Kategori
Uncategorized

Mësuesja e dijes, Elvira Berberi Kolgega .

Mësuese Elvira ka pasqyruar shpirtin e saj të qelibartë si bijë , si vajzë , si bashkëshorte , si nënë , si mësuese ,

si veprimtare e palodhur në çdo familje fshatare , sidomos në Rrodokalin që vetë e quan “Rrodokali im” , sepse atje , në Rrodokalin Fismbret u formëzua si mbretëreshë në mësimdhënie , por edhe në mësinxënie !

MADHËSHTIA E NJË ÇIFTI, nga Maliq Torra /

Në respekt të Elvira Berberi Kolgega dhe Xhevair Kolgega ,

Në respekt të këtij çifti madhështor prej Mokre e Pogradeci që tashmë janë nënshtetas Amerikanë por në asht të shpirtit kanë ngelur Mokrarë dhe Pogradecarë , të këtij çifti bashkëshortësh idealë , fisnikë e simpatikë ,

Të këtij çifti të qeshur , por edhe seriozë , dashamirës e humanë , të këtij çifti që kanë falur respekte e humanizëm dhe kurrë nuk kanë kërkuar “dëmshpërblim” nga të tjerët për çfarë i kanë dhënë Mokrës , Pogradecit e më gjërë si kontekst gjeografik , por edhe individualisht te bashkëfshatarë e bashkëkohës në çdo kohë e rrethanë kur ua ka thënë zemra e tyre e bardhë .

Sigurisht që , familjarët , bashkëshorti , fëmijët , nipëria , të afërmit e gjakut familjar , por edhe miqësia reale e virtuale nuk ia kursejnë urimet , sepse Mësuese Elvira ia ka shtruar vetvetes “tapetin e kuq” të respektit të pafundëm që mund të gëzojë një personazh e kjo “çudi” do të thoja nuk ndodh rastësisht për Mësuese Elvira Berberi Kolgega .

Gjatë jetës së saj të kudondodhur , Mësuese Elvira ka pasqyruar shpirtin e saj të qelibartë si bijë , si vajzë , si bashkëshorte , si nënë , si mësuese , si veprimtare e palodhur në çdo familje fshatare , sidomos në Rrodokalin që vetë e quan “Rrodokali im” , sepse atje , në Rrodokalin Fismbret u formëzua si mbretëreshë në mësimdhënie , por edhe në mësinxënie !

Për këtë Mësuese “që la qytetin dhe shkoi për të jetuar dhe punuar në fshat” shkroi edhe shtypi i asaj kohe e ky rast nuk ishte i papërfillshëm për mentalitetin konservator të periudhës së atëherëshme , sepse fshati , jeta në fshat nuk ishte lëndinë me lule , por ishte lodhje , punë e sforcuar në çdo sektor e në çdo sekondë ,

-Epo kjo sakrificë e jashtëzakonshme kërkonte njerëz të jashtëzakonshëm

E ja , ku e keni këtë mbretëreshë të së jashtëzakonshmes , këtë ish Mësuese të jashtëzakonshme me emrin e shndritshëm Elvira që përveçse Mësuese qyteti u kthye në bijë fshati për të gjitha Familjet Rrodokalake ku së bashku me Xhevairin “xhevair e flori i larë” i paraprinë qytetërimit dhe civilizimit të Rrodokalit të madh .

Fjalët janë të mangëta , të pamjaftueshme për ta portretizuar figurën e Mësuese Elvirës , sepse “pesha e Mësuesit dhe pesha e qiellit janë të pamata” , por unë do të mjaftohem me urimin :

MËSUESE ELVIRA BERBERI KOLGEGA , MBRETËRESHË DHE MËMA E DIJES ,

Shpirtërisht u përcjell urimet më të sinqerta në përvjetorin e datëlindjes Suaj , për jetëgjatësi , shëndet të plotë , mirësi e mbarësi në familjen Tuaj ashtu siç e meritoni dhe ua dëshiron shpirti Juaj bohem !

Lini një koment