Kur gabimi përsëritet, nuk të ka faj e vërteta
Vjen një bajgë prej Amerike, të na thotë s’e ç’është jeta
Vijnë tredhakët na tregojnë, se kush qe e është Enveri
Por ky popull e mësoi, kur kërciste maliheri…

I. Koleka
KUR KËRCISTE MALIHERI

Gjithë një popull i coptuar, lutet se çdo të vijë nesër,
E grabitën, masakruan, dhe në djall i’a çuan djersën
Ulërin cubëria, s’duam shtet si të Enverit
Kemi Naton…nuk na duhet, gryka flakë e maliherit

Zoti na i dha të tëra, ne mbetëm fukara
Nga pleshti nxjerrim dhjamë, edhe zoti faj s’na ka
Zgjedhim, ç’zgjedhim nëpër vite, veç godasim teneqenë
Prish kusi e bëj kanaçe, prish kanaçe e bëj legen

Kur gabimi përsëritet, nuk të ka faj e vërteta
Vjen një bajgë prej Amerike, të na thotë s’e ç’është jeta
Vijnë tredhakët na tregojnë, se kush qe e është Enveri
Por ky popull e mësoi, kur kërciste maliheri…

https://www.facebook.com/iliriana.koleka

Historia nuk mbaron ketu.

Para pak kohesh pikerisht ne muajin tetor 2014,

Ministrja Kumbaro promovon Enverizmin, e bija e Spiro Kolekës lexon poezi në Ministrinë e Kulturës

Ministria e Kulturës e drejtuar nga Mirela Kumbaro ka rikthyer zyrtarisht “komunizmin” me poezitë lexuar për Enverin Hoxhën. Pas fotografive të Enveristave, përkuljes së ministrit të Drejtësisë dhe miratimit në heshtje të Edi Ramës, një hap tjetër është hedhur në dhunimin e kujtesës nga diktatura staliniste. Me datë 12 shtator, ministrja e Kulturës Mirela Kumbaro ka organizuar në ambientet e ministrisë së Kulturës një promovim libri për të bijën e ish-antarit të Komitetit Qendror, Spiro Koleka, Iliriana Koleka, kushërira e kryeministrit Edi Rama. Në promovimin e librit “Qiell i prenotuar” e bija e Spiro Kolekës, Iliriana Koleka ka kënduar poezi për Enver Hoxhën duke evokuar rikthimin e tij. Një tufë komunistësh të rinj dhe vjetër kanë duartrokitur në ambientet e ministrisë së Kulturës lavdet dhe ditirambet për Enverin.

Poezia e Iliriana Kolekës: “Ata po të thërrasin”.

“Ata po të thërrasin, kanë mbetur pa çati/ Ata po të thërrasin, kanë mbetur pa themel/ E dogjën dhe e vranë të zezën Shqipëri, Tani zënë e kërkojnë: “Ku shkove, o Enver ?!”/ Ata që bashkë me ty u endën barikadash/ Dhe grushtet lart i ngritën, dhe thanë “për liri”/ Ata lëshojnë rënkime, i ka mbërthyer nata/Dhe nata, natë lëshon dhe hedh mbi Shqipëri… Është kuptim plotë për rikthimin në pushtet të gjeneratës së dytë të bllokmenëve. Babai i saj, Spiro Koleka është varrëhmirësi i intelegjencës shqiptare që ka futur në burgjet komunizmit ajkën e poetëve, shkrimtarëve dhe filozofëve. Ajo që është me e turpshmja në këtë rast është fakti që poezia e Iliriana Kolekës për Enver Hoxhën është lexuar në prani të fotografive të martirëve të komunizmit që, në këtë sallë i ka vënë në mure ish-ministri i Kulturës Visar Zhiti, një ish-përndjekur politik. E bija e Spiro Kolekës, Iliriana Koleka nuk ka pasur turp e faqe e zezë të thurë ditirambe për diktatorin stalinist duke poshtëruar të gjithë viktimat e regjimit komunist më të egër të botës. Në jetëshkrimin e saj në internet mësohet se, e bija e Spiro Kolekës, ka lindur në Tiranë në 29 korrik 1959. Kolekët janë me origjinë nga Vunoi, fshat i Himarës, Vlorë. Sipas biografisë së saj, të bërë nga vetë ajo, “Në 1979 qeveria shqiptare bëri hapjen e parë drejt perëndimit, duke dërguar një grup studentësh të shkëlqyer në universitet e Austrisë, Italisë e Francës. Iliriana bënte pjesë në nëngrupin e Francës. Atje studion gjuhën frënge për një vit në fakultetin e letërsisë Bordeaux III (1979-1980), pastaj bën dy vjet përgatitore për konkurset e shkollave të mëdha, Grandes Ècoles (1980-1982) në Bordeaux dhe vitin e tretë të degës Fizikë në universitetin e Pau-së, dega Fizikë. Kthehet dhe diplomohet në Fizikë në Fakultetin e Shkencave të Natyrës në Tiranë në janar të vitit 1985. Punon si fizikante pranë Istitutit të kërkimeve Gjeologjike (1985-1992). Në vitin 1987 boton librin “Energjia e të nesërmes”. Privilegjet në komunizëm të të bijës së Spiro Kolekës, e bëjnë që të adhurojë Envet Hoxhën, diktatorit që i nxiu jetën dhe të ardhmen mijërave familjeve. Iliriana Koleka ka fytyrë të dalë sot e kësaj dite si pinjollë e bllokmenëve të promovojë libra me paratë e taksapaguesve shqiptarë në ministrinë e Kulturës. Ministrja e Kulturës ka një përgjegjësi direkte për zhdoganimin e komunizmit në ambientet e kulturës duke promovuar antikulturën dhe dhunuar për së dyti të përndjekurit e regjimit komunist.
Poezi për Enverin/ ATA PO TË THËRRASIN…

Nga Iliriana Koleka

Ata po të thërrasin, kanë mbetur pa çati,
Ata po të thërrasin, kanë mbetur pa themel
E dogjën dhe e vranë të zezën Shqipëri,
Tani zënë e kërkojnë: “Ku shkove, o Enver ?!”

Ata që bashkë me ty u endën barikadash,
Dhe grushtet lart i ngritën, dhe thanë “për liri”
Ata lëshojnë rënkime, i ka mbërthyer nata
Dhe nata, natë lëshon dhe hedh mbi Shqipëri…

Dhe qielli i mallkimit heq valle përmbi të
Uria-qytetare u bë zonjë përmbi zonja,
Dhe krimi-perandor, i murrëm, i pa zë,
Gjakos e përdhunon fushat dhe malet tona…

Pisllëku dhe malaria, kënetat kanë mbirë,
Mishkonja e nderuar, si kurrë ndonjëherë,
Shurdhia, verbëria as skuqet e as nxin
Mjerimi belbëzon :” Po ngjallu, o Enver !”

Poezi për Enverin/ TË VISH ENVER, ME SHOKË BASHKË

Nga Iliriana Koleka (e bija e Spiro Kolekës)

Shqipëria para çlirimit
Gëlonte nga të shiturit e tradhëtarët
Bejlerë, agallarë e Zogu mbret
Pa moral tjetër, veç parasë

Faleminderit që na shpëtove
Për pesëdhjetë vjet nga kafshë mesjete
Sahanlëpirës injorantë
Turli bejlerësh me njëqind vese

Ti s’je më midis nesh
U bënë gati tridhjetë vjet
Të kam thënë o Komandant
Pa ty, vëndi s’po sheh diell

Populli dhe unë të kërkojmë patjetër
Të vish Enver bashkë me Gjeto Mujin
Të zhdukësh buçet e kriminelët
Ata që çdo ditë e ndrojnë flamurin

Ti me shokë ishit të pastër
Në shpirt kishit vegjëlinë
Ju akuzuan për shumë krime
Po shih këta djajtë si na kanë grirë

Vranë e prenë rininë e bukur
Mbushën varrezat, s’lanë vrima
Me vajzat, yjet e nënave
Me djemtë shqiptarë trima.

Të vish Enver, me shokë bashkë
Me Babën, Haxhiun e tim atë
kohën e dlirë ktheheni mbrapsht
Kur të vobektët kishin fat.