ndërtuar kjo Teqe për herë të parë nga Baba Aliu, në nder të të cilit ky vend mban emrin.

Ringritja e Teqesë

Gjatë diktaturës ky vend u shkatërrua totalisht nga regjimi, e çdo gjë u sheshua me tokën. U desh një punë e madhe dhe gjithçka të niste nga fillim. Por ai që e ka ngritur edhe më lartë prestigjin dhe emrin e këtij vendi është kleriku që e drejton, Baba Hekuran Nikollari. Një punë e jashtëzakonshme e bërë vetëm si rezultat i korrektësisë dhe menaxhimit më të mirë të mundshëm të të ardhurave nga besimtarët. Kjo Teqe është bërë nga kontributet e besimtarëve kryesisht bektashian, por edhe të tjerë. Menaxhimi i mire dhe efiçent i përdorur nga Baba Hekuran Nikollari, që do ta kishin zili edhe shumë institucione dhe administrata të çdo niveli, e ka sjellë këtë vend në formën që është sot. Asnjë abuzim dhe asgjë e çuar dëm, vetëm punë, përkujdesje dhe korrektësi është adoptuar aty.

Baba Hekuran Nikollari i rreth të ‘50-tave njihet dhe respektohet me përulje në të gjithë zonën e jugut të Shqipërisë është klerik i rrallë, zemërgjerë, i ndershëm shumë i drejtpërdrejtë dhe ajo që është më e rëndësishmja është se t’i mbush momentet kur je aty me pozitivitet dhe mirësi e po ashtu këshilla të vlefshme të jep më vete. Shpirti i tij i madh shihet që nga mënyra se si i pret njerëzit e i ndihmon ata, e ka derën hapur për të gjithë, vetëm mirësi dhe bekime uron për jetën e secilit. Falë tij kjo Teqe tanimë nuk është vetëm një qendër fetare për bektashinjtë, por një institucion i vërtet me shumë vlera.

Ajo është një qendër turistike për vizitorë nga Shqipëria dhe bota. Pritje të ngrohta Babai i rezervon si për politikanë, zyrtarë të lart ashtu edhe për njerëz të thjeshtë edhe të varfër.

“Zoti, do t’ju ndihmojë, për shëndet të mirë të gjithë ju familjarisht”, nuk rresht së ja uruar të gjithëve.

Teqeja pasuri kombëtare

Kjo Teqe është një pasuri kombëtare. Aty prehen klerikë të mëdhenj që kanë punuar dhe e kanë ndihmuar popullin në ditë të vështira, prandaj dhe populli i ka dashur. Ndërtesat e Teqesë janë të bardha dhe konturet me jeshile, kupolat e tyre ndrijnë si dielli. Është me të vërtet një projekt i menduar më së miri çka e bën të shtrihet në të gjithë pllajën e kodrinës e gjithë natyra përreth e gjelbëruar dhe e mirëmbajtur.

Pastërtia është ajo që dallon aty kudo.

Teqeja me Tyrbet dhe me ambiente e tjera janë lidhur me rrugë e shkallë prej betoni. Në të dy krahët e Teqesë janë bërë tarraca të cilat janë mbjellë me peme frutore, por edhe me perimet gjatë verës, e që të gjitha këto konsumohen nga besimtarët që e frekuentojnë dhe punëtorët që kujdesen për këtë vend. Ato nuk tregtohen.

Në Teqe Babai ka edhe disa punëtorë që kujdesen për gjithçka dhe që ju shërbejnë edhe njerëzve.

Të flasësh me detaje për këtë projekt madhështor nuk do të mjaftonin as me dhjetëra paragrafë, por ajo që duhet vënë në dukje është se ky objekt përveçse ka vlera shpirtërore për besimtarët, nga të tjerët, turistë të huaj shihet si një objekt me vlera të rralla kulturore.

Aty është me të vërtet çdo gjë në vendin e vet, perfekte, e rrallë të të zënë sytë rregull të tillë… Një qytezë shembullore.

Veçuar nga ambientet e Teqesë, pak më tutje është duke u ndërtuar edhe një hotel çka do të lehtësoj edhe me tepër akomodimin e njerëzve që vizitojnë Teqenë e Baba Aliut.

Ky vend është shembulli më i mirë për t’u marrë nga të gjithë ne dhe nga të gjitha institucionet, për mënyrën si të mirëpret, për mënyrën si punohet, për mënyrën si komunikohet e për mënyrën si drejtohet e menaxhohet, për mënyrën se si e organizon komunitetin e vet.

Faleminderit Baba Hekurani për këtë model që i jep shoqërisë. Ky ansambël i vërtetë i Teqesë jo vetëm duhet promovuar, por në asnjë mënyrë nuk duhet humbur pa u vizituar, sepse nga aty kemi të gjithë se çfarë të mësojmë./PROlajm.al

Nga Konstadin Koliqi/

Ne kete momente, nje TV, po jep te perseritur, nje emision, ku flitet per historite e emigrimit te shqiptareve, aresyet, motivet perse ka ndodhur dhe po ndodhe kjo dukuri, me shume shqiptare…..jane ftuar disa personalitete te fushave te ndryshme por …..eshte i ftuar edhe nje trafikante, qe ka lidhje te forta me ngjarjen me te rende te emigracionit shqiptar…….ngjarjen e 28 marsit 1997, ku lane jetet e tyre ne funde te detit, 119 njerez qe kerkonin te largoheshin nga ferri i kaosit shqiptar, per nje jete me te sigurte dhe me te mire….ngjarje qe e shkeputa nga materiali kryesor i atyre ngjarjeve te atij viti te zi, 1997…..ndofta do te merziteni, por me detyroi ky trafikane qe per habin time, por jo vetem, ishte dhe eshte i mirepritur ne detyra te larta shteterore dhe ne edukimin e te ardhmes tone, studenteve !!!!!!!!!….hidhini nje sy, se nuk beni keq ta kujtoni, per te mos u perseritur te tilla ngjarje shume te renda.

…….. më dt 25 Mars, informohem se, në Vlorë është bërë plani për të marrë një anije nga Saranda, dhe me të, do të niseshin klandestinë për në Itali. Në Vlorë nuk kishte asnje anije. E vetmja anije që kishte mbetur, që mund të lundronte ishte Kater i Radës, ne Sarande, i vogël, i vjetër dhe me shërbim të kufizuar portual.

Më dt 26 Mars, anija vjen në Vlorë, nga Sarande, prurja e saja e organizuar nga Zani Caushi dhe menjehere, vihet nën sundimin e « Sulltanit të Vlorës » sic kishte qejf të quhej Zani Caushi . Menjëherë u hap lajmi se do të nisej për në Itali një anije luftarake, kundrejt pagesës prej 1,5 million liretash për person. Turma njërëzish, afroheshin por kur merrnin vesh se pronari ishte Zani Caushi, largoheshin për vetë namin, prej krimineli që ai kishte, në tërë vëndin, jo vetëm në Vlorë. Atëhere, në Vlorë, shkon z. Arben Malaj, në atë kohë Ministër i Financës të Qeverisë të Pajtimit Kombëtar, futet në port, i afrohet anijes, gjithmonë në shoqërinë e Zanit dhe shokëve të tij. Kjo në mëngjesin e dt 27 Mars. Menjëherë, u hap lajmi se anija ishte e Arben Malajt, Zani ishte vetëm arkëtari. Kështu u rrit besimi tek njërëzit, të cilët ishin aty rreth e rrotull dhe mbushën menjëherë anijen, në të cilën hypën 153 veta dhe u nisën drejt Italisë. Tashmë, historia e anijes dihet , por unë dua t’ju them atyre që e mbytën dhe atyre që kërkojnë trupat e të afërmve të kërkojnë, jo 80 veta, por 119 njërëz të mbytur. Dua tju kujtoi se në ato lista emrore që hypen në atë mjet lundrues, ishin edhe 22 vajza të kthyera nga Italia, para krishtlindjeve, por që nuk gjetën afrimin nga familjet e tyre, ose…..dhe nuk u ngeli gjë tjetër, vec të kthehen prap tek semaforët, për të nxjerr bukën por edhe fitimet e atyre që tashmë kishin marrë drejtimin e vëndit……

Vazhdova në detyrë, derisa, si Ministër erdhi Zabit Brokaj. Puna u bë e pamundur. Kisha për epror atë që drejtonte rebelët, pjesën më kriminale të tyre, që po të më kishte kapur atje, do të më rripte të gjallë. U largova nga detyra me motivacionin : « nuk ke arsimin përkatës, shkollën e sigurimit. » U them atyre që më komunikuan urdhërin : « Nderoj tim Atë që nuk më dërgoi në atë që vetëm shkollë nuk e quaj.»
Dhe nga ai moment, që ishte data 15 Gusht 1997, dita e lindjes time, ngela i pa punë dhe për më tepër i kërcënuar dhe shantazhuar, familjarishtë. Të gjitha ishin të pritëshme dhe të kuptueshme, papunësia, varfëria, indiferenca edhe e shokëve e miqvë, kërcënimet personale nga njërëz të njohur dhe të panjohur, por kërcënimi që i bënin fëmijve të mij, ata që kishin punuar me mua në të njëjtin dikaster, këtë nuk e prisja, por edhe nuk ja u fal……edhe pse janë deputet të atij dhe këtij Parlamenti………

1944/Batalioni komunist “Perlat Rexhepi” vrau dhe dogji në zjarr Atë Lekë Lulin

Atë Lek Lulashi ishte ndër të paktët klerikë që simpatizonte hapur Mbretin Zog, ndërsa gjatë luftës e shfaqi haptazi qëndrimin e tij tejet të vërtetë se komunizmi ishte i keq për Shqipërinë. Për këtë arsye, komunistët vendosën ta vrasin e më pas këtë ngjarje ta interpretonin sipas dëshirës së tyre.

Atë Leka udhëtoi nga Kastrati i Malësisë së Madhe në Tropojë për të marrë pjesë në një mbledhje të forcave politike. Komunistët si injorantë edhe në shpjegime, e justifikuan vrasjen sikur ndodhi nga shkaku se kleriku ishte “ndërlidhës midis gjermanëve dhe britanikëve” (!). Në fakt, vetëm komunistët mund të bëjnë aleatë gjermanët dhe britanikët në vitin 1944. Partizani vrasës kryesor, e ka përshkruar në këtë mënyrë krimin makabër:
“Vrasja u krye në pyllin e errët të Valbonës. Patër Lekë Luli ish dërguar nga armiku i popullit Abaz Kupi që të lidhte veprimet e Gani Kryeziut me reaksionin e Dukagjinit dhe me partitë e tjera reaksionare të Lumës e të Mirditës për të ndaluar forcat e ushtrisë NÇL për çlirimin e krahinave të veriut. Kufoma e tradhtarit të popullit Patër Lekë Luli u vu në zjarr të madh ku iu dogjën edhe eshtrat. Më vonë, shkuan 100 reaksionarë të shtyrë nga kleri reaksionar i Shkodrës për t’i gjetur shenjat, por pluhuri i tij ishte zhdukur”.

Kastriot Dervishi/

Erl Kodra/

PADITJE:
Republika e Shqipërisë kundër Edvin Ramës

Edi Rama ka kryer Krime të Neveritshme ndaj shqiptarve

Nëse do të isha Prokuror i Republikës, me këto prova do ta arrestoja Kryeministrin Edi Rama;

1. Fallsifikim, fshehje dhe mohim fakti (Raportet e Sherbimit Informativ) për mbjelljen Shqipërisë me drogë, si dhe përfshirjen e Ministrit të Brendshëm dhe mbi 100 oficerëve të lartë të Policisë së Shtetit në këtë veprimtari kriminale.
Ky krim i rendë penal është konsumuar plotësisht nga Kryeministri. Këto Raporte janë prova që e fundosin atë.

2. Ndërprerjen e ndihmës ekonomike për 20.000 familje në nevojë ekstreme, duke e rrezikuar seriozisht jetën e tyre.

–Ky krim përbën veprën më të rëndë penale, kryer me vetëdije të plotë, kundër jetës, dhe ndaj një numri të jashtëzakonshëm qytetarësh.

–Konventa Ndërkombëtare për të Drejtat Ekonomike, Sociale dhe Kulturore parasheh, se e Drejta për Ushqim është një e Drejtë Elementare e Njerëzore.
–Mospërmbushja, për më tepër përjashtimi i qëllimshëm i shtetasve nga sistemi i ndihmës ekonomike, cilësohet si “Krim i Neveritshëm”. –

–Mijëra gra, burra, fëmijë dhe të moshuar sonte flenë të uritur, sepse Edi Rama u ka prerë kafshatën e gojës.

–Ky është thjesht një Krim i Neveritshëm i kryer me vetëdije të plotë nga Kryeministri Edi Rama.

Një skene horror i ngjan përshkrimi që i ka bërë Tomor Kokalari, një ngjarjeje që ka tronditur Gjirokastrën në mesin e nëntorit 1943. Partizanët e udhëhequr nga Shefqet Peçi kishin rrethuar Gjirokastrën me qëllim eleminimin e gjithë nacionalistëve, të cilët arrestoheshin dhe pushkatoheshin vetëm me një fjali: “Gjyqi partizan ju ka dënuar me vdekje”. Përshkrimi i kësaj ngjarje lënë në kujtimet e Tomor Kokalarit u soll në vëmendje pak vite më parë nga Muzeu Kokalari në Gjirokastër. Nië pjesë të këtyre kujtimeve i sjellim si më poshtë:
***
DITE TERRORI/ Nga kujtimet e Tomor Q. Kokalarit
Nga të gjitha kujtimet dhe ngjarjet e përjetuara gjatë luftës do të veçoja ndoshta më të dhimbshmen dhe tragjiken për qytetarët e Gjirokastrës. Aty nga mesi i nëntorit 1943 partizanët kishin rrethuar qytetin. Më pas hynë në qytet dhe rrethuan shtëpitë e disa prej nacionalistëve. Në godinën e gjimnazit u vendos shtabi partizan me Shefqet Peçin, Islam Radovickën, Shemshi Totozanin etj. Në shkollë sollën njëri pas tjetrit nacionalistët e arrestuar. Ata të gjithë ishin njerëz që gëzonin respektin dhe simpatinë e gjirokastritëve dhe veç faktit që kishin pikëpamje të kundërta me komunistët as kishin marrë pjesë në luftë kundra tyre dhe as kishin kryer ndonjë krim. I arrestuari i parë ishte Muzafer Shehu. Atë e sollën ashtu siç e kishin gjetur vetëm me çorape leshi, me këmishë të bardhë dhe me jelek të zi. Pasi e futën për 2-3 minuta në lokalin e shkollës, ku u komunikohej vetëm: “Gjyqi partizan ju ka dënuar me vdekje”, e nxorrën dhe e pushkatuan tek godina karabina që ishte ngritur në kopshtin e Dalipajve. Tërë këto veprime ne i ndiqnim nga dritaret e shtëpisë të tmerruar. Më pas pushkatuan dhe djalin e tij, Duron. Ai ishte vetëm 17 vjeç dhe i tronditur që i kishin marrë babanë erdhi të shihte përse e kishin thirrur. Mbërriti në momentin që sapo e ekzekutonin dhe pa menduar e duke uluritur u hodh përsiper trupit të tij që ndërkohe qe i shtrirë për tokë. Partizanët e qelluan edhe atë me breshëri megjithëse nuk ishte në listën e atyre që kishin “arrestuar” dhe më pas u dogjën edhe shtëpinë. I dyti i arrestuar ishte Sefedin Haderi, të cilin partizanët e vranë duke e qelluar me rovole në kokë mu para shkolles “Drita”. Babai ishte bërë meit, duke parë i llahtarisur atë që po ndodhte para syve tanë. Që të dy, si Muzaferin edhe Sadedinin i kishte shokë dhe shumë miq. Pas tyre njërin pas tjetrit sollën dhe vrane vëllain e Ajdin Matos, Tajar Çarçanin, Vasil Shahinin, Hajro Laten, Emin Kokalarin, Qemal Libohovën, Boco Kalon. Shumica e tyre mbetën të vrarë përreth murit të kopshtit tonë. Kam të gjallë para syve pushkatimin e Bocos. Ishte një burrë i shendetshëm, me mustaqe të zeza, vishej zakonisht me të bardha. Për të kisha degjuar të thoshin se ishte shumë trim. Gjithashtu thoshin “Bocon s’e zë plumbi”. Si e nxorrën nga “gjyqi partizan” e sollën tek muri i kopshtit tonë për ta ekzekutuar. “Kthehu mbrapa!” – i thanë partizanët. Ai u përgjigj: “Burrat e kanë zakon t’i presin plumbat me gjoks përpara” dhe vazhdoi: “Vetëm djalin, mos ma vrani”. Tarja, djali i Bocos kish pas qenë profesor i italishtes në Gjimnaz. Partizanët e kishin rrethuar brenda në shtëpi. I bënë thirrje për t’u dorëzuar, por ai nuk pranoi. Nderkohë i vunë zjarrin shtëpisë. Mes zjarrit e flakëve Tarja filloi të qëllojë dhe mundi të vrasi një partizan e të plagosi një tjetër. Pastaj partizanët arritën ta qëllojnë dhe ta lënë dhe Taren të vdekur. Kjo ngjarje terrori tronditi dhe krijoi një gjendje dëshpërimi në mbarë Gjirokastrën, pavaresisht nga pikpamjet e ndryshme që mund të kishin banorët e qytetit dhe rrethinave./

”Kush more unë kruhem?”

“Po.
Sa herë flet Saliu, ti djersit, kruhesh. Kruan kryet, b…, qafën…ça ke?”

1-Në një nga konferencat ekzibicioniste popullore, “gju më gju me popull” në Lezhë, para tre vjetësh,në ditët më të lumtura të krenarizmit të vet, kur kryerilindasi po “bënte shtet” thërret mirditasin; “Hajde këtu ti. Pse flet nga vendi.” Mirditasi zbaton urdhërin. Kryeministri e pyet me nënqeshje dhe ironi,siç di vetëm ai, duke i shtrirë mikrofonin. “Fol këtu or ti. Nga je ti, ku e ke shpinë?” Fshatari i tregon fshatin. “Më thuaj adresën.

Ke apo s’ke adresë ti? Ndryshe po s’pate adresë si mund të gjej unë-shteti ty? Bash kur kryekrenaristi po bënte gati dorën për t’ja puthur, fshatari ia pret me të njëjtën lakoni e kortezi: “or ti kryeministër, shteti e di mirë adresën time, ndryshe nuk do të mbërrinin faturat…e pagesave” Meqënëse lakonia e mirditasit i’a plasi qyrret ironisë së Tij, nënqeshja e kryeministrit u konvertua në një buzëqeshje të terratisur…

2-Afro dy vjet më vonë prapë me duar të lagura nga puthjet e tapimarrësve jugas, kryeKrenaristi thërret postribasin: “hajde ketu ti more. Mos fol prej andej.” I shtrin mikrofonin. “Fol këtu, ça ke për të thanë. Që jam burrë i mirë e di. Këtë ma the.” Postribasi përsëriti:

“Je burrë i mirë” “Këtë e mora vesh se jam burrë i mirë,-gulçoi sikletshëm ironia e k/ministrit, për tja hipur ironisë së fshatarit,-na thuaj ndonjë gjë tjetër” Atëhere postribasi, që s’ishte trembur prej komunistave, jo më prej komunist-ucave i bëri një pyetje të thjeshtë shkatërruese, sidomos për ata që kurohen për psikopatologji kronike; “Pse kruhesh, pse djersit.” K/ministri, nga shkodrani maksimumi mund të priste ndonjë ironi të hollë a elegante, po jo grusht turinjve; ”Kush more unë kruhem?” “Po. Sa herë flet Saliu, ti djersit, kruhesh. Kruan kryet, b…, qafën…ça ke?”

Zef Zefi/

Rama sot në Bruksel e kërcënoi Europën.

Ishte po e njëjta tezë: Nëse nuk na pranoni në Europë do të shkojmë gjetiu, pra me Turqinë, Rusinë apo Kinën.

Vetëm kështu mund të përkthehet thjeshtë kërcënimi i tij.

Kërcënimi i vërtetë për Europën s’janë Shqipëria e shqiptarët por qeveria Rama dhe vetë Rama. Përse?

a. Sepse Rama është një kryeministër, i paaftë, i korruptuar e arrogant;

b. Sepse Rama ka kapur shtetin, ka vënë nën kontroll biznesin, median, shoqërinë civile;

c. Sepse Rama ka lidhje të fuqishme me krimin e organizuar dhe klanet mafioze,

d. Sepse Rama ka shkatërruar shtetin ligjor;

e. Sepse Rama ka vënë nën kontroll më së fundmi edhe drejtësinë;

f. Sepse Rama e klientela e tij pasurohen, kurse qytetarët e papunë varfërohen çdo ditë;

g. Sepse Rama ka rritur borxhin dhe rrënuar ekonominë;

h. Sepse Rama s’ka model asnjë lider europian por adhuron Erdoganin, Putin dhe drejtuesit kinezë;

i. Sepse Rama është i gatshëm të ndezë flaket e nacionalizimit e populizmit në rajon;

j. Sepse Rama e do Europën për të shtrënguar duart e bërë foto me drejtuesit e këtyre vendeve të saj;

k. Sepse Rama nxit qytetarët e Shqipërisë të emigrojnë e këtë e konsideron sukses të qeverisjes së tij;

l. Sepse Rama konsumon shuma kolosale për të kompromentuar zyrtarë të lartë e përfaqësuesit e huaj.

Shkurtimisht: E vetmja pengesë e madhe e pakapërcyeshme për Shqipërinë lidhet me shqetësimin që kanë qytetarët europianë për korrupsionin e lartë të qeverisë Rama dhe kapjen e shtetit prej saj. Për lidhjet e saj me krimin e narkotrafiqet. Për mungesat e mëdha të sundimit të ligjit. Për rrënimin e ekonomisë. Dhe mbi të gjithë drejtohen së drejtuesi i saj mburret që qytetarët e vendit të tij emigrojnë drejt BE.

Me pak fjalë: Në Shqipëri mbretëron “oligarkia, korrupsioni, krimi, nrakotrafiqet, banditizmi dhe klanet mafioze të lidhura me qeverinë”. Sadoqë Rama përpiqet ti fshehë këto probleme apo të mashtrojë drejtuesit europianë apo të komprometojë përfaqësuesit e tyre, qytetarët europianë e kanë shprehur opinionin e tyre.

Java që lamë pas u karakterizuar me dy lajmë të zymta, për rritjen e nivelit të vjedhjes nga kjo qeveri, por që të dy lajmet u përzien me mjegullën e madhe të skandaleve, arrestimeve, akuzave politike dhe teatrit të qeverisë. Bëhet fjalë për dy sondazhe, të realizuara nga organizma prestigjioze dhe të besueshme, që flasin për rritjen e korrupsionit në Shqipëri. Sondazhi i parë është realizuar nga Organizata e Kombeve të Bashkuara, ku sipas të cilit rreth 89 për qind e shqiptarëve besojnë që korrupsioni në Shqipëri është gjerësisht i përhapur.

Sipas të dhënave të OKB, Shqipëria rezulton të jetë vendi i 20 më i korruptuar në botë, ku gati 9 në dhjetë shqiptarë besojnë se korrupsioni në shtet dhe në qeveri është gjerësisht i përhapur. Sondazhi i dytë, është kryer nga Instituti për Demokraci dhe Ndërmjetësim (IDM) dhe Programi i Kombeve të Bashkuara për Zhvillim (PNUD).

Sipas sondazhit të dytë, 88 për qind e shqiptarëve besojnë që korrupsioni ka kapur Shqipërinë. Sipas këtij, sondazhi krahasuar me vitin 2016, për vitin 2017 shifrat e përballjes personale me korrupsionin në qeverisjen vendore janë rritur me 6 pikë përqindje, ndërsa për qeverisjen qendrore me 5 pikë përqindje. E thënë ndryshme, shqiptarët vidhen gjashtë pikë më shumë nga kryetarët e bashkive dhe pesë pikë më shumë nga qeveria, krahasuar me vitin 2016.

Me Edi Ramën kryeministër Shqipëria po njeh nivelet më të larta korrupsionit. Edi Rama po tejkalon edhe Sali Berishën për korrupsion dhe afera. Nëse dy sondazhet do të ishin pozitive, propaganda qeveritare nuk do të pushtonte disa ditë. Por, të dy sondazhet kanë shembur propagandën qeveritare për gjoja luftë qeveritare. Sondazhet thonë se kryetarët e bashkiave dhe qeveria janë në garë se cila palë të vjedhë më shumë paratë e shqiptarëve dhe pasuritë publike.

Ministrat vijojnë abuzimet në terezi të tyre, kryeministri shpërndaj si plaçkë pasuritë publike në terezi të tij, drejtorët vjedhin me tendera sa munden, kryebashkiakët vjedhin me tendera dhe leje ndërtimi, administrata merr ryshfet sa të mundet dhe ku si të mundet. Në këtë situatë ka ndikuar edhe opozita, e cila e frikësuar mendon vetëm se si të mbrojë pasuritë që ka vjedhur kur ka qenë në pushtet dhe ankohet se qeveria po vjedh më shumë se ajo.

E gjithë demagogjia e Edi Ramës për të luftuar korrupsionin në këto pesë vite të qeverisjes së tij konsiston vetëm në propagandë, teatër, nisma qesharake që i rrëzon vetë më vonë, në strategji në letër, konferenca dhe fjalime.

Për të parë se sa serioz është Edi Rama në kundër korrupsionit, po sjellim në vëmendje një shembull të thjeshtë, por trishtues dhe poshtërues për shqiptarët.

Në fillim të vitit 2015, Edi Rama prezantoi me bujë një portalin atikorrupsion, duke e prezantuar si një rezolucion. Në fillim të 2015, Edi Rama tha: “Ka ardhur koha që të kurojmë imazhin e Shqipërisë në luftën kundër korrupsionit. Shqipëria nuk është atdheu i korrupsionit, por që kjo të kthehet në një të vërtetë të dëshiruar ne duhet të luftojmë së bashku. Duhet ta çlirojmë imazhin e vendit me zgjidhjen e problemit dhe jo me makijazh. Kushdo që gjendet përballë një situatë korrupsioni, ka në dispozicioni një armë që ne e ftojmë që ta përdorë. Kemi hapur një front të gjerë reformash dhe në funksion të çdo sektori kemi çelur kantiere të mëdha transformimi rrënjësor. Nëse ka një veçori të përbashkët të gjithë të këtyre kantiereve, që kanë të bëjnë me riorganizimin dhe mirëqeverisjen e territorit, rritjes së cilësisë së kujdesit shëndetësor, arsimit, bujqësisë, kulturës, turizmit e të tjerë, është lufta kundër korrupsioni”.

Gati tre vite më vonë, në fund të vitit 2017, Edi Rama e hodhi poshtë këtë portalin që prezantoi në fillim të vitit 2015, si një nismë që nuk dha rezultat. Në tetor të vitit 2017, Edi Rama prezantoi nismën e radhës, bëri shfaqjen e radhës.

Këtë radhë Rama tha: “Platforma nuk është një portal, po një mekanizëm inovativ për të përfshirë drejtpërdrejtë qytetarët në qeverisjen e vendit në proceset vendimmarrëse, në luftën kundër korrupsionit. Kjo platformë është mundësia e çdo shqiptari për të qenë pjesë e koalicionit të madh të njerëzve të këtij vendi. Kjo ka për ta bërë këtë vend të denjë për fëmijët tanë dhe po ashtu është arma e çdo shqiptari që e do Shqipërinë me shtet, punë, mirëqenie”.

Ky është serioziteti i Edi Ramës në luftën kundër korrupsionit, ndërkohë që shemb teatro dhe ndërton kulla, bllokon të gjithë pronat në bregdet për t’ua dhënë klientëve të tij, emëron shokët dhe dashnoret në postet kyçe, bën paratë e popullit rrush e kumbulla, jep me koncesion paratë e shëndetësisë dhe një pjesë të mirë të parave i investon në propagandë për të çoroditur njerëzit.
Një Komb.

78-vjeçari nga Gostivari i internuar në Seman, shkroi 180 letra për riatdhesim.

Kastriot Dervishi/

Shqiptarët nga trojet shqiptare në Jugosllavi, të cilët emigruan për arsye politike në Shqipëri, u keqtrajtuan në mënyrën më të pabesueshme nga regjimi komunist i E.Hoxhës.

Në kampet e Llakatundit, Semanit, si dhe në Shijak, ata kaluan në disa procese keqtrajtimesh e denigrimesh.

Nga kjo sjellje, shumë prej tyre kërkuan të riatdhesohen në Jugosllavi sepse regjimi i E.Hoxhës po u rezultonte më i keq se ai i Titos.

Mjafton të vëresh letrat e shumta që shqiptarët emigrantë dërgojnë drejt udhëheqjes komuniste për të kuptuar se në çfarë mizerje ishin futur ata.

Një rast i rrallë që dëshmon dëshpërimin e tyre ishte ai i 78 vjeçarit Rexhep Ajet Tahirit, nga Toplica e Gostivarit, i cili i shkruan plot 180 letra Enver Hoxhës në mënyrë që ta lejojë të largohet nga kampi i Semanit e të riatdhesohet.

Tahiri kishte ardhur në Shqipëri më 15.1.1949. Nga viti 1957 e deri në vitin 1961 kur shkruan letrat e fundit, ai jetonte në kampin e Semanit. Megjithëse shkroi 180 letra, Partia e Punës nuk ndryshoi qëndrim për sjelljen e saj, ndaj emigrantit nga Gostivari.

Marrë nga Respublica.al

Studiuesi Erald Kapri ka publikuar në rrjetet sociale një dokument përmes të cilit provohet se si Kadri Cakrani ka shpëtuar hebrenjtë e Beratit.

“Për herë të parë zbulohet një letër e rrallë nga lufta e cila hedh dritë mbi shpëtimin e mbi 2 mijë hebrenjve në Shqipëri. Bëhet fjalë për qindra hebrentë e Beratit të cilët u shpëtuan vetëm falë ndërhyrjes së Kadri Cakranit, Komandantit të Ballit Kombëtar. I studiuar në Vjenë dhe djali i firmëtarit të pavarësisë Hajderin Cakranit, Kadri Cakrani është investuar personalisht që të shpëtonte nga duart e gjermanëve hebrentë e Beratit”, shkruan Kapri në rrjetin social.

Postimi i Erald Kaprit

Si i shpëtoi qindra hebrenjtë e Beratit komandanti i Ballit Kombëtar

Për herë të parë zbulohet një letër e rrallë nga lufta e cila hedh dritë mbi shpëtimin e mbi 2 mijë hebrenjve në Shqipëri. Bëhet fjalë për qindra hebrentë e Beratit të cilët u shpëtuan vetëm falë ndërhyrjes së Kadri Cakranit, Komandantit të Ballit Kombëtar. I studiuar në Vjenë dhe djali i firmëtarit të pavarësisë Hajderin Cakranit, Kadri Cakrani është investuar personalisht që të shpëtonte nga duart e gjermanëve hebrentë e Beratit.

Në letrën e bërë publike sot nga pinjolli i kësaj familje, avokati Kujtim Cakrani, ish komandanti i Ballit i shkruante xhaxhait të vetë në Mallakastër që të mriëpriste dhe të strehonte mes familjeve të zonës hebrenjtë. Kjo është një nga ngjarjet që kombi shqiptar nderohet botërisht, dhe kjo falë aty familjeve shqiptare që shkrinë pasurinë e tyre për të themeluar dhe ngritur shtetin shqiptar.

Me këtë ngjarje sapo u krenua në SHBA edhe kryeministri Rama por duke thënë gjysmën e së të vërtetës. Të paktën herës tjetër, kur të flasë për Ballin Kombëtar në Parlament, të shprehë mirënjohjen e duhur për këtë organizatë të nacionalizmit shqiptar.

Letra e plotë

“Berat,11.9.943

Bektash Cakranit, Cakran, Mallakastër (konfidenciale në dorë)

Xhaxha, po të shkruaj urgjent mes halleve të shumta që pllakosën tani me kapitullimin e italianëve, pasi ti e ke Mallakastrën në dorë. Duhet me urgjencë të transportojmë nga Berati tek ju një numër të madh njerëzish, që tani për tani nuk kemi as mjete për ti prurë aty.Bëhet llaf për çifutët këtu tek ne që janë me qindra dhe halli është se po të merret vesh kush janë, kanë për ti shkuar në plumb të tërë dhe Beratin vetë që aq është i gjithi. Nuk dihet se nga mund tu vejë haberi dhe as besim nuk kam, kohë jo e jo se edhe ti mësheh me dokumenta muhamedane nëpër familje këtu, s’dihet nga del fjala dhe mua më duhet të shkoj në plumb Beratin pastaj. Duhet domosdo të piqem dhe me Mit’hat Frashërin dhe ata në Tiranë të mos jepet asnjë informatë ku janë sa, si e qysh.Nuk duhet të bjenë në dorë të armatës gjermane që është duke ardhur asnjë çifut nga këta që kanë qënë dhe kanë ardhur në Berat, për arsye se dihet qëndrimi i gjermanëve për ta. Gjithashtu nuk duhet të konsiderohen shqiptarët dhe Berati si mëshehës të tyre, për arsye se do të mbizotërojë mbi popullatën më prapa një klimë terrori. Po edhe për aty gjithë ai milet nuk e mbëshehim dot dhe kohë për ti prurë po ka mbetur akoma. Tjatër rrezik që ti e di vetë është se po u muarr vesh Mallakastra mund të digjet. Dërgo njeri urgjent me korierin tim.

Ne foto

Kadri Cakrani

Komandant i Pergjithshem i Ballit Kombetar

Pak kohë më parë, gazetarët e Portalit – Tpz.al zbuluan një hije skandali me deklarimin e të ardhurave të familjes pasanike të Damian Gjiknurit. Padyshim një nga ministrat më të rrezikuar nga SPAK-u, që fillon sëshpejti punë.
Sipas Tpz.al, Ministri i Energjisë, Industrisë dhe Transporteve, Damian Gjiknuri, ka rritur ndjeshëm të ardhurat dhe shpenzimet gjatë dy viteve të fundit, 2016-2017.
Gjiknuri & co, është e njohur për pasionin familjar të udhëtimeve të shtrenjta, në vende egzotike, duke filluar nga Santa Quaranta (ku edhe ka mjaft detaje që do të zbulohen) e deri në Ishujt Mauritius, ku më e pakta shpenzohet 1.000 euro nata, pa llogaritur udhëtimin dhe harxhimet extra.
Opozita e ka vënë prej kohësh në qendër të denoncimeve të saja, babëzinë e rrallë të Gjiknurit, që sipas Opozitës, është ministri më i korruptuar i kabinetit Rama, madje edhe vetë kryeministri, e ka shprehur disa herë në ambiente të mbyllura, sikletin jo te vogël që ka, nga rekordet e babëzisë që ka ai.
Nga një hulumtim të bërë nga Tpz.al, Gjiknuri e ka nisur karrierën e tij politike, me të ardhura modeste, ku përfitonte pagën si deputet dhe rrogën që merrte bashkëshortja e tij, Rovena Gjiknuri, si drejtuese e një Departamenti në Top Channel. Tpz.al mëson se Rovena (Agolli) Gjiknuri ka qënë arkitekte e Shtëpisë së “Big Brother”, pothuajse në çdo sezon.
Përpara se sa të rekrutohej nga Rama, thuhet se Gjiknuri, si ish punonjës i Shik, ka patur aty, një karierë të “shkëlqyer” dhe mbresëlënëse, ku dhe janë shënuar edhe aty rekorde të papara, që lidhen sigurisht me detyrën përkatëse.
Nga deklaratat e pasurisë, familja Gjiknuri, nuk i kalonin 40 milionë lekë (të vjetra) të ardhura në një vit. Pavarësisht manovrave, duke marrë hua nga bashkëshortja, apo duke deklaruar të ardhura nga punët private, përgjatë viteve 2012-2015, familja Gjiknuri i kishte shifrat e të ardhurave apo shpenzimeve, në nivele deri diku normale.
Rovena Gjiknuri, shënoi një rritje të lehtë të aktivitetit të saj privat, deri në 17 milion lekë (të vjetra), përveç pagës që merrte si arkitekte e “Big Brother” në Top Channel. Brenda tre viteve, 2012-2015, familja Gjiknuri, me të ardhurat e siguruara, arritën të shlyejnë pjesërisht kreditë që kishin marrë për një banesë me vlerë 50 milion lekësh si dhe kredinë për një makinë në vlerën e 18 200 euro.
Viti 2015 dhe 2016, mund të cilësohen si të “artë” për Ministrin e Energjisë dhe bashkëshorten e tij. Kjo e fundit pasi shet makinën me një çmim prej 15 mijë eurosh, blen një Mercedes Benz në shkurt 2015 me një vlerë prej 44 000 euro. Për blerjen e kësaj makine, Rovena Gjiknuri ka marrë një kredi pranë një banke të nivelit të dytë.
Ndërkohë në 2016, familja Gjiknuri kryen porosinë për blerjen e një apartamenti me vlerë tepër të lartë, 271 450 euro, për të cilin është paguar kësti i parë 100 000 euro me kredi. Ndërkohë mbetet e paqartë, sesi Ministri Gjiknuri, do të shlyejë edhe pjesën e mbetur prej 171 450 eurosh për blerjen e shtëpisë luksoze.
Ajo që bie në sy, është 3-fishimi i të ardhurave të Rovena Gjiknurit, krahasuar me një vit më parë. Në vitin 2016, ajo deklaron 6 231 627 lekë, nga punët private si arkitekte.
Por pavarësisht rritjes të së ardhurave, kurrësesi nuk mund të justifikohen blerja me kredi e një apartamenti super të shtrenjtë si dhe një makine luksoze. Po t’i shtosh këtu edhe kredinë e pashlyer të banesës së parë (rreth 26 milion lekë të vjetra), rezulton se familja Gjiknuri është e zhytur në luks dhe borxhe.

Megjithatë, këto manovra me kredi për të mos blerë me para kesh në dorë, janë të njohura nga politikanët shqiptarë. Nëse do të ishte një qytetar me të njëjtat të ardhura si familja Gjiknuri, kurrësesi nuk mund të ketë këto asete, dhe asnjë lehtësi nga bankat e nivelit të dytë për të marrë 3 kredi të majme. (mbështetur mbi investigimin e Tpz.al)

Një gjë më habit, ata oficera që u larguan nga detyrat, më 28 Shkurt, nga vënd komanda e bazës së Vlorës , Fitim Halili, Roland Nasto, Mitat Islami, etj drejtojnë sot Flotën, apo oficerat që rrëmbyen anijet e tyre luftarake për në Itali, dhe disa nga këta u vunë në shërbim të tyre, ngrihen në përgjegjësira drejtuese !!!

Nga ish drejtues i SHISH për bregdetin e jugut, Konstadin Koliqi.

Per te mos u harruar ato dite te veshtira per shqiptaret, por edhe per politikanet qe e drejtuan dhe po e drejtojne sote, vendin, kam shkeputur nje pjese nga materiali kryesor qe bene fjale per ato ngjarje makabre te v.97, ne ditet e para te atij Marsi te zi…..

…….po më dt 1 dhe 2 Mars, u shkatërrua dhe u vodh baza e riparimit të anijeve në Porto Palermo, e futur e gjitha në tunel , me një vlerë disa miliona dollarëshe.
Më vjen informacioni se po shkatërrohej dhe vidhej baza e anijeve në Sarandë.

Dërgova atje njërëz të cilët më prunë informacione se po mbyteshin anije, pothuajse të reja dhe këto po bëheshin në favor të gazetarëve dhe fotoreporterëve Grek, të cilët u jepnin disa Dhrahmi, kundrejt hedhjes së granatave luftarake, në anije, ku filmohej shpërthimi dhe mbytja e anijeve.

Sipas informacioneve, këtë tmerr për institucionet, repartet ushtarake, por edhe për njërzit, e drejtonin Gramoz Ruci, i cili kuartierin e tij e kishte ngritur tek hoteli i piluriotit, pak metra para bazës detare në Limjon, drejtonte Arbër Qilimi që dorzoi repartin që komandonte dhe e bashkoi me kryengritjen, Xhevat Kocia, ish oficer i lartë, i përzënë nga ushtria për shkaqe ordinere.

Po nga këto informacione, bëheshim me dije se në zonën Sarandë, Delvinë Gjirokastër, tashmë kishin zbarkuar nga Greqia dhe po vepronin në mënyrë intensive për organizimin e kryengritjes dhe drejtimin e saj për në Tiranë, krerët politik te saj, Arben Imami dhe Ridvan Peshkëpia.

Informohem se në bazën e Sarandës, kishin mbetur pa u shkatërruar, 2-3 anije . Në Shtabin e Përgjithshëm, u mor vendimi që këto anije të tërhiqeshin nga Saranda dhe të bazoheshin në Durrës. U bënë planet përkatëse të cilat do të zbatoheshin nga katër anije të bazës së Durrësit, më dt 7-8 Mars.

Më dt 6 Mars, informohem se Komandanti i grupit të anijeve dhe një grup oficerash, jo vetëm që nuk do të zbatonin planin, por do të largoheshin, me gjithë anijet luftarake në drejtim të Italisë, po qe se do te merrni nje detyre te tille, per te rimorkjuar anijet nga Saranda.
Kur me erdhi ky informacion, në fillim nuk e besova dhe s’kishte se si ta besoja, prandaj, vendosa të shkoja vetë në Durrës, në vëndbazimin e anijeve dhe të bisedoja vet me ata.

Në takimin që pata, me Komandantin e grupit, ai, pa ju dridhur qerpiku, ma pohoi « Po qe se do të na urdhëroni të vemi në Sarandë të jeni te sigurtë se nuk do të vemi atje por do të ikim në Itali dhe skeni se cfar të na bëni, le të quhemi tradhëtar . !!!!!!! »
Nuk dija cfarë të thoja. Eshtë e vështirë të bisedosh me oficerat që janë shumë trima në tradhëti dhe frikacak në zbatimin e detyrave.
Planin e anulluam.

Anijet patën fatin e të tjerave. Gjatë këtyre ditëve, mblodhëm anijet në Durrës për ti ruajtur nga ndonjë sulm me qëllim eksodi, por nuk dinim se nga kush të kishim frikë, kush do të na i rrëmbente, populli apo oficerat që i drejtonin.

Informatat flisnin që më tepër duhet të ruanim shtëpinë nga i zoti i saj !!!! Kjo u vërtetua.

Pak rremujë ndodhi në Durrës, më 13-14 Mars dhe të parët që u larguan, në drejtim të Italisë, qenë anijet luftarake dhe pothuajse vetëm me kuadrot dhe ekuipazhet e tyre. Anijet u strehuan në bazën e Brindizit. Italianët, kishin kohë që i kishin marrë masat dhe mendoj se jo vetëm në bregun e tyre por edhe në bregun tonë . Kuadri i lartë i shërbimit sekret italian, z. Balice, e kishte zbatuar detyrën, kundrejt Shtetit të tij …

Një gjë më habit, ata oficera që u larguan nga detyrat, më 28 Shkurt, nga vënd komanda e bazës së Vlorës , Fitim Halili, Roland Nasto, Mitat Islami, etj drejtojnë sot Flotën, apo oficerat që rrëmbyen anijet e tyre luftarake për në Itali, dhe disa nga këta u vunë në shërbim të tyre, ngrihen në përgjegjësira drejtuese !!!

Në një nga ditët e marsit, kur ministër kishte ardhur z. Shaqir Vukaj, me ndodhi një incidentë i rëndë ne koridoret e ministrisë.

Një oficer i Flotës, kishte disa ditë që kur kaloja ne koridoret e zyrave, me shante nga familja, gruaja, fëmijtë e sharje të tjera të rënda. Për këtë vura në dijeni shefin tim, S.K. i cili më këshilloi të ruaja gjakftohtësinë. Por veprimi i këtij oficeri, nuk po ndalonte.

Një ditë, në orën e fillimit të punës, në koridorin e hyrjes, më del përpara ky oficer i komandës së Marinës, me detyrën e shefit të lundrimit, një shok i ngushtë i Komandantit te Flotës, K/Admiral Edmond Zhupani dhe me hidhet duke më goditur në fytyrë. I largohem pak, aq sa hapa krahun dhe falë Zotit, i dhashë një goditje, aq të fortë sa ra në gjëndje të fikti. Për këtë, më thirrën, më kritikuan dhe më thanë se do të mbaj përgjegjësi të madhe. U them atë shprëhjen popullore se « mua më ka goditur gjylja e topit, cfar do të më bëjnë plumbat tuaj » .
Dalngadalë, me këtë gjëndje edhe po mësoheshim dhe punën e bëja, më shumë për forcë zakoni, kur më dt 14 Mars, informohem se nga Muzeu Arkiologjik, në Durrës, ishin vjedhur objektet arkeologjike, vetëm të periudhës ilire, ndërsa ato të periudhës romake dhe helene ishin të pa prekura. Dija që këto objekte ruheshin në vënde tepër të sigurta, me kod sekret dhe këto i dinin dhe mund të hynin atje vetëm pesë veta, në shkallë vëndi, duke filluar nga Kryeministri … Informacioni u vërtetua, objektet ishin vjedhur dhe të dhënat më conin tek një kryetar partie i njohur, sidomos gjatë rrebelimit si drejtues i tij, por edhe arkeolog tepër i njohur….
Unë, akoma nuk dua ta besoj që janë shqiptarët që bënë këtë vjedhje të tmerrshme, këtë thesar të pazëvëndësueshëm, sepse me këtë na është vjedhur identiteti si komb.
Ky veprim makabër, u bë në favor të shërbimit sekret Grek, i cili zbaton politikën Greke për të humbur identitetin shqiptar dhe stërnipave tanë, tu thonë se në këtë tokë, jetojnë minoritar dhe jo autokton, shqiptarë dhe pasardhës te ilirëve.
Në gjithë këtë katrahurë, kam mendimin se kjo vjedhje është më e rëndë në historinë e kombit tonë.