Kokëdhima: Zyrtarë të shtetit janë të përfshirë në kultivimin e kanabisit Kokëdhima: Zyrtarë të shtetit janë të përfshirë në kultivimin e kanabisit.

Koço Kokëdhima ka akuzuar se zyrtarë të shtetit shqiptar janë të përfshirë  dhe të implikuar me organizatat kriminale të kultivimit të kanabis sativës.

Ish-deputeti i PS thotë se dominimi i organizatave kriminale mbi rendin dhe sigurinë përbën një fenomen shqetësues dhe situata aktuale është tepër e rrezikshme.

“Fenomeni nuk është kufizuar, është fenomen që ka agravuar dhe është situatë jashtëzakonisht e rrezikshme. Ka zyrtarë të shtetit të implikuar në organizatën kriminale të kanabisit”, është shprehur Kokëdhima në emisionin “Opinion”.

Ndërsa, sa i përket ligjit të mbetjeve, ish-deputeti u shpreh se Parlamenti nuk duhet që ta miratojë këtë ligj, pasi ndikon negativisht në ndotjen e ambientit.

“Nuk duhet ta miratojmë këtë ligj. Importi i mbetjeve ka në vetvete një potencial mbetjesh të rrezikshme. Nuk duhet që ta rëndojmë më tej këtë mjedis. Ne kemi potencial brenda vendit, le të pastrojmë Shqipërinë dhe nuk na duhen mbetje të tjera’, tha Koço Kokëdhima.