Qafiri !

Si qenkërka qaramash krokodili

Derdhëka lotët çurg për kusari…

Sa i pabesë ku se pret del qafiri

Më tinzak nga gjarpëri o Perëndi…

Çdo aligator femër pjellë vezë

Larg ujit i mbulon thellë me rërë

Kur dalin luspash janë kobzezë

Turravrap ujit ngarendin të tërë

Në e parë fruljetë mësojnë not,

Nga soji i tyre nxënë dredhinë

Dhe bëhen kusar për jet’e mot

Të përgjumur e ngrehin pusinë!

Janë tinëzakë, të trishtueshëm,

Me gojën hon – dhëmbët sharrë.

Dhe dinak të paparashikueshëm

Bregut shtihen se janë duke qarë,

Si qenkërka qaramash krokodili

Derdhëka lotët çurg për kusari…

Sa i pabesë ku se pret del qafiri

Peshkatarët e kapin në befasi…

Aligatorin shpejt e nxjerrin’ breg

Me mjeshtri lëkurën ia rrjepin,dhe

Tabakët myzhde e blejnë në treg

Qepjet e lëkurës shtrenjt’i shesin.

Poezi nga Mustafa Spahiu /

Poezi nga Mustafa Spahiu /