Kryetari i Bashkisë së Pustecit Edmont Themelko, që drejton prej shumë viotesh këtë bashki që banohet kryesisht nga qytetar shqiptar me kombësi maqedonase gjatë plotësimin të formularit nuk ka deklaruar se është në hetim në Maqedoni nga Prokuroria Speciale që drejtohet nga Katrica Janeva.
Edmond Themelko ka shtetësi të dyfishtë, atë të Shqipërisë dhe Maqedonisë dhe njihet si njeri i besueshëm i partisë VMRO-DPMNE.
Nga Prokuroria Speciale e Maqedonisë ai akuzohet për manipulim të disa zgjedhjeve, ku ka organizuar me letërnjoftime të dyshimta votuesit maqedonas të bashkisë së Pustecit në Shqipëri.
Edmond Themelko akuzohet gjithashtu edhe për karta shëndetësore fallco për votuesit e Pustecit.
Këto akuza juridike të ngritura tashmë prej disa muajve nga Prokurorja Speciale Katica Janeva, në bazë të ligjit të Republikës së Shqipërisë, Edmond Themelko nuk i ka deklaruar në formularin e Dekriminalizimit. Prandaj do të ishte e udhës që KQZ dhe Prokuroria e Republikës së Shqipërisë ta thërrasë Themelkon në hetime për fshehje të fakteve reale.
Sipas banorëve të bashkisë së Pustecit Themelko nuk merret me punët për menaxhimin e bashkisë së Pustecit, por me propagandë të VMRO-DPMNE dhe bizneset që ai ka në Maqedoni.
Disa herë Edmond Themelko është akuzuar nga shtypi opozitar në Maqedoni se bashkëpunon ngushtë me shërbimin e zbulim dhe kundërzbulim në Maqedoni që kontrollohet prej disa vitesh nga partia në pushtet VMRO-DPMNE.
Nga të gjitha këto akuzat që janë ngritur kundër Edmond Themelkos në Maqedoni institucionet shtetërore të Shqipërisë heshtin ose e kanë harruar se ky njeri ka një post të lart shtetëror në Shqipëri dhe duhet të japi llogari për akuzat e lartpërmendura si dhe për fshehje të fakteve në Formularin e Dekriminalizimit.
https://plus.google.com/106518131937434503325/posts/1AKNuQZHqrj
AL in Sweden. 