Ngjyra në këtë gotë tregon atë se çfarë ka mbetur nga një lëng frutash që të gjithë e konsumojmë dhe nuk e vëmë re se çfarë përbërje ka. Ky është një lëng frutash molle, që në fakt siç vërtetohet edhe nga këto foto dhe video të mbërritura në adresën e ‘Gazeta Express”, mbetja në fund të gotës është pikërisht koncentrati së bashku me ngjyruesit që përdoren për të përftuar një lëng që tregtohet si ndër më të mirët në treg.

Duke mos dashur aspak për të bërë një anti-reklamë për këtë lëng frutash, për të gjithë ata që konsumojnë një të tillë vlen të shikohen fotot dhe videoja për tu ndërgjegjësuar rreth efekteve anësore që mund të shkaktohen nga konsumimi i këtyre lëngjeve të prodhuar me koncentrate te rrezikshme.