Kristina Çakeri është punonjësja e policisë që shfaqet në videon e Policisë së Tiranës që uron qytetarët për festat e Nëntorit.
Ajo shfaqet në një moment në video me dy gishtat lart, por ky gjest i saj është marrë negativisht nga ministri i Brendshëm Saimir Tahiri si një simbol i Partisë Demokratike.
Duke folur për ‘Newsbomb’, policja tregon se vet ministri e telefonoi për t’i kërkuar llogari përse bëri një veprim të tillë.
Pjesë nga intervista:
Kristina, ju jeni vajza e cila shfaqet në videon e policisë me dy gishtat lart. Çfarë keni dashur të thoni dhe pse zgjodhët pikërisht dy gishtat?
Dy gishtat më kanë dalë thjesht në mënyrë instiktive duke ditur që është simbol i paqes. Ka patur reagime të ndryshme lidhur me këtë, një pjesë e kanë interpretuar sikur jam me Partinë Demokratike por siç e thashë, ishte e gjitha instiktive dhe simbolizon paqen.
Reagimi që ju ka bërë më shumë përshtypje në gjithë valën e reagimeve?
Më bëri përshtypje fakti që ministri i Punëve të Brendshme, Saimir Tahiri më mori në telefon dhe më pyeti: Pse e bëre?
Dhe ju ç’i thatë?
Të njëjtën gjë që ju thashë edhe juve, që është simbol i paqes dhe më doli instiktivisht…
Po ministri, si reagoi pas kësaj?
Pasi ia shpjegova më tha që ishte thjesht një shaka, më tha që kisha dalë shumë bukur dhe më uroi suksese.
AL in Sweden. 