“Ky eshte nje shqiptar… Elian Tanini deri dje bente sikur protestonte sot….”, është ironia e gazetarit Armand Maho shoqëruar me foton e këtij artikulli.

Eljan Tanini, një prej organizatoreve të protestave kundër ndërtimit të këndit të lojërave në Parkun e Liqenit Artificial, i shoqëruar në polici pas përplasjeve të dhunshme me forcat e rendit, është shpallur si një ndër 4 fituesit për projektin e vendosjes së skulpturave dekorative në sheshe dhe parqe të Tiranës.

4  fituesit do t’i ndërtojnë veprat e tyre në bashkëpunim me Bashkinë e Tiranës dhe në përfundim ata do të vendosen  te lulishtja e Teatrit Kombëtar, te Amfiteatri i Liqenit Artificial, te ish-Fusha e Aviacionit dhe te lulishtja e Parkut Rinia.

Në një moment të caktuar Tanini shtrëngoi dorën me Veliajn, duke zyrtarizuar miklimin e tij me bashkinë e Tiranës, që erdhi pas protestave dhe tyrsnisë së shumtë kundër saj.