Mediat e huaja i kanë bërë jehonë protestës së opozitës në Tiranës, e cila ka ngritur çadrat përpara Kryeministrisë duke vendosur si parakusht zgjedhje të lira dhe demokratike.

Agjencitë më prestigjioze të botës i kanë dhënë hapësirë protestës opozitare. Reuters, Washington Post, Associated Press, Fox News, ABCNEWS etj, shkruajnë se protestuesit kërkojnë nga Qeveria Rama zgjedhje të lira.

“Ndryshe nga tubimet e mëparshme, protesta e sotme ishte më e qetë, teksa protestuesit mbanin në duar flamujt e Partisë Demokratike dhe flamuj shqiptarë, postera e parrulla anti-qeveritare. Më vonë, ata dogjën tre dordolecë me fytyrën e Kryeministrit dhe dy ministrave”, shkruan “Associated Press”, e po në këtë linjë janë edhe mediat e tjera.

Kurse, Reuters i rikujton Kryeministrit Edi Rama se të njëjtën gjë bënte disa vite më parë, kur vet ishte në opozitë: “Shtatë vite më parë, Rama ngriti çadrat jashtë zyrës së paraardhësit të tij duke kërkuar rinumërim të votave. Shqipëria ka një histori të hidhur të sondazheve të kontestuara. Brukseli dëshiron të shohë zgjedhje pa probleme dhe një gjyqësor që lufton korrupsionin. Më shumë se10 mijë persona morën pjesë në protestën paqësore duke kërkuar zgjedhje të lira dhe qeveri teknike”.

Lexo edh