Këto janë fjalët e fundit të Alexander Prokhorenko, 25 vjeç, specnaz-i (trupat speciale të ushtrisë ruse) që drejtoi nga vetja avionët rusë në mënyrë që të shmangte kapjen evet nga forcat armike të Shtetit Islamik që e kishin rrethuar.

Ato po prekin botën dhe vlerësime të shumta janë bërë nga ushtritë e mjaft vendeve të botës.

Ja cili është traskriptimi i komunikimit radio të fjalëve të fundit të ushtarit rus.

Prokhorenko: “Nuk mund të largohem nga pozicioni im. Më kanë rrethuar dhe po afrohen. Ju lutem nxitoni”.

Komandanti: “Procedo drejt vijës së daljes, e përsëris vija e gjelbër, vija e gjelbër. Shko te zona e sigurt”.

Prokhorenko: “Negative, nuk mundem. Janë kudo, mori fund. Mori fund. Mori fund… kërkoj sulm ajror te pozicioni im. Thuajini familjes time se i dua dhe se vdiqa duke luftuar për atdheun tim. Kryeni sulmin, ju lutem”.

Komandanti: “Negative, kthehu te vija e gjelbër, ky është një urdhër”.

Prokhorenko: “Nuk mundem. Momandant, jam i rrethuar. Janë kudo, nuk dua që të më kapin, do të më bëjnë çdo gjë. Ju lutem më lini të vdes me dinjitet dhe t’i marr me vete të gjithë këta kopilë. Ju lutem është dëshira ime e fundit, unë kam vdekur tashmë. Ju lutem, nuk rezistoj dot gjatë”.

Komandanti: ”… Alexander …konfirmojë kërkesën tënde”.

Prokhorenko: “Tashmë po vijnë drejt meje, nuk kam më fishekë. Faleminderit komandant, thuajini familejs time që i dua, që luftova deri në fund. Ju lutem, kujdesuni për familjen time, hakmerruni për vdekjen time, merrni hakun tim. Lamtumirë komandant, thuajini familjes time se i kam dashur gjitnjë”.

Komandanti urdhëron sulmin nga pozicioni i treguar nga oficeri…

Presidenti Vladimir Putin do të marrë pjesë personalisht si në varrimin shtetëror, duke i dorëzuar heroit nderimin më të lartë të Shtetit, ashtu edhe në ceremonin private të bërë ekskluzivisht për specnaz-ët në një vend të fshehtë.