Vlerat Mokrare,- nga Maliq Torra
I lindur dhe i rritur në Truallin Mokrar të Debrovës ( Mokër ) që fëmijë dallohej ndër moshatarët e tjerë për dhunti në llogaritje të ndryshme matematikore e kjo binte në sy sidomos edhe në moshat më të rritura .
Edhe në shkollë dallohej për vëmendje dhe korrektësi në përgjigjet që jepte gjatë orëve mësimore .
Arsimin fillor e mbaroi në fshatin e lindjes Debrovë , 8-vjeçaren e mbaroi në fshatin Proptisht ku bënte udhën mbi dy orë vajtje e po kaq kthim në kohë dimri e nëpër udhët gjithë baltë , por etja për arsim i thyente lehtas çdo vështirësi , ndërsa Shkollën e Mesme Ekonomike e mbaroi në Berat .
Rezultatet e larta që arriti në mbarim të së mesmes i dhanë të drejtën të vazhdonte edhe Universitetin Shtetëror të Tiranës , Falultetin Ekonomi-Financë , ku Qamilit iu fut në gjak kjo shkencë sa egzakte po aq dhe humane që do të përcaktonte edhe të ardhmen e tij në sektorët më me përgjegjësi e delikatë të asaj periudhe , të periudhës "ku 1 + 1 = 2" e kurrë nuk mund të gaboje apo ta bëje njërin "sy qorr e njërin vesh shurdh" , sepse të pickonte nepërka e ndëshkimit , por edhe e futjes nëpër hullitë e "armikut të popullit" e përfundoje atje ku "hante pula gur" më ndonjë minierë Spaçi a Qafë Bari si armik që do të rrëzojë pushtetin popullor i akuzuar me nofkën "armiku i partisë e i pushtetit popullor !"
Po Qamil Korça , ky njeri korrekt me punën , i dashur me të gjithë kurrë nuk e pati nënvlerësuar punën e kurrë nuk e kreu punën nga frika , sepse ndërgjegjia e tij ishte e formëzuar që në genin e trashëguar nga familja e nga fisi i tij sojëlli .
Kështu e mbajnë mend bashkëpuntorët e tij në kooperativën bujqësore të bashkuar Trebinjë ku punoi kohën më të gjatë të para viteve '90-ë e deri më vonë .
Aty , në Trebinjën Mokrare , Qamil Korça u njoh e lidhi kurorën bashkëshortore me një vajzë mokrare , me një bijë të përkushtuar për familje , me një Ekonomiste të apasionuar e të përkushtuar , por fati i keq e deshi që bashkëshortja t'i ndërrojë jetë para disa vitesh , por për Qamilin , kujtimi i saj është i gjallë , është bashkëshoqëruese në çdo çast .
Qamilin që me rënien e sistemit komunist do ta gjejmë një aspirues dhe mbështetës së proceseve demokratike , një njeri idealist dhe parimor duke mos përtuar për të promovuar vlerat universale të Demokracisë .
Qamili edhe pas viteve '90-ë punoi me korrektësi dhe ndërgjegje në sektorin e financave të Bashkisë Pogradec , në Policinë Tatimore dhe vyrtytet njerëzore e profesionalizmi i lartë i tij lanë gjurmë vlerësuese te cilido bashkëpuntor , qoftë epror apo vartës i tij .
Qamil Korça të takojnë nderimet e Mokrës dhe të Mokrarëve !
AL in Sweden. 