Deputetja e Partisë Demokratike Liljana Elmazi ka një mesazh të fortë përsa i përket ligjit të Vettingut. Ajo propozon se ky proces të kryhet në të gjitha hallkat e jetës publike në vend dhe jo vetëm në sistemin e drejtësisë.

Sipas saj Vettingu duhet të prekë qeveritarët, deputetët, pronarët e mediave madje dhe përfaqësuesit e OJQ-ve dhe OJF-ve të cilët marrin fonde nga organizmat ndërkombëtare.

Elmazi vijon më tej duke thënë se të gjitha paratë e vjedhura duhet t’iu kthehen shqiptarëve. Deputetja Demokrate ka thënë se këtë propozim do ta paraqesë edhe në Parlament si dhe pranë ndërkombëtarëve, të cilët i ka quajtur miq padyshim.

‘’Vetting për gjyqtarë e prokurorë, qeveritarë , deputetë, pronarë mediash, OJQ , OJF , ( të financuara Nga BE dhe USA) biznesmenë të mëdhenj fitues tenderash, koncensionesh e parash publike që dyshohet se pastrojnë parate e drogës , krimit, korrupsionit, pse jo , edhe te përfaqesive diplomatike në Shqipëri !

T’ u kthehen shqiptarëve paratë e vjedhura e të pastrohet shoqëria!!!!!Ky është VETTINGU që shqiptarët duan ! Personalisht, do ta kërkoj edhe në parlament edhe , përmes miqve të mi ne Europë e Washington,,,,, Çdo cent i shqiptarëve t’u kthehet atyre ! Nëse kemi vullnet ne dhe në kancelaritë europiane e Washington, çdo gjë arrihet! CIA, FBI, DEA e si motrat e tyre ne Europë e botë i gjejne, nëse ne duam! Thjesht , mjafton vullneti!’’, është shprehur deputetja Elmazi.

Nuk dihet nëse kjo nismë do të gjej mbështetje po padyshim që do të ishte shumë e vlefshme për sa kohë vendit i duhet një spastrim dhe një ndarje njëherë e mirë nga krimi. (E.K/SHUPLAKA)