Elvis Roshi vë përballë gazetarin me deputetin, ja replikat mes tyre

Lirimi i kryebashkiakut të Kavajës Elvis Roshi, të cilit iu hoq sot masa e sigurisë arrest shtëpie, ka vënë përballë gazetarin e News24 Bledian Koka dhe deputetin e Partisë Demokratike Gent Strazimiri.

Në një status në Facebook, gazetari reagon kundër opozitës duke i kërkuar që të reagojë përballë këtij vendimi të gjyqësorit që liroi kryebashkiakun e Kavajës Elvis Roshi.

Sipas gazetarit Koka, asnjë qytetar i thjeshtë nuk ndihet i përfaqësuar nga opozita pasi kjo e fundit akuzon qeverinë vetëm për kanabisin dhe nuk flet për vendimet e padrejta gjyqësore.

Këto komente të gazetarit janë kundërshtuar nga deputeti demokrat Gent Strazimiri, i cili është kundërpërgjigjur në Facebook duke shkruar se ndryshe flasin në mediat ku punojnë dhe ndryshe në komentet personale jashtë orarit të punës.

Statusi i gazetarit të News24 Bledian Koka:

Aloooooo, opozitaaa, alooo?!

Nuk e di a e keni vënë re, por u lirua Elvis Rroshi me 5 emra, aloooo, opozitaaaa? Ndonjë reagim kshtu apo hiç fare ëëë? Alooo!
E kuptoni si po tallet Edi Rama me ju? Sepse e di që ju nuk e kritikoni dot prokurorinë, gjyqësorin për asgjë!
Flisni për krim elektoral në Dibër dhe s’keni bythë t’i bëni presion organeve të drejtësisë për ta zbardhur këtë krim. S’keni bythë të bëni opozitë siç duhet, ta vini gishtin në plagë ndaj bëni hartime me hashash nga mëngjesi në darkë ose më mirë deri në drekë. Sepse në darkë mblidheni para televizorit për të parë debatin Çili-Duma, i cili në vetvete ngërthen situatën ku ndodhet sot opozita në këtë vend: një miks midis parodisë, komedisë dhe mediokres.

Ja po jua them unë, me fjalët e atij që s’e kisha menduar kurrë se do ta citoja një ditë: Nuk keni parë gjë akoma! S’keni parë gjë akoma sepse me këtë mender-opozite që keni vendosur t’i bëni Aleancës së të Keqes në këtë vend, do katandiseni forcë e tretë.
Dhe sa t’ju ketë ju përballë, Edi Rama do shumëfishojë votat në këtë vend. Do i shumëfishojë aq shumë sa do t’ju duket Dibra rezultati më i mirë që keni marrë ndonjëherë.

Një pyetje për PD-në? A ka korrupsion në këtë vend? Nëse ka, pse nuk i bëni presion prokurorisë dhe gjyqësorit ta luftojë këtë korrupsion?
(Nëse NUK ka korrupsion, atëherë mirë e kemi këtë qeveri, pse duhet t’ju votojë një shqiptar?)
Çfarë mendoni për punën e organeve të drejtësisë që lirojnë Rroshët, Prengat, Frrokët, Xhuvanët e kësaj Shqipërie?
Çfarë mendoni për anëtaren e Gjykatës së Lartë që u kap me 50 mijë euro rryshfet dhe sot është ende e lirë?! Asnjë fjalë për të? Pse, ngaqë burri i saj është zyrtar në Kuvend?
E di çfarë i thoni ju shqiptarëve?

I thoni: jo, nuk duam ta reformojnë drejtësinë, nuk duam ta ndryshojmë atë, duam ta mbajmë kështu siç është. Duam të ruajmë drejtësinë që liron kriminelin, nuk arreston trafikantin, të korruptuarin, njeriun me 2 fytyra dhe 5 emra.
Edhe një herë, e kuptoni si po tallet Edi Rama me ju? Sepse ju keni vendosur të mos bëni aleancë me shqiptarin e thjeshtë, me atë hallexhiun që po ja pijnë gjakun përditë e ngadalë, por keni bërë aleancë me bosin e monopoleve, intrigantin e mediave, gjyqtarin e majmur e kështu me rradhë.
p.s…Alo, opozita? Qytetarët sot e ndjejnë veten të papërfaqësuar dhe prandaj, fatkeqësisht, madje dëshpërimisht: Nuk keni parë gjë akoma!

Reagimi i deputetit Gent Strazimiri:

Është interesant fakti që gazetarët që gatuajnë lajmet me të cilat qeveria na ushqen çdo ditë, sapo heqin kostumin e “politikës editoriale” të medias ku hanë bukë, janë të admirueshëm, të vërtetë, pothuajse të pakundërshtueshëm në opinionet personale të shfaqura në profilet e tyre në fb!!
Këtë e gjej DRAMTIKE!

Aloooooo gazetariaaaaaa!
Ke zgjedhur një zanat që nuk ka orar zyrtar, që mrekullinë e ka tek të qenit i lirë, bohem, jashtë çdo disipline, ligji, autoriteti që bie ndesh me TË VËRTETËN!
Alooooo dinjitetiiiiiiii!
Një gazetar nuk mund të jetë KURRË punëtor me mëditje…i nënshtruar ndaj interesave ekonomike të injorantit të radhës që “ka bërë” mjaftueshëm lekë sa për të blerë aparaturat, liçencën, shtypshkronjën dhe… liçencuesin… GAZETARINË (dmth TË VËRTETËN)!!
Alooooo solidariteti profesiooonaaal!

Pushuan në emër të së vërtetës Alida Totën, kërcënuan Artan Hoxhën, desh vranë Artur Çanin, vetëmbyllën emisionin “Stop”, emisionin “Ajsberg”, emisionin “PUBLICUS”….mbyllën brutalisht AGON CHANNEL…
-Piiiiip, piiiip, piiiip….Thirrja juaj po transferohet tek…OPOZITA….Ju lutem prisni!!!!
INTELECTUAL COËARDICE!!!
Nuk është fenomen shqipëtar! Është fenomen njerëzor që shoqëritë e venë në dukje në prag të REVOLUCIONEVE!