Cili “humbes” do drejtoje PS_ne e Pogradecit.

Ashtu si në të gjithë Shqipërinë edhe në Pogradec prej disa kohësh nën kujdesin e Deputetit të Librazhdit Taulant Balla është duke u bërë ristrukturimi i PS.Pyetja është se cili prej këtyre humbësve  të zgjedhjeve të 21 qershorit në foto do të vendoset në krye të PS së pogradecit e cila për hir të së vërtetës aktualisht është bërë si cobani pa dele,pasi të shumtë kanë qenë ata të cilët janë larguar nga radhët e saj,pasi kjo e fundit pranoi të hynte në zgjedhje me një kandidate të LSI-së.Dhe nuk ishte cudi që këta të larguar shkuan drejt kandidatit të djathtë asokohe, sot kreu I bashkisë Eduart Kapri.Por kjo nuk ishte arsyeja e vetme se përse socialistët e braktisën partinë, një tjetër arsye ishin edhe punësimet,socilaistët shpreheshin se ata që ishin me LSI-në po hanin me lugë floriri dhe po futeshin kudo dhe për më tepër këtë gjë e bënin edhe demokratët.Dhe në fakt kishin të drejtë pasi socialistët, sot, pas kaq kohësh  në pushtet të partisë së tyre janë ende të papunë.Përpara disa javësh Koordinatori Tulant Balla zhvilloi disa takime me strukturat në Korcë dhe Pogradec dhe ajo që u vu re qartë, ishte se mbizotëronte arroganca,anëtarët nxirreshin si pa të keq jashtë, duke i thënë se nuk ke punë në këtë mbledhje,kishte edhe fjalë të tilla, kush do le të rrijë kush nuk do “gishtat nga thembrat dhe hëëë” Një situatë e tillë u vu re edhe në mbledhjen e Pogradecit, asokohe ku merrnin pjesë edhe deputetët Bashkim Fino dhe Ilir Xhakolli.Në fakt mbledhja po dilte nga kontrolli pasi socialistët filluan të ankoheshin për papunësinë ,zhgënjimet ,mënyrën si po qeverisej,por në këtë rast ndërhyn Tulanti dhe thotë se nuk i duhej cfarë problemesh kishin, sepse mbledhja ishte thirrur për ristrukturim, dhe kujt nuk i pëlqen le të mos rrijë,kjo gjë u vu re qartë edhe kur këta socialistë dolën nga mbledhja, pasi të gjithë rrinin “turivarur”,dikush thoshte që mbledhja kishte pasur debate të forta dhe se faji për këtë, nuk na paskërka qenë i deputetëve të paangazhuar por i bazës e cila ishte cilësuar si tradhëtare.Në fakt se cfarë ndodhi realisht dhe cfarë u tha, nuk u mor vesh, se Taulanti u tregua i prerë duke u thënë mediave që në fillim bëni disa pamje dhe dilni jashtë.Por  sot socialistët të thonë se u fol edhe për arrogancën e drejtorëve që ka punësuar qeveria,por mbi të gjitha të deputetëve që jovetëm nuk kanë as zyra në Pogradec,por duken vetëm kur kanë interes për ndonjë koran, dhe popullin nuk e takojnë asnjëherë,edhe socialistët e Mokrës ishin ankuar për deputetin Xhakolli,ndaj edhe nuk e votuan në zgjedhjet lokale të majtën, ishte thënë në mbledhje. Deputetët e Partisë Socialiste dhe krerët e partisë në rrethe, në raportet për humbjen, kanë identifikuar kandidatin e dobët dhe të pakonsultuar si një ndër arsyet e humbjes. Arsye të tjera kanë renditur braktisjen e bazës, mbajtjen e njerëzve të PD në punë, arrogancën e ministrave etj.Githësesi një gjë është e sigurt që PS-ja e Pogradecit nuk është më e sigurt,themelet e saj u shkundën me zgjedhjet e fundit,kur kandidati i djathtë i rrëzoi pas shumë e shumë vitesh,ndërsa ekziston ende frika se ata që e votuan Edi Kaprin do votojnë sërish ashtu si do u’a kërkojë ai në zgjedhjet parlamentare dhe rrezikon Ps-ja të dobësohet edhe më tej.Por një gjë është e sigurt ,njëri prej humbësve në foto do bëhet kryetar i Ps-së në Pogradec dhe falë tij këtë parti do ta marrë lumi pasi asnjëri prej tyre nuk e duan njëri –tjetrin.