Kategori
Uncategorized

Kush po ‘qan’ për PD-në ?

✍🏽 Hysni Gurra /

Njerëzit që kanë qenë publikisht kundër PD-së prej një dekade, ata që kanë folur, kanë vepruar dhe kanë votuar kundër saj, janë po këta njerëz që sot “qajnë” për PD-në dhe kërkojnë reformimin e saj në banaqet televizive.
Mjerisht, disa që janë ende deputetë të PD-së, edhe në fushatën që sapo u mbyll, nuk lanë asnjë minutë pa folur e punuar kundër Partisë Demokratike që u dha gjithçka — edhe në mënyrë të pamerituar:

Kush bën pjesë këtu?

👉🏽Fitim Zekthi, anëtar kryesie me Lulin, 👉🏽Ergys Mërtiri, anëtar kryesie i Lulit, 👉🏽Redi Shehu, Ervis Iljazaj, Preç Zogaj, 👉🏽Edvin Kulluri që garoi vetë dhe s’mori as 100 vota, 👉🏽Bardh Kadilli ish-deputet, prej Afrikës së largët futet edhe ky në skype e qan për PD, thuajse të gjithë të njohur si ithtarë të Bashës.

Është e drejta e tyre të jenë ithtarë të kujt të duan dhe të gjykojnë, por demokratët duhet ta dinë se ata nxjerrin lot krokodili nëpër banaqe televizive, kinse u dhimbset PD-ja, për të cilën kanë derdhur djersë që të asgjësohet.

Këta mund të dilnin në banaqet televizive dhe të flisnin, por për Koalicionin Euroatlantik të Lulit që e mbështetën, jo për PD.

Mjerisht, disa që janë ende deputetë të PD-së, edhe në fushatën që sapo u mbyll, nuk lanë asnjë minutë pa folur e punuar kundër Partisë Demokratike që u dha gjithçka — edhe në mënyrë të pamerituar:

👉🏽Dash Sula, 3–4 mandate deputet. 👉🏽Dash Shehi dhe Enkelejd Alibeaj, një jetë në politikë, të cilët vetëm kanë marrë nga PD-ja, tani që dolën vetëm, panë vetë sa u vlen “lëkura” te shqiptarët — nuk morën vota as sa një listë zijafeti synetllëku. 👉🏽Ferdinand Xhaferri apo Flutura Açka janë po ashtu emra që kanë punuar ditë e natë kundër PD-së në terren.

Këta njerëz kërkojnë sot reformim të PD-së?!

Hapni televizorin: janë mobilizuar më shumë se kurrë kundër PD-së.

Këta nuk kanë arritur as deri aty ku shkuan vëzhguesit ndërkombëtarë, të cilët e thanë që në rreshtin e parë të raportit: gara nuk ka qenë e barabartë.
Këta nuk flasin as për patronazhimin, as për presionin, as për blerjen e votave, as për shantazhin ndaj administratës, se njerëzit e tyre punojnë të gjithë në administratën e Ramës.
Njerëz që lodhen duke folur e punuar kundër PD-së, shënjestrën e kanë mbi njeriun që punon 18 orë në 24 për PD-në

Këta qajnë me bariun,-lehin me qenin dhe -hanë me ujkun, thotë një fjalë e urtë arabe.

Lini një koment