Ka një plan për të vrarë Lulëzim Bashën.

Në shkrimin e tij më të fundit, Blendi Fevziu jep një lajm rrënqethës: Po përgatitet eleminimi fizik i kreut të Opozitës.

“Shërbime të specializuara të sigurisë ishin informuar se ndaj kreut të opozitës shqiptare po organizohej një atentat për eleminim e tij fizik.” Shkruan gazetari i njohur.
Madje ai shton se është edhe identifikuar personi që është ngarkuar ta bëjë këtë vrasje. Ja çfarë shkruan Fevziu: “Personi më i përfolur dhe më rrezikshëm është një individ me rekorde kriminale, vrasës me pagesë, që jeton jashtë Shqipërie dhe që ka vënë edhe një herë tjetër në gadishmëri policinë shqiptare në vitit 2011 pas një informacioni se donte të godiste një tjetër politikan të rëndësishëm të saj kohe në Tiranë. Informacioni duhet t’i jetë përcjellë strukturave të sigurisë në Shqipëri dhe sipas informacioneve tona, është zyrtarizuar edhe me letërkëmbim midis tyre.”
Për të përforcuar seriozitetin dhe alarmin e këtij lajmi, gazetari shkruan: “Shefi i SHISH ka pasur një takim urgjent me Presidentin e Republikës dhe më pas, ka takuar po kaq urgjent Ministrin e Brendshëm Xhafa dhe Kryeministrin Rama.”