Ishkryeministri Sali Berisha është përplasur me Ministrin e Jashtëm Ditmir Bushati në Kuvend për sa i përket rekomandimit të KEsë për Shqipërinë. Ky i fundit e ka quajtur Ramën “sufler” i Merkelit kur ishkryeministri tha se Kancelarja tha se zgjedhjet janë kusht për integrimin. Berisha në fjalën e tij akuzoi sërish kryeministrin Edi Rama se ka varrosur integrimin e vendit, ndërsa i kërkoi të ndalte kërcënimet ndaj Evropës, duket iu referuar një interviste të Ramës për një media gjermane kur tha se Ballkani kërcënohet nga ISIS nëse lihen boshllëqe nga Unioni.
“Faleminderit zonjës Merkel që u ndal tek zgjedhet dhe kushtet e përcaktuara nga komisioni si të domosdoshme. Theksoj këtu se asnjëherë si kam thënë, si them e s’do i them njeriu që mos hapë negociatat me Shqipërinë. Me vendosmërinë më të madhe dhe asnjeri, as ka për të gjet kurrë njeri që të thotë më tha Sali Berisha. … duhet të jesh budalla, të ngrihesh dhe të thuash zgjedhjet s’janë kush, po zgjedhjet janë kusht more, janë kusht për cdo vend. Se ne s’kemi zgjedhje të përsosura, po njeriu zotohet, bëjmë zgjedhje të mira, hapim negociatat. Kurse ky vrapon i tmerruar, s’përmend zgjedhjet, kur ia përmendi zonja kryesore e Evropës. Lidhur me debatin e hapur BundestagKancerlari, kjo është një fantazi e sëmurë e Ramës, një gjë të dinë shqiptarët, gjykata Kushtetuese gjermane me vendim të formës së prerë detyron qeverinë, gruan më të fuqishme të botës sot, ajo është e Gjermanisë po në botë s’ka ndonjë nivel tjetër fuqie, që para se të japë zotimin për probleme integrimi, negociatash, të marrë mendimin, votimi është më vonë por të marrë mendimin e Bundestagut.
Zotëria në vend të përpiqet t’i sheshojë këto gjëra, del dhe sulmon si paranojak një nga figurat kyce të Bundestagut për këtë cështje që shkoi në zyrë dhe ia tha të gjitha. Ke bërë një kërcënim të turpshëm. Hiq dorë nga kërcënimi i Evropës se Shqipëria mund të bjerë në kthetrat e ISIS apo Putinit, ti mund të përfundosh në llumin e plehrave të historisë por Shqipëria nuk lëkundet nga historia e integrimit. Mos e trash këtë bisedë sepse mund të marrësh sic mori tjetërkush kartonin e kuq, mos mendo se me kërcënime gjynjëzon Evropën,. vërtet sot është e bazuar në filozofinë e paqes por sot është më e fortë se kurrë. Prandaj lëri ato dëngla ti, na flet për faktorë të tretë. Për ta mbyllur u ktheve nga Gjermania sikur po vije nga Kuba, po pse, filloi fjalimi 20 min kundër opozitës, duhet të dini një gjë, Gjermania është vendi sot më i fuqishëm ekonomik, edhe politik dhe në standartet demokratike. Mendove ti se Angela Merkel, është e kënaqur ta përdorësh për sulme të shpëlara ndaj opozitës? Po je i biri i të atit ti , opozita s’mund të presë kurrë përgëzime nga asnjë shtetar përmes teje, fatmirësisht kancelarja përgëzimet ia ka përcjellë opozites jo përmes teje por direkt përmes kryetarit të saj.
Të mbetet të kënaqesh duke mashtruar shqiptarët se komisioni nuk vuri kushte, se negociatat u hapën, dhe mbrapa pastaj, jo po duhet edhe një raport tjetër, ky dërgoi Bushatin në të gjitha kancelaritë me kërkesën na jepni atë që i dhatë Serbisë, përgjigja ishte kartoni i kuq. Sepse Vucicit i besonin dhe këtij nuk i besonin. Kërcen nga halli dhe sevdaja por e vërteta kjo është atij ia dhanë dhe ty s’ta dhanë. Me Edi Ramën, doni mashtirm keni mashtrime, nuk ka integrim”, tha Berisha.
AL in Sweden. 