Është bërë e ditur se një delegacionI Parlamentit Europian do të vizitojë Shqipërinë duke patur si mission vendosjen e dialogut midis pozitës dhe opozitës të ndërprerë gati gjashtë muaj më parë.Ndërprerja e dialogut erdhi si pasojë e bojkotit të parlamentit nga opozita për shkaqe tashmë të njohura.
Ka patur një precedent të drërhyrjes të PE disa vite më parë, për të zgjidhur të njëjtin ngërc të politikës tonë,por që nuk ka asnjë ngjajshmëri me bojkotin e tanishëm të opozitës. Atë kohë ish opozita përdori si si arsye hapjen e kutive të votimit të zgjedhjeve të vitit 2009 me pretendimin se vota e socialistëve ishte e deformuar. Atë kohë për të gjithë ishte e qartë se kjo sajesë e lidershipit të PS ishte thjesht një alibi për të mos dhënë dorëheqje për shkak të humbjes të zgjedhjeve.
Rezultati I votive të socialistëve në 2009 u provua se ishte I saktë me rezulttin e votive që u morën në 2013. Pa asnjë rrugëdalje për të mbyllur “grevën e urisë” socialistët shqiptarë kërkuan ndihmën e socialistëve europianë, si zgjidhje për të dalë nga ngërci ku ishin future. Dhe problemi u zgjidh me darkën e famshmë të “krokodilit”, që e ktheu opozitën e atherëshme në parlament.
Tashmë opozita ka bojkotuar parlamentin dhe ka vënë disa kushte për kthimin e saj. Karshi heshtjes ose mohimit të arsyeve të vërteta të këtij veprimi,opozita ka bindur opinionin vendas dhe atë ndërkombëtar se arsyet e saj janë të qënësishme për jetën normale të një parlamenti dhe misioni I tanishëm I PE nuk ka qëllim të vizitës së tij në Tiranë përtë ngrënë një darkë, por pikërisht me kërkesa taksative për mazhorancën, që janë pikërisht ato që ka parashtruar tashmë e gjashtë muaj opozita.
Janë një sërë kërkesash që garantojnë jetën normale të një parlamenti dhe të një shoqërie demokratike si e drejta e fjalës, e drejta e ngritjes të komisioneve hetimore, zbatimi I vendimeve të Gjykatës Kushtetuese apo gjykatave të tjera, liria e mediave , etj.Por ajo që krijon një precedent të padëgjuar më parë në ndonjë parlament të botës, është kërkesa e opozitës për DEKRIMINALIZIMIN e parlamentittë Shqipërisë,që është pjesë e pakëtës të kërkesave të PE. Opozita ia doli me sukses të argumentojë me fakte dhe dokumenta të vërtetat e kërkesave të saj, duke arritur një fitore morale dhe politike në opinionin vendas dhe atë ndërkombëtar. Por kjo fitore e opozitës është një humbje e dyfishtë e mazhorancës dhe tregoi se e vërteta dhe logjika triumfoi mbi arrogancën, megallomaninë dhe mashtrimin. Asaj tashmë I duhet të ndahet nga krimi që ka shtrirë kthetrat në parlament dhe në insitucionet shtetërore dhe është punë e saj nëse do ia arrijë apo jo.
Opozita atshmë ndodhet para sfidave shumë më të rëndësishme. Ajo tashmë e cliruar nga alibia e socialistëve se “fajin e ka opozita” dhe nga shantazhet për konsum thjesht public me të ashtuquajtura dosje korrupsioni, duhet t’I kthehet funksionit të saj kryesor, të denoncimit të gënjeshtrave dhe mashtrimeve të qeverisë me gjoja ‘parajsën” e mirëqënies dhe zhdukjen e papunësisë dhe varfërisë dhe të shëmbujve të abuzimit dhe korrupsionit të zyrtarëve të qeverisë.Dhe këtë jo vetëm në parlament por edhe drejtëpërdrejtë më njerëzit e mashtruar.
Fitorja morale dhe politike e opozitës e kthen besimin e elektoratit shqiptar ndaj saj dhe ijep të drejtën për të përdorur të gjitha mjetet demokratike për të penguar cdo përpjekje të qeverisë për të shkelur të drejtat e qytetarëve, për të penguar vendosjen e një pushteti të oligarkëve dhe të krimit të organizuar dhe për rikthimin e vlerave të demokracisë në vend.
AL in Sweden. 