Kjo eshte pasuria ime.
Une 30 vite ne emigrim me zore bera nje shtepi.

Po ju o barkderra me vila, me miliona € neper banka, me makina luksoze qe i beret brenda pak vitesh, si i justifikoni?

Deklarimi i pasurise time, meqenese u kerkohet emigrantve te deklarojne pasurit e tyre.

Jam arratisur mes plumbave qe ne moshen 16 vjeç.
Shkova ne nje shtet tjeter per nje jete me te mire ku ndjeva vetmine ( pak rracizem) , derdha lot udheve kudo qe shkelja.
Banoja ne mes te arave neper kasollet e qenve mes lageshtires dhe te ftohtit.
Punoja nga mengjesi deri ne darke per te mbijetuar.

Nje pale kepuce i mbaja 5 vjet, nje pale rroba laja-thaja.
Lahesha here me uje te ftohte dhe here me kanaçe qe nxehja ujin ne zjarre.
Bleva nje makine rrangall me kredi.
Me vone u martova dhe krijova familje ku bashke me bashkeshorten dhe femijte e vegjel jetonim ne nje shtepi qe kur binte shi, tjegullat ishin te thyera dhe vendosnim kova ne mes te shtepise qe binte nga tavani.
Me shume sakrifica bashke me bashkeshorten pas shume vitesh bleme nje shtepi ku gjysmat e lekeve i morem kredi dhe derdhem gjak deri sa ta shlyenim kredine.

Kjo eshte pasuria ime.
Une 30 vite ne emigrim me zore bera nje shtepi.

Po ju o barkderra me vila, me miliona € neper banka, me makina luksoze qe i beret brenda pak vitesh, si i justifikoni?

Mihal Beruka

Red Varaku.

• 

Fjalimi i Edi Ramës ishte një përrua psiqik që kishte dalë jashtë kontrollit. Në vend që të jepte llogari për krizën e rëndë ku ndodhet vendi, ai e ka klasifikuar si komplot të Opozitës, Zërit të Amerikës dhe BILD për ta rrëzuar nga pushteti të gjithë ofensivën e Opozitës, që kulmoi me djegjen e mandateve.

Ndërkohë, nuk dha asnjë llogari për braktisjen që i bënë shqiptarët në 30 qershor, për bllokimin e integrimit, nëntë kushtet e Bundestagut dhe dështimin spektakolar të qeverisjes.

Gjysëm me ngërdheshje, pak me gjestikulacione , e pak me lëvizje të pakontrolluara që i burojnë nga degradimi, në fjalimin e tij Rama nuk i fshehu dot makthet e mëdha që po e torturojnë brenda subkoshiencës.

Jo rastësisht, retorika e tij për një mandat të tretë me 800 000 vota, ideja e Jugosllavisë dhe amnistia fiskale, u kthyen në tre kolonat, ku e mbështeti të gjithë fjalimin e tij, që ishte në të vërtetë një shfrim i koshiencës së tij.

Të tre këto premtime bëhen me synimin për të restauruar imazhin e tij të rënë përtokë gjatë këtij viti të vështirë nga ofensiva e Opozitës, me publikimin e përgjimeve, protestave masive dhe djegjen e mandateve. Të treja lidhen me qetësimin e mbështetësve dhe maktheve të tij të brendshme .

Makthi i parë është makthi i përgjimeve dhe radiografia e ashpër e tyre për qeverisjen e tij si dhe zgjedhjet pa Opozitën në 30 qershor. Thellë-thellë ai e di që përgjimet zbuluan mekanizmin me anë të të cilit ai ka vjedhur votat e shqiptarëve.

Ai e di që kjo e ka dërrmuar përfundimisht dhe në mënyrë të pakthyeshme legjitimitetin e tij, ndaj për të fshehur këtë makth në vend që të jepte llogari për parakalimin e elitës së PS në përgjime , kërkoi 800 000 vota.

Kjo vetëm për të shmangur përgjegjësinë , sepse dihet që ai dhe struktura e tij e lodhur nga korrupsioni dhe krimi mezi morën 200 000 në zgjedhje ku garonte i vetëm pa kundërshtar, por për të spostuar debatin.

Makthi i dytë. Ai po kërkon në mënyrë dëshpëruese të shpëtojë nga damka e tradhtarit dhe njeriut që po na mban larg Europës. Ai po tenton të mbulojë mesazhin e prerë të Europës dhe Bundestagut që nëpërmjet bllokimit të integrimit për të katërtën herë rradhazi , po i kërkojnë të largohet.

Me paturpësi, ai deklaroi që nuk na duhet Europa për sa kohë ne do të udhëheqim Jugosllavinë dhe këtë e bën pasi edhe vetë Putin refuzoi ta takonte. Ndërkohë, nuk harroi të vendosej në krah të Albin Kurtit dhe të sulmonte Haradinajn me shpresë se do të mund ta pastrojë zhulin e tradhtisë nga fytyra.

Së treti, për shkak të makthit të pafuqisë për të luftuar krimin, me Vangjush Dakon në krah ,shpalli dorëzimin para tij nëpërmjet aministisë fiskale, që nuk është gjë tjetër vetëm se një mekanizëm i ri për të rilidhur një kontratë të re me të.

Gjithsesi, ai e di që tani gjithçka është e kotë dhe po shkon drejt fundit. Ai e ka të qartë që nuk do t’i marrë kurrë 800 000 vota dhe që nuk do të ketë integrim pa largimin e tij. Ai e ka të qartë që amnistinë fiskale nuk do ta lejojnë kurrë ta implementojë institucionet ndërkombëtare.

Por, ai flet për to thjesht për të eksituar dhe qetësuar mbështetësit e trembur dhe dekujaruar nga ajo që kanë parë gjatë vitit që shkoi dhe po shohin tani, sepse atë vetë nuk mund ta qetësojë më askush.

Ja pse do jem neser ne shesh! 🇦🇱🇦🇱

Nga Ana Genta

DO MBROJ KUSHTETUTËN E REPUBLIKËS SË SHQIPËRISË

Ne, Populli i Shqipërisë, krenarë dhe të vetëdijshëm për historinë tonë, me
përgjegjësi për të ardhmen, me besim te Zoti dhe/ose te vlera të tjera universale,
me vendosmërinë për të ndërtuar një shtet të së drejtës, demokratik e social, për të garantuar të drejtat dhe liritë themelore të njeriut, me frymën e tolerancës dhe të bashkëjetesës fetare,
me zotimin për mbrojtjen e dinjitetit dhe të personalitetit njerëzor, si dhe për
prosperitetin e të gjithë kombit, për paqen, mirëqenien, kulturën dhe solidaritetin shoqëror, me aspiratën shekullore të popullit shqiptar për identitetin dhe bashkimin kombëtar,
me bindjen e thellë se drejtësia, paqja, harmonia dhe bashkëpunimi ndërmjet
kombeve janë ndër vlerat më të larta të njerëzimit,
VENDOSIM KËTË KUSHTETUTË:
Parime themelore:
Neni 1

1. Shqipëria është Republikë parlamentare.

• Parlamenti shqiptar perbehet nga 140 deputete, aktualisht perbehet nga 122 deputete!
  Pa i hyre detajeve se si u plotesua ky nr.nderkohe qe opozita la mandatet!

1. Republika e Shqipërisë është shtet unitar dhe i pandashëm.

• Krm dhe shpura e tij ne mos de juro, de fakto me maniera nga me te ndryshmet deri dhe ne ato fyese, e ndajne Shqiperine ne ne dhe ata, ne jugore dhe maloke, pa i hyre ndarjes se fondeve apo parave.

1. Qeverisja bazohet në një sistem zgjedhjesh të lira, të barabarta, të përgjithshme e periodike.

-Po dosjet 339 & 184 cfare na treguan?!
Po 30 Qershori 2019 si shkoi?!

Neni 2

1. Sovraniteti në Republikën e Shqipërisë i përket popullit.
2. Populli e ushtron sovranitetin nëpërmjet përfaqësuesve të tij ose drejtpërsëdrejti.

• Kush jane perfaqesuesit e popullit?
  Dako, Kajmaku, Veliaj, Alla, Bushi, Suli, Babani, Pjetri etj etj apo plot pseudodeputete?!
  A jane vertete keta individe te lidhur me krimin ne menyra te ndryshme perfaqesues te ketij populli?
  Nje populli nga i cili vetem 15 % votoi, qe eshte ne kushte ekstreme varferie, e qe po shenon kuotat me te larta te kerkesave per azil?!

Neni 3
Pavarësia e shtetit dhe tërësia e territorit të tij, dinjiteti i njeriut, të drejtat dhe liritë e tij, drejtësia shoqërore, rendi kushtetues, pluralizmi, identiteti kombëtar dhe trashëgimia
kombëtare, bashkëjetesa fetare, si dhe bashkëjetesa dhe mirëkuptimi i shqiptarëve me pakicat janë baza e këtij shteti, i cili ka për detyrë t’i respektojë dhe t’i mbrojë.

A ndjehen sot shqiptaret te pavarur teksa ne kurriz te tij nga krm i vendit behen lloj lloj pazaresh?!
A e ndjeni veten se po iu respektohet dinjiteti?!
Po liria?
A ekziston drejtesia shoqerore?
A keni siguri per jeten dhe pronen teksa kushtetuta jua siguron rendin kushtetues?!
Identitetin kombetar a e gjeni me gjekundi?!
Po ndonje trashegimi kombetare a ka mbet pa u perdhosur, pa u shperfytyruar, pa u shembur, pa u kthyer ne “prone” shteteroro-oligarke a pa u kullezuar?!

A keni gjetur te drejtat tuaja ne gjykatat e ketij shteti? Sa kane zgjatur proceset e juaja civile, administrative? A sorollateni se nuk gjeni te drejten e nuk ndiqni dot gjithe shkallet e gjyqesorit sepse fale krm ato nuk ekzistojne?
Po drejtesia ndaj vrasesve e grabitesve?
A nuk i shihni rrugeve vrasesit pjese te bandave, a nuk i shihni se si dalin rrugeve pas krimeve te kryera ata qe kane leke? A mbajti ndonje pergjegjesi per vjedhjet shteterore?
Po ata qe kalben birucave per mungesen e lekeve per te paguar uje e drita, i kujtoni? Apo per nje doze veteperdorimi hashashi, nderkohe qe kalojne tonelatat pa teklif?
Po ata qe fitojne gjyqet po nuk e marrin kurre te drejten?! Qofte dhe ate vendin e punes!
Pa harruar qe paguhen 3 administrata me leket tona!
E sa e sa e sa te tjera, se halli hallit nuk i ngjan dmth…

Epo per keto dhe per te gjitha qe nuk i shkruaj dot, se mbaruan netet e gjata te dimrit, une neser do jem ne shesh!

Kaq di! E nese dhe ty te pikon diku catia!
Cohu rregulloje! Para se te te zere brenda per fare!

AtdheuEshteNeRrezik #TeBashkuarIaDalim

Kur çmenduria snjeh kufij.

Kryeministri Edi Rama ka njoftuar se të gjithë emigrantët duhet të deklarojnë pasuritë që kanë, në asete apo në para edhe në vëndet ku jetojnë

• 

Mbasi vodhi e vodhi me PPP e KÇK, Rama tanimë ju është turrur kursimeve te emigrantëve, per tja u grobitur me forcën e ligjit te makutërisë.

I pa fytyri deklaron:

Në punë të zezë kanë punuar shqiptarët kur emigruan se nuk i prit njeri me krahë hapur, por produktet e asaj pune nuk janë kriminale ndaj do lançojmë një amnisti të përgjithshme, ku të gjithë shqiptarët me një afat të kufizuar, që të gjitha paratë dhe asetet t’i deklarojnë, dhe jo një a dy organizata të ngrihen, por bota mbarë, kjo do bëhet!

Emigrantët shqiptarë nuk mund të mbajnë para në bankat andej me një mijë e një vështirësi, as nuk mund të tmerrohen për të sjellë lekë në familje apo të blejnë shtëpi….

Të tjerët me një afat kohor të kenë mundësi të sjellin paratë në Shqipëri, të fusin në banka me një interes minimal, që në do t’i çojmë për arsim dhe shëndetësi në shërbim të publikut.

• 

Kur mbaron afati je tek OFL, nuk ka më i ke djersë apo para krimi. Kush i ka gjërat e padeklaruar, se do fusim elementin tjetër, që të gjitha pasuritë e shqiptarëve jashtë, do deklarohen këtu, shteti duhet t’i dije, dhe ka të drejtë të gjëmojë deri në fund të botës nëse ke një shtëpi që se ke deklaruar”.

Ju që u gënjyet, por dhe ju që e votuat me dëshirën për një mdryshim më të mirë, tani prisni pasojat e asaj vote të pa menduar. Bishs e plagosur tani mbas votës ja u ka vënë syrin kursimeve tuaja të vëna me me djerse e gjak në emigracion, përndryshe do ju përndjeki këmba këmbës kudo që të jeni…

Mos u gënjeni leket tuaja jane 100 here me te sigurta nen jastek apo bankat europiane sesa tja u grabiti ky i pafytyre per te mbushur gropen bosh te buxhetit te shtetit, pse jo me kursimet tuaja te pasuroje oligarket me vjedhjet dhe koncensionet e tyre.

• 

Rames dhe qeverise se tij te krimit vertet i duhet dhene dicka, dhe ajo qe i duhet dhene eshte grushti perfundimtar per ta shporrur kete kaste kriminale nga pushteti dhe shteti, ndaj bashkohuni dhe luftoni per te drejtat tuaja, jo per ti dhene gjakun tuaj ketij te pafytyri kryeminister.

Hapni sytë…
Morracakë të paguar, zvarranikë, mashtrues ordinerë, shushunja, qorrë, ish bashkpuntorë… dhe trutharë…

Hapini sytë edhe ju…
Ju që na bëni të zgjuarin, të diturin dhe antikomunistin.

Ja e vërteta e gjyqeve të “kafesë”…

E shtunë 25 Maj 1996…

Denim me vdekje për…
Aranit Çelën, Zylyftar Ramizin, Rrapi Minon.

Burgim i përjetshëm për…
Haxhi Lleshin e Manush Myftiun.

U desh revolucioni sllavo komunist i tre gishtave 1997, dhe shkatërrimi i shtetit ligjor, ( ku mes tre gishtave të Çaushit dhe Gjinushit, dalloheshin dhe gishtat “e të djathtëve” si Kurt Kolës dhe kryetarit te bashkisë shkoder Boriçit dhe ca të tjerëve ) që ndaj këtyre shushunjave, jo vetëm të mos ekxekutohej vendimi i gjykatës, por të dilnin nga burgu, edhe te merrnin dëmshpërblim…

Morracakë të paguar, lexoheni dhe mësoheni të vërtetën.

Le të dalim më 2 Mars në mbrojtje të Shqipërisë! – Nga Taulant Dedja

Kam 12 vjet që jam larguar nga politika aktive dhe po aq që jetoj larg Shqipërisë. Distanca nuk ma ka zbehur në asnjë rast interesin për çfarë ndodh në atdhe, edhe pse kur shprehem publikisht ndodh të stigmatizohem, si shumë emigrantë të tjerë me komente sipas të cilave ne s’kemi të drejtë të flasim për sa kohë kemi vendosur të mos jetojmë në Shqipëri. Por ndryshe nga shumë që jetojnë në atdhe, angazhimi im publik në raport me Shqipërinë nuk ka lidhje me ndonjë axhendë politike.

Partia për të cilën kontribuova nuk ekziston më, kështu që çka mbetur prej saj nuk më intereson fare. Rilindja ka kohë që ka vdekur, por meqënëse anëtarëve të saj nuk u pëlqejnë as traditat, as zakonet e asgjë që i përket kulturës e trashëgimisë kombëtare ajo nuk di as të njohë e as të mbajë zi. Prandaj na mbetet ne qytetarëve t’u tregojmë rilindasve se Rilindja ka vdekur.

Le t’ua tregojmë këtë më 2 Mars në manifestimin që Presidenti i Republikës Ilir Meta ka thërritur në emër të mbrojtjes së Kushtetutës, themelit të shtetit.

Mos kujtoni se po mbështes Ilir Metën. Nuk mendoj se i duhet mbështetja ime. Aq më tepër që në planin personal unë kam dhe kam patur rezervat e mia me të qëkur ai mbështeti kandidaturën e Ramës për në bashkinë e Tiranës kundrejt emrit tim. Por unë mbështes institucionin e Presidentit, dhe në këtë rast presidenti, që ka qëlluar të quhet Ilir Meta është veç një instrument që qytetarët duhet ta përdorin për të arritur qëllimin që zëri i brendshëm prej vitesh ua pëshpërit brenda vetes. «Kjo qeveri është e korruptuar. Ky parlament është ilegjitim. Meritojmë më shumë. Meritojmë demokracinë që e kërkuam dhe e fituam 29 vite më parë».

Le ta përdorimin pushtetin e presidentit dhe aftësitë e tij organizative për të arritur atë që duam edhe ne. Të shpëtojmë nga qeverisja e një dore banditësh e kusarësh që e kanë shitur vendin për disa dollarë më shumë në llogaritë e tyre të pallogaritura. E dëgjuat që do ia falin vetes të gjitha allishverishet fiskale? Natyrisht, për të dalë me duar të pastra e të jetojnë në Karaibe të lumtur. Ndërsa të ndershmit e të drejtët, të varfrit e të papërlyerit le të mbyten në varfëri apo të surdisen e surgjynosen nëpër botë.

E pra, pse të mos dalim në 2 Mars e të kërkojmë vendosjen e rendit të ri? Vendosjen e rendit të së drejtës, duke hedhur poshtë shtetin e policisë së Leshit dhe bandave kriminale që qeverisin vendin.

Le të dalim të gjithë më 2 Mars në mbrojtje të Kushtetutës së miratuar në vitin 1998.

Personalisht si zyrtari i drejtpërdrejt i ngarkuar për organizimin e referendumit të Kushtetutës në 1998, njëherazi dhe pjesëtar i njërit prej grupeve të punës që u mor me pjesën që lidhej me pushtetin lokal, ndjej moralisht përgjegjësinë për ta mbrojtur atë.

Kushtetuta e vitit 1998, e hartuar nga Komisioni i Venecias, me kalimin e kohës u pranua nga të gjithë dhe falë sistemit krejt te balancuar që vendoste, Shqipëria kapërceu krizën e pas 1997, realizoi në mënyre model këmbimin e pushtetit në vitin 2005 pasi zgjodhi edhe presidentin me konsensus (pikërisht falë balancës që ofronte Kushtetuta), u anëtarësua në NATO dhe iu hapën përfundimisht dyert e integrimit për në Bashkimin Europian.

Kushtetuta e vitit 1998, është më e mira në gjithë historinë e shtetit shqiptar, por edhe ndër më të ekulibruarat sa i takon raporteve mes tre pushteteve dhe sistemit zgjedhor miks që parashikonte. Prekja e saj në vitin 2008 e këtej u provua se ishte fatale. Ndërgjegjen e kam të qetë, sepse po në atë vit kam votuar hapur në Parlament kundër ndryshimit që iu bë pjesës së sistemit zgjedhor. Vazhdimi dihet… «Përfituesi» kryesor ishte kryeministri aktual, i cili me listat personale që hartoi mbushi radhët e legjislativit me kriminelë, analfabetë funksionale dhe injorantë par excellence.

Dhe ky është vetëm fillimi-ka thënë ai. Nëse ne nuk dalim më 2 Mars të manifestojmë ai do vazhdojë t’i bëjë Shqipërisë atë që s’ka mundur asnjë pushtues t’ia bëjë ndër shekuj. Shpopullimin! Shfarosjen e kombit shqiptar. Ky njeri është qënia më antikombëtare që ka parë historia e Shqipërisë. Ai nuk e do Shqipërinë, as rregullin, as sigurinë, as shtetin e as drejtësinë. Ai njeh vetëm paranë, krimin, dhe anarkinë.

Le të dalim më 2 Mars në mbrojtje të Shqipërisë!

©FlasShqip.ca

Ziqiri Mero të tregojë ku janë eshtrat e 14 martirëve të ekzekutuar

Nga Kastriot Dervishi.

Në tribunën e kongresit doli sot enveristi ziqiri mero, ish ushtarak i lartë i regjimit komunist, anëtari më i vjetër i partisë.

Edhe udhëheqësi e puthi në ballë.

Mero njihet si agjitator i organizatës së “veteranëve” në mbrojtje të figurës së terroristit enver hoxha. Për të mos u zgjatur shumë, kujtoj se dy vjet më parë mero u shpreh kundër dekorimit të nënave dhe fëmijëve që vuajtën në kampin e Tepelenës në vitet 1949-1953, sepse i quante “kolaboracionistë”.

• 

Kësisoj, në kongresin pa numër, një kampion enverizmi u evidentua në tribunë dhe kongresistët u çuan në këmbë me urdhër për të respektuar subjektin.

Do ishte me interes që nëse kampi në fjalë do arrijë të bëhet muze kombëtar, të kishte edhe foton e meros aty, si mbrojtës i flaktë i krimeve të diktaturës në kohët e sotme. Nuk pres ta bëjë “Harabeli” këtë se ai është në anën e meros.

Ziqiri Mero, anëtari më i vjetër i partisë i partisë më të vjetër, pasnesër mbush plot 100 vjeç. Është krenar se i ka shërbyer regjimit komunist dhe adhuron gjithë kriminelët e atij regjimi. Urren edhe fëmijët, gratë e pleqtë që vuajtën në kampin e Tepelenës sepse sipas tij ata ishin “kolaboracionistë”. Qan për çdo gjë që ka gatuar diktatura komuniste. Nuk ndjen asnjë lloj pendese sepse ashtu është gatuar. Duke pasur të pandryshuar urrejtjen klasore, parimet e luftës së klasave, shoku Ziqiri është kurdoherë vigjilent ndaj “armiqve të brendshëm” si dhe punëtor i palodhur për unitetin e partisë dhe hallet e proletariatit.

8 të pushkatuar

Ziqiri Mero ka qenë anëtar i Këshillit Gjyqësor Ushtarak të Divizionit të 3-të të Korparmatës së 2-të, në një proces ku u ekzekutuan plot 8 persona. Prokuror i procesit ka qenë Mit’hat Zaçe.

Ky këshill me vendimin nr.5a, datë 23.5.1945, (ku u gjykuan 20 persona), ndër të cilët u deklaruan fajtorë dhe u ekzekutuan:

-Enver Ibrahim Meko 

-Harun Hysen Rokaj 

-Nexhip Iljaz Canka 

-Hajdar Teki Zako (17 vjeç)

-Surja Xhemal Zoto 

-Mehdi Mehdi Lamçe 

-Sefedin Rushan Fazlliu 

-Estref Muslim Mustafaraj

U la në fuqi me vendimi nr.81, datë 24.5.1945 të Gjykatës së Lartë Ushtarake. Personat në fjalë kishin qenë më parë me forcat e Ballit dhe Legalitetit, por ishin bërë partizanë. Nga shqyrtimi i provave, ndaj tyre nuk rezulton asnjë krim apo vepër penale, por gjithçka është rreth dyshimeve se do formonin “grupe” dhe se nuk kishin “pastruar shpirtin nga e kaluara”.

Procesi tjetër, 6 të pushkatuar

Në procesin tjetër, afër në ditë me tjetrin sepse lidheshin me njëri-tjetrin, kapiten I Ziqiri Mero, si zëvendëskomandant i Brigadës së 1-rë, ka luajtur rolin e hetuesit dhe prokurorit. Bie në sy te ky grup pushkatimi i Farendin Angonin, një person që njihte fare mirë jetën e E.Hoxhës.

Me vendimin nr…(s’ka), datë 4.6.1945 Këshilli Gjyqësor Ushtarak i Divizionit të 3-të të Korparmatës së 2-të, u vendos pushkatimi i këtyre personave:

-Faik Riza Tartari

-Zef Sadri Kabashi

-Gjon Cufi 

-Myrteza Bektash Satka

-Lec Ndreca

-Faredin Myrteza Angoni

U la në fuqi me vendimin nr.108, datë 5.6.1945, të Gjykatës së Lartë Ushtarake. Nuk po përmend personat e tjerë të dënuar. Të paktën në këtë rast, Ziqiri Mero ka urdhëruar pushkatimin. Ai di vendin ku janë pushkatuar të ndjerët. Ka jetuar gjithë jetën e tij me skenën makrabre të pushkatimit dhe ka adhuruar në kulm diktaturën.