I FLAKU PUNTORËT DHE SHKOI NË SHKUP

Nga Danel Cana

Në spitalin gjinekologjik, materniteti dhe reparti i kirurgjisë të Elbasanit, të cilat janë edhe pranë e pranë si ndërtesa, ka ndodhur një “Operacion fshesa” siç bën policia greke me emigrantët.
Shefja e “Operacionit fshesa” një kohësishtë edhe shefja e maternitetit, z. Teuta Ilirjani ( Kadaifçiu) siç duket i kanë lënë dorë të lirë për një spastrim rrënjësor të puntoreve sanitare në maternitet dhe në repartin kirurgjikal. Me një të rënë të lapsit, shefe Teuta Kadaifçiu, heq nga puna 10 punonjëse të vjetra në detyrë, me preteksin se “ ka urdhër nga Ministria e shëndetësisë për të larguar të gjithë ata pa arsimin përkatës…”

E që kur ministria e shëndetësisë ka filluar të punësojë fshesaxhesha, apo rrobalarëse, apo pllakalarëse me shkollë të mesme apo të lartë?

A nuk duket pak sa paradoksale dhe qesharake që ndonjë individ si “shefe Teuta Kadaifçiu” të “presë koka turku” dhe të bëjë ndere për të afërmit e saj?
Jo pakë por 18 gra, familjare, të rregullta, me përvojë pune, me displinë pune, me rroga të ulëta dhe qesharake flaken në rrugë!
Ka menduar z.Teuta se 18 familje mbeten pa bukë? Nuk është se duallën të tepërta dhe shteti t’i nxierrë në asistencë por ajo pretendon se nuk kanë arsimin përkatës..! Për të futur në vënd të tyre njerzit e afërt ose ata që “Vaisin rrotën” sepse po të pyesësh opinionin flasin se doktorreshë Teuta është një nga tipat që “i shikon nga duart” pacientët e saj dhe duhet të matesh mirë të shpiesh një grua për lindje në duart e asaj…!
Përse nuk i ballafaqon me ligjin kjo shefe të gjitha punonjëset e shkarkuara por jua thotë gojarishtë?
A mundet ministria e shëndetësisë të kërkojë të tilla kushte qesharake për sanitaret e thjeshta, kur dihet se ka plagë më të mëdha me infermierët dhe mjekët?
Në emrë të cilit ligj veprojnë këta njerëz të veçantë, të cilët nxisin konflikte sociale?
A janë kaq të sinqertë këta persona apo fshihen mbas “sinqeritetit për të treguar dhëmbët” për të shkëputur copa të majme fitimi nën presionin psikologjik dhe ekonomik?
Është pikërishtë kjo doktoreshë (mjeke) na thonë punonjëset, e cila nuk denjon të vizitojë apo mjekojë ata qytetarë të cilët kanë libër shëndeti nga bashkia, duke u justifikuar se nuk do që të humbasi kohën kotë me ata por merret vetëm me të pa siguruarit…!
Si jua pret mëndja të nderuar lexues, se i vjen keq për të pa siguruarit? Jo, këtë e themi dhe e shkruajmë me GËRMA TË MËDHA…
Në të tilla raste ka bërë një efekt të madh edhe rregjistrimi i kamerave të fshehta të emisionit Fiks-Fare, mirpo jo të gjithë e kanë mundësinë ta marrin, sepse (siç flitet rëndom lart e poshtë, ata kërkojnë para dhe jo të gjithë paguajnë) Këtë na thanë edhe punonjëset e repartit, kur ju thamë ta bënin problem….”Ku del tym…ka dhe zjarr..” dhe këtë e dinë mirë ata të Fiksit, pamvarsishtë se nuk e thonë hapur.
Unë i përgëzoj se kanë bërë një punë të shkëlqyer por…po ishte kështu si thonë….edhe kanë ngrënë shkëlqyer !
Atëherë është detyra e ministrisë së shëndetësisë që të veprojë dhe të marrë në mbrojtej 18 punonjëse të shkarkuara arbitrarishtë, sepse më mirë nga ajo nuk i di ligjet drejtoria përkatëse e Elbasanit, Z.Desantila Tahiraj e cila i përcjell, duke ju thënë se i ka pushuar shefja e maternitetit, e cila për t’u fsheur nga ndonjë fërkim i mundshëm është larguar me pushime në Tetovë për disa ditë.
Gjithmonë sipas pretendimeve të larguarve nga puna, ky është një veprim i bashkpunimit të shefes Teuta Kadaifçiu së bashku me sekseren e saj të njohur Marjeta Arapi, përgjegjëse tek salla e operacionit, e cila duhet të kishte dalë në pension qyshë para dy vjetësh…! (merret me mënd se ku i leverdis më tepër!!!)
E ngritëm këtë problem për të ndihmuar ato familje të varfëra, të cilat nuk kishin të ardhura të tjera përveç kësaj rroge të pakët, duke dëshiruar që ato lotë që derdhnin nga padrejtësia që ju bë, të marrin një zgjidhje sa më të shpejtë, t’ju tregohet vëndi atyre intelektualëve burokratë dhe të korruptuar.