7 prilli i vitit 1939 doktorin e gjen në Tiranë.
Është njëri nga tetë anëtarët e komisionit të të rinjve që shkuan për të kërkuar armë në pallatin mbretëror, por mbreti tashmë kishte ikur.
Në vitin 1941 shkon për specializim në Itali. Dikush i propozon që të vishej mjek ushtarak në frontin italo-grek, kundrejt një page të konsiderueshme.
Doktori përsëri refuzoi.
Rezultati ishin tetë muaj internim në ishullin Capraia ne Firence.
Viti 1945 e gjen në klinikën e tij në Tirane ku, në fund të dhjetorit 1946, arrestohet. Pas dy vjet torturash të tmerrshme në hetuesi, përballë të cilave qëndroi i paepur, dënohet nga Gjykata e Lartë Ushtarake me pushkatim.
Pak më parë kishte vdekur nga torturat në hetuesi i vëllai i tij, avokat, Feriti.
Kjo bëri që me vendim të Kuvendit Popullor, vendimi t’i kthehej në burgim të përjetshëm. Lirohet pas nëntë vjet burg.
U lirua në fund të vitit 1955 dhe u emërua të punonte në qytetin e Vlorës.
Vlonjatët nuk do ta harrojnë kurrë figurën e ndritur të tij dhe në mënyrë të veçantë ish-të burgosurit politikë të cilëve ai u qëndroi gjithmonë në krah.
I mbylli sytë më 4 tetor 1988 në Vlorë
Mbas dënimit me vdekje të doktor Hysenbegasit, presionit dhe provokimeve të sigurimit të shtetit, por dhe për të shpëtuar vajzën e vogël vetëm 3 muajshe (nga martesa me doktorin) Liljana e pa shpresë u detyrua të largohej për të jetuar pranë familjes së saj ne Itali me vajzen e tyre .
AL in Sweden. 