Muaj: Maj 2016

Kategori
Uncategorized

Identiteti i dyfishtë i Bushit si Kastriot C. dhe atentati në Napoli.

9 muaj pasi doli nga burgu në Busto Arsizio, dhe dy pasi ishin mbyllur hetimet, Artur Bushi mori një ftesë të rrallë. Kryetari i PS, Rama e ftonte të kandidonte për Kryetar Komune në Thumanë në zgjedhjet e vitit 2011. Të mbërrish nga qelitë e burgut në karrigen e një Kryetari komune dhe mw pas nw manatin e deputetit dhe karrigen e kryebashkiakut tw Krujws,  natyrisht që kjo do të ishte ëndrra më e madhe për çdo trafikant droge dhe prostitucioni. Nuk kishte si të ndodhte ndryshe me Bushin, i cili menjëherë e pranoi ftesën e Ramës dhe me paratë e fituara nga trafiku i kokainës e prostitucionit nisi fushatën, të cilën e bitisi me fitore në këtë zonë.
Prej këtu, Bushi nisi një karrierë tjetër atë të politikanit. Një shprehje e lashtë thotë se gjithmonë do të gjendet një laps për të shkruar të ardhmen, por kurrë nuk do të gjendet një gomë për të fshirë të shkuarën. Ndoshta Bushi nuk e kishte menduar asnjëherë se letrat e punëve të tij të pista të emigrimit do të mund të hapeshin një ditë. Në formularin e dekriminalizimit Bushi ka pranuar arrestimin e tij për trafik droge në qershorin e vitit 2010. Ai thotë se ka qëndruar në qeli deri më 24 korrik të atij viti dhe më pas është liruar pas vendimit të Gjykatës dhe kërkesës së Prokurorit. Arsyeja e vërtetë e këtij lrimi të Bushit është disi ndryshe. Ashtu sikurse flasin edhe mediat italiane, Bushi është arrestuar në flagrancë për trafikun e kokainës nga Holanda. Ai ka qenë në krye të kësaj organizate që trafikonte lëndën narkotike. Hetimi ka vazhduar për afro 1 vit nga autoritetet italiane. Përgjimet e bëra nga hetuesit italianë, një pjesë e të cilave mund të botohet në ditët e ardhshme, japin të plotë tablonë dhe rolin e Bushit në këtë trafik kokaine. Arsyet e lirimit të tij kanë pasur të bëjnë me një tjetër pakt që është arritur mes tij dhe të arrestuarve të tjerë, një prej të cilëve ka marrë përsipër barrën e trafikimit, duke parë edhe gjendjen e rënduar të Bushit. Kjo ka sjellë më pas edhe vendimin e Gjykatës për ta liruar.

Arrestimi për prostitucion

Në formularin e dekriminalizimit Bushi thotë se është arrestuar dy herë në Itali, një herë për arsye që atij nuk i kujtohen dhe një herë tjetër për trafikim të lëndëve narkotike. E vërteta është disi ndryshe. Në arrestimin e parë, të cilin ai e pranon në formular dhe që ka ndodhur në vitin 1996 në Caserta të Italisë, arsyeja e mbajtjes së tij në qeli ka qenë për trafik prostitucioni. Ai ka mundur që të dalë sërish nga burgu në një mënyrë të dyshimtë dhe pas një pakti të pistë me autorë të kësaj historie. Gjithsesi ky hetim dhe ky arrestim nuk e nxjerr atë të pastër edhe nga kjo vepër penale, pavarësisht se ai nuk është dënuar me vendim të formës së prerë.

Bushi fsheh emrin e dytë Kastriot C.

Në formularin e dekriminalizimit ka një pyetje, e cila kërkon nëse personi që e plotëson atë ka pasur gjeneralitete të tjera në të shkuarën? Rama e pranoi se ka pasur një të tillë kur tha se e ka pasur emrin Edvin dhe e ka ndryshuar në Edi. Kryebashkiaku i Kurbinit thotë se ka pasur 4 emra, ndërsa dyshohet se ka fshehur edhe dy emra të tjerë. Në këtë pikë Bushi ka bërë një gabim, i cili e penalizon atë dhe e çon direkt për ndjekje penale dhe deri në burg, pasi ai ka fshehur gjeneralitetin me emrin e dytë që ka mbajtur një periudhë të shkurtër kohore në Itali. Ai ka mbajtur atje edhe emrin Kastriot C. (Gazeta nuk mund ta publikojë të plotë mbiemrin për shkak se ai është një person konkret). Ky identitet i është vjedhur një qytetari i cili jeton sot në Shqipëri.

Pse e fshehu?

Arsyeja se përse Bushi e ka fshehur emrin e dytë ka të bëjë me një ngjarje të rëndë që ka ndodhur në zonën e Napolit. Bushi ka bërë një atentat, duke plagosur dy persona, të cilët ishin duke udhëtuar me automjetin e tyre për shkak të konflikteve të vjetra që kishin mes tyre. Dy personat në gjendje të rëndë nga atentati kanë mundur të mbijetojnë plagëve edhe për shkak të fatit, pasi aty pranë është ndodhur një autoambulancë. Kjo çështje ka nisur të hetohet në Napoli gjatë kohës që Bushi ishte atje me emrin e tij të vërtetë. Kur ai ka shkuar që të rinovojë dokumentat në Kuesturë, policët i kanë thënë se ai duhet të porsite për t’iu përgjigjur disi dyshimeve që policia kishte në lidhje me Bushin. Në mënyrë të shpejtë Bushi është larguar nga Kuestura, duke u nisur menjëherë për në Shqipëri. Veprimi i parë që ka bërë kur ka mbërritur këtu ka qenë ndryshimi i emrit. Ai është pajisur me një pasaportë tjetër me emrin Kastriot C. Me këtë identitet, ai ka shkuar sërish në Itali. Bushi ekziston me identitetin e tij në Caserta, ndërsa në Napoli ai njihet me gjeneralitete Kastriot C. Majde me këtë emër, ai ka bërë në gjendjen civile të zonës edhe veprime të tjera familjare, lehtësisht të evidentueshme nga Prokuroria, e cila do të hetojë të dhënat e të gjithë kontigjentit kriminal të Ramës në Parlament, Bashki dhe administratë.

“Varesse NEWS”:  Bushi, pjesë e kartelit të drogës

Të rinj, të edukuar dhe të mirintegruar në territorin e Galaratës. Pra, “djem të mirë”, të paktën kështu thoshin komshinjtë e shtëpisë në “Monte Leone”, lagjen periferike të Morixhias, se ata nuk kishin vënë re asgjë. Nuk kishin vënë re as që ata djemtë e mirë të derës ngjitur ruanin dhe paketonin drogë të importuar nga Holanda, e destinuar për t’u shitur më pas në gjithë Italinë.
Bledar Debrova, shefi i të ashtuquajturës “Debli”, 34 vjeç, Ndriçim Hindraliu, i quajtur ‘Çimi’, 30 vjeç, Bujar Hasani i quajtur ‘Polpeta’, 26 vjeç, Roland Abesci, i quajtur ‘Landi’, i vitit 1964, Artur Bushi, i quajtur “Turi”, 34 vjeç, Besim Kadiu dhe Erjon Tarja, i quajtur ‘Eri’, 27 vjeç. Një bandë e tërë dhe e vërtetë me role të mirëpërcaktuara, që për komandandin e Policisë së Shtetit në Galaratë, Franco Novati, i cili bashkë me Prokurorinë e Busto Arsizio kanë ndjekur hetimet, kanë përmendur qendrime tipike të “mafies sonë”: hierarki, organizim, kohezion, të lidhur me familjen dhe traditat.
Prej muajsh forcat e Komisariatit të Galaratës i ishin vënë pas këtij grupi, të cilët kanë zbuluar se grupi i trafikantëve me kombësi shqiptare që furnizonin tregun e Galaratës, një herë në katër muaj, pjesëtarë të grupit merrnin avionin dhe fluturonin për Amsterdam.
Një trafik i mirorganizuar dhe shumë fitimprurës, i cili mund të gjeneronte edhe 1 milion euro; Bledar Debrova, shefi, nga Elbasani, qyteti i tij i origjinës ishte pronar i pasurive të patundshme dhe ishte duke hapur një aktivitet të ri, biznes hotelerie. Precedentët ishin të vegjël, dikush për shfrytëzim prostitucioni, dikush për emigrim të paligjshëm, por askush për drogë.

Bushi, pjesë e bandës kriminale të Morrigia-s

Banda e trafikut të kokainës, ku bënte pjesë Artur Bushi, sot Kryetar i Bashkisë së Krujës, importonte kokainë nga Holanda në Itali. Para se të bëhej deputet më 2013, policia italiane e arrestoi Bushin më 11 qershor 2010 në qytezën e Gallaratës. Ai ishte i dyshuar si pjesë e një organizate kriminale, të njohur si banda e Morriggia-s. Franco Novati, një ish-komandant policie në Gallarate, i cili drejtoi hetimin, i tha BIRN se kjo bandë importonte kokainë nga Holanda në Itali.
“Kur ne i vumë nëntë prej tyre nën përgjim, ata folën për ‘pjesë këmbimi’, por ne e dinim se kjo qe fjala në kod për kokainën”, rikujtoi ai. Novati tha se, kokaina vinte nga Amsterdami përmes korrierëve dhe shitej me shumicë te bosët vendorë në Breshia, Modena, Luka dhe Piaçenza. “Ne ndërhymë në transportin e fundit të 10 apo 11 kileve të kokainës nga Holanda dhe arrestuam bandën”, shtoi ai. “Ai (Artur Bushi) qe pranë bosit të bandës Morrigia”, shtoi ish-shefi i policisë, aktualisht në pension.

Kush i verifikon të dhënat e dekriminalizimit

Faza më e rëndësishme e ligjit të dekriminalizimit është ajo e verifikimit të vërtetësisë së të dhënave të shënuara në formularët e vetëdeklarimit.
Sipas ligjit të dekriminalizimit, i miratuar me konsensus javë më parë, janë 16 institucionet që do të kryejnë verifikimet e para të formularëve të plotësuar nga të zgjedhurit dhe të emëruarit në poste publike.
Komisioni Qendror i Zgjedhjeve do të verifikojë deklaratat e deputetëve dhe kryetarëve të bashkive, Departamenti i Administratës Publike, DAP do të verifikojë formularët e vetëdeklarimit të plotësuar nga punonjësit e administratës, KLD ato të gjyqtarëve dhe prokurorëve të vendit, Kuvendi të drejtuesve të institucioneve kushtetuese që emërohen nga ky institucion.
Ndërkaq, Presidenca do të verifikojë ambasadorët e vendit tonë në botë, drejtorin e Shërbimit Informativ të Shtetit, kryetarin e Akademisë së Shkencave dhe rektorët e universiteteve, shefin e Shtabit të Përgjithshëm, si dhe komandantët e Forcave Tokësore, Detare dhe Ajrore, plus çdo funksionar tjetër publik të emëruar prej tij, me përjashtim të Kryeministrit dhe anëtarëve të Këshillit të Ministrave.
Në listën e institucioneve të verifikimit janë edhe Kryeministri, prefekti, drejtori i Shërbimit Informativ apo ai i Policisë së Shtetit për vartësit përkatës.
Verifikimi nga këto institucione ku dorëzohet formulari do të bëhet në javët dhe muajt në vazhdim sipas parashikimit të ligjit dhe në rast se do të ketë dyshime për deklarata të rreme, atëherë secili prej këtyre institucioneve i drejtohet Prokurorisë së Përgjithshme.
Kjo e fundit, që në momentin e hyrjes në fuqi të ligjit të dekriminalizimit ka ngritur një grup të posaçëm, që përbëhet nga 2 prokurorë, tre oficerë të Policisë Gjyqësore dhe një punonjës IT, të cilët do të hetojnë çdo rast që do t’u paraqitet brenda 3 muajve.
Edhe pse ligji e parashikon Prokurorinë si një institucion të shkallës së dytë për verifikimin e formularëve të vetëdeklarimit, kjo nuk ia heq të drejtën organit qendror të akuzës që në rastet kur ka dyshime të iniciojë vetë verifikimet për të zgjedhurit dhe emëruarit në poste publike.

Arben SHAHINI

Kategori
Uncategorized

Ose Idiot ose Rilindës – Nga Artan Hoxha.

Nga Artan Hoxha

Demokratet dolën, në kohen e duhur, me një projekt të tyrin për ndryshimet kushtetese lidhur me Reformën në Drejtësi.

Projekti demokrat nuk e fillon çështjen nga e para sic pretenduan Rilindësit, por përmes thjeshtësisë, u jep zgjidhje kokolepsjeve të qëllimshme në modelin organizativ të Drejtësisë Rilindëse si dhe, përmes balancës politike në votimet e Kuvendit shmang kontrollin e njëanshem politik të drejtësise nga çdo mazhorancë e radhës, përfshirë aktualen.

Modeli i Drejtësisë Rilindëse, ndonëse u ndryshua dy herë për shkak të kritikave të rrepta të Komisionit të Venecias,  mbijetoi si koncept e strukture edhe në projektin e tretë paraqitur si produkt i dy ekspertëve te huaj në maj 2016, projekt qe e sugjeroi ne mirebesim, pa e lexuar vetë më pare, ambasadori amerikan, ndonëse të tjerët i keshilloi ta lexojnë me kujdes.

Të detyruar të ruanin konceptin dhe strukturën rilindëse, varianti i propozuar nga dy ekspertët e huaj ndërsa nuk eliminonte konfliktet  e kompetencave arrinte në absurd me ekzagjerimin e përdorimit të shortit si zëvendësues i vendimmarrjes në Kuvend dhe institucione të tjera. Ky projekt e humbi besueshmërinë edhe për shkak të futjes klandestine të nenit të famshëm 25 për ish-ministrat që dilnin jashtë kompetencës së Prokurorisë dhe Gjykatës së Posaçme.

Ne fakt, problemet e shumta edhe të të dy modeleve rilindëse dhe të këtij të tretit nuk mund të zgjidhen pa ndryshuar thellësisht, gjerësisht e thelbësisht konceptin dhe strukturën.

Mbivendosja e koklavitur e konfliktuale e kompetencave inspektuese e vlerësuese disiplinore mes Inspektorit të Lartë të Drejtësisë (ILD), Këshillit të Lartë të Drejtësisë (KLD), Këshillit të Lartë të Prokurorisë (KLP) dhe Tribunalit Disiplinor të Drejtësisë (TDD), skemë që shkaktonte ose forcimin e tarafit ose paqeverisshmëri të sistemit, eliminohet nga projekti i thjeshtë demokrat.

Projekti demokrat ndryshon kompetencat e ILD, kompaktëson natyrshëm kompetencat inspektuese me ato vlerësuese, emëruese dhe ndëshkuese të KLGJ dhe KLP, eliminon TDD, rolin e të cilit ia kalon arsyeshëm Gjykates Kushtetuese (GjK) si i vetmi institucion që, duke qenë jashtë sistemit të gjykatave, funksionon pa asnjë konflikt kompetencash si instance apelimi për procesin disiplinor.

Komisioni i Venecias dha disa formula për zgjidhjen e çështjeve të pastra politike. Dy ekspertët e huaj por edhe përfaqesuesit politikë të ndërkombëtarëve nuk janë përzier dhe ia lanë palëve politike shqiptare gjetjen e dakordësisë për këto çështje.

Rilindësit nuk kanë bërë asnjë hap në këtë drejtim e nuk ka dhënë asnjë shenjë se kanë ndërmend të tunden nga përdorimi i 3/5-tës së votave në Kuvend ndërsa LSI-stët thonë fraza dykuptimëshe.

Në këto rrethana, Demokratët përzgjodhën një nga formulat veneciane për kompozimin e KLGJ dhe KLP. Kështu, nga pesë anëtarët jo-gjyqtarë të KLGJ, dy përzgjidhen nga mazhoranca, dy nga opozita ndërsa i pesti perzgjidhet me 3/5-tat e votave nga lista e kandidatëve të renditur nga GjK. Po kështu edhe pesë anetarët jo-prokurorë të KLP.

Demokratët propozojnë gjithashtu që: Prokurori i Pergjithshëm të përzgjidhet me 3/5-tat e votave të Kuvendit nga lista e kandidatëve të renditur nga KLD; tre anëtarët e GjK që i takojnë Kuvendit të përzgjidhen me 3/5-tat e votave nga lista e kandidatëve të renditur nga vetë GjK.

Për të evituar çdo rrezik kapjeje të njëanshme të pushtetit gjyqësor, në nxitim e sipër  gjatë periudhës tranzitore, demokratët propozojnë, që nga monenti i hyrjes në fuqi të ndryshimeve kushtetuese deri me 1 shtator 2017, pra deri në fillimin e punës së Kuvendit të ardhshëm,  votimet e mësipërme, vetëm në rast nevoje dhe pa mbarim artificialisht të parakohshëm të mandateve ekzistuese, të bëhen vetëm me 2/3-tat e votave të të gjithë deputetëve.

Skema e thjeshtë organizative e propozuar nga Demokratët, kombinuar me skemën e balancuar të përzgjedhjes nga Kuvendi hedh në kosh Këshillin e Emërimeve në Drejtësi (KED), krijuar ex-ufficio si organizëm okult në modelin rilindës, mbetur si organizëm absurd në variantin e dy ekspertëve të huaj. Edhe absurdi i krijimit të dy gjykatave të larta eliminohet në propozimin demokrat.

Demokratët propozojnë një zgjidhje inteligjente për procesin e rivlerësimit të gjyqtarëve dhe prokurorëve (vetting). Demokratët propozojnë që vetting i GjK, KLD, KLP, ILD, të bëhet i pari në radhë dhe vetëm nga ndërkombëtarët. Paskëtaj, këto katër institucione, të ngritura për së pari e për së mbari, ushtrojnë të gjitha kompetencat përfshirë vetting mbi gjithë gjykatësit e prokurorët e tjerë të të gjitha instancave.

Skema  demokrate e vetting funksionon thjeshtë e shpejt, eviton diskutimet e pafund se kush do të perzgjedhë komisionerët e vetting si dhe eviton konkurrencën disa vjeçare të dy sistemeve paralele vlerësuese e ndëshkuese, atë të përhershëm dhe atë të përkohshëm të vetting, që përbën ose absurdin ose hilenë më të madhe të skemës rilindëse për vënien nën kontroll të njëanshëm e afatgjatë të Drejtësisë, mbetur e këtillë edhe në draftin me të fundit të dy ekspertëve të huaj, ndonëse e dobësuar disi.

Projekti demokrat propozon mjaft përmirësime të tjera teknike, jep në çdo rast mekanizmin zhbllokues kur votimet në institucionet përkatëse nuk arrijnë të japin rezultat si dhe eviton vakumet dhe/ose mbivendosjet e kompetencave institucionale gjatë fazës tranzitore të kalimit nga struktura e sotme në strukturën e re. Projekti është një transplantim i suksesshëm, koherent e kompakt, i vërejtjeve dhe rekomandimeve të Komisionit të Venecias. Në rrethanat e dhëna, kur puna s’mund të nisë nga e para, projekti demokrat është optimal.

Me këtë projekt si dhe me propozimet që kanë dhënë për Gjykatën, Prokurorinë dhe Njësinë Hetimore Kundër Korrupsionit dhe Krimit të Organizuar Demokratët treguan edhe kapacitetet e larta teknike që kanë në çështjet kushtetuese edhe gatishmërinë për një reforme të duhur të drejtësisë.

Cilido që, me apo pa lexim, do të ishte kundër thelbit të propozimeve demokrate e do të vijonte në favor të modeleve pararendëse, modele që do të na jepnin një drejtësi tërësisht të kapur njëanshmërisht e të çimentuar si të këtillë për një kohë të gjatë, është ose Idiot që s’di se ç’e pret nga një drejtësi e këtillë ose Rilindës që e di mirë se ç’don të arrijë.

/Shkruar për SYRI.net/

Kategori
Uncategorized

A po thonë politikanët të vërtetën në formularë?! Zbulohet “gënjeshtari” i parë, ja cili është!

A po thonë politikanët të vërtetën në formularë?! Zbulohet "gënjeshtari" i parë, ja cili është!

 

Pas publikimit të formularëve të dekriminalizimit, ku shumica prej zyrtarëve rezultuan të inkriminuar ose nën hetim, kanë ardhur dhe dyshimet e para. Mendohet se këto formularë po paraqesin të dhënat e sakta të politikanëve, por nga hetimet e para duket se nuk rezulton kështu.
Kreu i Bashkisë së Pustecit, Edmond Themelko, rezulton se nuk ka treguar të vërtetën në formularin e vetëdeklarimit sipas ligjit për dekriminalizimin.
Themelko pretendon se nuk ka qenë nuk ka qenë në hetim ose gjykim nga një autoritet i huaj për kryerjen e veprave penale, nuk është ndaluar dhe as arrestuar dhe as i është caktuar ndonjë masë sigurie.
Por në fakt në shkurt të vitit 2016, Prokuroria Speciale në Maqedoni përfshiu në hetimin për çështjen “Titaniku” edhe Edmond Themelkon, i cili u lajmërua zyrtarisht se u arrestua së bashku me zyrtarë të tjerë të lartë maqedonas.
Themelko u akuzua për manipulim të zgjedhjeve në Maqedoni pasi rreth 400 banorë të kësaj bashkie që mbajnë dhe pasaportë maqedonase votuan në shtetin fqinj.
Themelko, në zgjedhjet e fundit nga kandidat i të djathtës doli si përfaqësues i koalicionit PS-LSI në zgjedhje lokale të vitit 2015, kur u zgjodh sërish kryetar bashkie.
Kategori
Uncategorized

Adriatik Llalla nxjerr zbuluar Tahirin: Letra e Panzas nuk ka firmë, vulë dhe datë! Nuk konsiderohet material procedurial.

Adriatik Llalla nxjerr zbuluar Tahirin: Letra e Panzas nuk ka firmë, vulë dhe datë! Nuk konsiderohet material procedurial

Postuar: 20/05/2016 – 18:09

Detaje të reja që nxjerrin zbuluar ministrin e Brendshëm, Saimir Tahiri, janë zbuluar për pajisjen e përgjimit. Mësohet se letra e dërguar nga Italia është pa firmë, vulë dhe datë.
Për ëktë arsye, Prokuroria e Tiranës nuk e konsideron material procedurial dhe ka nisur një hetim mbi çështjen.
“Nuk përcaktohet me çfarë ciëlsie e ka shkruar letrën A. Panza. Shkresa e Panzas nuk ka firmë, vulë dhe datë. Nuk konsiderohet material procedurial”, kanë thënë burime nga organi i akuzës.
Gjithashtu, në letrën e Panzas nuk gjenden përgjigje mbi informacionin e kërkuar nga (interforca).
Kategori
Uncategorized

Tmerr i vërtetë: Kina ka filluar të shesë edhe mish njeriu!

kina
kina2kina3
Në një fabrikë të mishit në Kinë, që qartë mund të thuhet se shihet edhe mishi i njeriut, ka pushtuar rrjetet sociale duke kritikuar ashpër ata dhe, duke kërkuar një dënim të fortë për një akt të tillë.
Fotografitë kanë filluar të qarkullojnë në Facebook, duke irrituar njerëzit nga shpifja që bëjnë ata, ku shihet mishi i trupit të njeriut brenda një fabrike të mishit.

Kina po mohon këto pretendime të kufomave të njerëzve, dhe shitjes së këtij mishi, edhe pse thuhet nga të tjerët se ky mish është përdorur si produkt në formë të konservave dhe është shitur në Afrikë.

Edhe ambasadori i Kinës në Zambia ka mohuar këto akuza ku thuhet se mishi i njeriu po përdoret nga ata për të bërë mish të kripur dhe për t’i shitur në Afrikë, ai thotë se nuk është e vërtetë.

Yang Youming, gjithashtu pretendon se këto shpifje po bëhen për të prishur partneritetin në mes Zambia dhe Kinës.

Një përdorues në Facebook, ka ndarë këto imazhe duke i bashkangjitur titullin “Kinezët kanë filluar prodhimin e mishit të kripur me kufoma, dhe po i dërgon në Afrikë”.

“Ju lutem qëndroni larg mishit të kripur, pavarësisht nga marka që ka, në veçanti në Afrikë dhe dyqanet ushqimore afro-aziatike”, ka shkruar ai.

Ndërkaq fotografitë e tmerrshme, ku duket qartë që është një kufomë e njeriut, e nëse ajo që po mohojnë kinezët dhe ambasadori i tyre është e pavërtetë, atëherë lind pyetja se çfarë bënë kufoma e njeriut në fabrikë të mishit të kafshëve?

Ambasadori i Kinës në Zambia, ka bërë thirrje që të bëhet një hetim i këtyre akuzave, dhe ka kërkuar falje tek Zëvendës Ministri i Mbrojtjes në Zambia, Christopher Mulenga.

Edhe pse dy vendet deri tani kanë pasur partneritet të fortë, këto fotografi dhe akuza kanë rritur në masë të madhe tensionin në Zambia, madje kanë thënë se do të hulumtojnë detajisht mbi këtë rast.

Kategori
Uncategorized

Turqi-Shqipëri, “sherr” për Sami Frashërin.

turqi 2

Ka qenë një simpozium i thjeshtë për rilindasin Sami Frashëri, midis Universitetit të Tiranës dhe atij të Trakës në Turqi, ai që ka ndezur debatin akademik për autorësinë e veprës së tij “Shqipëria ç’ka qenë, ç’është dhe ç’do të bëhet”.

Pala turke ngre pretendimin duke folur për Top Channel.

“Vepra në fjalë mund të jetë e Sami Frashërit, por edhe mund të mos jetë. Unë kundërshtoj shqiptarët që thonë se, patjetër që është e Samiut, sepse kjo është botuar në Bukuresht në një formë joformale. Në 1889-n është bërë përkthimi në turqisht. Sami Frashëri ishte vet gjallë dhe kurrë nuk bëri një deklarim nëse vepra ishte e tij apo jo”, tha Prof. Dr. Yuskel Tapalogu, akademik.

“Nuk ka dyshim për studiuesit tanë që kjo vepër është e Sami Frashërit. Njerëz të këtyre përmasave nuk duhen parë të ndarë midis kombesh”, deklaroi Prof. Dr. Shezai Rrokaj, dekan i Fakultetit të Historisë dhe Filologjisë.

“Mbështes plotësisht argumentet e akademikëve shqiptarë, që ajo është një vepër e shkruar nga rilindasi i madh shqiptar”, u shpreh edhe Dr. Valentina Duka, zv.dekane e Fakultetit të Historisë dhe Filologjisë.

Madje pretendimet e palës turke për të shpëlarë historinë shkojnë deri në krahasimin e Perandorisë Osmane me Bashkimin Europian të ditëve të sotme.

“Këta që mbeten ende nën vizionin e një politike irredentiste të të ashtuquajturit rikonstituim të perandorisë, ndërkohë që popujt sot shkojnë drejt vizioneve të reja siç është ai i Bashkimit Europian”, tha më tej Prof. Dr. Shezai Rrokaj.

Sami Frashëri konsiderohet arkitekti i shtetit shqiptar. Erudit, studiues i gjuhës dhe i kulturës shqipe, kritik i shoqërisë osmane, ai krijoi filozofinë e një rilindasi të vërtetë.

“Shqipëria ç’ka qenë, ç’është dhe ç’do të bëhët” mëshiron pjesën më të rëndësishme të krijimtarisë së tij për kontributin e krijimit të shtetit.

Kategori
Uncategorized

‘KJO RACË E RE BASTARDE: EDHE TË VJEDHIN, EDHE TË TALLIN’.

Analisti Fatos Lubonja ka reaguar ashpër ndaj skandaleve të fundit që kanë përfshirë qeverinë shqiptare. Në një opinon të publikuar në të përditshmen “Panorama” ai thotë se “me këta rilindësit jemi përpara një humnere të re”.

Jemi përpara një rrace të re hajdutësh: nga ata të që pasi të vjedhin, jo vetëm të shohin në sy pa iu dridhur qerpiku, por, po u ankove, me paturpësinë më të madhe fillojnë të të tallin e të përqeshin duke të thënë: je qorr, je budalla që nuk e sheh se ne po t’i mbushim, s’po t’i zbrazim xhepat. Nëse ti qan, ata gajasen edhe më; nëse, i revoltuar, ngulmon t’u japësh prova se xhepat e tu po boshatisen, të fusin edhe ndonjë të rrahur…”

Sipas Lubonjës, ata e përdorin dhunën me më të dobëtit dhe në rastet kur e kanë shkelur vetë ligjin. Analisti thotë se sistemi ekonomik i bazuar mbi krimin degjeneroi në futjen e kriminelëve në parlamet e bashki të ndryshme.

Ai flet edhe për modelet e racës së re të politikanëve, që i quan më bastardët që ka nxjerrë Shqipëria në këto 25 vite.

Një kryemashtrues dhe kryegënjeshtar si Edi Rama ka prodhur klonimet e tij të tipit Veliaj, Tahiri, Balla, që nuk u bën syri tërr të ta japin ta hash me zor sapunin për djathë, të të bëjnë qorr e budalla po s’e hëngre, të bindur se gënjeshtra dhe mashtrimi sy për sy janë rruga e sigurt e suksesit, pasi askush nuk u ka treguar vendin ende”.

Lubonja jep edhe shembuj konkretë:

Vështroni rastin e fundit të “Eskobarit” të Ballkanit se si e shpëtuan nga duart e policisë europiane pa pikë turpi dhe nuk thonë asnjë fjalë. Shikoni se si tallen pasi u është zbuluar se kanë sjellë në mënyrë të paligjshme në zyrat e shtetit një aparat përgjimi të qytetarëve. Shikoni se si, pasi Gjykata Kushtetuese ka dhënë provën finale se deputeti i tyre Kokëdhima ka marrë një numër të pafundëm tenderësh në kundërshtim me ligjin, akuzojnë drejtësinë, në vend se të klërkojnë procedimin penal. Shikoni se si as u zverdhet dhe as u skuqet fytyra kur kryebashkiaku i zgjedhur prej tyre në Kavajë deklaron se nuk e mban mend pse është dënuar në Gjermani”.

Lubonja konstaton i dëshpëruar se mashtrimet e qeveritarëve nuk kanë fund në këto tre vjet. Ai thotë se dikur i konsideronte si të keqen më të vogël, por sot ka ndryshuar mendim.

Gjithnjë e më shumë po shtohet numri i atyre që të thonë se s’ka kuptim t’i vësh më në një kandar me PD-në dhe LSI-në, si pjesë e të njëjtit sistem, pasi këta, përveç të këqijave të sistemit, shtojnë edhe paturpësinë e arrogancës dhe injorancën e paturpësisë me të cilën kërkojnë të na i imponojnë vjedhjet dhe mashtrimet e tyre si e vërteta e fundit, si ekspertiza e ekspertizës, si shembulli se si bëhen gjërat edhe në Europë”.

Dëshpërimi i Lubonjës arrin kulmin kur shprehet se “kur mbaron fjala, gjykon palla”. Ai kërkon një alternativë që të jetë diçka më e mirë se “bashkimi i qelbësirave kundër tyre”.

Problemi për t’u zgjidhur po bëhet gjithnjë e më akut: Si të shpëtojmë nga këta lloj kafshësh që po na çmerisin përditë e më shumë pa sjellë në pushtet Sali Berishën dhe pa fuqizuar edhe më Ilir Metën”

Ai thotë se ky duket një ekuacion i pamundur, por duhet zgjidhur sa më shpejt. Ndryshe…

Sot të shohin në sy e të përqeshin pasi të vjedhin, nesër do na nxjerrin sytë dhe pastaj do na vjedhin.”

Kategori
Uncategorized

S’po të njoh më Shqipëri!!!

2016-05-20 07.50.39

S’po të njoh më Shqipëri!!!

nga Ferdinant Veliu.

Jetimët,çdo njeri duhet të reflektojë dhe të dhurojë dashuri,respekt jashtë çdo paragjykimi për këtë pjesë të dhimbshme që fati e ka privuar nga dashuria dhe ngrohtësia prindërore.

Në të gjithë botën janë me qindra organizata shtetërore,jo qeveritare apo individë që i janë përkushtuar kësaj kategorie duke i ndihmuar.Ne shqiptarët gjithmonë kemi pasur një traditë mjaft të çmuar në raport me popujt e tjerë,dhe ky ka qënë humanizmi.Por këto vitet e fundit nuk po e njohim më Shqipërinë .

Nuk është më ajo Zonja krenare e veshur plot virtyte dhe respekt.Është tjetërsuar.Fatkeqësisht shoqëria shqiptare e favorizuar edhe nga situata kaotike në çdo institucion shtetëror ka shpërthyer portën dhe ka hyrë në kopshtin e antivlerave ku krahas qindra skandaleve vinë edhe disa nga shtëpitë e fëmijëve ku hipokrizisht u kanë vënë emra tingëllues por që në to kënaqen epshe seksuale dhe sadiste të manjakëve që janë të besuarit ose më saktë “gardianët”që duhet ti mbrojnë.

Ndodhi para dy vjetësh në Tiranë,pastaj në Shkodër,prapë në Shkodër,ka ndodhur në Sarandë.

Asnjë titullar i ndaluar,një ministër patetik me një të folur idiote pa pikë përgjegjësie deklaron se ka çuar udhëzim për shkarkim por se kanë dëgjuar.Është më shumë se skandaloze,është më shumë se vepër penale nëse ne qytetarët jemi nënshtetasit e kësaj Republike,jetimët janë bij direkt të Republikës pra shkalla më e afërt me qeverinë dhe institucionet e saj.Dhe qeveria është përgjegjsja kryesore për mbarvajtjen dhe të ardhmen e kësaj pjese fatkeqe.Por për turpin e këtij Kryeministri dhe Ministri sharlatan janë braktisur,janë hedhur në gojën e hapur të krimit duke u bërë viktimat më të pafajshme të kesaj shoqërie që është në gjumë.

Nuk u kanë vënë në krye edukatorë por persekutorë.

Përdhunohen,dhunohen,poshtërohen,kërcënohen me uri dhe përjashtim nga këta kanibalë të rritur në kopshtin qeveritar.
Nuk po të njoh më Shqipëri.

Ke degraduar çdo virtyt, traditë,je kthyer në një fushë dhimbjeje ku viktimat çdo ditë akuzojnë,je tjetërsuar.Ç’është ky indiferentizëm karshi dramave dhe tragjedive që po të ndodhin .
Ky nuk është Atdheu ynë!!
Instalimi i perversitetit në shumë pjesë të popullsisë ka shkatërruar familjen,moralin te cila na dallonin nga kombet e tjerë ku vlerësoheshim dhe ishim krenarë.Degjenerimi i mbjellë në këto vite është i frikshëm në mënyrë të shëmtuar po kaplon brezin e ri.Kjo nuk është Shqipëria ime as e juaja .Ne nuk kemi qënë kurrë kështu.Sepse për ne jetimët,kanë qënë të shënjtë,dhe jo qënie inferiore ku psikopatë zyrash të eksperimentojnë epshe shtazarake.
S’po të njoh më Shqipëri.

Spo ju njoh më o njerëz.Sepse skemi zë,skemi forcë,e mbi të gjitha sepse nuk duam të përballemi..Po po mendojmë se do humbim kredite por harrojmë se po humbim atë që është gjithçka për një frymor,Zërin.Për të kërkuar llogari,për të dënuar,për të mundësuar ditë ndryshe ku edhe vetë ne nuk do jemi të rrezikuar.
Ju mendoni si të doni por nuk kanë përdhunuar dhe dhunuar vetëm tre apo pesë fëmijetimë.Fatkeqësisht jeni ne të abuzuarit e mjerë më të mëdhenj.Ëngjëjt e dhunuar nuk akuzojnë vetëm djallin,por të gjithë sistemin politik dhe shoqëror.

Kategori
Uncategorized

S’po të njoh më Shqipëri!!!

2016-05-20 07.50.39

S’po të njoh më Shqipëri!!!

nga Ferdinant Veliu.

Jetimët,çdo njeri duhet të reflektojë dhe të dhurojë dashuri,respekt jashtë çdo paragjykimi për këtë pjesë të dhimbshme që fati e ka privuar nga dashuria dhe ngrohtësia prindërore.

Në të gjithë botën janë me qindra organizata shtetërore,jo qeveritare apo individë që i janë përkushtuar kësaj kategorie duke i ndihmuar.Ne shqiptarët gjithmonë kemi pasur një traditë mjaft të çmuar në raport me popujt e tjerë,dhe ky ka qënë humanizmi.Por këto vitet e fundit nuk po e njohim më Shqipërinë .

Nuk është më ajo Zonja krenare e veshur plot virtyte dhe respekt.Është tjetërsuar.Fatkeqësisht shoqëria shqiptare e favorizuar edhe nga situata kaotike në çdo institucion shtetëror ka shpërthyer portën dhe ka hyrë në kopshtin e antivlerave ku krahas qindra skandaleve vinë edhe disa nga shtëpitë e fëmijëve ku hipokrizisht u kanë vënë emra tingëllues por që në to kënaqen epshe seksuale dhe sadiste të manjakëve që janë të besuarit ose më saktë “gardianët”që duhet ti mbrojnë.

Ndodhi para dy vjetësh në Tiranë,pastaj në Shkodër,prapë në Shkodër,ka ndodhur në Sarandë.

Asnjë titullar i ndaluar,një ministër patetik me një të folur idiote pa pikë përgjegjësie deklaron se ka çuar udhëzim për shkarkim por se kanë dëgjuar.Është më shumë se skandaloze,është më shumë se vepër penale nëse ne qytetarët jemi nënshtetasit e kësaj Republike,jetimët janë bij direkt të Republikës pra shkalla më e afërt me qeverinë dhe institucionet e saj.Dhe qeveria është përgjegjsja kryesore për mbarvajtjen dhe të ardhmen e kësaj pjese fatkeqe.Por për turpin e këtij Kryeministri dhe Ministri sharlatan janë braktisur,janë hedhur në gojën e hapur të krimit duke u bërë viktimat më të pafajshme të kesaj shoqërie që është në gjumë.

Nuk u kanë vënë në krye edukatorë por persekutorë.

Përdhunohen,dhunohen,poshtërohen,kërcënohen me uri dhe përjashtim nga këta kanibalë të rritur në kopshtin qeveritar.
Nuk po të njoh më Shqipëri.

Ke degraduar çdo virtyt, traditë,je kthyer në një fushë dhimbjeje ku viktimat çdo ditë akuzojnë,je tjetërsuar.Ç’është ky indiferentizëm karshi dramave dhe tragjedive që po të ndodhin .
Ky nuk është Atdheu ynë!!
Instalimi i perversitetit në shumë pjesë të popullsisë ka shkatërruar familjen,moralin te cila na dallonin nga kombet e tjerë ku vlerësoheshim dhe ishim krenarë.Degjenerimi i mbjellë në këto vite është i frikshëm në mënyrë të shëmtuar po kaplon brezin e ri.Kjo nuk është Shqipëria ime as e juaja .Ne nuk kemi qënë kurrë kështu.Sepse për ne jetimët,kanë qënë të shënjtë,dhe jo qënie inferiore ku psikopatë zyrash të eksperimentojnë epshe shtazarake.
S’po të njoh më Shqipëri.

Spo ju njoh më o njerëz.Sepse skemi zë,skemi forcë,e mbi të gjitha sepse nuk duam të përballemi..Po po mendojmë se do humbim kredite por harrojmë se po humbim atë që është gjithçka për një frymor,Zërin.Për të kërkuar llogari,për të dënuar,për të mundësuar ditë ndryshe ku edhe vetë ne nuk do jemi të rrezikuar.
Ju mendoni si të doni por nuk kanë përdhunuar dhe dhunuar vetëm tre apo pesë fëmijetimë.Fatkeqësisht jeni ne të abuzuarit e mjerë më të mëdhenj.Ëngjëjt e dhunuar nuk akuzojnë vetëm djallin,por të gjithë sistemin politik dhe shoqëror.

Kategori
Uncategorized

Plas super skandali, “Corriere Della Sera”: Ju mashtruan, Panza nuk është kreu i policisë italiane.

pergjimi italianet

Pas një letre të mbërritur në Tiranë një ditë më parë me autor Alesandro Panza drejtorin e larguar, disa ditë më parë nga kreu i Policisë Italiane, kanë lindur dyshime të reja.

Siç shkruan Corriere della Sera Franco Gabrielli, ish-prefekti i Romës dhe Akuilas, ka marrë zyrtarisht detyrën  mëngjesin e sotëm.

E po pikërisht sot në Tiranë mësohet se ka mbërritur edhe letra e nënshkruar nga Panza, i cili sipas të njëjtës gazetë italiane ishte larguar nga detyra që në datën 29 prill, ditë para se të plaste skandali i përgjimeve në Tiranë.

“Franco Gabrielli është bërë kreu i Policisë Italiane. Prefekti dhe polici, që më parë ka mbajtur edhe detyrën e drejtorit të Sisde, pastaj prefekt i Akuilas dhe shef i Departamentit të Mbrojtjes Civile dhe që nga prilli i 2015 zbuloi “Mafia Capitale”, që 29 prillit ishte emëruar si kreu i Policisë”, shkruan Corriere Della Sera.

gabrielli

Kategori
Uncategorized

‘BASHA ËSHTË MEDIOKËR, PO NA SABOTON’.

Keshilltari i Kryeministrit per Territorin, Flamur Kuci, duke folur, gjate "Konferences Nderkombetare te Zhvillimit te Pasurive te Paluajtshme ne Shqiperi".

Ish-këshilltari për çështjet vendore dhe urbanizimin i ish-Kryeministrit Berisha, ka ngritur shqetësimin se Partia Demokratike  nuk po bën opozitën e duhur dhe se rrezikon të shndërrohet në një parti modeste dhe mediokre. Sipas Flamur Kuçit, lidershipi i Lulzim Bashës po vë në rrezik vetë Partinë Demokratike.

Partitë modeste dhe jo të rëndësishme ‘sundohen’ më kollaj. Lidershipi i tyre është më i patrazuar edhe nëse ky lidership është mediokër. Nëse një kryetar nuk ngrihet në lartësinë e partisë që drejton, do të ulë partinë në nivelin modestisë dhe mediokritetit të vet”, shkruan Kuçi në të përditshmen “TemA”, duke dhënë alarmin se një situatë e tillë është fatale për PD-në.

Madje e quan sabotim.

Personalisht kam qenë që në fillim të mandatit të Bashës në krye të PD, një nga kritikët më të drejtpërdrejtë të tij në drejtimin e partisë. Por sot më shumë se kurrë, mendoj që axhenda personale e tij, në rastin më të mirë nuk është në linjë me nevojat e PD, dhe në rastin më të keq, saboton objektivat politikë të PD.

Ish-këshilltari i Berishës shkruan se debati për “të rinjtë” dhe “të vjetrit” është një debat i stisur nga vetë Basha, i cili adreson kështu nevojën për të sunduar PD-në.

Jo vetëm kaq. Kuçi shpreh edhe rezervën e tij se Basha po e rrudh partinë dhe po e çon drejt humbjes, për ta përdorur këtë si pretekst për ‘pastrimin’ e partisë.

Flamur Kuçi shprehet i shqetësuar edhe për mënyrën si po përballet opozita me Qeverinë dhe se si po degradojnë kauzat opozitare.

Në vend të ngritjes së moralit opozitar, PD është përplasur sa andej-këtej pa një kurs politik”, shkruan ish-këshilltari i Berishës.

Shkrimi i Kuçit vjen në një moment të acaruar politik jo vetëm ndërmjet mazhorancës dhe opozitës, por edhe të divergjencave që po vërehen brenda Partisë Demokratike.

Në mungesë të kryetarit Basha, ish-kryetari historik i partisë, Sali Berisha është lideri real në sallën e Kuvendit. Në më shumë se një rast ai ka shprehur qëndrime të ndryshme nga kryetari i partisë, i mbështetur edhe nga disa prej figurave të vjetra të PD-së.

Duket se Flamur Kuçi nuk është i vetmi në PD që ka dyshime për lidershipin e Lulzim Bashës. / HashtagAL

Kategori
Uncategorized

Nishani-Ramës: I paburrë i pashembullt, largo kriminelët.

Institucioni i Presidentit të Republikës ka reaguar pas deklaratave të bëra në sallën e Kuvendit nga kryeministri Edi Rama. Në një njoftim për median, Presidenca shkruan se “është i indinjuar nga sjellja e paprecedent e Kryeministrit aktual në Parlament, i cili duke keqpërdorur aulën e Kuvendit të Shqipërisë fyen dhe shpif ndaj Presidentit të Republikë”.

“Sjellje kaq ordinere nuk ka ndodhur kurrë më parë në sallën e Parlamentit shqiptar.

Të fyesh Kryetarin e Shtetit duke shfrytëzuar një vend ku Presidenti nuk është prezent është paburrëri e pashembullt.

Institucioni i Presidentit të Republikës i kërkon Kryeministrit aktual ta lerë më së fundi ‘shoën’ dhe ekzibicionin dhe të fillojë menjëherë nga puna për të cilën është ngarkuar që tre vjet më parë.

Gjithashtu i kërkon Kryeministrit aktual të largojë urgjentisht nga administrata e shtetit individët e përfshirë në veprimtari kriminale.

Të krijojë mundësitë për punësim të qytetarëve të vendit, të cilët po vuajnë nga një situatë e rëndë ekonomike.

Të luftoje bandat e krimit të organizuar.

T’u ofrojë shërbimin shëndetësor publik qytetarëve që vuajnë çdo ditë nga nevoja për trajtim mjekësor.

Të luftojë korrupsionin e përmasave shqetësuese në dëm të pasurisë publike dhe private të qytetarëve shqiptarë.

Të mos bllokojë reformën e sistemit të drejtësisë, por të ofrojë kompromisin e nevojshëm për miratimin e saj.

Institucioni i Presidentit të Republikës beson vendosmërisht se, përtej pengesave provizore, Shqipëria do të ecë përpara drejt forcimit dhe begatimit”, thuhet në reagimin e Presidencës së Shqipë

Kategori
Uncategorized

“Vetëm të vdekur kthehemi në Mallakastër” (FOTO).

4Qindra protestues janë mbledhur para Parlamentit, ditën e sotme për të protestuar kundër qeverisë dhe korrupsionit në vend. Me pankarta nëpër duar dhe me një shirit “KorrupsJOn” ata kanë protestuar ndaj Punës së zezë dhe informalitetit në punë, situatë të cilën po e jetojnë çdo ditë.

“Stop Punës së Zezë”, “Stop Informalitetit”, “Siguria në Punë”, “Shqiptari i shfrytëzuar” këto ishin disa nga thirrjet që protestuesit i drejtuar Parlamentit. Ata janë zotuar se nuk ikin në Mallakastër pa zgjidhur çështjet e tyre.

Kategori
Uncategorized

…

…

Kategori
Uncategorized

RACIZMI I VELIAJT NDEZ GJAKRAT.

2016-05-18 21.38.25

Bashkia e Kamzës ka reaguar ashpër ndaj kryetarit të Bashkisë së Tiranës, Erjon Veliaj, duke e cilësuar gjuhën e përdorur prej tij si “bastarde”.

Ky dordolec duhet të mbajë gojën e të mos i fyejë banorët e Kamzës dhe Paskuqanit, këta banorë punëtorë dhe të zgjuar, pasi me djersën e tyre këto 25 vite ndërtuan një jetë nga fillimi duke e nisur nga zero, duke punuar e fituar paranë me djersën e ballit dhe jo si ti dhe Mjaft-istët dhe G99-shat që me zero ditë pune na u bënë ministra, kryetar bashkie, uzurpuan administratën, u bënë milionerë dhe menjëherë iu sulën të ardhurave duke u hequr edhe ndihmën ekonomike”,shkruhet në reagimin e këtij institucioni.

Në shkrim gjithashtu tërhiqet vëmendja për raste të njëpasnjëshme në të cilat Kryeministri Rama dhe kryebashkiaku Veliaj kanë nxitur urrejtje racore, duke denigruar veriorët.

Veliaj nuk po bën gjë tjetër, por po ecën nën gjurmët e padronit të tij Edi Rama dhe po nxitin një konflikt që asnjë në këto 25 vite nuk e ka bërë, pra që të dy janë antiveriorë. E kanë shprehur këtë gjuhë urrejtjeje dhe më parë siç Rama shefi i Veliajt, duke i ironizuar në një takim elektoral veriorët, kur tha që na vijnë nga Alpet; i quajti shpellarë, Veliaj vandalë se nuk na ditkan ku është liqeni etj.

Reagimi i bashkisë së Kamzës erdhi pas një bisede në televizion të Veliajt, ku foli për protestën e shoqërisë civile te parku i liqenit si protestë e njerëzve që zbresin nga autobusi.

Ky është racizëm? Jo nuk është racizëm, të ma japin sot Kamzën unë e bëj dritë. Të më thuash se Kamza menaxhohet më mirë se Tirana…Staf i bashkisë së Kamzës vijnë dhe marrin trofe zgarat e pusetave nga Tirana, kjo nuk është racizëm…armatosesh si gjel për lodrat e kalamajve, është kompleks”, tha mbrëmë Veliaj.

Ndërkohë ka reaguar edhe shoqëria civile në rrjetin social. Në profilin “Protestuesi” në Facebook ka një status:

Duhet te behet nje proteste masive kunder Kryetarit te Bashkise per rracizmin qe ka. Nuk duhet te protestoje vetem Kamza por edhe njerzit e ndershem me integritet, tironca apo te ardhur”.

Ndërsa ka reaguar edhe ‘Nisma Thurje’:

I kujtojme Erionit se ne Kamez ndryshe nga sa beson ai jetojne njerez. Jetojne qytetare qe paguajne taksa dhe kane biznese, qytetare te cilet punojne me administrate apo jane te vetepunesuar, jetojne qytetare te cilet qeshin e qajne si te gjithe ne per gezimet apo hallet e jetes, qytetare te cilet vuajne mungesen e punes, infrastruktures, mungesen e sherbimeve te qeverise dhe u duhet edhe te durojne ofendimet e nje njeriu te cilin e paguajne sa frengu pulen”. /HashtagAL

Kategori
Uncategorized

Grabova e Gramshit, ose “Qyteti Maja” i pazbuluar i Shqipërisë.

Grabova e Siperme

Kur ju të përfundoni së lexuari këtë shkrim me siguri që në planet e jetës suaj do të programoni edhe Grabovën e Gramshit.

Gramshi (veçanërisht Grabova)është një nga ato treva që u ngjan thesareve të fshehura diku mes natyrës. Unë do ta cilësoja si “qytetin Maja të Shqipërisë”.

Nëse do të ndërmerrni një udhëtim drejtGramshit do të keni rastin të shikoni kanionin e Holtës,  kalanë e Tërvolit, kalanë  dhe shpellat e Kabashit.  Në Grabovën e Sipërme do të shkelni mbi urat vjetra me harqe. Pastaj mund të kundroni burimin e njohur si “Uji i Zi”. Prej andej në Lenije, në liqenin e Dushkut (Sojnik), kanionin e Devollit (Bratilën), teqjen e Shëmbërdhenjit të Sipërm (Sot Bletëz), dërstilat e Kërpicës, kalanë e Tunjës, kalanë e Lubinjës, ujëvarën e Sotirës e kështu pa mbarim. Në Holtë mund të shikoni shpellat me stalaktide e stalakmide si dhe dëshmi të ekzistencës për njerëzit prehistorikë.

Në Gramsh kombinohet  turizmi i bardhë në Malin e Valamarës me turizmin kurativ duke shfrytëzuar burimet e Liqenit të Zi. Mund të njiheni edhe me turizmin kulturor e fetar në Grabovën e Sipërme etj. Gramshi është zgjedhja më e mirë për turizmin e aventurës por edhe të kulinarisë.

kanioni holtes

Grabova, perlë e natyrës dhe historisë

Historia

Grabova është një nga vendbanimet më të hershme në Shqipëri. Grabovarët do të mbahen mend për mjeshtëritë e tyre në punimet me dru, përpunimin e bulmetit  dhe të ndërtimeve. Grabova ka qenë një fshat mesjetar i krijuar në shekullin e X. Sipas gojëdhënave, në kohën e lulëzimit, Grabova kishte rreth 2000 familje. Por një e katërta e saj, e ka braktisur zonën brenda një dite në shekujt XVII-XVIII.

Në periudhën e Mesjetës fshati Grabovë e Sipërme (atëherë qytet me 12.000 banorë) ka qenë në lulëzim të plotë i ndërtuar krejtësisht nga vendasit. Dëshmi të gjalla janë dhe sot prania e tri urave me gurë, njëra prej tyre e periudhës antike si dhe Kisha e Shën Nikollas (Shë Kollit). Zbrazja e zonës vijoi edhe në diktaturë.

Shpella e Kabashit

Kur sheh liqenin e Dushkut,  mbushur me zambakë uji, kupton se ndodhesh në një tjetër realitet. Në verë kënaqesh me një freski të rrallë dhe në dimër përfshihesh nga magjia e dëborës së bardhë…

Kalaja shekullore, me murin e gjerë karakteristik e bën atë një nga fortesat më të rëndësishme të kohës. Besohet se ekziston edhe një qytet i nëndheshëm që shpesh banorët e quajnë Grabova e Poshtme. Është e rëndësishme të theksohet që Grabova e dikurshme ka qene pozicionuar pikërisht në vendin që tregojnë grabovarët.  Kisha e saj ndodhej matanë rrjedhës se lumit dhe quhet Shën e Premte (nga e cila mori dhe emrin komuna Lenie (Shënepremte).

Objektet arkelogjike si enë balte, vegla pune, maja heshtash dhe sidomos fragmentet e mureve të kalasë të ruajtura edhe sot, dëshmojnë se Grabova nuk është thjeshtë një gojëdhënë. Urat me harqe janë një tjetër element i mjeshtërisë së grabovarëve. Nga tre urat hark ka mbetur vetëm një këmbë ajo mbi përroin e Sharrës që ka një hapësirë drite mbi 15 metra dhe është e ndërtuar me gurë të skalitur.

Në mesin e qemerit nga ana e poshtme varej një këmbanë e cila tundej kur frynte erë e fortë duke lajmëruar udhëtarët për rrezikun nga  fenomenet natyrore.

Urat janë ndërtuar përgjatë degëzimit të vjetër të rrugës Egnatia. Ato siguronin lidhjen e qytetit mesjetar me Voskopojën e njohur si një nga qytetet më të rëndësishme të kohës.

Ura

Shumë afër Grabovës ndodhet Liqeni  i Zi  me një ngjyrë krejt të veçantë për shkak të përbërjes minerale. Ky liqen frekuentohet dy javët e fundit të gushtit  nga të sëmurët  me reumatizmë akute dhe çuditërisht efekti  i këtij uji është i menjëhershëm.

Në këtë fshat njohin vetëm dy stinë: pranverën dhe dimrin. Grabova ndodhet në lartësinë 1300 metra mbi nivelin e detit duke bërë pjesë në zonën me klimë mesdhetare malore.

Në Grabovë prodhojnë një lloj të veçantë djathi ndërsa mishi dhe çdo produkt tjetër janë më të mira se kudo. Me plot gojën mund të thuhet se vetëm kjo zonë i ka shpëtuar modifikimit gjenetik të produkteve dhe këtu gjithçka është bio.

Tradita në fushën e ndërtimit përbën një nga krenaritë e grabovarëve. Përmenden ndërtimi i kishës së Shën Kollit me afresket dhe ikonostasin prej druri të gdhendur duke vazhduar me kambanoren që zë një pjesë të madhe të kishës. Por edhe kisha e Shën e Premtes ose e Shën Parashqevisë prezanton një art më vete.

Piktorët e familjes Çetiri, Gjergj Nikolla, Johani, Gjergji dhe Nikolla janë quajtur pinjollët e familjes së piktorëve që kanë gdhendur dhe pikturuar në shumë kisha të Shqipërisë së Mesme dhe asaj të Jugut.

Letrat e Ali Pashës

Sipas studiueses Llambrini Mitrushi, që ka hulumtuar kodikun e kishës së Shën Kozmait, ekzistojnë të paktën dy letra të dërguara nga Ali Pashë Tepelena banorëve të zonës. Pashai i Janinës u bënte thirrje atyre të ndërtohej kisha me ndihma të mbledhura në popull. Ja teksti i letrës se parë:

“Juve rumunë të nahijes së Beratit, myzeqarë dhe vllehë grabovarë, katunde dhe çifliqe. Ju lajmëroj se ja ku vura një epitrop që të më ndreqë manastirin e plakut Kozma; ndihmova dhe unë me aspra e të ndihmoni dhe ju si t’ju thotë dhespoti, me qëllim që të ndreqet ky manastir. Për ata që nuk do të japin ndihmën e tyre, do të më mbetet hatëri dhe pastaj do t’i paguajnë dyfish. Sikundër ju urdhëroj ashtu të bëni pas këtij vendimi”.

Piktorët e famshëm

Në gjysmën e dytë të shek. XVIII dhe gjatë gjysmës së parë të shek. XIX zhvilluan veprimtarinë e tyre piktorët e familjes Çetiri nga Grabova. Krijimtaria shtrihet kryesisht në krahinën e Myzeqesë, në Vlorë, Berat, Fier e në Lushnjë ku shumë afreske dhe ikona mbajnë autorësinë e tyre, si në kishën e Shën Vlashit (Vlorë) më 1792, të Shën Kollit (Vanaj – Myzeqe) më 1795, në kishën e Shën Thanasit në Karavasta (më 1797) etj. Lanë një krijimtari mjaft të pasur dhe kanë realizuar qindra skena në mure e në ikona. Tematika dhe stili i këtyre ikonografëve janë të njëjtë me ato të vëllezërve korçarë Konstandin dhe Athanas Zografi, si edhe të Konstandin Shpatarakut.

ikona grabove

Emra të njohur (rilindas, aktorë, politikanë, shkrimtarë,etj)

Naum Veqilharxhi, Themistokli Germenji, Mihal Grameno, Spiro Ballkameni, Sandër Prosin, Dionis Bubanin, Emil Lafen, Prokop Mimen, Rita Marko, Pilo Peristeri, Kico Mustaqi, Simon Stefani, Lenka Cuko, Stefanaq Pollo, Genc Pollo, Kristo Frasheri, Koco Tashko.


“Ndoshta një ditë sërish do të kthehen të gjithë…”

“Ndoshta një ditë të gjithë do të kthehen, tregon Meçan Hoxha, ai që ka studiuar historikun, traditat dhe të gjitha pasuritë e zonës pasi e ardhmja do të kthejë Grabovën në qytetërimin e turizmit malor dhe të kënaqësisë që sjell natyra”.

Përpjekjet e vllahëve ose arumunëve kanë bërë që të investohet fillimisht në një baxho duke ripërtërirë prodhimet karakteristike si ai i djathit të Vizës (një lloj kaçkavalli) që të jep kënaqësinë e një shije që zor se e ke provuar. Ky djath kërkohen në të gjithë Shqipërinë dhe në sasi të vogla kanë shkuar edhe në Greqi e Gjermani.

Një lokal në mes të fshatit dhe mirëmbajtja e objekteve historike së bashku me ujin e mrekullueshëm të zonës përbëjnë ofertat e dashamirësisë dhe mikpritjes së grabovarit.

Vlerat kurative të klimës që shfrytëzohet çdo verë nga astmatikët, të sëmurët me reumatizëm si dhe sëmundjet e tjera të mushkërive duke llogaritur jo vetëm orët me diell, ajrin e pastër por edhe ujin mineral natyror që i shërben mënjanimit të këtyre sëmundjeve.

Kështu ju thjesht keni njohur Grabovën dhe disa nga bukuritë mahnitëse të Gramshit. Të shkosh atje është diçka më tepër se kaq… infoelbasani.al
Grabove

Nga Fatos Salliu.
Kategori
Uncategorized

“Ju e shitët fenë tuaj ndërsa ne e blemë atë”.

2016-05-17 22.49.24

“Ju e shitët fenë tuaj ndërsa ne e blemë atë”.

Nje ngjarje nga Franca, qe disa shqiptareve apo shqipfolesve brenda dhe jashte vendit, ju kujton shume gjera te hidhura nga e kaluara.

Një motër muslimane, e cila barte nikabin, kishte hyrë në një nga dyqanet e Francës për të blerë disa gjëra ushqimore.

Me të përfunduar pazarin e saj, ajo drejtohet drejt arkës për të bërë pagesën, dhe ku  për çudi, arkëtarja që ishte me origjinë marokene, fatkeqësisht nuk e pëlqeu fare klienten.

Filloi t’ia llogariste gjërat që kishte blerë, ndërkohë i hidhte me forcë në anën tjetër të arkës, duke u mundur që ta nervozonte këtë motër muslimane.

Teksa po arrinte nga fundi i llogarisë, e pa që motra nuk po nervozohej por po rrinte shumë e qetë,  ajo nuk duroi më shumë, andaj duke ngritur zërin, fillojë t’i bërtas dhe ta ofendojë atë dhe fenë e saj.

”Ne kemi mjaft probleme në Francë dhe veshja që ti bart është një prej problemeve tona.

Ne këtu jemi për të bërë pazare dhe jo për të reklamuar fenë dhe historinë, e nëse ti je e interesuar për të praktikuar fenë, atëherë kthehu në vendin tënd dhe atje praktikoje fenë tënde ashtu siç keni dëshirë”.

Motra muslimane e mbuluar ndaloi për një çast nga futja e gjerave në qese, e shikoi arkëtaren, pa rreth e rrotull nëse kishte ndonjë mashkull dhe pastaj e ngriti nikabin dhe e zbuloi fytyrën e saj.

Ajo ishte biondinë me sytë blu, përsëri me kulturën dhe qetësinë e një zonje që ajo zotëronte  ju drejtua arkëtares duke i thënë:

”Unë jam franceze, Islami është feja ime dhe ky është vendi im. Ju e shitët fenë tuaj ndërsa ne e blemë atë”

Kategori
Uncategorized

“Ju e shitët fenë tuaj ndërsa ne e blemë atë”.

 

Nje ngjarje nga Franca, qe disa shqiptareve apo shqipfolesve ne Greqi apo dhe Itali ju kujton shume gjera te hidhura nga e kaluara.

Një motër muslimane, e cila barte nikabin, kishte hyrë në një nga dyqanet e Francës për të blerë disa gjëra ushqimore.

Me të përfunduar pazarin e saj, ajo drejtohet drejt arkës për të bërë pagesën, dhe ku  për çudi, arkëtarja që ishte me origjinë marokene, fatkeqësisht nuk e pëlqeu fare klienten.

Filloi t’ia llogariste gjërat që kishte blerë, ndërkohë i hidhte me forcë në anën tjetër të arkës, duke u mundur që ta nervozonte këtë motër muslimane.

Teksa po arrinte nga fundi i llogarisë, e pa që motra nuk po nervozohej por po rrinte shumë e qetë,  ajo nuk duroi më shumë, andaj duke ngritur zërin, fillojë t’i bërtas dhe ta ofendojë atë dhe fenë e saj.

”Ne kemi mjaft probleme në Francë dhe veshja që ti bart është një prej problemeve tona.

Ne këtu jemi për të bërë pazare dhe jo për të reklamuar fenë dhe historinë, e nëse ti je e interesuar për të praktikuar fenë, atëherë kthehu në vendin tënd dhe atje praktikoje fenë tënde ashtu siç keni dëshirë”.

Motra muslimane e mbuluar ndaloi për një çast nga futja e gjerave në qese, e shikoi arkëtaren, pa rreth e rrotull nëse kishte ndonjë mashkull dhe pastaj e ngriti nikabin dhe e zbuloi fytyrën e saj.

Ajo ishte biondinë me sytë blu, përsëri me kulturën dhe qetësinë e një zonje që ajo zotëronte  ju drejtua arkëtares duke i thënë:

”Unë jam franceze, Islami është feja ime dhe ky është vendi im. Ju e shitët fenë tuaj ndërsa ne e blemë atë”

Kategori
Uncategorized

Lista e shqiptarëve të dëbuar nga Italia të dyshuar për terrorizëm.

Prej janarit të vitit 2015 e deri më sot 74 persona janë dëbuar nga shteti italian me akuzën e terrorizmit ndërkombëtar e përkrahjes së ideologjisë xhihadiste. Disa prej tyre janë shtetas kosovarë e shqiptarë.

Në 19 janar 2015, Ministria e Brendshme italiane dëbon nga Italia shtetasin kosovar Resim Kastrati 23 vjeç me akuzën se ka përqafuar ideologjinë xhihadiste e në lidhje me persona me qëndrime ekstremiste islamike.

Resim Kastrati ishte rezidentë në provincën e Kremonës e punonte si kasap. Kosovari frekuentonte xhaminë Motta Baluffi, ku  kishte predikuar dikur rekrutuesi boshnjak i ISIS Bilal Bosnic si dhe imami i arrestuar në Kosovë Mazllam Mazllami.

Në mars të 2015 u dëbua nga Italia kosovari Mohabi Ajeti, i cili jetonte prej 20 vitesh me familjen e tij në komunën e Maremma në provincën e Toskanës. Për Ministrinë e Brendshme Italiane, Mohabi Ajeti ishte një person i rrezikshme me bindje xhihadiste.

Po në mars të 2015 në kuadër të operacionit “Balkan Connection” grupi antiterrorist i policisë italiane arrestoi dy shqiptarët në lidhje gjaku mes tyre, xhaxha e nip, Alban e Elvis Elezi me akuzën e përhapjes së propagandës së Shtetit islamik ISIS e pjesëmarrjes në aktivitet me qëllime terroriste. Ai është shpallur i pafajshëm nga drejtësa.

Në fillim të korrikut 2015 operacioni i policisë italiane “Martesa” çoi në arrestimin e disa personave italianë e shqiptarë, pjesëtarë të një celule xhihadiste në lidhje krushqi mes tyre.

Ndër shqiptarët e arrestuar qenë Baki Coku, daja i luftëtarit shqiptar të ISIS në Siri, Aldo Kobuzi, si dhe tezja e tij Arta Kacabuni, të cilët prej disa vitesh jetonin në provincën e Grosettos, në Itali.

Shqiptari Aldo Kobuzi me bashkëshorten e tij xhihadisten e parë italiane Maria Sergio Giulia, gjenden tashmë në Siri sëbashku me nënën e tij.

Në gusht të 2015 shtetasi kosovar Mevait Kokora rezident në Itali që prej vitit 2001 e rezident në provincën e Udines u dëbua nga ku shtet me urdhër të Ministrisë së Brendshme si person i përfshirë në luftën e Shtetit Islamik e përhapës i ideologjisë xhihadiste.

Po në gusht të 2015 çifti shqiptar Adrian e Jasmine Kollcaku me origjinë nga qyteti i Kavajës e rezidentë në provincën e Peruxhias janë personat e fundit të dëbuar nga territori italian në listën prej 45 personash të kombësive të ndryshme të konsideruar xhihadistë, propagandues të ideologjisë ekstremiste islamike e përkrahës së luftës terroriste të Shtetit Islamik, ISIS.

Në dhjetor të 2015  kosovari Ismail Imishti, me profesionin murator arrestohet në komunën Chiari në provincën e Breshës e dëbohet nga shteti italian së bashku me nipin e tij Mërgim Imishti. Sipas Policisë italiane 2 kosovarët ishin pjesë e një celule xhihadiste me bazë në komunën Chiari në Provincën e Breshës në Lombardi. Në këtë operacion u arrestua në Prishtinë dhe Samit Imishti vëllai i Ismail Imshtit.

“Me ose, pa ty, Hilafeti është rikthy” quhej grupi xhihadist në facebook në të cilën aderonin vëllezërit Samet e Ismail Imishti.

Në janar të 2016, me dekret të Ministrisë së Brendshme është dëbuar nga territori italian për “motive parandalimi terrorist”, shtetasi maqedonas Rexhep Ljimani, 39-vjeç.

Rexhep Ljimani i lindur në Oltja të Kumanovës, jetonte prej vitit 1998 në Itali në komunën San Zenone degli Ezzellini në provincën e Trevizos. I martuar dhe me dy fëmijë, punonte rregullisht në një fabrikë ambalazhesh e prej marsit të vitit 2012 drejtonte në këtë qytezë, shoqatën kulturore islamike “Vëllazëria”.

Hetimet e policisë italiane kanë konfirmuar se prej 2014, shqiptaro-maqedonasi kishte vendosur kontakte me persona me origjinë ballkanike të lidhura me grupet e islamizmit radikal.

Pas ngjarjeve të 13 nëntorit në Paris, Rexhep Ljimani refuzoi t’i bashkohej iniciativës së promovuar nga disa shoqatave myslimane për një komunikatë solidariteti ndaj Francës e viktimave të atentateve terroriste.

Po në nëntor të 2015, pas sulmeve në Paris, djali i tij 8 vjeçar kishte komentuar në shkollën ku ai studion se “terroristët kanë bërë mirë që kanë vrarë e se shpejt do mbërrijnë në Romë e do vrasin Papën. Rroftë ISIS”.

Në mars të 2016 me urdhër të Ministrit të Brendshëm italian Angelino Alfano dëbohen nga territori italian shtetasi shqiptar Bledar Brahimi. Rezident në komunën Pozzo D Adda të Milanos kishte manifestuar haptazi dëshirën e tij për tu bashkuar me luftën e ISIS.

Urdhri i dëbimit të nënshtetasit shqiptar u firmos në ditën kur Ministri i Brendshëm shqiptar Saimir Tahiri zhvilloi në Romë takimin me homologun italian Alfano.

Në statistikat e publikuara nga Ministria e Brendshme italiane konfirmohen se janë 74 persona të dëbuar nga Italia me akuzën e lidhjes së tyre me aktivitetin e terrorizmit islamik.

Luftëtarë të Shtetit Islamik, ISIS me kombësi italiane deri më sot rezultojnë të jenë 81 me kombësi italiane apo me dy kombësi. Nga burimet e shërbimeve sekrete, 18 prej tyre janë vrarë gjatë luftës në Siri.

2

1

Kosovaro espulso - Mevait Kokora

45

/Ora News

Kategori
Uncategorized

Përfundimish:Porti i Shëngjinit i hiqet kosovës.

Nga Astrit Memia.

Per Ty, Imazhbardh, qe e ndjen veten sado pak i etnogjenezes se ADN-se, shgiptare!

Sot, ndodhi ajo, qe asnje qenie njerezore prej mijera viteve s’e mendonte, s’e imagjinonte.

Sot, u rrenue endrra shekullore e Dardaneve pér té prekur Detin e tyre, Detin Pellaszgo-lliro-Dardanono Arbror!( Portin e Shengjinit).

Sot, u rrenua projekt- idea e Korridorit Adriatik Alpe, promovuar prej me se dy dekadash nga Forumi Imazh& Media, dhe Forumi Mbarekombetar Imazhi Shqiptar.

Mbi dhjetra simpoziume shkencore, dokumentar, tryeza te rrumbullakta, shkrime, spote, libra, revista per kete Korridor hekurudhor, Udhe Kombetare me gjithe logjistiken e infrastrukturen bashkekohore.

Ide, qe nga Budi e Bogdani, nga austro-hungarezet, Mbreti Zog e regjimi diktatorial e deri ne ditet e sotme kur….

Dy ministrat anonim sot ne Kosove, nje i PS-se, dhe Ai tjetri, qe s’e di se cfare perfaqeson, por jam i bindur qe gjakun e genit jo, dhe jo (gjakun sot e beri uje),

Thane qe Porti i Shengjinit duhet te zbres ne Durrés per Dardanet Antik, ndoshta per aty mendojne qe tè vijne sllavet e jugut.

Nuk e di, je ne sais pas, non lo so Ordo fiale, ne keto momente eshte e manget, Turp, merr, Terr, Tradhti, Tirani, Tizar. Ne, si Forum do reagojmé me cdo mjet demokratik, ndaj késaj humnere antishqiptare.

Jam Shqipri, ku i thone Pellazgji, Dardani, Arbni e Shqypni.

 

Kategori
Uncategorized

PARLAMENTI QË HOMOSEKSUALIZOI SHQIPËRINË.

klodian tomorriBlog-Autor: Klodian Tomorri

Ky Parlament do te mbahet mend per shume gjera. Do te mbahet mend si Parlamenti me i kriminalizuar dhe ndoshta edhe me i pashkolluari ne historine e Shqiperise. Por tani ai po i shton vetes edhe nje rekord te ri. Ky eshte Parlamenti qe po homoseksualizon Shqiperine.

Tek paketa e propozuar e ndryshimeve kushtetuese, qe lidhen me reformen ne drejtesi, ne menyre tinzare, eshte futur edhe nje pyke, qe amendon nenin 18 te Kushtetutes.

Amendamenti i shton nenit 18 termin “orientim seksual”. Rrjedhimisht neni i ri behet: “Askush nuk mund të diskriminohet padrejtësisht për shkaqe të tilla si gjinia, raca, feja, etnia, gjuha, bindjet politike, fetare a filozofike, orientimi seksual, gjendja ekonomike, arsimore, sociale ose përkatësia prindërore.”

Kushtetuta eshte ligji themeltar i shtetit, akti me i rendesishem juridik. Riformulimi i nenit 18 te Kushtetutes ne kete forme shfuqizon direkt Kodin e Familjes, perkatesisht nenin 7 te tij.

Neni 7 i Kodit te Familjes thote: “Martesa mund të lidhet ndërmjet një burri dhe një gruaje që kanë mbushur moshën 18 vjeç.”
Por tani lidhja e marteses vetem mes nje burri dhe nje gruaje do te quhet me Kushtetute diskrimin.

Shkurt Parlamenti i Shqiperise po ligjeron me Kushtetute, martesat mes te njejtit seks. Pa asnje zhurme, ne menyre tinzare dhe pa asnje debat publik. Ka shtete ne bote qe kane mbi gjysem shekulli qe e bejne kete debat dhe nuk kane arritur ta ligjerojne dot martesen mes homeseksualeve. Parlamenti yne e ben fshehuraz.

Partia Demokratike, si force e qendres se djathte qe duhet te ishte aty per te mbrojtur familjen, ka rreshqitur majtas.

Ne fakt, Partia Demokratike ka kohe qe e ka humbur identitetin. Shume nga drejtuesit e saj me te larte, ish ministra apo ish zyrtare te larte ne administrate kane prioritete te tjera ne axhenden e tyre personale dhe nuk kane kohe per te mbrojtur parimet konservatore, te cilat ne themel te tyre kane nje dhe vetem nje nje institucion: Familjen.

Por kur te duhet te justifikosh milionat e investuara ne bono, aksione apo prona te patundshme, edhe pse ke qene gjithe jeten rrogtar, nuk ke energji dhe as vullnet per beteja te tjera dhe mbrojtja e parimeve te djathta bie poshte ne axhenden personale e me tej edhe ate politike.

Ludwig Von Misses, Friedrich Hayek, Milton Friedman dhe gjithe baballaret e tjere te se djathtes kane thene se Familja eshte institucioni me i shenjte i organizimit tone social. I paprekshem. Del nje Parlament me 140 vete, pjesa derrmuese e te cileve tregtare politike, qe nuk perfaqesojne apo mbrojne me asnje interes publik dhe i imponon shoqerise me dhune shkaterrimin e familjes. Tinez.

Kategori
Uncategorized

Gjenerali iranian kërkon terroristen muxhaheidine, të arrestuar në Tiranë.

Një gjeneral iranian tregoi për mediat se është kërkuar ekstradimi i gruas terroriste që u arrestua pak ditë më parë në Tiranë, por qeveria shqiptare nuk pranon të bashkëpunojë. Bëhet fjalë për arrestimin e një terroristeje, lajm që u pasqyrua me bujë në mediat iraniane, por që mohohet zyrtarisht nga policia shqiptare. Komandanti i Forcave Ushtararake të Iranit, Gjenerali Hysen Ashtari i bëri thirrje Shqipërisë të ekstradojë gruan e dyshuar për shpërthimet terroriste në 1981 në Teheran, ku u vranë disa zyrtarë të lartë të Iranit.

“Shqipëria nuk është treguar bashkëpunuese pasi policia e Republikës Islamike të Iranit njoftoi për arrestimin gruas që ka marrë pjesë në vendosjen e bombës në selinë e Partisë Islamike të Republikës së Iranit” tha Ashtari për gazetarët në Teheran.

“Gruaja është mes personave të shpallur në kërkim dhe kjo i është bërë e qartë Shqipërisë dhe ne kërkojmë ekstradimin e saj në Iran” tha ai.

Ashtari tha se shpresonte që autoritetet shqiptare do të ashkëpunojnë me Iranin për ekstradimin e gruas së arrestuar.

Ngjarja e rëndë ka ndodhur në qershor të 1981, gjatë një mbledhje në selinë e Partisë Islamike të Republikës së Iranit.

73 zyrtarë të lartë mbetën të vdekur, mes të cilëve edhe kryegjyqtari Ajatollah Muhamed Beheshti, figura e dytë kryesore në vend pas Ajatollah Khomeinit. Atentati u organizua nga muxhaheidinët që aktualisht janë strehuar në Shqipëri.

Kategori
Uncategorized

Tahiri i rrëfen Ramës përgjimet sekësi me kufje.

SEANCE PARLAMENTARE - Kryeministri Edi Rama dhe Ministri i Brendshem Saimir Tahiri, gjate nje seance parlamentare, ku Gentian Salaj eshte zgjedhur krytari i ri Autoritetit te Medias Audiovizive, AMA./r/n/r/nPARLIAMENTARY SESSION - Prime Minister, Edi Rama and Saimir Tahiri, Minister of Interior, during a parliamentary session.

I dashur Shef Edi!

Po bën namin ajo lista e Berishës që unë gjasme e paskam përgjuar. Po më vdektë Hakiu që s’të gënjej kur të them që ajo listë s’ka lidhje fare me përgjimet tona.

Po ta shpjegoj historinë nga fillimi Shef. Pa dorashka.

Më prezantoi vitin e kaluar KaroKarlo me një goc nga Interforca italiane. Në një moment ajo me pyeti:

-Sajme, cili është fetishi yt seksual?
-Unë jam vojerist, – i thashë.
-Rënkimet i ke qejf?, – më pyeti.
-Shkrij si akullore kur i dëgjoj, -ja ktheva.

Atëherë do të japë sorela ty një paisje me kufje që përgjon kë të dojë qejfi më tha. Me thënë të drejtën pranova se e di që këto telefonatat sekësi janë shumë në modë vitet e fundit, por vendosa që ta justifikoja paisjen e re duke e përdorur gjasme dhe për trajnime.

Kam përgjuar si fillim disa njerëz që akuzohen për vjedhje të të drejtave të autorit, me porosi të Mirela Kumbaros.  Duhet të përgjoja Kallashin sepse mendohet t’i ketë vjedhur muzikën Linda Morinës.

Ç’të dëgjoje Shef, ç’të dëgjoje, e mendonim kallash po na doli kundërajror. Më shkonte 100 gradë celcius temperatura e kufjes kur Kallashi ja jepte refrenit.

Aty kuptova se Kallashi ishte ziliqare ndaj asaj këngës së Fjollës: “A je për trileqe”?

Unë luajta 6 muaj rresht me atë paisjen e përgjimeve, vijova duke përgjuar ca konviktore që bënin seks në telefon me ca tipa nga godina përballë.
Dhe nuk kisha qëllime të këqija thjesht doja të sigurohesha që gocat nuk do t’i linte njeri shtatzanë.

Një ditë u futa në Facebook dhe më bëri përshtypje një goc nga Dibra. Ishte leshverdhë dhe m’u duk interesante që ne ta bënim drejtoreshë në ministri.

Por u zhgënjeva shumë, sepse kuptova që këtë aset të çmuar, kishte në plan ta punësonte Bashkia e Dibrës dhe zbulova që fliste gjithë kohës me Shukrin tonë. E ndërpreva përgjimin se m’u duk pa lidhje.

Ajo në vend që t’i lutej Shukrit që ta merrte në punë, i fliste gjithë kohës atij për një dyqan brekësh firmato në Tiranë  dhe i thoshte që duhej të shkonin bashkë një ditë e të blinin dy koli’. Shukri nga ana e tij refuzonte me këmbëngulje dhe këto debate më lodhën.

Një tjetër  numër telefoni që kam përgjuar ishte e një protestuese nga ato çupkat komuniste që protestojnë për Liqenin.

M’u duk e bukur Shef, dhe mendova se ky ishte një tjetër rast që nuk duhej humbur. Mirëpo nuk po kuptoja më asnjë gjë pz, nuk i binte njëherë telefoni asaj vajze. E kam pritur me orë të tëra.

Një natë mendova se e kapa, se i çoi zile numrit të Sazan Gurit. Kur ky e mori mbrapsht, ajo i tha që i kishte rënë numrit gabim dhe nuk pati më asnjë telefonatë tjetër.

Këto ishin pak a shumë numrat e interceptuar Shef. Pavarësisht se boshti i së keqes kërkon të përfitojë politikisht me dobësitë dhe ndjeshmërinë e veçantë që më ka veshi kur unë vendos kufjen.

Të përqafoj Shef. Ti je zëri më i ëmbël në botë për mua.

Kategori
Uncategorized

Vrasësit shqiptarë me pagesë: Ja ku mund ti gjeni në internet.

VRASJE

Kjo është pjesa e errët të internetit “Dark web” ku është edhe faqja e Besa Mafia që u zbulua dy ditë më parë nga hakeri i njohur si ‘bRpsd’ i cili mundi të marrë nga websiti materiale për vrasësit me pagesë, mes tyre shqiptarë, të dhëna që ende nuk janë bërë publike por tregojnë për ekzistencën e vrasjeve me porositje nëpërmjet Dark web ku ndodhet dhe faqja e Besa Mafia.

Dark web

Dark web (rrjeti i errët) që operon brenda internetit. Me t’u lidhur në ueb, arrin të kesh akses në një shumëllojshmëri përmbajtjesh dhe sitesh ku nuk mund të futesh me mjetet tradicionale të kërkimit si Google apo Bing. Është një lloj klubi privat gjysmë sekret ku lejohen të futen vetëm anëtarë të caktuar. Siç shpjegojnë ekspertët nuk kemi vetëm një “Dark web” të vetëm, por shumë të tillë, disa kanë akses të lirë ndërsa disa të tjerë kërkojnë që të paguash për të hyrë. Dark web është ndryshe nga interneti tradicional, ku të gjithë vizitojnë Facebook, Google bëjnë blerje online dhe lexojnë lajme.

besa mafia-1Besa Mafia

Kjo faqe operohet nga mafia shqiptare që ka përdorur fjalën Besa në kuptimin e besës, fjalës së dhënë, kodi i tyre i nderit është “Premtimi mbetet premtim”. Ky grup mund të kryej vrasje por dhe shërbime të tjera kriminale dhe mund të paguhet me anë të monedhave elektronike Bitcoin mbi të gjitha gjithçka mbetet e fshehtë dhe e pa zbulueshme nga autoritetet. Grupi tregon se përdor trafikantë droge që mund të kryejnë krime, vrasje, plagosje sipas kërkesave për një shumë të caktuar parash. Besa Mafia tregon se ka shtrirje në SHBA, Canada, Europë. Në faqe shkruhet se që prej vitit 2012 kur ky portal u krijua janë kryer 1035 vrasje.

Vrasësit me pagesë dhe çmimet

Besa Mafia tregon për shërbimet e saj që nga pjesëtarë bandash që mund të kryejnë një vrasje duke filluar nga 5000$ deri në ish-ushtarakë profesionistë që mund të vrasin me snajper nga 30 mijë deri në 200 mijë dollarë. Grupi tregon se mund të rrah dhe persona pa i vrarë ata, mund të djeg banesat dhe makinat e tyre dhe mund të shesi armë. Sigurisht që gjithçka kundrejt një vlere të caktuar parash, rrahjet mund të kushtojnë nga 500 – 2000 dollarë por pagesa nuk bëhet në dollarë por në monedha elektronike Bitcoin (para elektronike).

Si porositet vrasja

Për porositjen e një vrasje duhet fillimisht një regjistrim i thjeshtë me një pseudonim dhe një adresë e-maili të rreme më pas formulari i porositjes së krimit kërkon një pseudonim, një passëord dhe një burim si ke mundur të futesh në Besa Mafia ose nga kush të ka treguar. Pjesa tjetër vijon me emrin, mbiemrin, adresën dhe një foto të shënjestrës.

besa mafia3Çmimet

5.000 – 200.000$

Vrasje me snajper – 30.000 – 200.000$

Vrasje – 5.000$ + 4000$ të duket si aksident

Rrahje – 500$ + thyerje kockash dhe prerje të pjesëve trupore – 1.500$

Djegie makinash – 1.000$

Djegie banesash – 2.000$

Si bëhet pagesa

Si çdo gjë tjetër në Dark web pagesa është me Bitcoin, para elektronike që nuk mund të gjurmohen dhe gjithçka mbetet e fshehtë. Sapo merret konfirmimi që pagesa me Bitcoin është kryer, 80% e parave shkon për vrasësin ndërsa 20% mbahet nga Besa Mafia.

Komunikimi i Koduar

Nëpërmjet mesazheve të koduara të faqes së Besa Mafia në Dark web por edhe nëpërmjet e-maile të inkriptuara vrasësit i kalohen të dhënat për shënjestrën.

besa mafiabesa mafia2besa mafia-14Shqipëria

Ende nuk ka prova për aktivitete kriminale të kryera nga Besa Mafia në territorin shqiptar. Nga burimet tona deri në këto momente nga Prokuroria dhe Policia shqiptare nuk ka ndonjë hetim të mundshëm por sqarojnë se me rastin janë njohur nga media dhe se do ta mbajnë në vëzhgim këtë çështje në bashkëpunim me partnerët EUROPOL e INTERPOL pasi nuk përjashtohet edhe mundësia që të ketë aktivitet dhe në territorin shqiptar.

Kategori
Uncategorized

FOTO/ “Mjaft”-i që luftoj kundër PS-së. Ja si po qeveris sot Shqipërinë nën emrin e PS.

rilindja e mjaft

Organizata “Mjaft” e drejtuar në fillimet e saj nga Erion Veliaj, ishte një nga zërat më të fortë kundër qeverisë “Nano”. Në atë kohë, “Mjaft” i dha goditjen përfundimtare qeverisë socialiste dhe këtë fakt socialistët e thjeshtë nuk e kanë harruar.

Nga një investigim që kreu citynews, rezulton se drejtuesit e atëhershëm të “Mjaft” që kontribuuan në rrëzimin e qeverisë të Partisë Socialiste, sot qeverisin vendin nën logon e “Rilindjes”. Këta persona e sulmuan Partinë Socialiste në atë kohë, e morën peng dhe tani drejtojnë vendin me skandale afera korruptive.

mjaft-veliajve-1I pari në listë, është Erion Veliaj, drejtues i “Mjaft” në kohën kur Partia Socialiste ishte në pushtet. Organizatori i qindra protestave kundër ish-kryeministrit Fatos Nano. Sot, Veliaj është në qendër të projektit të “Rilindjes”. Ai u emërua fillimisht si Ministër i Mirëqenies Sociale dhe më pas u zgjodh kryetar i Bashkisë Tiranë. Ditët e fundit, Veliaj është zgjedhur nga kryeministri Rama si i deleguar për Partinë Socialiste për Tiranën, duke spostuar kryetarin e kryeqytetit për PS, Saimir Tahirin.

Erion Veliaj është vetëm maja e ajsbergut të “Mjaftistëve” që po drejtojnë sot “Rilindjen”. Ish-drejtues të tjerë të Mjaft, kanë përfituar poste të rëndësishme në qeveri. Arbjan Mazniku duket se ka qenë një nga të preferuarit e Edi Ramës dhe Erion Veliajt. Fillimisht ai mori postin e zv. Ministrit të Arsimit dhe më pas Veliaj vendosi ta merrte pas vetes si nënkryetar të Bashkisë së Tiranës.

endrifuga-e1463307058337Endri Fuga është një tjetër “Mjaftist” i konvertuar në “Rilindas”.  Ai është “syri”, “veshi” dhe “goja” e kryeministrit Rama. Ky i fundit e ka pranuar me gojën e tij se për cdo gjë që lidhet me mediat kujdeset Endri Fuga, një protestues kundër Partisë Socialiste, por që sot është më “katolik se papa” në mbrojtjen e “Rilindje”.

 

 

elisaShumë pak e kujtojnë Elisa Spiropalin si pjesë të “Mjafit”. Kjo sepse Rama epërzgjodhi atë të drejtonte Forumin Rinor Socialist, duke e shkëputur që në fillim nga “Mjaft”. Për disa vite me radhë ajo drejtoi FRESH-in dhe me të ardhur në pushtet u emërua në krye të doganave. Eksperienca e saj si drejtoreshë e doganave nuk zgjati shumë. Një nga arsyet e largimit të saj mund të lidhet me dështimin e doganave me “Croë Agents” edhe pse ajo vetë deklaroi se do shkëputej për shkak të lindjes.

 

 

leartandi-kananaj-e1463306764178Dy “Mjaftistë” të tjerë që ndryshuan “ngjyrën” e lëkurës asnjë Laert Kola dhe Andi Kananaj, dy nga kundërshtarët më të fortë të qeverisë “Nano” në kohën e Mjafit”.

Sot, Kola mban postin e drejtorit të Rinisë në Ministrinë e Mirëqenies Sociale. Gjithashtu, “Rilindja” zgjodhi Andi Kananajn si drejtor i Agjencisë për Mbështetjen e Shoqërisë Civile. Kola dhe Kanaj, dy miq të hershëm të Veliaj u rekrutuan në PS ose më saktë në “Rilindje” edhe pse kontributi i tyre për këtë forcë politike ishte inekzistent, madje në kohën e “Mjaftit” dhanë gjithçka që kishin për të rrëzuar qeverinë e të majtëve.

Në fakt, të gjithë personat e sipërpërmendur nuk kanë dhënë ndonjë kontribut të veçantë në PS. Duke filluar nga Veliaj, Fuga, Spiropali. Ardhja e tyre në drejtimin e “Rilindjes” ka lënë jashtë me qindra militantë të Partisë Socialiste, drejtues të hershëm, kontribuues në kohën kur Rama ishte në opozitë.

Sot, ata gjenden të papunë, të harruar dhe disa të përjashtuar nga radhët e PS. Kjo falë integrimit të “Mjaft” si qelizë kancerogjene që përhapet me shpejtësi. Ndoshta për ish-drejtuesit e “Mjaft” kjo ishte e planifikuar, por për Edi Ramën është një humbje e madhe. Ai arriti të kalonte lumin me kuajt e historisë të PS-së duke i shfrytëzuar në opozitë dhe duke i harruar në qeveri./citynews

Kategori
Uncategorized

Thirrje intelektualëve të vendit tim – Nga Arian Galdini.

arian-galdini

Nga Arian Galdini

Ju jeni zejtarë të mendjes.

Ju jeni njerëzit që me mendimin, përgatitjen e ndriçimin tuaj, mund e vyen të jeni shpresë.

E megjithatë, edhe pse ju jeni, e jeni shumë, ky vendi ynë për habinë tonë çdo ditë që shkon e lë shpresën pas dere.

Shpresa është bërë si një xhaketë e vjetër që kurrkush nuk dëshiron ta veshë më në këtë vendin tonë.

Madje, madje, edhe ata që veshin shpresën, ngase shpresa duket e grisur, e dalë boje, e lashtë, duken dhe interpretohen si pakica e të dobtëve.

A nuk mendoni se jemi ne fajtorë që gjërat janë kështu?

A nuk mendoni se nëse ne duhet të mbjellim shpresë me ç’ka dime, me ç’përgatitje e ç’ndriçim kemi në mendje e zemra, nuk ia kemi dalë dot deri sot?

Nuk ia kemi dalë dot, sepse mes shpresës dhe të mirës vetjake, kemi zgjedhur të mirën vetjake.

Jemi i vetmi vend ku ne që kemi mendim, shkollim, përgatitje e ndriçim në mendje, refuzojmë a përçmojmë xhaketën e zhubrosur të shpresës dhe zgjedhim të ngrefosemi me MLtë, x5t a x6tat e luksit. Ne zejtarët e mendimit e kemi vendosur dijen, përgatitjen, shkollimin dhe ndriçimin e mendjeve dhe zemrave tona për tullat dhe llaçin e shtëpive tona, e nuk kemi menduar aspak për të padritët, nevojtarët, të dobëtit e mbijetojsat që na rrethojnë ngado, e sytë nuk i shqisin nga ne.

Ne zejtarët e mendimit e kemi vendosur dijen, përgatitjen dhe ndriçimin e mendjeve tona për shtëpitë tona me ajër të kondicionuar, hapësira të bollshme dhe arredime të fjalës së fundit të modës, e nuk kemi menduar aspak për të mjerët që na rrethojnë ngado, e sytë nuk i shqisin nga ne.

I kemi tradhëtuar ata sepse kemi zgjedhur vetet tona.

E ata të gjorët nuk na i shqisin sytë.

Ne themi se jemi shtresa e mesme, a të realizuarit, a të suksesshmit e kësaj shoqërie, e kjo mjafton për ti dhënë paqe vetes, e shpërfillje të tjerëve.

Por ata, të mjerët përsëri nuk na i shqisin sytë.

Ndoshta nuk shpresojnë më, e megjithatë vazhdojnë të na shohin për inerci, se mos ndoshta përtej shpresës a përtej mungesës së shpresës, mund të ketë ndonjë gjendje tjetër që të jep shkase e arsye për të vazhduar përpara.

Ata edhe kur ikin nga ky vend, përsëri nuk na e shqisin sytë.

E kjo është dramatike, ulëritëse, rrënqethëse.

Nuk e kam fare me politikën, sepse politika kështu si është në vendin tonë, partitë kështu si janë në vendin tonë, krejt natyralisht përngjasojnë me togën e pushkatimit të shpresës.

E kam me ne. Me ne, ne që kemi dije, përgatitje e ndriçim në zemra dhe mendje, sepse ne jemi përgjegjësit që i çojmë qytetarët tanë drejt togave politike të pushkatimit të shpresës.

Ne me anësimin tonë.

Ne me mercenarizimin tonë. Ne me kokëuljen tonë të turpshme. Ne me servilizmin tonë të papërtypshëm ndaj të fuqishmëve me pushtete e para. Ne me heshtjen a mospërfshirjen tonë. Ne jemi shoqëruesit e qytetarëve drejt murit të pushkatimit të shpresës. Dhe Politika e Partitë vetëm sa shprepin armët e tyre të ndyta. Ndaj sot po ju drejtohem me këtë thirrje, me shpresën e ndoshta iluzionin se jam njëri ndër ju. Të mos anësohemi më, të mos heshtim më, të mos veçohemi e të mos qëndrojmë më të papërfshirë.

Është koha kur e mira jonë personale e familjare, ndërtohet mbi një krim madhor që po i bëhet kësaj shoqërie dhe këtij kombi. E mira jonë personale e familjare po ndërtohet mbi shoqërimin e qytetarëve drejt murit të ekzekutimit të shpresës. Nderi ynë, dinjiteti ynë, ajo çka ne jemi e kërkon që në kohë të tilla ta vëmë në rrezik të mirën tonë personale e familjare për hir të një të mire më të madhe, të mirës së përbashkët me të gjithë qytetarët e vendit tonë.

Ju bëj thirrje të ndalni krimin e vrasjes së shpresës. Ju bëj thirrje të bëheni ata që duhet të jeni, shpresëlindës e shpresënxitës. Shqipëria dhe shqiptarët kanë nevojë që ne tua japim shpresën. Po nuk ua dhamë ne shpresën, shqiptarëve ose do tua vrasë politika e derisotme shpresën, ose do të na e zbrazin fare nga shqiptarët Shqipërinë e pashpresë

Kategori
Uncategorized

Rilindje-LSI, GRATË QË ZIHEN PËR MULLIXHIUN.

Partia Socialiste dhe LSI janë ngërthyer në një sherrnajë fallco lidhur me përkatësinë partiake të kriminelëve të zbuluar së fundi. Të gjitha bateritë e propogandës së tyre janë vënë në punë për ti faturuar njëri – tjetrit personazhet që këtej e tutje do të jenë subjekte të drejtësisë.

Kështu, pas disa akuzave, ish deputeti i jugut Koço Kokëdhima, nxitoi të shpallë se klani familjar i “Eskobarit të Ballkanit” i përket LSI-së. Ai deklaroi se ish shefin e transporteve të Sarandës, tashmë në kërkim, e kanë vendosur në punë se njerëzit e Ilir Metës dhe se familjarët e tij i përkasin të gjithë, që nga kryetari i bashkisë së Delvinës e deri tek kordinatorët lokalë, Lëvizjes Socialiste për Integrim.

Zërit publik të Kokëdhimës i shtohen edhe disa zëra periferikë të socialistëve të provincës. Sipas tyre klani i madh i Balilëve që dikur kishin qenë mbështetës të PD-së, ishin të vetmit që me anë të forcës së muskujve dhe pushtetit të parave, bënë të mundur rrënjosjen e Ilir Metës në jug. Nga një parti që më parë nuk i kalonte 150 votat, LSI arriti të bëhet forcë e parë në Delvinë me një rezultat befasues.

Krejt i njëllojtë me socialistët është reagimi i LSI-tëve për skandalin e ndodhur në Dibër. Deputeti i kësaj partie, Përparim Spahiu, jo vetëm e dënoi aktin e kryebashkiakut brekëgrisur të zonës së tij, por ai shkoi edhe më tej. Duke mos u mjaftuar me shkarkimin e Shukriut, ai e vuri gishtin drejtpërdrejt mbi Edi Ramën, jo vetëm duke ia faturuar atij Don Zhuanin nga Dibra, por edhe duke i bërë apel që ti kërkojë falje asaj zone së cilës i imponoi në drejtim atë njeri.

Edhe në këtë rast sinjali që vjen nga LSI-a është i qartë: mëkatari nuk është i yni, por i socialistëve.

Duke parë këtë lojë kukamëshefti, me akuza për njëri –tjetrin, ku në mënyrë të turpshme është përfshirë edhe PD-ja e cila nuk ka më, mesaduket, as guximin dhe as financat që të sulmojë LSI-në, të ngjan sikur në mes dy forcave të majta po zhvillohet beteja e radhës.

Të bindura që pushteti po diskreditohet në mënyrë marramendëse nga prodhimi i ngjarjeve kriminale, të dy partitë e koalicionit po mundohen të bëjnë minimalen: ti’a faturojnë ato njëra -tjetrës.

Por, e gjitha kjo nuk është veçse një iluzion. Një sherr i rremë për ti hedhur hi syve publikut. Një tentativë e kotë për tu fshehur pas gishtit.

Spektakli me akuza të ndërsjellta i dy partive qeverisëse, i ngjan në fakt sherrit banal të dy hajdutëve, që pasi kanë vjedhur një bankë, grinden se kush ka më shumë apo më pak merita, për shkallmimin e kasafortave në saj.

Dhe ashtu si këta banditë që harrojnë për një çast se të dy bashkë kanë vjedhur paratë e njerzve, ashtu edhe PS e LSI anashkalojnë faktin se pavarësisht nga ngjyra, janë ata sëbashku që na i kanë servirur kriminelët në pushtet.

Tashmë ky koalicion është i pandashëm në të keqen që po i bën shqiptarëve, prandaj dhe sherri banal nëse keqbërësi i radhës, qoftë ky vrasës apo gjobaxhi, baron droge apo manjak seksual, pra  beteja nëse ai është i ngjyer me të kuq apo me mavi, nuk ka pikë rëndësie.

Ai mund të kish qenë i vlefshëm në fillim të mandatit.

LSI mund të distancohej nga PS, kur kësaj partie filluan ti kapen deputetët e parë kriminelë.

Rama mund ta kishte fatin të shkëputej nga Meta, atëhere kur publiku e morri vesh se raste si ai i shefes së arsimit të Lushnjes, apo metoda si ato të aferës DIA- ÇEZ nuk ishin episodike.

Por, në të kundërt, dëshira për të vazhduar grabitjen dhe ankthi se mos humbasin pushtetin, i mbajti ata të lidhur në mëkat.

Tani, pas tre vitesh në qeverisje, dhe mbështetjes së krimeve të njëri – tjetrit, ata janë thjeshtë pjesë e së njëjtës bandë.

Prandaj konflikti i shtirur i shpërthyer së fundi: se krimineli i radhës i përket aleatit është i kotë. Ai nuk bind më askënd. (Lapsi.al)

Kategori
Uncategorized

PS-LSI, gratë që zihen për Mullixhinë

Partia Socialiste dhe LSI janë ngërthyer në një sherrnajë fallco lidhur me përkatësinë partiake të kriminelëve të zbuluar së fundi. Të gjitha bateritë e propogandës së tyre janë vënë në punë për ti faturuar njëri – tjetrit personazhet që këtej e tutje do të jenë subjekte të drejtësisë.

Kështu, pas disa akuzave, ish deputeti i jugut Koço Kokëdhima, nxitoi të shpallë se klani familjar i “Eskobarit të Ballkanit” i përket LSI-së. Ai deklaroi se ish shefin e transporteve të Sarandës, tashmë në kërkim, e kanë vendosur në punë se njerëzit e Ilir Metës dhe se familjarët e tij i përkasin të gjithë, që nga kryetari i bashkisë së Delvinës e deri tek kordinatorët lokalë, Lëvizjes Socialiste për Integrim.

Zërit publik të Kokëdhimës i shtohen edhe disa zëra periferikë të socialistëve të provincës. Sipas tyre klani i madh i Balilëve që dikur kishin qenë mbështetës të PD-së, ishin të vetmit që me anë të forcës së muskujve dhe pushtetit të parave, bënë të mundur rrënjosjen e Ilir Metës në jug. Nga një parti që më parë nuk i kalonte 150 votat, LSI arriti të bëhet forcë e parë në Delvinë me një rezultat befasues.

Krejt i njëllojtë me socialistët është reagimi i LSI-tëve për skandalin e ndodhur në Dibër. Deputeti i kësaj partie, Përparim Spahiu, jo vetëm e dënoi aktin e kryebashkiakut brekëgrisur të zonës së tij, por ai shkoi edhe më tej. Duke mos u mjaftuar me shkarkimin e Shukriut, ai e vuri gishtin drejtpërdrejt mbi Edi Ramën, jo vetëm duke ia faturuar atij Don Zhuanin nga Dibra, por edhe duke i bërë apel që ti kërkojë falje asaj zone së cilës i imponoi në drejtim atë njeri.

Edhe në këtë rast sinjali që vjen nga LSI-a është i qartë: mëkatari nuk është i yni, por i socialistëve.

Duke parë këtë lojë kukamëshefti, me akuza për njëri –tjetrin, ku në mënyrë të turpshme është përfshirë edhe PD-ja e cila nuk ka më, mesaduket, as guximin dhe as financat që të sulmojë LSI-në, të ngjan sikur në mes dy forcave të majta po zhvillohet beteja e radhës.

Të bindura që pushteti po diskreditohet në mënyrë marramendëse nga prodhimi i ngjarjeve kriminale, të dy partitë e koalicionit po mundohen të bëjnë minimalen: ti’a faturojnë ato njëra -tjetrës.

Por, e gjitha kjo nuk është veçse një iluzion. Një sherr i rremë për ti hedhur hi syve publikut. Një tentativë e kotë për tu fshehur pas gishtit.

Spektakli me akuza të ndërsjellta i dy partive qeverisëse, i ngjan në fakt sherrit banal të dy hajdutëve, që pasi kanë vjedhur një bankë, grinden se kush ka më shumë apo më pak merita, për shkallmimin e kasafortave në saj.

Dhe ashtu si këta banditë që harrojnë për një çast se të dy bashkë kanë vjedhur paratë e njerzve, ashtu edhe PS e LSI anashkalojnë faktin se pavarësisht nga ngjyra, janë ata sëbashku që na i kanë servirur kriminelët në pushtet.

Tashmë ky koalicion është i pandashëm në të keqen që po i bën shqiptarëve, prandaj dhe sherri banal nëse keqbërësi i radhës, qoftë ky vrasës apo gjobaxhi, baron droge apo manjak seksual, pra  beteja nëse ai është i ngjyer me të kuq apo me mavi, nuk ka pikë rëndësie.

Ai mund të kish qenë i vlefshëm në fillim të mandatit.

LSI mund të distancohej nga PS, kur kësaj partie filluan ti kapen deputetët e parë kriminelë.

Rama mund ta kishte fatin të shkëputej nga Meta, atëhere kur publiku e morri vesh se raste si ai i shefes së arsimit të Lushnjes, apo metoda si ato të aferës DIA- ÇEZ nuk ishin episodike.

Por, në të kundërt, dëshira për të vazhduar grabitjen dhe ankthi se mos humbasin pushtetin, i mbajti ata të lidhur në mëkat.

Tani, pas tre vitesh në qeverisje, dhe mbështetjes së krimeve të njëri – tjetrit, ata janë thjeshtë pjesë e së njëjtës bandë.

Prandaj konflikti i shtirur i shpërthyer së fundi: se krimineli i radhës i përket aleatit është i kotë. Ai nuk bind më askënd. (Lapsi.al)

Kategori
Uncategorized

Baroni i drogës Balili fshihet në sarajet e Surrelit.

Baronët e drogës dhe vrasësit si vëllezërit Frroku kanë Edi Ramën padronin e tyre. Sa herë që ata kanë probleme me drejtësinë dhe janë para arrestimit, Rama i merr nën mbrojtje, iu vë eskortat e policisë në shoqërim, i pajis me pasaporta false, iu vë Tahirin në dispozicion si shofer dhe agjent udhëtimi, i merr i strehon edhe tek sarajet e Surrelit, po ta shohë se rrugëtimi i tyre nuk është i sigurtë.
Rama i mbron dhe i fsheh vrasësit dhe trafikantët, pasi ata punojnë dhe janë kontributorët kryesorë të pasurisë dhe pushtetit që ai ka vënë. 200 milionë dollarët e transferuar në parajsat fiskale janë “djersa” e këtyre banditëve që Rama i ka më për zemër se vetë Zahon a Gregun. Pa ta Rama është një fundërrinë dhe zhulc që rrinte poshtë urave të Parisit, me ta është kryeministër dhe më i pasuri i popullit më të mjerë të Europës.
Nëse do t’i kërkosh, ata i gjen në Surrel nën mbrojtjen e Policisë. Kështu veproi Rama me Mark Frrokun kur kishte një trafikant droge në makinë. Ndërhyri menjëherë dhe ai u lejua nga Policia që të ikte. Kështu i iku edhe vëllai i tij, Arben Frroku, dy ditë para se Gjykata e Apelit të jepte vendimin për ta dënuar me burgim të përjetshëm.
Rama e lejoi të arratisej jashtë shtetit, pasi i dha bekimin. Edhe kur vrasësi i komisarit të Policisë u arrestua para dy muajsh në Holandë, Rama e mbajti të fshehtë për të mos e ekstraduar në Shqipëri. Po kështu, mbajti të fshehura në sirtar dokumentat e Interpolit për arrestimin e ish-deputetit të mazhorancës Mark Frroku.
Edhe kapobanda Emiliano Shullazi u muar në mbrojtje nga Rama dhe Tahiri, ndonëse ai ishte akuzuar disa herë në media për vënie gjobash biznesmenëve. Arrestimi i tij u krye vetëm pas presionit të ndërkombëtarëve. Megjithatë, përsëri policia e Tahirit po manipulon provat për ta nxjerrë të lirë Shullazin.
Rama dhe Tahiri bashkëpunojnë me baronët e drogës dhe vrasësit, pasi jo vetëm që ndajnë fitimet kolosale me ta, por edhe i përdorin për të vjedhur votat dhe për të kërcënuar zgjedhësit që të votojnë për Ramën.
Baroni i drogës Klement Balili është zhdukur prej katër ditësh. Policia bëri të ditur se po e kërkon në Sarandë dhe Delvinë, por nuk po e gjen. Edhe sistemi TIMS tregon se ai nuk ka ikur jashtë shtetit. Por më kot kërkon Policia, sepse baroni i drogës ndodhet në Surrel nën mbrojtjen e Ramës.

Zhduket Baroni i drogës me ndihmën e policisë

Baroni i drogës, Klement Balili është zhdukur me ndihmën e policisë. Vetëm pasi Balili arriti të arratiset nga Saranda, policia ushtroi një kontroll në banesën e tij dhe njoftoi se Klement Balili është zhdukur. Jo pa qëllim policia shqiptare e kishte lënë jashtë operacionit antidrogë në Greqi që mos e dekonspironte. Policia shqiptare bëri të ditur se ishte në dijeni të emrave dhe kapove shqiptarë të trafikut, por nuk mori asnjë masë për ndalimin e tyre, sidomos të baronit Klement Balili, edhe pse ai ishte shpallur në kërkim nga policia greke.
Edhe sikur për të mos kishte një urdhër arresti ndërkombëtar, policia së paku mund ta kish mbajtur në vëzhgim njeriun e dyshuar. Me sa duket deklaratat e shtypit grek që ambasada shqiptare në Athinë nxitoi t’i përgënjeshtroi, se Balili ka mbrojtje në sferat e larta të politikës janë reale dhe këtë e tregon më së miri mos arrestim i tij dhe lejimi nga policia që të zhduket.
Vetëm pasi u zhduk Baroni i drogës, Policia e Sarandës njoftoi se kishte zhvilluar disa tentativa për ta ndaluar, por nuk ka mundur ta gjejë. Policia bëri të ditur se janë ushtruar disa kontrolle në banesat e tij në Sarandë dhe në Delvinë, por që rezultuan të pasuksesshme. Ai nuk ndodhej në asnjë prej tyre dhe as në ambientet e bizneseve të tij. Sipas burimeve, Klement Balili prej dy ditësh rezulton i larguar nga banesa. Familjarë të Klement Balilit, i saposhkarkuar nga posti i Drejtorit të Transportit Rrugor në Sarandë thonë se ai është larguar prej 4 ditësh nga shtëpia dhe nuk kanë dijeni për vendndodhjen e tij. Balili, 4 ditë më parë, ai doli në një deklaratë të shkurtër për median, me vetëm 4 fjalë, ku i drejtohej PD-së se do e hidhte në gjyq. Më pas që nga ajo ditë për të nuk ka më asnjë informacion.
Zyrtarisht Policia e Sarandës deklaron se Balili nuk është gjetur në banesë. Ndërkohë që edhe të afërm të Balilit kanë thënë për blutë se nuk e dinë se ku ndodhet 44-vjeçari. Policia e Sarandës ka ushtruar kontrolle në banesën e Klement Balilit në fshatin Stjar të Delvinës, por nga i akuzuari si “Escobari” i Ballkanit nuk ka gjetur asnjë shenjë. Në sistemin TIMS nuk rezulton se Balili ka kaluar kufirin, besohet se ai është larguar nga kufiri në mënyrë ilegale.
Pas një operacioni antidrogë në Greqi ku ranë në pranga disa persona, mediat greke përfolën një person shqiptar me inicialet K.B si kreun e një bande të fuqishme narkotrafiku. Policia greke shprehet se e ka shpallur në kërkim personin K.B, për të cilin shkruhet se ka lidhje të fuqishme me politikën shqiptare dhe një parti greke.
Kurse sipas mediave të vendit fqinj, K.B cilësohet si Pablo Eskobari, Baroni i drogës së Ballkanit. Dy ditë më parë, Policia greke ka dhënë detaje për superoperacionin e drogës në Greqi. Në një njoftim të gjatë për mediat, Policia greke tha se ka kryer operacione të koordinuara në të gjithë zonën e Atikës. Kështu, janë bërë operacione të mëdha në Atika, Salamina, Kalithea, Veria, ku janë arrestuar 15 pjesëtarë të këtij rrjeti, 13 grekë dhe dy shqiptarë.
Policia greke njoftoi se operacionet janë ndërmarrë me ndihmesën e DEA-s së SHBA-¬ve. Sipas saj, organizata është mjaft e gjerë dhe përfshin edhe disa kompani transportesh që veprojnë në Europë, përmes konteinerëve të licencuar, që shpeshherë u shpëtojnë edhe kontrolleve.
Gjithashtu, Policia greke thotë se në krye të kësaj organizate qëndronte shqiptari 44-¬vjeçar, K.B por pa cilësuar të plotë emrin e tij. Sipas grekëve, ai është ndërlidhësi i kalimit të drogës nga Shqipëria në Greqi, kryesisht me kamionë të licencuar dhe me patentë ndërkombëtare.
Hetimet kanë nisur që në vitin 2014, dhe kanë dy vjet që ecin me sekuestrime të sasive të mëdha të drogës. Një tjetër shqiptar i përfshirë në këtë trafik dhe i shpallur në kërkim, sipas policisë greke, është dhe Dhimitër Poti. Sipas dokumenteve të policisë greke, Poti rezulton të jetë njeriu kryesor i drejtimit të aktivitetit kriminal të trafikut të drogës në disa shtete të Bashkimit Europian, grup në të cilin sipas autoriteteve greke bën pjesë dhe Klement Balili.

“Baroni i drogës”, Europol: Të tjera arrestime së shpejti

Për aksionin ndërkombëtar të ndërmarrë së fundi nga policia greke, ka reaguar edhe EUROPOL, i cili bën me dije se deri më tani janë arrestuar 17 persona, 11 grekë dhe 6 shqiptarë. Europol thekson se rrjeti i trafikut të drogës është shtrirë në shkallë të gjerë, ndërsa operacioni është udhëhequr nga Greqia në bashkëpunim me Belgjikën dhe Europolin. Rrjeti kishte si bazë Greqinë dhe furnizohej me drogë nga Shqipëria dhe shpërndante në shumë vende evropiane, duke përfituar qindra milionë euro.
Sasi të mëdha kanabisi dhe kokaine janë transportuar nga kompani transporti rrugor fillimisht në Bullgari dhe Austri dhe më pas në vende të tjera. Operacioni i gjerë policor është kryer në Greqi dhe në Belgjikë. Sipas Europol, në Greqi janë sekuestruar 698 kg kanabis, ndërsa në Belgjikë, 96.5 kg hashash. 15 persona janë arrestuar në Greqi dhe 2 të tjerë në Belgjikë. “Hetimi është në vazhdim e sipër dhe arrestime të tjera priten në të ardhmen e afërt”, thekson agjencia evropiane Europol.
Agjencia bën me dije në deklaratë se ka mbështetur hetimet, duke ofruar mbështetje operative dhe ndihmë ligjore, si dhe duke kryer analizat e drogës. Një sektor i posaçëm brenda kësaj agjencia, i specializuar për trafikun e kokainës që prej vitit 2011, ka dhënë asistencën e vet në këtë drejtim.
Kush është “Walteri” i drogës së Klement Balilit
50-vjeçari Dhimitër Poti është një biznesmen nga Saranda i njohur në media si ish-pronar i kompanisë së ilaçeve “Chim Prod”. Kjo kompani po hetohej për pastrim parash nga Njësia Task-Forcë në Prokurorinë e Tiranës, për lëvizjen e dyshimtë të mbi 800 mijë eurove. Dhimitër Poti rezulton të jetë njeriu kryesor i drejtimit të grupit kriminal të trafikut të drogës në disa shtete të Bashkimit Europian, grup në të cilin sipas autoriteteve greke bën pjesë dhe drejtori i Transportit në Sarandë, Klemend Balili ose “Keli”.
Në nëntor të vitit të kaluar, 50-vjeçari Poti që aktualisht është shpallur në kërkim u hetua nga Prokuroria lidhur me 5 transaksione të dyshimtë nga Greqia në llogaritë bankare të kompanisë “Chim Prod”. Këto transferta shkonin në vlerën e 826 mijë eurove, ndërkohë që një pjesë e kësaj shume u sekuestrua me urdhër të Prokurorisë.
Dhimitër Poti me banim në Belgjikë njihet me pseudonimin “Walter”, dhe zotëron në këtë shtet një kompani me emrin “RDGL Group BVBA”. Kompania që ndodhet në rrugën “Brixtonlaan 1930 Zaventem (Bruksel)  administrohet nga anëtarët e një familje si Xhevavir Poti dhe Dhimitër Poti, të cilët kanë deklaruar një xhiro vjetore prej 15 mijë euro.
Dhimitër Poti, sipas dokumenteve të policisë greke, ka vendbanim të përhershëm në Belgjikë, ku dhe mbërrijnë ngarkesat me drogë shqiptare para se të shpërndahen në vende të tjera të Europës.
Policia greke, në bashkëpunim me vendet e tjera, dokumentoi një rast të ndodhur mes 2-7 prill të vitit të kaluar, kur një sasi droge u tentua të nisej nga Belgjika për në Oslo. Dhimitër Poti është një biznesmen nga Saranda i njohur në media si ish-pronar i kompanisë së ilaçeve “Chim Prod”. Në nëntor të vitit të kaluar, 50-vjeçari Poti u hetua nga Prokuroria lidhur me 5 transaksione të dyshimtë nga Greqia në llogaritë bankare të kompanisë “Chim Prod”.
Për aksionin e zhvilluar nga policia greke dhe Antidroga amerikane ka reaguar edhe Europol që njofton se operacioni ka vënë në pranga 17 persona, mes të cilëve 6 shqiptarë. Arrestimet u bënë në Greqi dhe Belgjikë, ndërsa u sekuestrua më shumë se 700 kilogramë kanabis.

Prokuroria i kërkon zyrtarisht drejtësisë greke prova për Balilin

Prokuroria e Përgjithshme i kërkon zyrtarisht autoriteteve të drejtësisë greke urdhër-arrestin dhe provat konkrete ndaj biznesmenit Klement Balili dhe bashkëpunëtorëve të tij në Shqipëri. ABC News ka mësuar se Prokuroria, ka dorëzuar që me datën 11 maj në Ministri të Drejtësisë kërkesën zyrtare, në formën e letër-porosisë, drejtuar autoriteteve greke për dosjen e Klement Balilit. Ky fakt pranohet nga burimet pranë institucionit të drejtësisë, ku zyra e marrëdhënieve me jashtë, thonë burimet po përkthen dosjen për ta nis më pas drejt shtetit fqinjë. Nga ana tjetër, sipas Prokurorisë, pala greke ende nuk ka sjellë materiale zyrtare për veprimtarinë kriminale të Klement Balilit. Kjo u konfirmua edhe nga vetë ministri i Drejtësisë.
Sipas akuzës, në letër-porosinë drejtuar palës greke, burimet thonë se janë bashkangjitur edhe disa veprime hetimore të kryera nga Prokuroria për krime të rënda për biznesmenin Balili dhe bashkëpunëtorët e tij. Si identifikimin e numrave të telefonit që Balili e grupi i tij kishte në përdorim në Shqipëri si dhe disa CD-i të përgjimit, të kryera për llogari të hetimeve të nisur në Greqi. Këto veprime, thanë burimet, janë kryer pas muajit mars të këtij viti, kur edhe Policia e Shtetit me kërkesë të palës greke kishte kërkuar nga krimet e rënda hetimin e këtij grupi kriminal. Zyrtarisht burimet thonë se, Interpol-Tirana dhe as Prokuroria për Krime të Rënda nuk janë njoftuar për lëshimin e urdhër-arrestit ndërkombëtar për Klement Balilin. E për arrestimin e tij, burimet thonë se duhet patjetër ardhja e materialeve nga pala greke apo edhe urdhër-arresti i lëshuar prej tyre. Sa i përket hetimeve të kryera në Shqipëri, Prokuroria thotë se nuk janë gjetur prova konkrete për implikimin e Balilit në trafikun ndërkombëtar të drogës.
Nga ana tjetër, pala greke ka arrestuar 13 shtetas grek dhe dy skafistët shqiptarë, të cilët më 6 maj të këtij viti kanë dërguar në një ishull në Greqi rreth 679 kg hjashash të presuar. Në kuadër të këtij rrjeti, pala greke pretendon se nga janari i vitit 2014 e në vazhdim në kuadër të organizatës kriminale të drejtuar nga Balili, janë trafikuar drejt Greqisë dhe vendeve të BE-së në 6 raste rreth 2338 kg hashash, 100 kg kanabis çokollat, 24 kg kokaine dhe 1 kg heroinë.

R.POLISI

Kategori
Uncategorized

Histori : Fshatrat e Malit të Thatë Pogradec.

mali i thate 1

Nga Gjergji Gusho

Për fshatrat Bratomirë e Blacë të kësaj zone, më mungojnë të dhënat toponimike, si dhe ato gojore. Për fshatin Blacë po përmend praninë e Kalasë së Blacës, që ndodhet mbi një kodër pranë fshatit. Ajo ka qënë një kështjellë e periudhës antike, gjë që dëshmon për një vendbanim të lashtë.

1. Fshati Peshkëpi
Sipas të dhënave që kam grumbulluar del se Peshkëpia ka qënë dikur një qendër episkopale, d.m.th., qendër kishtare rajonale, e cila shtrinte ndikimin e saj në një teritor të gjerë. Vetë emri “Peshkëpi”, vjen nga fjala Peshkopatë ose Episkopatë, selia ku rinte e punonte episkopi (Peshkopi).
Në dokumentet turke, në Defterin e taksave për Sanxhakun e Ohrit të vitit 1583, ku bënte pjesë dhe krahina e Gorës, është regjistruar me emrin “Piskopija”. Në këtë fshat janë regjistruar 67 subjekte që duhet të paguajnë taksa; prej tyre 5 familje myslimane dhe 1 beqar, ndërsa nga të krishterët 53 familje dhe 8 beqarë. Nga fiset e vjetra vendase përmenden fiset: Pilinçi, Karoli, Kaçorri. Në historikun e fshatit përmendet si figurë e shquar Bendo Shapërdani, hero í rezistencës kundër sundimit otoman, fillim í shekullit XIX.
Banorët e fshatit tregojnë se kanë dëgjuar nga të parët e tyre, që dikur fshati ka qënë shumë i madh dhe shtrihej diku mbi fshatin e sotëm. Popullsia arrinte në disa mijëra banorë. Prania e 5 vendeve me emra kishash, dëshmon për madhësinë e fshatit dhe e mbështet supozimin e qendrës së dikurshme kishtare.
Sipas të dhënave gojore të banorëve, fshati i dikurshëm është djegur nga turqit dhe një pjesë e banorëve janë larguar.
Në gravurën e bakërt të H. Zhefaroviçit(1743), bie në sy pamja e një fshati me simbolin e një kishe që mban emrin Episkopi. Fshati është vendosur mbi Manastirin e Shën Naumit. Pranë këtij fshati ndodhet edhe figura e një fshati tjetër me emrin Allvanisht, që mendoj se është fshati Lubanisht.

mali i thate

• . Kishat dhe vendet me emra kishash
1.Kisha e Shën Maries
Eshtë e vetmja kishë ekzistuese e fshatit. Sipas të dhënave të At Todi Jovanit, është rindërtuar në vitin 1850, por nga struktura e stilit bizantin duket se është me e vjetër se kaq. Banorët e fshatit thonë se është kishë 700 vjeçare, pra e viteve 1300, por është rindërtuar disa herë. Sipas banorëve të moshuar të fshatit, në murin e kishës ka pas qenë í gdhendur në një gur viti 1460. Ky gur u thye dhe u hoq nga muri nga njerëz të panjohur, jo nga banorët e fshatit, në vitin 1967. Mbase kanë menduar se prapa atij guri mund të fshihej ndonjë thesar.
Kisha ka qenë një ndërtesë e madhe me një kopësht të gjerë për rreth saj. Kisha dhe kopshti kanë qenë të rrethuar me një mur të trashë. Vetë ambienti í brendshëm í kishës ka qenë tepër í madh dhe í gjerë, me stola druri, ku mund të uleshin besimtarët gjatë ceremonisë kishtare. Në muret ka patur mjaft piktura murale, si dhe ikona të pikturuara, të cilat u prishën dhe u zhdukën gjatë vitit 1967. Muret u suvatuan dhe u lyen me kërqele, ndërsa kisha u kthye në depo për kooperativën bujqësore. Në sallën e kishës ka patur edhe një fron të vjetër të lartë prej druri, ku ulej episkopi.
Në kambanoren e kësaj kishe ka patur edhe dy kambana: njëra e madhe me zë të trashë dhe tjetra më e vogël me zë më të hollë, që e shoqëronte të madhen me kumbimin e saj. Banorët thonë se kumbimi í kambanave dëgjohej mjaft larg, bile edhe deri në Çërravë. Edhe këto kambana u zhdukën.
Të moshuarit tregojnë se në fshat bëhej një festë e madhe ditën e Shën Mërisë, më 15 gusht. Në fshatin Peshkëpi vinin një natë më parë të krishterë të zonës përreth për pelegrinazh e për ta festuar këtë ditë të shenjtë. Kështu vinin nga fshatrat: Alarup, Tushemisht, Rëmënj dhe nga Pogradeci. Përveç ceremonisë fetare, që bëhej brenda në kishë, festa bëhej edhe në oborin e kishës.
Nga toponimia dalin emrat e disa kishave të tjera:
2.Shën-Thanasi
Vendi ndodhet nga e majta e rrugës që shkon nga fshati për në Shën-Naum, rreth 600 metra larg fshatit. Banorët thonë se atje ka qënë një kishë. Pranë saj ndodhen edhe sot varrezat e vjetra të fshatit. Vendi mban emrin Tanasicë.
3. Shën-Ilia (Shëndëlli)
Ka qënë dikur kishë. Vendi ndodhet prapa ndërtesës së postës kufitare, 20-30 metra pranë kufirit te sotëm me Maqedoninë.
4. Shën-Kolli
Vendi ndodhet rreth 100 metra pranë kufirit. Ka mbetur vetëm emri, se kisha nuk ekziston më.
5. Shën e Djela
Vendi ndodhet rreth 20 metra larg rrugës që vjen nga Pogradeci në Peshkëpi, para se të hysh në fshat. Eshtë një ndërtim i vogël, tip kupolje, që mban një ikonë dhe ku mund të hidhet ndonjë monedhë. Më parë duhet të ketë qenë kishë, sepse fshati dikur e vizitonte dhe nderonte shumë.

2. Fshati Alarup
Sipas të thënave, fshati Alarup, ka qënë dikur i banuar vetëm me banorë të fesë së krishtere. Në dokumentet e Turqisë për vitin 1583 në këtë fshat figurojnë gjithsej 15 familje të fesë së krishtere dhe vetëm 1 familje e 3 beqarë të fesë myslimane. Më vonë kanë ardhur familje myslimane nga fshatrat pranë si nga Bratomira e Blaca, që krijuan një lagje të vogël. Më pas familjet e krishtera zbritën gradualisht në Pogradec, ose shkuan në emigracion. Prej shekullit të XIX-ë e më vonë kanë zbritur në Pogradec fiset: Mato, Ristollari, Josifi, Angjo, Angjellari …
Nga toponimia e fshatit kanë mbetur këto emra:
1. Në Kisha
2. Përroi i Janit
3. Lëmi i Markut
4. Guri i Naumit
5. Guri i Kolës
6. Koria e Shën Kollit …
Kisha e Shën Kollit
Kisha e Shën Kollit në fshat është ndërtuar në vitin 1896. Prifti i parë i kësaj kishe u bë At Dhimitër Misha, i cili punoi këtu për disa kohë. Në këtë kishë u bë edhe ceremonia e dasmës së tij, kur u martua me Katerinën. Më vonë ai shkoi të shërbejë në kishën e Shën Pandelimonit në Tushemisht, ku u vendos edhe me banim.

Kategori
Uncategorized

“Zemer nane” tregim i shkruar ne vitin 1938 në Shkodër.

Në Katedrale, Mesha e Madhe me predk mbaroi. Roza uli njënin gju në nderim dhe doli pothuejse e mbramja ndër shoqe. Tue i ra kalldramit të Serreqit i shkoi mendja te vekshi që kishte lanë në zjarr nën kujdesin e Kushës, shërbëtores plakë. Rruga iu duk e largët deri në shtëpi. Dronte se mos po e gjente darkën në tym ose pa ujë, siç i kishte ndodhë edhe një herë tjetër. Kushën kanë nisë ta lanë sytë dhe veshët nga pleqnia. Kambët nuk jane te zonjat të ecin aq sa don, për të parën herë ndjeu se brandavekët i randojshin…

Në krye të mahallës, disa fëmijë kapë me fjalë po ju kërcënojshin njeni tjetrit si gjela, të cilët formuen menjëherë dy kampe.
-Eja këtu në kjofsh i zoti!
-A pse je ma i madh a?
-Coftinë! Je bà si me pasë hangër gjanë e kishës!
-Skapan! Zgallo!… Zgallo!… Zgallo!…
Mos të shtijsha në dorë se nuk do të shpëtojsh gjallë!
Nga të dy anët vringlluen gurët.
-Mosni more mosni –briti Roza.
Një burrë duel nga një derë e afert dhe fëmijët u shpërndanë si një tufë harabelash.
-Sa të këqij jemi bà! Për nje fjalë goje bahet gjaku, tha Roza dhe ngrejti spagën që të çelte derën e oborrit, por kur po i jepte të shtymën ta mbyllte, ndjeu se dikush në atë çast e hapi në kapak. Një njeri hyni me nxitim në oborr të shtëpise. Roza u shtang. Nga hovi i marrun, njeriu do të shkonte larg, por hasi në mur të shtepisë dhe u kthye mbrapsht.
–Pashë hatrin e Zotit-foli me nxitim-pashë Krishtin, më msheh se xhandarët i kam mbrapa e po me kapin.  Roza vuni rè se burri ishte i gjatë dhe rreth të 40-ave, veshë e mbath mirë në çakçirë e jelek të ngrimë, një lloj kapadaish që sot nuk shihen mà. Nga nxitimi ishte ndezë në fytyrë, kokordhokët e syve dojshin ti dalin jashtë dhe mezi merrte frymë.
Hej ç’taksirat-fshani Roza-Po ç’ke bà more i ngratë? Mos e pyet! Mbylli derën, por nuk e zinte vendi, shikonte përreth si bishë e tërbueme, gati te hidhej nga muri dy metra i naltë.
-Kam vra një njeri-tha- he mue më vraftë Zoti! Roza iu drejtue kullës së sanës. Hyn këtu, të plaçin sytë! Mbylli derën nga jashtë dhe çelsin e shtiu në gjì. As vetë nuk dijti si i ngjiti shkallët, veç kur u gjet në dhomë dhe u mundue të lirohet teshash.
-Edhe gjaksin pata mangut në shtëpi. Si i bahet djelmve kur ta marrin vesh, mendoi me vete. Me një gulf të ndryem në zemër, e terun në fytyrë, shkoi në odë të zjarmit, befas u ndal të dëgjojë: poterë zanesh.
O Zot! Po vijnë ta kapin? Eh se ç’më gjet! Duel në krye të shkallës, ku pau shumë burra në derë të oborrit e hapun në dy kapakë. Fluturim iu afrue një djalë komshijsh dhe ia vuni dorën në krah. Rrezik i madh! Gjergji juej…nuk pati fuqi të vijojë ma gjatë. Roza e ngrime në kambë, iu ba se zemra deri atëherë e ndrydhun n’atë gulf të pashpërthyem, iu là në gjak të ngrohtë. Pa nxjerrë fjalë nga goja i rrotulloi sytë sikur kërkonte të mësonte ma shumë. Dora e djaloshit në krah iu randue, por nuk qe e zonja ta largojë.
-Qëndro Rozë, tregohu burrneshë! Katër burra hynë në oborr, të cilët mbartnin një vig me një trup të mbuluem në të. Iu ngjiten shkallëve, me ta ishte edhe Lorja, djali i madh i Rozës që nxitoi ta rrokë t’amën.

Nanë, Gjergjin na e vranë, nanë! Loti s’priti lotin në parzëm të nanës. Roza zbuloi trupin e të birit, shenjat e vdekjes në lule të ballit përgjakshin fytyrën 20-vjeçare të Gjergjit.
Kukuuuu!-briti. Ngriti dorën nga kulla e sanës, por kambët e lëshuen dhe u shemb mbi drrasa. Kur erdhi në vete, Gjergjin e gjet të veshun e të ndrequn midis odës, i rrethuem prej grash me ftyra të mshehuna ndër shamia të zeza që vajtojshin. Deshti t’i lëmojë fytyrën dhe duert e Gjergjit të vet, por kur i ndjeu ashtu të akullueme, erdhi në vete dhe iu kujtue gjithçka. Desh të therrasë, të bërtasë jo fjalë të ambla për loçkën  e  vet, për të mirin, Gjergjin e nanës që në pranverën e jetës po e mbulonte dheu i zi, por për gjaksin që ajo arriti ta mshehë në shtëpinë e vet dhe ta shpëtojë. Aty para kufomës, midis qìrave dhe grave vajtonjëse, e shikon veten sikur ngrihet në kambë, merr alltinë e Loros, përshkon oborrin, nxjerr çelsin nga gjoksi dhe çelë derën e kullës. Gjaksin, kapadaiun, e gjen mbas do dengash ku dridhej nga frika, nuk e len të çelë gojë, por ia përplasë gjashtë plumba në zemër me një flakë. E shikon kur bie i këputun në një pellg gjaku, ku ajo shtrin duert e mbledhuna kupë dhe e merr, ngjitet nalt e i del para të birit të pajetë dhe i thotë: Ja, nanë lokja ty ta mori gjakun, ky asht gjaku i  vrasësit tand. Pusho në paqë o bir! E rrokë, e shtërngon fort për zemër, por sheh se duert e përgjakuna, në përkdhelje e kanë përlye fytyrën dhe duert e të birit. Përgjaket edhe kryqi i drunjtë që duert e zbehta të Gjergjit e shtërngojnë për të mbramen shpresë. Atëherë, Roza, e mjegullueme edhe mà shumë, pështjellohet nga një të fikët, avull lotësh, rrahje zemre gulfa-gulfa… dhe bie mbi trup të Gjergjit të vet pa frymë.
°°°
Atë ditë të diele, gjithë mahalla duel ndë dyer të oborreve, burra, gra, femijë dhe pyetnin si kishte ndodhë vrasja e shëmtueme. Një komshi tregoi.
Një farë Selman Aga paska qëllue ndenjë mbi një arkë  para dyqanit të N.N. e po i merrte erë një limoni, pasi ishte në Ramazan njinueshem (agjerueshëm). Gjergji paska kalue andej pari me cingare në gojë dhe si ndeshet me një shok, ndalet dy hapa larg Selmanit, i cili pa e njoftë i paska bertitë Gjergjit me idhnim që ta hudhin cingaren. Gjergji sikur nuk e ka dëgjue. Selmani ka çue zanin dhe e ka fye dhe Gjergji i asht pergjigjë me fjalë të randa. Selmani ka nxjerrë alltinë, ka shtie në të dhe ka ikë.
***
Gjithçka kishte krye. Nanë mjerën, kur erdhi koha ta marrin te vdekunin, mëzi e shkëputën nga trupi i tij. Gjergji në pushimin e mbramë u përcoll me nderime të mëdha. Nata po binte në shtëpinë në jazë si rrasa e randë bie mbi vorr. Roza me krye të varun në skaj të odës lëmonte lehtas teshat e mbetuna te birit. Ngushëllimet e shumta iu bajshin më kot, as dëgjonte dhe as shikonte njeri. Kusha, si përherë,  qendronte në heshtje pranë saj. Njatje vonë, kur shtëpia ra në heshtje të plotë dhe në odën e të shuemit nuk ishte kush tjetër veç dy plakave, Roza sikur erdhi ne vete. – Shko në kullë dhe çelja derën –tha-le të ikë. Rueju mos të shohin djelmtë! Mbas pak minutash Kusha u kthye.
-A shkoi!
-Shkoi, askush nuk u kujtue-tha Kusha.
Atëherë  Roza çoi sytë drejt fugures së varun në mur dhe ashtu ndejti gjatë, lotët i shkonin rrkajë. Dikur, mbi teshat e të birit e zuni gjumi.
***
Në krye të muejit ranë Pashkët. Farefis, miq  e të njohun simbas zakonit erdhën për ngushëllime. Në odën e pritjes janë rreshtue nana Rozë me të vetët. Tryeza në mes të dhomës asht e mbulueme me mbulesë të zezë, asgja sipër. Vezët e kuqe nuk janë ngjye për këto Pashkë e kushedi edhe për sa vjet nuk do të ngjyhen.
Oda e mbushun plot me miq asht e heshtun. Në mes të miqve që shkojnë e vijnë ia behë një i panjohun, i cili hyn pa zà. Ka një djalë nja dy vjeç para duersh. Të gjithë e vërejnë të habitun. Roza me kryet ulun e të mbuluem zi, nuk sheh gja. I panjohuni i del para dhe i drejtohet: Asht djali im. Në dorë tande: O merr gjakun e djalit si të përket, ose merrja flokët këtij fëmije. Ishte gjaksi, Selman Aga. Burrat u ngrejtën në kambë njëheri. Roza luejti kryet, e terun në fytyrë, nuk ngurroi aspak, muer djalin prej duerve të gjaksit dhe ia vuni në prehën të birit, Loros, tue thanë:
Për hatër të Krishtit!
***
Shkodër, 1938
Kategori
Uncategorized

Bashkim Gazidede: Fatos Klosi ka vrarë dy kryetarë të Shërbimit Informativ, kryetarin e Vlorës dhe Lushnjës – Lidhjet e mia me Berishën, dosjet, terrorizmi, piramidat dhe akuzat ndaj pasardhësit të tij.

2016-05-13_10-47-46“Nuk kam gisht në rrëmbimin e Remzi Hoxhës, as kam takuar Arkanin dhe as kemi trafikuar armë. Këto janë shpifje të ulta”

Për herë të parë, Bashkim Gazidede, drejtuesi për disa vjet i Shërbimit Sekret Shqiptar, i kthyer pak javë më parë në Shqipëri, që pas largimit në vitin 1997, rrëfehet për lidhjet e tij më Berishën, pjesëmarrjen në një organizatë të intelektualëve myslimanë, emërimin në krye të Shërbimit Informativ Kombëtar, asgjësimin e dosjeve, zhdukjen e biznesmenit Remzi Hoxha, deri te akuzat ndaj tij. Ndërsa ka lëshuar akuza të ashpra ndaj pasaardhësit të tij në detyrën e kreut të SHIK, Fatos Klosi, “i cili ka vrarë dy kryetarë shërbimi”, Gazidede ka mohuar që institucioni i drejtuar prej tij të ketë gisht në rrëmbimin e biznesmenit shqiptaro-maqedonas, Remzi Hoxha, zhdukja e të cilit është kthyer në rend të parë ditët e fundit.

TV KLAN : Zoti Gazidede, intervista juaj sot do të jetë një lloj profili, duke filluar që nga viti 1991 dhe duke u përqendruar kryesisht në ato pika që kanë qenë jo vetëm të mistershme, por shpeshherë edhe akuza ndaj jush ose ndaj institucionit që ju keni drejtuar gjatë viteve 1992-‘97. Por, po e nis pikërisht me atë profil. Cili ka qenë angazhimi juaj përpara vitit 1991 kur ju u zgjodhët deputet i Partisë Demokratike në Peshkopi?

Bashkim Gazidede: Unë kam mbaruar për mësues matematike në Shkodër në vitin 1976. Kam shkuar në shkollë të lartë pas një katërvjeçari ndërprerjeje, siç ndodhte shpesh në atë kohë. Kam mbaruar me rezultate shumë të mira. Kam punuar mësues në disa fshatra të Peshkopisë. Mbas njëfarë periudhe, arrita të rregulloj plotësimin e provimeve pranë UT në degën e Matematikës dhe në këtë periudhë më morën pedagog në Fakultetin e Shkencave, në katedrën e Matematikës. Që nga viti 1984 kam punuar në Fakultetin e Shkencave të Natyrës deri në vitin 1992, kur u bëra deputet i PD-së dhe më vonë shef i shërbimeve sekrete.

TV KLAN : Ç‘lidhje kishit ju me Partinë Demokratike?

Bashkim Gazidede: Unë vij nga një familje që nuk e ka dashur komunizmin asnjëherë. Jam rritur në një ambient familjar ku komunizmi është kritikuar vazhdimisht. Nuk mendoj se është më tepër merita ime, por merita e traditës familjare. Unë kam pasur shokë dhe miq, me të cilët gjithmonë kam folur për problemet që unë mendoja se nuk ishin të drejta në atë kohë. Kështu që nga 1991 nuk ishte gjë e jashtëzakonshme për mua. Unë dhe në fakultet, në atë kohë, kam pasur shokë dhe miq me të cilët bisedoja. Krijimi i PD-së për mua ishte një gjë që nuk më linte të mendoja e në cilën anë do të jem. Dhe, nëse unë kandidova për PD-në në 1991 në Peshkopi, edhe pse e dija që nuk fitohej, unë do t‘u bëja shërbim atyre patriotëve të mi nga Peshkopia. Të paktën, ata që më njihnin ta kuptonin se në cilën anë isha. Ky ishte qëllimi im në atë kohë. Pastaj ata menduan të më kandidojnë sërish në ‘92 dhe ndoshta jashtë dëshirës time, kandidova sërish në vitin 1992 dhe u zgjodha deputet.

TV KLAN : Zoti Gazidede, si ndodhi që u vutë ju në krye të SHIK-ut, në maj 1992?

Bashkim Gazidede: Unë nuk kam pasur asnjë lidhje personale me zotin Berisha në atë kohë, kur ai ishte President. Nuk e kisha takuar asnjëherë. Unë dhe sot e kësaj dite nuk e di saktësisht se kush më ka propozuar pranë tij. Sigurisht që do t‘i kishin folur fjalë të mira.

TV KLAN : Nuk u bëtë kurioz të dinit se kush ju propozoi të ishit në krye të SHIK-ut?

Bashkim Gazidede: E kam pyetur dhe zotin Berisha dhe nuk më ka treguar asnjëherë.

TV KLAN : Po si ju bë propozimi?

Bashkim Gazidede: Unë nuk e di se si u bë propozimi.

TV KLAN : Si ju bë juve propozimi?

Bashkim Gazidede: Mua më thirri zoti Berisha një ditë të shtunë dhe më tha se kishte menduar të më emërojë shef të SHIK-ut. Unë nuk pranova. Rezistova të them të drejtën, sepse mendoja se ishte një punë e vështirë për mua.

TV KLAN : Pse mendonit se ishte e vështirë?

Bashkim Gazidede: Kisha disa arsye që e kundërshtoja. Në radhë të parë, unë karrierën time e mendoja shkencore dhe jo politike. Në radhë të dytë, kisha fëmijë të vegjël dhe mendoja se kishin nevojë për kujdesin tim, pasi ime shoqe ishte e vetme mund të mos e përballonte rritjen e tyre. Kisha arsye shëndetësore etj. Zoti Berisha më bindi, nëse mund të them, duke më thënë se nëse ai nuk do të pranonte të ishte President, disa të tjerë s‘do pranonin të ishin kryeministra apo ministra, në qoftë se dhe unë s‘do pranoja të isha shef i SHIK-ut, d.m.th. ishte kot që u përfshimë në lëvizjen demokratike dhe i binte t‘ua linim pushtetin komunistëve.

TV KLAN : Dhe ju vendosët të pranonit drejtimin e Shërbimit Informativ. Po, a ishit ju zoti Gazidede në atë kohë një ndër njerëzit besnikë të Presidentit Berisha?

Bashkim Gazidede: Unë nuk e di se çfarë besimi kishte ai tek unë, sepse ai nuk më njihte fare. Ai mund të kishte dëgjuar për mua ato që ishin folur, por unë besoj se zoti Berisha, të gjithë bashkëpunëtorët e tij i ka zgjedhur, duke menduar se janë njerëz që e bëjnë një punë të caktuar. Kjo nuk mund të krahasohet me atë që erdhi pas meje në Shërbimin Informativ Kombëtar. Zoti Meidani që e zgjodhi zotin Klosi si shef të SHIK-ut, e zgjodhi duke u nisur nga shoqëria shumë e ngushtë që ata kishin gjatë punës në Shkencat e Natyrës. Këtë e di, sepse kam qenë dhe unë atje.

TV KLAN : Ju keni qenë kolegë me zotin Meidani dhe zotin Klosi?

Bashkim Gazidede: Po, në një fakultet kemi punuar. Zoti Meidani, për shumë kohë ka qenë dhe dekan i Fakultetit, ku unë kam qenë pedagog.

TV KLAN : Zoti Gazidede, doja t‘ju bëja një pyetje që është përfolur shumë në fillim të viteve ‘90, kur ju erdhët në krye të SHIK-ut. Në atë kohë ju keni qenë një anëtar i Shoqatës së Intelektualëve Islamikë, nëse s‘gaboj. Të paktën kështu është thënë nga shtypi. A ka ndikuar ky fakt në emërimin tuaj në krye të SHIK-ut?

Bashkim Gazidede: Në radhë të parë, dua t‘ju shpjegoj se çfarë ishte kjo shoqatë. Unë kisha disa miq që kishin njohuri të përgjithshme për fenë myslimane, ashtu siç mendojnë se kisha dhe unë. Mund të përmend Bardhyl Ficon, mund të përmend ndjesë pastë doktor Shefqet Ndroqin, mund të përmend kunatin e Rexhep Meidanit, Doktor Bylykun. Së bashku me ta, me iniciativën e Bardhyl Ficos krijuam një shoqatë të të ashtuquajturve intelektualë myslimanë. Kjo ka qenë diku në prag të zgjedhjeve të ‘92. Qëllimi i kësaj shoqate ishte të mos të lëmë të gjykojnë për fenë myslimane, në atë kohë, më vjen keq që e shpreh këtë fjalë, injorantët. Në kuptimin që ishin njerëz të pashkolluar, ishin njerëz që edhe fenë nuk e njihnin tamam. Ndërsa fetë e tjera kishin kuadro të përgatitur, të shkolluar, myslimanët nuk kishin dhe aq. Kjo ishte ideja themelore. Unë pastaj e pashë veten në një mbledhje, të parë dhe të fundit që është bërë në këtë lloj shoqate, i zgjedhur kryetar prej tyre. Zgjedhja u bë pas një debati që u bë për përfshirjen e fesë në politikë, në atë periudhë. U hodhën zëra që feja nuk duhet të përzihej në politikë dhe kjo është normale. Por, ideja ime ishte në atë kohë se feja nuk mund të ishte indiferente ndaj komunizmit, i cili ka qenë armiku më i egër ndaj fesë. Flas të paktën për në Shqipëri. Dhe mbase një prononcim i tillë më vuri në krye të asaj shoqate. Por, deklaroj se ishte mbledhja e parë dhe e fundit që kam mbajtur.

TV KLAN : A kishte lidhje mes faktit që ju u zgjodhët në krye të kësaj?
Bashkim Gazidede: Absolutisht jo, asnjë lloj lidhje. Madje, zoti Berisha dhe mjaft të tjerë, as mund ta dinin se ekzistonte një shoqatë e tillë.

TV KLAN : Zoti Gazidede, në momentin që ju morët në dorë çelësat e zyrës më misterioze të shtetit shqiptar, ose mund të themi se ishit trashëgimtar i Sigurimit të Shtetit, çfarë dinit për atë zyrë?

Bashkim Gazidede: Nuk dija pothuajse asgjë. Kisha një farë antipatie për Sigurimin e Shtetit në përgjithësi. Gjatë gjithë kohës, nuk kam pasur kontakte dhe shoqëri me asnjë punonjës të Sigurimit të Shtetit. Për çudinë time nuk më është afruar ndonjëherë, në ndonjë rast, asnjë prej tyre dhe kështu që nuk kam pasur ndonjë ide. Por, duke dëgjuar për bëmat e Sigurimit, sigurisht që kisha një lloj antipatie.

TV KLAN : Cila ishte trashëgimia e sigurimit që ju gjetët atje?

Bashkim Gazidede: Atje gjeta një personel që ishte, mund të them 100% i Sigurimit të Shtetit. E ashtuquajtura reformë që është bërë në ‘91 kishte nxjerrë vetëm një pjesë rezervë të këtij personeli prej 200 vetash, të cilët ishin në të njëjtën listë organike që kishin qenë, vetëm se nuk kishin të drejtë të vinin në zyrë, por e merrnin rrogën, kryetari për kryetar, shefi për shef, inspektori për inspektor, por duke qëndruar në shtëpi ose duke bërë çfarë t‘i thoshte partia.

TV KLAN : Në momentin që ju morët në dorë Shërbimin Informativ Kombëtar, që do të thotë se ishin trashëgimtari i parë i drejtpërdrejtë i Sigurimit të Shtetit, a konstatuat se në vitin 1991-1992, siç pretendonte dhe pasardhësi juaj Fatos Klosi, kishte asgjësuar dosjet e informatorëve dhe dosjet e tij?

Bashkim Gazidede: Po, kjo është e vërtetë. Ne u ndeshëm përballë një fakti që një pjesë e konsiderueshme dosjesh, mund të them një shifër të përafërt, rreth 10 mijë dosje, qenë asgjësuar në atë periudhë nga Ministria e Brendshme, dhe për sa kohë ishte dhe Sigurimi brenda Ministrisë së Brendshme, me firmën e zotit Gramoz Ruçi. Në këtë shifër përfshihet dhe një pjesë e konsiderueshme dosjesh që ishin djegur nga Irakli Koçollari, në atë kohë shef i SHIK-ut.

TV KLAN : A jeni i saktë në këtë shifër? Se ju thatë që ishin eliminuar 10 mijë dosje, ndërkohë që zoti Klosi tha me shifra të përafërta se Sigurimi i Shtetit gjatë gjithë kohës ka pasur jo më shumë se 5 mijë dosje?

Bashkim Gazidede: Kjo është krejtësisht e pasaktë.

TV KLAN : Përse është e pasaktë?

Bashkim Gazidede: Është e pasaktë, sepse do të thotë që Sigurimi i Shtetit gjatë një periudhë rreth 40-vjeçare ka pasur mbi 120 mijë informatorë.

TV KLAN : A jeni i saktë?

Bashkim Gazidede: Mund të gaboj me 5 mijë.

TV KLAN : Pra, mbi 100 mijë informatorë ?

Bashkim Gazidede: Pra, mbi 120 mijë informatorë dhe, gjykuar se çdo informator të kishte një dosje do të mendonim se kishte rreth 120 mijë dosje. Por duhet pasur parasysh, sepse mjaft raste asgjësoheshin dhe pas një periudhe. Ishin dosje që, pasi mbaronte aktiviteti i informatorit, kishin afat ruajtjeje 10 vjet – 20 vjet deri në 25 vjet. Pas kësaj periudhe asgjësoheshin. Quhej proces normal asgjësimi. Duke pasur parasysh këtë proces, mendoj se në kohën kur unë kam qenë drejtues në SHIK, duke hequr dosjet që ishin asgjësuar, ka pasur mbi 40 mijë dosje të Sigurimit të Shtetit.

TV KLAN : Çfarë dosjesh kishte asgjësuar Sigurimi i Shtetit?

Bashkim Gazidede: Shiko, ata pretendonin se kishin asgjësuar dosjet për agjitacion e propagandë dhe për tentativë arratisje. Por, asgjësimi ishte selektiv dhe i qëllimshëm, për të humbur gjurmët e veprimtarisë që kishin bërë organet e Sigurimit të Shtetit. Ata pretendonin se meqenëse agjitacioni dhe propaganda u hoq si figurë krimi, siç e quanin ata dhe tentativa për arratisje u hoq nga ‘tradhti ndaj atdheut‘, ata kishin të drejtë të asgjësojnë këto lloj dosjesh që ishin bërë në këto dy ‘figura krimi‘. Sigurisht që një gjë e tillë ishte e paligjshme, sepse ato ishin pjesë e historisë së popullit shqiptar gjatë periudhës së komunizmit. Nëse këto vërtet u hoqën nga figura krimi, siç i quajtën, ato mund të arkivoheshin. Ato nuk duhet të ishin më veprimtari në funksion, tani e mbrapa, por jo të asgjësoheshin. Asgjësimin e kanë bërë në kundërshtim të plotë më ligjet e asaj kohe. Me ligjet që ata vetë kishin vendosur, me rregullat dhe rregulloret që vetë kishin vendosur. Për këtë arsye, unë kam dërguar për ndjekje penale zotin Koçollari dhe disa të tjerë. Zoti Koçollari, për asgjësim të paligjshëm dokumentacioni u dënua me 6 vjet burg, pastaj ai ka dalë në 1997 dhe unë nuk di më tej.

TV KLAN : Zoti Gazidede, ju thatë se ishte bërë një asgjësim selektiv i dosjeve. Domethënë kjo që ishin asgjësuar dhe dosje personash të rëndësishëm politikë?

Bashkim Gazidede: Unë mendoj se po.

TV KLAN : Keni ndonjë fakt në këtë drejtim?

Bashkim Gazidede: Nuk kam ndërmend të përmend fakte, por ka fakte sa të duash për këtë gjë.

TV KLAN : Çdo me thënë ka fakte?

Bashkim Gazidede: Po, ka fakte. Shiko, në qoftë se ti ke dy bashkëpunëtorë, por le të themi se të dy janë të përfshirë në politikë, që do të thotë se kanë qenë bashkëpunëtorë në të njëjtin drejtim. Në qoftë se njëri ka qenë për agjitacion dhe propagandë dhe ti ia ke dokumentacionin, ia bën dhe publik. Ndërsa tjetrit ia fshihnin dokumentacionin, ia fsheh, ia djeg, ia zhduk. I lë ndoshta vetëm ndonjë kartelë. Ky është asgjësim selektiv.

TV KLAN : Në kohën që ju keni marrë në dorë SHIK-un, a ka pasur dosje të personave të rëndësishëm politikë të viteve 1992-1997?

Bashkim Gazidede: Ka pasur. Jo shumë, por ka pasur.

TV KLAN : Persona të rëndësishëm?

Bashkim Gazidede: Nuk dua të komentoj në këtë drejtim. Unë mund t‘ju them diçka tjetër në këtë aspekt. Zoti Klosi, në një intervistë që ka bërë me juve është shprehur se SHIK-u, nën drejtimin tim, ka bërë disa asgjësime selektive, jo me regjistrat, jo me ku di unë ç‘kishte ai ndërmend të thoshte. Unë ju garantoj se nuk është absolutisht e vërtetë. Nuk kam asgjësuar asnjë lloj dokumenti gjatë periudhës që kam drejtuar Shërbimin Informativ Kombëtar. Madje, dhe dokumentet që janë asgjësuar, janë djegur bashkë me djegien e degëve të SHIK-ut, nuk kanë sjellë ndonjë pasojë, sepse i gjithë dokumentacioni në kohën tonë ka qenë i dubluar.Dokumentacioni që ka ekzistuar nëpër degët e rretheve kishte një kopje në qendër. Përveç kësaj, dua t‘ju them se marrja në dorëzim e dokumentacionit nga sigurimi në kohën që kam ardhur unë është bërë me procesverbal, regjistër për regjistër dhe fletë për fletë. Të gjithë rreshtat që ata kanë fshirë nëpër regjistra, me bojë të bardhë apo të zezë, në një mënyrë apo në ndonjë mënyrë tjetër janë të dokumentuara në procesverbalet e marra në dorëzim nga unë.

TV KLAN : Pse janë fshirë?

Bashkim Gazidede: Këtë e dinë ata. Njerëz që nuk deshën t‘i kishim ne në dorë që kanë qenë njerëz të Sigurimit të Shtetit, kanë qenë spiunë të sigurimit etj.

TV KLAN : Zoti Gazidede, ju thatë që një pjesë e dosjeve të bashkëpunëtorëve të Sigurimit të Shtetit janë eliminuar në vitet 1990-1992, por ndërkohë po thoni se një regjistër vazhdon të ekzistojë me emrat e bashkëpunëtorëve. Kjo do të thotë që nëse sot dikush tenton të mësojë emrat e bashkëpunëtorëve, këtë mund ta bëjë?

Bashkim Gazidede: Mund ta bëjë.

TV KLAN : Edhe në qoftë se dosja është e djegur?

Bashkim Gazidede: Edhe në qoftë se dosja është e djegur kjo gjë bëhet. Sigurisht, këtu përgjegjësia është tjetër kund. Nuk mund të gjykosh për shkallën e implikimit të secilit bashkëpunëtor. Aty mund të kesh një bashkëpunëtor që nuk ka dhënë asnjë të dhënë. Pra, mund të ketë pranuar të bashkëpunojë me sigurimin, por s‘ka dhënë asnjë të dhënë që mund të dëmtojë një të tretë. Mund të jetë një tjetër që ka çuar në burg disa persona.

TV KLAN : Ish-ministri i Brendshëm, Luan Rama, është shprehur dy ditë më parë se dosjet e Sigurimit të Shtetit edhe nëse janë asgjësuar ekzistojnë të fotografuara në mikrofilma. Është e vërtetë kjo?

Bashkim Gazidede: Kjo është e vërtetë, por unë kam pasur dyshime që në atë kohë që një pjesë e mikrofilmave, në mos të gjithë, janë fshehur.

TV KLAN : Ju vetë keni disponuar mikrofilma në vitin 1992 kur keni ardhur në krye të SHIK-ut?

Bashkim Gazidede: Po, në disa raste kam parë mikrofilma për dosje të veçanta.

TV KLAN : Keni parë për dosje të veçanta, por a ekzistonin për të gjitha dosjet?

Bashkim Gazidede: Për dosjet e asgjësuara thuhej që ishin asgjësuar dhe mikrofilmat. Duke pasur parasysh që mikrofilmat nuk zinin volum fare, unë dyshoj se nuk janë asgjësuar, por janë fshehur.

TV KLAN : Kush mendon t‘i ketë fshehur?

Bashkim Gazidede: Unë mendoj për Gramoz Ruçin dhe pasardhësin e tij në Sigurimin e Shtetit, Irakli Koçollarin.

TV KLAN : Ju dyshoni se Gramoz Ruçi dhe Irakli Koçollari mund të kenë mikrofilmat e dosjeve të Sigurimit të Shtetit, të asgjësuara?

Bashkim Gazidede: Sigurisht që dyshoj, por dua të shtoj se ky është thjesht dyshim.

TV KLAN : Meqenëse iu referuam intervistës së zotit Klosi të dy javëve më parë në emisionin “Opinion”, ku ai është shprehur se ka dyshime që dosjet e kundërzbulimeve të Shërbimit Shqiptar me UDB-në ishin në dorë të UDB-së ?

Bashkim Gazidede: Unë nuk e di se nga i ka nxjerrë këto konkluzione zoti Klosi. Nëse kjo është e vërtetë, atëherë duhet të kenë ndodhur në kohën e zotit Klosi, sepse në kohën time nuk kanë ndodhur dhe për këtë jam i sigurt. Nëse do të isha në dijeninë e Klosit dhe do të kishte ndodhur kjo që thotë zoti Klosi, unë do ta kisha çuar për ndjekje penale, pa asnjë lloj hezitimi.

TV KLAN : Kur keni qenë në krye të SHIK-ut, a keni pasur dosje të Kundërzbulimit të UDB-së?

Bashkim Gazidede: Sigurisht, dhe janë ruajtur me fanatizëm dhe është bërë ajo që nuk ishte bërë për një kohë të gjatë, janë ruajtur në ambiente me kondicionerë sipas të gjithë rregullave të arkivave, rregullave bashkëkohore bëhet fjalë, me qëllim që ai dokumentacion të ishte në ruajtje të përhershme.

TV KLAN : Dua t‘ju bëj një pyetje të drejtpërdrejtë dhe dua një përgjigje të drejtpërdrejtë nga ana juaj. A keni bërë ju, si shef i SHIK-ut, ose persona të angazhuar nga ju, presionet me dosjet e personave politikë?

Bashkim Gazidede: Unë nuk kam bërë asnjë presion ndaj asnjë personi dhe nuk kam autorizuar asnjë person të bëjë presion.

TV KLAN : Jeni të sigurt se dosja nuk i është tundur ndonjë politikani për ta bërë atë ?

Bashkim Gazidede: Jam i sigurt. Asnjëherë !

TV KLAN : Nuk ua keni bërë as deputetëve të opozitës?

Bashkim Gazidede: Kurrë.

TV KLAN : Gjithsesi, në atë kohë që ishit në krye të SHIK-ut a ishin në dijeni të personave, politikanëve të rëndësishëm, që ishin me dosje?

Bashkim Gazidede: Shiko, disa gjëra mësoheshin dhe automatikisht aty. Unë nuk është se kam bërë ndonjë studim për këtë problem. Ne si shërbim informativ jemi përfshirë, kam përshtypjen, në prag zgjedhjesh të vitit 1996, për verifikimin e atyre figurave që do të kandidonin për deputetë të Kuvendit dhe ky ishte një proces ligjor.

TV KLAN : Ç‘model përdorët ju për të ngritur SHIK-un pas Sigurimit të Shtetit?

Bashkim Gazidede: Ne kemi përdorur modele të shërbimeve perëndimore.

TV KLAN : Që do të thotë…

Bashkim Gazidede: Unë kam pas punuar me mjaft shërbime perëndimore, vende anëtare të NATO-s kam marrë modele prej tyre dhe jam munduar t‘i aplikoj në ndërtimin e shërbimit.

TV KLAN : Cili ishte objekti kryesor i punës tuaj?

Bashkim Gazidede: Ishte mbrojtja e Kushtetutës

TV KLAN : Që do të thotë?

Bashkim Gazidede: Që do të se duhet të mbrohej vendi nga çdo veprim antikushtetues, qoftë i brendshëm, qoftë që mund ta kërcënonte dhe nga jashtë vendit.

TV KLAN : A quhej mbrojtje e Kushtetutës dhe përgjimi, ndjekja apo qoftë dhe represioni ndaj opozitës së kohës?

Bashkim Gazidede: Ne nuk e kemi përgjuar, as e kemi ndjekur dhe as që i kemi bërë represion ndaj opozitës së asaj kohe. Unë duhet t‘ju them zoti Fevziu, se opozita e asaj kohe, që ishte një parti pushtetare gati 50-vjeçare, e la pushtetin në një kohë që mendonte se nuk mund ta mbante më pushtetin. Dhe, sigurisht, ata kishin një eksperiencë 50-vjeçare në propagandë. Dhe, ata propagandën nuk e ndalnin për asnjë çast. Sipas meje, qëllimi i atyre për propagandën ishte të tregonin se demokracia është anarki, në demokraci gjithkush mund të bëjë çfarë t‘i dojë qejfi, prandaj diktatura nuk është dhe aq e keqe. Ata përpiqeshin të tregonin se vërtet Enver Hoxha ishte diktator, por çdo udhëheqës në Shqipëri mund të bëhet diktator, se edhe Sali Berisha ishte njëfarë diktatori. Ata përpiqeshin të tregonin se vërtet Sigurimi i Shtetit kishte qenë një organ represiv, por në fund të fundit dhe SHIK-u ishte si Sigurimi i Shtetit.

TV KLAN : Në fakt, po e imitonit ju Sigurimin e Shtetit?

Bashkim Gazidede: Aspak.

TV KLAN : A ishit vënë ju p.sh., në përgjim të numrave të telefonit të pjesëtarëve të opozitës së asaj kohe? Ka pasur disa denoncime në Parlament…

Bashkim Gazidede: Ato ishin ose disa fantazi të sëmura, ose pastaj të qëllimshme. Në atë kohë Shërbimi Informativ Kombëtar nuk përgjonte përveçse, është gabim të thuhet, disa dhjetëra telefona. Nuk duhet të përmend shifra, por as dhjetëra nuk ishin mundësitë e SHIK-ut për të përgjuar telefona. Dhe kur dilnin njerëz që pretendonin se mua më përgjojnë telefonin dhe mua më ndjekin këtej e andej, mua më vinte për të qeshur ose dëshpërohesha se si ka mundësi që këta njerëz të shpifnin në mënyrë kaq monstruoze.

TV KLAN : Gjithsesi, a ka pasur njerëz të SHIK-ut që ndiqnin nga pas ose sillnin raport për lëvizjet apo aktivitetin e personave të opozitës?

Bashkim Gazidede: Të opozitës jo, por persona që mund të ndiqeshin për arsye që i ndiqte SHIK-u, në përputhje me ligjin që kishte shërbimi, sigurisht që ka pasur.

TV KLAN : Po ju sjell një rast. Në një nga intervistat e tij, ku ka rrëfyer për aktivitetin e tij politik në vitet 1996-1997, zoti Ruçi është shprehur se është ndjekur hap pas hapi nga punonjësit e SHIK-ut deri në momentin që u largua për në Greqi…

Bashkim Gazidede: Zoti Ruçi ka qenë në një proces hetimor në atë periudhë, nëse do ta dini ju. Zoti Ruçi mund të kishte pësuar fatin e zotit Koçollari për asgjësimin e dokumentacionit në Ministrinë e Brendshme, ai përfitoi nga rasti që ishte me imunitet dhe sapo i përfundoi imuniteti iku në Greqi. Por ne nuk kishim arsye ta ndiqnim zotin Ruçi, për sa kohë ishte me imunitet. Ato janë sajesa të zotit Ruçi.

TV KLAN : A keni pasur ju bashkëpunëtorë në radhët e opozitës?

Bashkim Gazidede: Jo. E them me përgjegjësi.

TV KLAN : A kishit ju lidhje ose a kishit ju interferenca me regjimin politik të kohës?

Bashkim Gazidede: Jo, nuk kishim asnjë lloj interference. Ne e kishim të ndaluar me ligj për të ndërhyrë në partitë politike dhe me degët e tyre në rrethe.

TV KLAN : Si shpjegohej atëherë që media dhe pothuajse e gjithë opozita shqiptare ju akuzonte vazhdimisht për interferencë?

Bashkim Gazidede: Po them që ishte qëllimi i tyre të paraqisnin Shërbimin Informativ Kombëtar të ngjashëm me Sigurimin e Shtetit. Dhe, atë hijen e zezë të Sigurimit të mund t‘ia jepnin dhe kalonin SHIK-ut.

TV KLAN : Ju jeni në dijeni, madje dhe vetë gazetarët ju kanë pyetur lidhur me zhdukjen e biznesmenit kosovar, Remzi Hoxha, i cili është zhdukur në vitin 1995. Madje thuhet se është marrë nga dy makina të SHIK-ut. Është deklaruar se ai është vrarë, ose ka mbetur i vrarë pas torturave të punonjësve të SHIK-ut në zonën e Lezhës. Si është ky rast dhe ç‘ju thotë ky emër?

Bashkim Gazidede: Në vitin 1995 kur ka ndodhur zhdukja e këtij biznesmeni ka pasur një shkrim në “Gazetën Shqiptare” fillimisht, pastaj është akuzuar SHIK që atëherë. Që në atë rast, kam vënë në lëvizje dy drejtori në SHIK që të ndjekin këtë problem dhe nëse kishte ndonjë bazë për akuzat që i bëheshin shërbimit. Nga hetimi që u bë nga ne, për të cilin duhet të ekzistojnë dhe dokumente, në kundërshtim me atë që thotë zoti Klosi, del se nuk kishte ndonjë përfshirje të punonjësve të SHIK-ut. Zoti Klosi doli dhe akuzoi publikisht SHIK-un. Ai tha se unë kisha dijeni që ai kishte dijeni. Tha se ai e dinte që unë e dija, madje ai tha se e dinte që mund ta dinte dhe zoti Berisha. Ajo që thotë Klosi është një shpifje e pastër. Nëse prokuroria ka bërë hetime për këtë problem, ka arrestuar njerëz, të cilët janë lënë të lirë si të pafajshëm. Në një rast të tillë kur përfshihet drejtësia në një proces nuk ka më vend për komente dhe për përrallat që tregon zoti Klosi. Unë nuk e kuptoj se si zoti Klosi e thotë, edhe pse nuk ka fakte, që e ka bërë SHIK-u, megjithëse nuk ka prova ai thotë se e di zoti Gazidede. Nuk mund të flasë shefi i Shërbimit Sekret në mënyrën siç flet Klosi. Më thanë se në “Top Channel”, vëllai i Remzi Hoxhës kishte thënë se më ka çuar këtu ose atje zoti Klosi, duke më prezantuar si punonjës të SHIK-ut. Ky është një abuzim i pastër me detyrën dhe z.Klosi e ka bërë këtë thjesht për arsye politike. Dhe deklaratat e zotit Klosi janë thjesht politike.

TV KLAN : Por ç‘ka ndodhur me biznesmenin Remzi Hoxha?

Bashkim Gazidede: Sigurisht që po ta dija, do ta kisha zgjidhur që atëherë.

TV KLAN : Pra, ju po thoni se SHIK nuk është i përfshirë në eliminimin ose të paktën në marrjen peng të tij?

Bashkim Gazidede: Me kaq dijeni sa kam unë, jo.

TV KLAN : Është vërtetuar se makinat kanë qenë me targat e SHIK-ut…

Bashkim Gazidede: Targat për mua nuk tregojnë asgjë. Po ju përmend rastin kur shpërtheu automjeti pranë VEFA-s në 1996, ne gjetëm targat e kryetarit të një rrethi verior. Dhe kjo s‘tregon asgjë. Targat prodhoheshin në uzinën metalike të Gjirokastrës dhe kundrejt një ryshfeti merrje çdo lloj targe atje. Targa nuk është asnjë lloj treguesi.

TV KLAN : Prokuroria e Përgjithshme ka deklaruar se të tre të pandehurit që u morën për këtë çështje, kanë deklaruar se e kanë rrëmbyer personin, por nuk dinë më fatin e mëtejshëm të tij?

Bashkim Gazidede: Unë nuk di nëse ata kanë bërë një deklaratë të tillë. Nëse ata e kanë bërë një deklaratë të tillë, le ta gjejnë ata.

TV KLAN : Zoti Gazidede, a jeni ju i përfshirë në eliminimin dhe zhdukjen e biznesmenit Remzi Hoxha?

Bashkim Gazidede: Absolutisht jo.

TV KLAN : A keni qenë ju në dijeni të këtij rasti që në vitin 1995?

Bashkim Gazidede: Kam qenë në dijeni për akuzat që u bënë. Më ka thirrur zyrtarisht zoti Arbnori për të thënë se çfarë dinim ne për këtë rast. Dhe ne i kemi kthyer përgjigje zyrtare zotit Pjetër Arbnori për aq sa dinim ne. Përsëri më ka dërguar letër dhe Ali Spahia. Dhe ai ka marrë përgjigje zyrtare dhe nuk është e vërtetë që Spahia u ka thënë familjarëve se e ka SHIK-u dhe do t‘jua japë sot do t‘jua japë nesër, sepse s‘kishte si e thoshte këtë zoti Spahia kur një gjë e tillë nuk është pohuar nga SHIK. Mua me vjen keq për ata familjarë, ata kanë humbur vëllain, të dashurin e tyre, babin e tyre, por kjo nuk do të thotë se ata mund të akuzojnë kë të duan, kë t‘u dalë përpara. Kjo nuk do të thotë se zoti Klosi duhet të dalë përpara kamerave dhe të shpifë, pasi ai s‘e ka dhe për herë të parë që shpif.

TV KLAN : Mediat kanë përmendur faktin se i fundit që ka pasur kontakte, e ka parë ose ka biseduar me zotin Remzi Hoxha ka qenë zoti Kumbaro, që aktualisht ndodhet në Britaninë e Madhe. A keni dijeni se kush është ky person dhe a ka qenë efektiv i SHIK?

Bashkim Gazidede: Po, ka qenë efektiv. Ai ka qenë ish-oficer i Sigurimit të Shtetit me një stazh të gjatë pune ka punuar dhe në SHIK. Pas një fare kohe, ka dalë në lirim, siç i nxirrnim ne ish-oficerët me një farë rroge për 2 a 3 vjet, një rrogë e krahasueshme me rrogën e mësuesit të asaj kohe.

TV KLAN : Si shpjegohet që zhduket një biznesmen në mes të Tiranës, një person që ka pasur mjaft interes nga mediat dhe nga familjarët, dhe nuk gjendet asnjë gjurmë e tij?

Bashkim Gazidede: Nuk ka qenë ndonjëherë objekt i punës së SHIK-ut të merret me personat e zhdukur. Këto ishin probleme të policisë dhe nuk kishin pse ishin probleme të SHIK. Së dyti, gjatë kësaj periudhe nuk është rasti i parë që ndodhi. Gjatë periudhës që unë s‘kam qenë në Shqipëri janë vrarë në mes të Tiranës biznesmenë të fuqishëm, janë rrëmbyer në mes të ditës dhe rasti i zotit Hoxha nuk është rasti i vetëm. Mua më habit fakti se pse për këtë rast bëhet zhurmë sa herë afrohen zgjedhjet, ose sa herë që ka ndonjë qëllim politik. Kjo më habit. Është e drejtë e familjarëve të kërkojnë të afërmin e tyre, e drejta e medias të interesohet, por nuk mund të akuzohen njerëz pa fakte. Këtë të drejtë s‘e ka askush.

TV KLAN : Prokuroria e Krimeve të Rënda ka deklaruar se ka rihapur çështjen dhe se një nga personat që do të thirret për të dhënë shpjegime do të jeni dhe ju. A jeni i gatshëm për të dhënë shpjegime?

Bashkim Gazidede: Unë nuk e di se ç‘ka ndërmend Prokuroria e Krimeve të Rënda. Është punë e tyre nëse e hapin çështjen ose nuk e hapin, është punë e tyre nëse më thërrasin ose jo. Unë përderisa jam kthyer në Shqipëri, jam kthyer dhe jam në gjendje të përballem me çdolloj akuze që ngrihet ndaj meje.

TV KLAN : Nuk keni frikë nga kjo çështje ose çështje tjera që mund të hapen për ju zoti Gazidede?

Bashkim Gazidede: Çfarë frike? Unë nuk e ndiej veten të jem i implikuar në asnjë shërbim të kundërligjshëm. SHIK ka punuar në bazë të një ligji që është i aprovuar në vitin 1991. Shërbimi nuk punon me direktivat e Byrosë Politike, siç ka punuar Sigurimi i Shtetit. Çdo njeri që ka punuar në SHIK firmoste se ka qenë person i depolitizuar, që e njihte ligjin etj., etj. Dikush që e ka shkelur ligjin, ai raportohej tek eprorët e tij dhe penalizohej me vërejtje apo dhe deri largim nga puna. Nëse shkelja e ligjit është flagrante, ai mund të ketë marrë dhe dënimin.

TV KLAN : A keni pasur lidhje ose raport ju si SHIK me lëvizjet ilegale në Kosovë?

Bashkim Gazidede: Kë quani ju lëvizje ilegale në Kosovë, a mund të ma sqaroni ?

TV KLAN : Ka pasur një sërë lëvizjesh brenda Kosovës që nga viti 1992 e në vazhdim…

Bashkim Gazidede: Ne nuk kemi pasur asnjë lloj lidhjeje me organizata që kanë pasur ndonjë veprim me armë. Ne kemi pasur porosi të prerë që nuk duhet të bëheshim shkas për ndonjë nxitje të ndonjë luftë në Kosovë. Në këtë aspekt, nuk kemi pasur asnjë veprimtari konkrete.

TV KLAN : A keni futur armë në Kosovë?

Bashkim Gazidede: Nuk kemi futur asnjëherë armë për aq kohë sa kam qenë unë në krye të SHIK-ut. Ka tentuar të fusë armë Irakli Koçollari përpara meje dhe janë kapur nja 70 armë në kufi, bashkë me ato që i kishin armët. Janë gjykuar në Kosovë nga serbët dhe ne kemi pasur fatin të kemi në dorë deponimet e atyre që ishin të burgosur për këtë qëllim.

TV KLAN : Si u vunë në dispozicion?

Bashkim Gazidede: Na i sollën kosovarët. Kishin dalë nëpërmjet avokatëve të tyre dhe na i sollën në Shqipëri. Morëm vesh seç kishin pohuar atje për kohën që kishin qenë në Shqipëri. Kjo veprimtari e z. Koçollari ka qenë e paligjshme. Sipas meje, ai kish bërë një veprim pa u konsultuar me qeverinë e asaj kohe.

TV KLAN : Mund të quhej një veprim patriotik?

Bashkim Gazidede: Nëse mund të quhet patriotik, patriotizmin nuk kishte pse e bënte z. Koçollari pa dijeninë e qeverisë. Ishte atribut i qeverisë në atë kohë, z.Koçollari ishte pjesë e qeverisë, por s‘mund të bënte veprime të tilla. Unë mendoj se nga njëra anë ai deshi ta tregonte veten patriot dhe nga ana tjetër deshi të thoshte se qeveria e PD-së është nacionaliste dhe e rrezikshme.

TV KLAN : A keni pasur raporte me UDB-në?

Bashkim Gazidede: Nëse unë do të isha në një studio dhe nuk do të kuptoja që kjo pyetje ishte pa ndonjë qëllim të keq, do të nervozohesha. Nuk ka ofendim më të madh për një shqiptar, as për më tepër për një ish-drejtues të Shërbimit Sekret të ketë lidhje me serbët, armiqtë tradicionale të shqiptarëve.

TV KLAN : Po shërbimi juaj?

Bashkim Gazidede: Shërbimi ynë nuk mund të ketë asnjë lloj lidhjeje me jugosllavët, sepse qëllimet tona ishin të kundërta. Nuk kishim asnjë pikë të përbashkët. Është ndryshe sot gjendja në Ballkan, ndoshta shumë para në Ballkan mendojnë për paqen. Jugosllavia mendonte në atë kohë për luftë në Ballkan, ndërsa ne nuk ishim për luftë.

TV KLAN : A keni pasur ju një kontakt apo takim të drejtpërdrejtë me njërin nga personat më famëkeq të paramilitarëve, me Arkanin? Ka një akuzë nga një ish-ministër se ju jeni takuar me Arkanin fillimisht në Peshkopi dhe më pas, një takim i dytë në Tiranë, në hotel “Dajti”…

Bashkim Gazidede: E kam dëgjuar këtë lloj shpifjeje. E kuptoj që për një opozitar, në vendin tonë njerëzit nuk janë dashamirës dhe mund të shpifin. Ndoshta quhet normale shpifja. Por të arrijë shpifja deri atje sa ta cenosh në dinjitetin kombëtar dikë, më duket monstruoze. Unë kam pasur rastin të takoj në rrugë zotin Luan Rama, ose më saktë ai deshi të më jepte dorën dhe unë ia thashë këtë gjë. Megjithëse ai kishte dalë e kish thënë këtë gjë në televizion, mua më tha se nuk është e vërtetë se e kam thënë unë, e ka thënë z.Klosi. Por, si ai, si zoti Klosi, duhet të kenë turp të akuzojnë një shqiptar për tilla gjëra.

TV KLAN : A është e vërtetë siç kanë shkruar mediat se SHIK ka parandaluar një atentat ndaj Gligorovit?

Bashkim Gazidede: Jo, nuk është e vërtetë.

TV KLAN : Desha t‘ju bëj disa pyetje me atë që quhet arrestimi i të pestëve. Bëhet fjalë për arrestimin e pesë minoritarëve në Jug të vendit. A keni ju dijeni për këtë arrestim dhe a keni qenë ju iniciatori i tij?

Bashkim Gazidede: Që kam pasur dijeni për arrestimin është një gjë krejt normale. Ata kishin veprimtari antikushtetuese dhe për një veprimtari antikushtetuese u arrestuan dhe u dënuan. Këtu gjykohet shpesh për anën politike të problemit, por ana politike nuk i përket SHIK-ut, por politikanëve. Ne nuk kemi bërë asnjë veprim të paligjshëm. Arrestimin se kemi bërë ne, por kemi propozuar arrestimin e tyre. Arrestimi është bërë në bazë të të gjitha normave, madje përveç firmës së Prokurorisë së Përgjithshme, ne kemi pasur dhe firmën e zotit Brozi për kontrollin e banesave të atyre personave dhe për kontrollin e zyrave të OMONIA-s.

TV KLAN : Z. Brozi është shprehur publikisht se ju keni bërë presion që këta persona të dënoheshin, kur gjykata shpalli lirimin e tyre…

Bashkim Gazidede: Kjo nuk është e vërtetë, sepse nuk kisha asnjë arsye t‘i bëja presion z. Brozi. Aq më tepër nuk mund të bëja presion, pasi dhe vendimi ishte marrë.

TV KLAN : Cilat kanë qenë marrëdhëniet tuaja me zotin Meksi, në atë kohë Kryeministër?

Bashkim Gazidede: Mendoj se kam pasur marrëdhënie normale, nuk e di se ç‘ marrëdhënie ka pasur me mua z.Meksi.

TV KLAN : Z.Meksi është shprehur pak kohë pas largimit tuaj se në lëvizjet 1996-1997 ju ushtronit mjaft ndikim mbi zotin Berisha. Është e vërtetë?

Bashkim Gazidede: Zoti Berisha nuk është një njeri që ndikohet nga një person ose nga një tjetër. Zoti Berisha ka një mendim krejt të pavarur, ka një veti që dëgjon shumë vetë dhe bën si di vetë. Unë nuk shquhesha për dhënie këshillash. Mund të kem dhënë thjesht mendimin tim, kur më është kërkuar.

TV KLAN : A jeni ju në dijeni të faktit që një deputet i opozitës dhe një publicist i njohur janë goditur publikisht në atë kohë në Tiranë, Ndre Legisi dhe Edi Rama. A keni qenë ju i përfshirë në goditjen e tyre?

Bashkim Gazidede: Sigurisht që i kam dëgjuar, sepse unë këtu kam qenë në atë kohë, por më indinjon fakti se çdo gjë që ndodhte në Shqipëri, dhe për krimin më ordiner, akuzohej SHIK-u. Ndoshta një nga të metat e mia ka qenë që nuk kam bërë asnjë dalje publike që të përgënjeshtroj fakte të tilla. Megjithatë, jo çdo akuzë e kam lënë të kalojë në heshtje. Unë kam çuar për ndjekje penale në atë kohë shumë shpifje që janë bërë në media. Dhe pothuajse kemi fituar të gjitha çështjet. Kam pasur raste që eprorët më kanë detyruar të tërheq akuzat për arsye që i dinë ata.

TV KLAN : Kush i ka goditur këta persona shumë të rëndësishëm për kohën?

Bashkim Gazidede: Sigurisht, unë nuk i di dhe nuk ishte detyra ime ta dija.

TV KLAN : A duhet të merreshit me hetimin e kësaj çështjeje?

Bashkim Gazidede: Jo, nuk besoj. As është marrë dhe as duhej të merrej.

TV KLAN : SHIK duket se kishte informacion mjaft të mirë për gjithçka ndodhte në Shqipëri. A ishte në dijeni të faktit se disa firma piramidale po ngriheshin me mjaft shpejtësi në vitet 1995-1996?

Bashkim Gazidede: Sigurisht, që në hapat e parë.

TV KLAN : A keni informuar eprorët tuaj?

Bashkim Gazidede: Kemi denoncuar dhe janë dënuar disa drejtues të një firme që filluan për herë të parë në Selenicë të Vlorës. Ndoshta e para e kësaj natyre, që mblidhnin paret e qytetarëve dhe i thoshin se do na vinë ca para nga Nigeria dhe t‘ua jepnin dy apo trefish. Dy prej tyre kanë qenë dhe kosovarë që në atë kohë kishin blerë këndin e lojërave në Tiranë. Madje, një gazetë e asaj kohe më ka akuzuar mua se punoja për UDB-në se ishte arrestuar një deputet i Parlamentit të Kosovës pa i hequr imunitetin. Ne kemi bërë problem, pothuajse të gjitha firmat piramidale të asaj kohe, shumë kohë përpara se ato të agravoheshin.

TV KLAN : A u morën masa ndaj tyre kur ju keni informuar për rrezikun që ato paraqisnin?

Bashkim Gazidede: Unë këtë nuk e di, sepse nuk i përkisja ekzekutivit. E kam ngritur zërin dhe besoj se e kam ngritur fort. Unë kam bërë me dijeni të gjitha institucionet e mundshme që ishin në atë kohë në Shqipëri. Mund të them se kam informuar dhe drejtorinë e doganave dhe nuk e di pse e kam bërë këtë, kam informuar tatimet, Ministrinë e Financave dhe atë të Brendshme dhe Prokurorin e Përgjithshëm, Bankën Kombëtare etj.

TV KLAN : Këto ishin piramida të mirëfillta apo proces pastrimi i parave?

Bashkim Gazidede: Unë mendoj se kanë qenë piramida të mirëfillta. Në periudhën e fundit ka pasur përpjekje për pastrim parash, por mendoj se ka qenë përpjekje që nuk u materializua ndonjëherë.

TV KLAN : Kush i organizoi këto, sipas jush?

Bashkim Gazidede: Nuk dua të hyj në hollësira, por është fakt që rreth 70% e personelit që kanë punuar në këto firma kanë qenë ish-punonjës të Sigurimit të Shtetit dhe oficerë.

TV KLAN : Kush i organizoi?

Bashkim Gazidede: Se kush i organizoi, kështu legalisht dihet kush janë pronarët, por mendoj se në këtë mes ka pasur dhe strategji. Unë nuk kam ndërmend të flas kush e ushqeu këtë strategji.

TV KLAN : Ku kanë shkuar paratë e firmave. A keni dijeni?

Bashkim Gazidede: Po, një pjesë e mirë janë shpërdoruar nga vetë drejtuesit e firmave për jetë luksoze, për të blerë apartamente, vila, helikopterë etj. Një pjesë kam përshtypjen se mund t‘i kenë tjetërsuar më persona të tjerë të afërm me lidhje të ngushta familjare, shoqërore apo miqësore. Megjithatë, mendoj se kur ne vendosëm t‘i bllokonim firmat, shqiptarët kishin marrë gjysmën e parave të depozituara. Në disa firma ndoshta dhe më shumë.

TV KLAN : Gjatë kësaj kohe që i kishit nën vëzhgim a ka pasur tentativa për lidhje mes firmave piramidale dhe organizatave kriminale ndërkombëtare?

Bashkim Gazidede: Mendoj se ka pasur tentativa, por nuk besoj lidhje të ngushta.

TV KLAN : A ka pasur politikanë që kanë pasur lidhje financiarisht me këto firma?

Bashkim Gazidede: Sigurisht. Mjaft ka pasur.

TV KLAN : Kush kanë qenë këta?

Bashkim Gazidede: Nuk kam ndërmend të përmend emra.

TV KLAN : Po ju personalisht a keni përfituar?

Bashkim Gazidede: Jo, asgjë.

TV KLAN : Po gjatë kohës që keni qenë shef i SHIK a keni përfituar ekonomikisht?

Bashkim Gazidede: Unë kam një shtëpi. E gjithë pasuria ime sot është një apartament me një sipërfaqe 100 m2. Kam dorëzuar një apartament të vjetër dhe mora këtë, duke shtuar dhe një pjesë parash.

TV KLAN : Në media ka qarkulluar vetëm një foto e juaja gjithë këto vite. Pse kaq pak protagonist në të?

Bashkim Gazidede: Mendoj se edhe sot atë mendim kam, që shërbimet sekrete përderisa quhen dhe të tilla nuk kanë pse dalin publikisht dhe flasin çdo javë. Mendoj se nuk është kjo figura e një shefi shërbimesh. Mendoj se dhe veprimet e shërbimit duhet të jenë sekrete. Duhet të ketë organizma që t‘i kontrollojnë që të mos jenë jashtë kontrollit, por nuk mendoj se duhet të jenë publike punët e shërbimit sekret.

TV KLAN : Gjatë kohës që ju keni qenë në krye të SHIK-ut gjatë viteve ‘92-‘97 a ka pasur aktivitet të terroristëve islamikë në Shqipëri?

Bashkim Gazidede: Më prekët një çështje që më ka shqetësuar. Akuzat ndaj meje kanë qenë të pabaza dhe dashakeqëse. Dhe më duket me orkestrimin e mediave të majta në Shqipëri. Shumë media kanë deformuar tonet e mia siç u ka leverdisur. Nuk është kjo që më shqetëson. Mua më shqetëson dashakeqësia. Unë kam qenë kryetar i një shoqate, që unë kam qenë në mbledhjen e themelimit të saj, e cila ka qenë e para dhe e fundit mbledhje dhe kam qenë me persona të nderuar që ju përmenda dhe më sipër. Nuk thuhet asnjë fjalë për kunatin e z. Meidani, por unë akuzohem. Kjo nuk më duket normale. Në Shqipëri ka pasur mjaft shoqata islamike në ju kujtohet. Por unë dua të tërheq vëmendjen në diçka që mund të jetë interesante. Në mos 100% mbi 90% e këtyre shoqatave kanë ardhur në Shqipëri gjatë vitit 1991 kur PD s‘ka qenë në pushtet dhe unë s‘kam qenë në krye të SHIK-ut. Sot mund të gjeni në Kryeministri një raport 200 faqesh dhe një analizë të të gjitha shoqatave islamike, që kanë vepruar në Shqipëri me propozime konkrete.

TV KLAN : Kush e ka hartuar raportin?

Bashkim Gazidede: Shërbimi që kam drejtuar unë.

TV KLAN : Në cilin vit?

Bashkim Gazidede: Në periudhën ‘92-‘96. Ky raport i fillimit të vitit 1996. Me propozime konkrete. Kjo shoqatë duhet mbyllur, ky duhet përzënë, ky ‘non grata‘ etj.

TV KLAN : Ka pasur persona të rrezikshëm islamikë që kanë operuar në territorin shqiptar?

Bashkim Gazidede: Po, ka pasur dhe për këtë është bashkëpunuar më shërbime të tjera. Unë mendoj se këta persona kanë gjetur në Shqipëri një strehë, më tepër t‘u shmangeshin shërbimeve të vendeve të tyre. Por kjo nuk na ka lënë që në të mos merreshim më ta. Dhe unë që paskam qenë mysliman i rrezikshëm, paskam organizuar një segment shtetëror që merrej me këtë punë dhe që shkëmbeja informacione me shërbimet sekrete perëndimore për këtë problem.

TV KLAN : A i keni informuar ju shërbimet sekrete perëndimore për rrezikshmërinë e këtyre personave?

Bashkim Gazidede: Kur them unë se kemi ngritur një sektor të posaçëm për këtë punë, ne kemi ngritur një sektor në bashkëpunim me një shërbim perëndimor, nuk dua të përmend emër. Të gjithë personat që kanë punuar aty janë stërvitur prej tyre, janë mësuar prej tyre dhe informacioni është shkëmbyer me përfaqësues të vendeve të NATO-s.

TV KLAN : Personat që ndodheshin në Shqipëri ishin terroristë të thjeshtë apo ishin koka të organizatave terroriste?

Bashkim Gazidede: Nuk besoj se ka pasur koka, të themi në nivelin e Bin Laden, por themi se ka pasur persona të inkriminuar në veprimtari terroriste në disa vende, edhe të Evropës. Dhe për këtë qëllim, kanë qenë vënë në dijeni vendet përkatëse.

TV KLAN : Ka qenë apo jo Osama Bin Laden në Shqipëri?

Bashkim Gazidede: Po të kish qenë do të ishte arrestuar, sepse ne e njihnim fare mirë Bin Ladenin.

TV KLAN : Nga e njihnit?

Bashkim Gazidede: E njihnim nëpërmjet shërbimeve sekrete perëndimore që interesoheshin.

TV KLAN : Të cilat ishin në ndjekje të tij?

Bashkim Gazidede: Sigurisht.

TV KLAN : Dhe në Shqipëri nuk është gjendur asnjë gjurmë e Bin Ladenit?

Bashkim Gazidede: Absolutisht jo. Ne dinim fare mirë, e dinim periudhën kur Bin Laden ka qenë në Sudan dhe ku ishte Bin Laden. Domethënë kemi qenë të interesuar, sepse interesoheshim për lidhjet që ai mund të kishte në Shqipëri.

TV KLAN : Kishte lidhje në Shqipëri?

Bashkim Gazidede: Nuk na ka rezultuar ndonjë lidhje e drejtpërdrejtë e tij në Shqipëri. Mendohej nga disa kolegë që nëpërmjet disa formave të ftohej në Shqipëri dhe të arrestohej, por sigurisht, ishte një fantazi kjo.

TV KLAN : Ka pasur një koment në shtypin e 6 viteve më parë, që shënonte faktin se Bin Laden ka qenë në Shqipëri dhe se ju jeni takuar me të në një shtëpi pranë përroit të Zaranikës në Elbasan?

Bashkim Gazidede: Nuk jam në dijeni as të kësaj akuze, por nuk me çudit fakti, pasi e di që nuk kanë lënë asgjë pa shpifur dhe do e konsideroj shpifje të radhës.

TV KLAN : Ç‘raporte keni pasur ju me Shërbimin Sekret Amerikan?

Bashkim Gazidede: Raporte normale. Dy shërbime mike. Unë e kam vizituar dhe pas vizitës time më është kthyer vizita nga drejtori i CIA-s i asaj periudhe. Njëkohësisht, kam pasur marrëdhënie normale me ta, kemi shkëmbyer informacione dhe kam marrë dy letra falënderimi nga dy ish-drejtorë të CIA-s për kontributin që shërbimi ynë ka dhënë në luftën kundër terrorizmit.

TV KLAN : Në cilat fusha bashkëpunonit më shumë?

Bashkim Gazidede: Kryesisht në shërbimin antiterrorist.

TV KLAN : A e keni njohur ju Xhorxh Tenet?

Bashkim Gazidede: Jo, nuk e kam njohur.

TV KLAN : A keni qenë në dijeni të aktivitetit të tij në Shqipëri?

Bashkim Gazidede: Nuk dua të komentoj.

TV KLAN : Mendoni se ka pasur dorë në ngjarjet e vitit 1997?

Bashkim Gazidede: Nuk dua të komentoj. Nuk është rasti.

TV KLAN : T‘ju bëj një pyetje që është rihapur dje. Botuesi i “Koha Jonë” ka kërkuar në prokurori hapjen e dosjes për djegien e “Koha Jonë” më 2 mars 1997, Madje, ai thotë se e ka bërë këtë kërkesë që nga momenti kur ju jeni kthyer në Shqipëri…

Bashkim Gazidede: Është e drejta e zotit Lesi të bëjë çfarë deklarate të dojë.

TV KLAN : E dini ç‘ka ndodhur më 2 mars 1997 në redaksinë e “Koha Jonë”?

Bashkim Gazidede: E kam marrë vesh pasi është djegur, por s‘kam ndonjë gjë interesante për të treguar për këtë, pasi ajo ishte një periudhë kur ne kishim probleme më të mëdha se kjo.

TV KLAN : A është implikuar SHIK në këtë djegie?

Bashkim Gazidede: Jo. I mohoj kategorikisht.

TV KLAN : Ishit në dijeni vjeshtën e vitit 1996, ose të paktën a kishit marrë informacione që situata ishte në eksplodim e sipër për arsye të mbledhjes së shumë parave në firmat piramidale?

Bashkim Gazidede: Po, dhe unë kam informuar. Duhet të dallojmë diçka. Kam dëgjuar mjaft personazhe që mundohen t‘ia hedhin fajin njëri-tjetrit. Unë mendoj se kam më pak përgjegjësi, sepse e kam ngritur zërin nuk e shkarkoj veten nga përgjegjësia, të kisha dalë dhe të kisha dhënë dorëheqjen.

TV KLAN : A e besonit se situata do shpërthente?

Bashkim Gazidede: Jo vetëm e besoja, por edhe e kam shkruar një gjë të tillë.

TV KLAN : E keni vënë në dijeni administratën e kohës?

Bashkim Gazidede: Besoj se po.

TV KLAN : A mendonit se në 1996 kishte ende kohë për të marrë masa për ta parandaluar këtë fenomen?

Bashkim Gazidede: Po, kishte kohë.

TV KLAN : Pse nuk ndodhi?

Bashkim Gazidede: Nuk dua t‘i hyj kësaj historie. Por kam qenë i vendosur të mbylleshin firmat dhe në një farë mënyrë për ta dëshmuar këtë qëndrim timin çova për ndjekje penale firmën “Xhaferri” dhe fitova gjyqin e shkallës së parë. Çështja shkoi në shkallën e dytë dhe kundrejt një ryshfeti u luajt me dosjet. Gjykata e Apelit nuk kishte dosje për gjyqin, Gjykata e Shkallës së Parë tha se nuk e kemi dosjen dhe për çudi në kohën që unë nuk kam qenë në Shqipëri dëgjova që ishte mbyllur firma “Xhaferri”. Për mua ka qenë problemi shumë i qartë që unë kam bërë më tepër se ç‘më takonte.

TV KLAN : Mendoni se këto firma u toleruan për të shuar zhurmën që vinte nga zgjedhjet e kontestuara të majit 1996?

Bashkim Gazidede: Edhe mundet. Unë kam pasur një mik timin, gazetar në opozitë dhe me të diskutonim për firmat. Dhe me shokët kur pyesnin, u thosha paret të shtohen në xhepin tënd dhe s‘kanë pse shtohen në xhepin e Xhaferrit. Unë i kam thënë se meqenëse pozita s‘po e bën punën si duhet, bëjeni ju opozita, shkruajeni te gazeta juaj që firmat janë të rrezikshme. As ata nuk e bënë. Pozita dhe opozita kanë të njëjtën përgjegjësi. Veç kësaj dhe ata që e quajnë veten profesorë të ekonomisë dhe ata duhet ta bënin. Pasi ndodhi thanë të gjithë, pse s‘u bë kjo, pse s‘u bë ajo.

TV KLAN : A kishin lidhje politike këto firma piramidale?

Bashkim Gazidede: Nuk e them dot se ato kishin lidhje, por politika mundohej t‘i shfrytëzonte për nevojat e veta.

TV KLAN : A është përfshirë SHIK në rrahjen e deputetëve të opozitës në 28 maj 96?

Bashkim Gazidede: Jo, nuk është përfshirë SHIK.

TV KLAN : Në shkurt 1997, madje që në janar, në Lushnjë, dhe më pas në Vlorë, filloi protesta. E kuptonit ju, që në mbrojtje të Kushtetutës, duhet të vinit në dijeni eprorët se situata mund të agravohej dhe më keq. A i vutë në dijeni eprorët për këtë?

Bashkim Gazidede: Po besoj se nuk ishte e vështirë të kuptohej kjo.

TV KLAN : U shqetësuat që s‘po merreshin masa për zgjidhjen e problemit?

Bashkim Gazidede: Nuk them se s‘po merreshin masa, por situata po ikte nga dora dhe s‘ishte e thjeshtë. Kishte dy mënyra duke shpresuar se mund të rregullohej kështu dhe ashtu.

TV KLAN : Ju personalisht, në cilën pjesë jeni?

Bashkim Gazidede: Nuk dua të komentoj për këtë.

TV KLAN : A ishit ju në favor të vendosjes së gjendjes së jashtëzakonshme që në fillim të muajit shkurt?

Bashkim Gazidede: Besoj se po.

TV KLAN : Për çfarë arsye?

Bashkim Gazidede: Për të vendosur rendin dhe qetësinë.

TV KLAN : A e ka provokuar SHIK ose pjesëtarë të SHIK të degës së Vlorës grevën e urisë së studentëve vlonjatë natën e 28 shkurtit 1997?

Bashkim Gazidede: Absolutisht jo, në asnjë rast, në asnjë moment. Nuk ishte në interesin tonë ta bënim një gjë të tillë. Ata ishin njerëz të irrituar që dilnin përditë në miting, që flisnin kundër qeverisë me një urrejtje patologjike. Kuptohej qartë se nëse do t‘i ngacmoje ata njerëz do kishte pasoja. Thuhej se punonjësit e SHIK-ut shkuan i ngacmuan, një furgon i bardhë qarkullonte në atë kohë. Furgonin e bardhë ata e kishin në dorë ta kapnin, të gjenin targat, të gjenin nga erdhi nga s‘erdhi. U fol për furgon të bardhë, por nuk u gjet asnjëherë ky furgon i bardhë. Ato ishin të gjitha të stisura, në mënyrë që të goditej edhe i vetmi institucion që kishte mbetur akoma në këmbë SHIK. Mund t‘u them diçka interesante që s‘e kam thënë asnjëherë më parë: kanë qenë nja dy deputetë të opozitës në kohë, duke vizituar ata të grevës së urisë në Vlorë dhe atje kanë parë mitralozë 12,7, kallashnikovë, granat-hedhës, se si ishin të armatosur ata që ruanin grevën e urisë dhe ata ishin të tmerruar se nuk e dinin që grabitja e armëve kishte filluar shumë kohë më parë.

TV KLAN : Po ju a ishit në dijeni të kësaj?

Bashkim Gazidede: Po.

TV KLAN : Pse s‘i kishit marrë masat?

Bashkim Gazidede: Kjo grabitje duhej të pengohej nga ushtria dhe jo nga SHIK. SHIK në atë kohë kishte rreth 1300 veta roje magazinierë etj. Pra, një shërbim që informon dhe jo që të vepronte. S‘mund t‘i mbyllte SHIK-u depot e ushtrisë.

TV KLAN : Si e morët informacionin që selia e SHIK-ut po sulmohej dhe atje ndodheshin brenda 3 punonjës?

Bashkim Gazidede: Më njoftuan ata që ishin në godinën e SHIK.

TV KLAN : Si ishte reagimi juaj?

Bashkim Gazidede: Nuk dua të komentoj. Ndodhën gjera të tmerrshme.

TV KLAN : A keni tentuar ju me ministrin e Mbrojtjes Zhulali t‘u vinit në ndihmë?

Bashkim Gazidede: Ç‘interes ka të diskutojmë për këtë. Duhet diskutuar fakti që zoti Klosi ka vrarë dy kryetarë Shërbimi Informativ, kryetarin e Vlorës dhe Lushnjës.

TV KLAN : Si i vrau?

Bashkim Gazidede: Duhet pyetur zoti Klosi. Njëri u vra në shtëpinë e tij në Greqi dhe tjetri në Lushnjë.

TV KLAN : Në ç‘vit janë vrarë?

Bashkim Gazidede: Menjëherë sa erdhi zoti Klosi kryetar i SHIK.

TV KLAN : Është marrë vesh përse janë vrarë?

Bashkim Gazidede: Sepse kanë qenë kryetarë SHIK-u, për çfarë arsye tjetër!

TV KLAN : Pas sulmeve të godinave të SHIK a ishit të informuar se ç‘po ndodhte me materialin që ishte brenda?

Bashkim Gazidede: Materialet u grabitën, u hodhën dhe u dogjën.

TV KLAN : A kanë pasur dorë shërbimet fqinje në ngjarjet e 1997-ës?

Bashkim Gazidede: Është mirë të mos komentoj.

TV KLAN : Po Shërbimi Informativ Amerikan, CIA?

Bashkim Gazidede: Ne kemi pasur marrëdhënie normale me CIA-n.

TV KLAN : Pse u zgjodhët ju në krye të operacionit gjatë gjendjes së jashtëzakonshme?

Bashkim Gazidede: Nuk u zgjodha unë, më zgjodhën. Unë sigurisht që nuk kundërshtova.

TV KLAN : A keni dijeni pse ju?

Bashkim Gazidede: Jo nuk e di. Por nuk më dukej burrëri të kundërshtoja

TV KLAN : A keni tentuar ju, z.Gazidede të shtypnit me dhunë atë që është quajtur revolta e ‘97?

Bashkim Gazidede: Jo. Unë u thashë që Berisha nuk zgjodhi rrugën represive. Nqs do të zgjidhej rruga represive, problemi do të ishte shumë i thjeshtë. Do të burgoseshin drejtuesit e opozitës dhe Zani Caushi do të ishte në motoskaf dhe do të ikte.

TV KLAN : Ju po thoni që opozita i ka stimuluar këto lëvizje?

Bashkim Gazidede: I ka drejtuar, jo stimulur. Ajo ishte një kryengritje që e organizoi Paria Komuniste, Partia e Punës së Shqipërisë kundër pushtetit antipopullor të Sali Berishës, siç e quanin ata. Për këtë nuk kam foluar ansjëherë, por për çudi nuk ka foluar as Klosi apo askush nga Ministria e Brendshme deri më tani. Në vitin 1976, pas atyre grupeve të famshme armiqësore në të gjitha fushat në Shqipëri, është vendosur të ngrihej një degë e posaçme në këtë ministri që quhej dega e agjentëve të konservuar, jashtë quhej e agjentëve të fjetur.

TV KLAN : Çfarë ishin këta?

Bashkim Gazidede: Këta ishin njerëz do të rekrutoheshin që nuk do të kishin ndonjë aktivitet në atë periudhë, por që në ndonjë pushtet antipopullor të ardhshëm do të depërtonin dhe do të shërbenin pastaj për ta rrëzuar atë pushtet që ata e quanin antipopullor. Ata lloj agjentësh janë zgjedhur sistematikisht deri në vitin 1992 deri kur kemi ardhur ne në pushtet. Dhe nga ky vit deri më sot, nuk ka kaluar shumë kohë, janë vetëm 14 vjet. Dhe pse jo, të aktivizuar gjatë kohës që ne ishim në pushtet. Më 92-96 ata janë aktivizuar për të përmbysur pushtetin antipopullor, siç e quanin ata dhe pse të mos jenë aktive dhe sot. Dosjet e këtyre lloj njerëzish duhen hapur.

TV KLAN : A gjenden?

Bashkim Gazidede: Ato janë zhdukur. Por ne kemi gjetur disa fragmente që u kanë shpëtuar këtej andej për të treguar ekzistencën e këtyre lloj agjentëve.

TV KLAN : A mund të gjenden?

Bashkim Gazidede: Shiko e pamundur nuk është. Por mund të rikonstruktohen edhe në qoftëse nuk gjënden.

TV KLAN : Z. Gazidede ku keni jetuar në këtë vite dhe ku u larguat? Është folur që keni qënë në Siri, Afganisatan Arabine Saudite?

Bashkim Gazidede: Unë kam qënë në Turqi dhe gjatë gjithë periudhës nuk kam lëvizur nga Turqia.

TV KLAN : Keni qënë i kontaktuar nga shërbimet atje apo jo ?

Bashkim Gazidede: Unë kam qënë atje me një lloj asistence me të cilën kam jetuar.

TV KLAN : Dhe me se jeni marrë?

Bashkim Gazidede: Unë jam marrë me profesionin tim dhe kam shkruar rreth 7 libra matematike, katër prej të cilava janë botuar. Këto katër libra kanë afërsisht nga 3 mijë faqe.

TV KLAN : Pse vendoset të ktheheshit në 2005?

Bashkim Gazidede: Unë ju thashë se edhe largimi në një farë mënyrë qe i detyruar. Nuk desha që të më gjykojnë kriminelët.

TV KLAN : A jeni në disponim të sekreteve që mund t’ju bëjnë të fuqishëm tek politika z. Gazidede?

Bashkim Gazidede: Edhe nëqoftë se jam unë nuk jam nga ato persona që mundohem të përfitoj nga të tilla gjëra.

TV KLAN : Jeni apo jo?

Bashkim Gazidede: S’kam munduar të përfitoj asnjëherë nga të tilla rrethana dhe s’do të mundohem asnjëherë të përfitoj. E quaj një rrugë të paligjshme një përfitim të tillë/
(Marrë nga emisioni “Opinion” i Blendi Fevziut, në TV Klan)

Kategori
Uncategorized

Qofshi të mallkuar o bijë bushtrash, që damkosni padrejtësisht të ardhmen tonë.

pasaporta-biometrik

Duke zbritur me ashensor drejt lobit, tre zyrtarë flisnin mes tyre për ngjarjet në qytetin ku jetoj. Mes të tjerash permenden dhe rolin e shqiptarëve dhe të një qeveritari në këtë ngjarje.

Kur zyrtarët përmendnin fjalën “albanians” unë kërrusesha brenda rrobave të mia. M’u krijua një boshllëk në fund të barkut dhe qëndroja si mumje egjiptiane, brënda kafazit të ashensorit. Ato sekonda rrugëtim mu dukën një ferr. Sa herë përmendej nacionaliteti im, aq grushta dhe fshikullime ndjeja në fytyrë.
Çfarë lidhje kam unë dhe miliona shqiptarë mbarë globit me pjella injorante, me fytyra të shëmtuara që trembin dhe vetë diellin?! Çfarë lidhje kanë ato djem e vajza që studiojnë e diplomohen në universitetet e mbarë botës?! Çfarë lidhje kemi ne me politikanë injorantë e kriminel dhe falangat e tyre nëpër skutat e krimit nëpër botë?
Historia e vendit tim të përvuajtur, nuk e meriton këtë përbaltje planetare. Ajo tokë ka nxjerrë ikona që i respekton bota. Kush ka durim këtej të dëgjojë se Mother Tereza është shqiptare? Kush ka kohë të tepërt këtej të dëgjojë historinë e vërtetë të përballjes së heroit tonë madhështor Gjergj Kastriotit me hordhitë islame? E keqja zë vend menjëherë, ajo shpërndahet si pluhuri i shkretëtirës mbi tjegullat e banesave. E mira vjen shumë ngadalë, ndoshta mbetet dhe rrugës. Prej jush o bastardë, ai komb do vuajë izolimin e heshtur të perëndimit!
Qofshi të mallkuar o bij bushtrash, që damkosni padrejtësisht të ardhmen tonë, të fëminjëve tanë, të sakrificave tona. Ju që nuk kini brekë në bythë, perfshiheni në ngjarje turpëruese dhe të paimagjinueshme për një europian, ju… që nuk dinit të lidhnit brekët deri dje dhe sot ju mësuan kurvat nëpër hotele dhe motele të lidhni kravatën. Ju mosmirënjohës, ju trushpëlarë, ju mënxyra, që i bëheni ferra nëpër këmbë kriminalisht vendit tuaj, ju frymorë inferiorë! Ju jeni antinatyrë, ju jeni antikohë! Ju jeni judë e tradhëti bashkë. Vdekshi të gjithë në rrugën tuaj kanibaleske me soj e sorrollop!

Vdekshi të gjithë ju armiqtë dhe dogmatikët e fëlliqur, që kthetrat tuaja i keni ngulur mbi trupin e sfilitur të kombit! Edhe njëherë mallkuar qofshi ju, bashkëpuntorë të krimit dhe tutor kriminelash, që shisni çdo gjë për të kënaqur epshet e buçeve dhe prostitutave, që i mbani në krahë a përkrahu!

Mallkuar qofshi ju, që nuk nginjeni me gjakun djersën dhe jetët e të pafajshmëve, të vobekët! Mallkuar qofshi ju, kollarexhinjë të pështirë, që do t’u shkonte më mirë litari në qafë!

Shumë shpejt dita po afron dhe mallkimi do j’u zërë, si ato që punojnë për ju edhe ju që punoni kundër Shqipërisë dhe shqiptarëve.

Koha po afron, se vjenë një ditë që lahen borxhet!

Ndërsa shkruaj, më besoni me dridhen duart dhe turfulloj si një qënie e plagosur, e rënkimi më del nga shpirti: Çfarë j’u kemi marrë, përveçse ju kemi dhënë atë që nuk e keni merituar, ju bastardëve të ndyrë të  këtij kombi?! Por përgjigjie s’ka, përveçse ndonjë qeshje si ngërdheshje. Lus zotin të jemi ne që do qeshim mirë, ne që do qeshim të fundit!

* Xh. London për Zathur.net (editor Anri Bala)

Kategori
Uncategorized

KOLEGËT E MI SPIUNË (Flet ish-zyrtari i lartë i SHIK-ut)

12 maj 2016.

Spiunin aktiv nuk mund ta shpëtojë asnjë vendim gjykate, përderisa është thirrur  e ka pranuar dhe mban një pseudonim. Por ende nuk e kuptoj se si disa nga këta bashkëpunëtorë të zellshëm dhe që kanë dëmtuar njerëz të ndryshëm, kanë sy e faqe e dalin nëpër ekrane.

Ish-funksionari i lartë i Shërbimit Informativ në vitet ’90, Andrea Dimushi, kishte premtuar në një intervistë të mëparshme se një ditë do të tregonte bashkëpunimin me ish-Sigurimin e Shtetit, të një sërë emrash të njohur të politikës.

– Na thuaj ndonjë emër tjeter ish-kolegu…

Një djalkë pe Rakicke (fshat kufitar në Korçë), na e sollën në Librazhd pas mbarimit të shkollës e më pas u bë i madh në PD??

Është Ridvan Bode…

Nga fukara kooperative, tani vetëm makina i bën mbi 70.000 euro!

Nuk do flisja për të nëse nuk do drejtonte një fushatë të ardhshme e do i thotë demokratëve se kur PD do vijë në pushtet do qeverisë me duar të pastra… më mirë se në kohën e “Sudes”?

Zot na ruaj!!

Po i bie drejt o Ridvani i Rakickës… Ke qenë bashkëpunëtor i Sigurimit?

Je i pasur o kolegu im spiun?

Me pseodonimin “Korçar”.

A vazhdon ta këndosh atë këngën e dikurshme “o moj “korcar-re”, sa e bukur je?”. Si nuk na ke treguar njëherë si erdhe në Tiranë e për çfarë kontribuove në demokraci që u bëre nr. 2 i PD-së?
– Po mund të kenë qenë dhe viktima…

– Dëgjo.

Ishin apo jo viktima, po tregoj se si funksiononin gjërat në atë kohë, si bëhej rekrutimi i agjentëve, për shembull.

Për tërhequr një person si bashkëpunëtor bëhej një studim i imtësishëm i personit, i familjes dhe rrethit të tij familjar. Oficeri i Sigurimit përzgjidhte në çdo rast njerëzit më të përkushtuar të mundshëm për atje ku e ndjente të nevojshme. Mbasi mbaronte studimi i paraqitej propozimi kryetarit të degës dhe kur ai e miratonte, oficeri krijonte mundësinë e kontaktit dhe, sigurisht, ka mijëra mënyra për një takim të fshehtë. Në takimin e parë, pasi i vinte rrotull për qëllimin dhe nevojën që kishte partia për bashkëpunim, i kërkonte personit bashkëpunim.

Askush që ka në regjistër një pseudonim nuk mund të pretendojë se nuk ka pranuar të bashkëpunojë… pra të bëhet “koleg”.

Dhe unë sot po flas për ca nga këta kolegë që na shfaqen çdo ditë nëpër ekrane e na bëjnë moral si më të ndershmit e botës…

Spiunin aktiv nuk mund ta shpëtojë asnjë vendim gjykate, përderisa është thirrur  e ka pranuar dhe mban një pseudonim. Por ende nuk e kuptoj se si disa nga këta bashkëpunëtorë të zellshëm dhe që kanë dëmtuar njerëz të ndryshëm, kanë sy e faqe e dalin nëpër ekrane.

Është e çuditshme për mua, por duhet të çuditemi të gjithë…

Si është e mundur që të gjithë “kolegët” e mi spiunë që u morën me politikë vetë, por dhe të afërmit e tyre janë shumë të pasur? Ka një shpjegim të thjeshtë në dukje… Këta u futën me ndërmjetësim në politikë e biznes… U pompuan dhe ia dolën të bëhen krahu financiar i politikës që, duke vënë paratë në punë, blenë vota… pra blenë pushtet. Pushtet për të bërë më shumë para. Kjo duhet të marrë fund. Dosjet duhet të hapen para zgjedhjeve të ardhshme që këta krimba që bënë të pa vlerë shpresën e popullit për demokraci të mos gëlojnë më në zyrat e shtetit. Sot unë përmenda vetëm disa emra. Por ka edhe plot të tjerë që do t’i përmend një herë tjetër…

Kategori
Uncategorized

Gazeta gjermane: Mimi Kodheli me helikopter për shoping në Hamburg.

IMG_20160512_152019Gazeta e përditshme gjermane, “Hamburg Morning Post” i ka kushtuar një shkrim një shëtitje të ministres Mimi Kodheli në dyqanet e famshme në Hamburg.

Tabloidi gjerman shkruan se, Kodheli ka shkuar në dyqanet e zonës Alsterhaus, duke kaluar plot të dy orë atje.

“Tri limuzina me drita të ndezura, një Mercedes S-Class dhe një automjet i policisë ushtarake.

Vizitë shtetërore?

Jo, ministrja shqiptare e Mbrojtjes, Mimi Kodheli po bën pazar.

Kodheli gjendet në një vizitë zyrtare në Gjermani, ku të hënën u taku me homologen e saj, Ursula von der Leyen. Në këtë takim u diskutua kryesisht për situatën në Ballkan, konfliktin në Ukrainë dhe politikat e presidentit rus Putin.

Pas vizitës në Berlin, Kodheli shkoi në Hamburg me helikopter. Në këtë qytet, ministrja e Mbrojtjes ka bërë dy orë shopping në dyqanet VIP të Alsterhaus”,- shkruan “Hamburg Morning Post”.

Veprimtaria politike, apo deklaratat e bëra atje nuk janë motivi i këtij shkrimi. Ministrja ka ngjallur interes me shëtitjet e saj nëpër dyqanet e famshme në Hamburg. Më pas ajo është parë me Hummer dhe makina të tjera luksoze nëpër dyqanet e kushtueshme VIP të Alsterhaus.

Gazetari është përpjekur të marrë vesh nga shitësit për shpenzimet që ka bërë ministrja, por nuk ka mundur të zbulojë diçka të tillë. Ajo që ka çuditur të gjithë është fakti se Mimi Kodheli shoqërohej nga makina të shumta luksoze.

kodhelisdgsdgsdg

Kategori
Uncategorized

Kisha Katolike: Popullin s’mund ta përfaqësojnë njerëz të inkriminuar e të korruptuar.

Kisha Katolike bën thirrje që Reforma në Drejtësi të garantojë integritetin e personave që përfaqësojnë qytetarët shqiptarë, duke eliminuar çdo mundësi për përfshirjen e figurave me precedentë penalë apo të përfshirë në afera korruptive.

Konferenca Ipeshkvore e Shqipërisë, e mbledhur në asamblenë e saj të zakonshme, në datat 10-11 maj 2016, ndër të tjera ka diskutuar edhe për Reformën në Drejtësi. “Ndër shumë aspekte të kësaj reforme do të donim të veçonim dy prej tyre që ne i shohim si të rëndësishme dhe jetësore për vendin dhe demokracinë.

Së pari, kjo reformë duhet të garantojë që, ato apo ata, të cilët do të përfaqësojnë popullin si të zgjedhur apo që do të shërbejnë si të emëruar, të jenë figura të pastra nga precedentë kriminalë apo afera korruptive. Nevoja e njerëzve të përkushtuar dhe që shërbejnë pa interesa të dyta apo për të mbuluar të kaluarën e tyre, është një hap i rëndësishëm në ndërtimin e shoqërisë dhe sidomos në fuqizimin e organeve përfaqësuese në të tria pushtetet që njeh demokracia:

legjislativi, ekzekutivi dhe gjyqësori. Është jetike për vendin dhe për kuptimin e drejtësisë që kush punon në këto organe të ketë një sens përgjegjësie dhe drejtësie të spikatur e plot me pasion, përveçse të jetë një figurë e papërlyer nga barra e korrupsionit dhe kriminalitetit”, thuhet në komunikatën e shpërndarë për mediat.

Së dyti, Kisha Katolike vë theksin tek ndryshimet kushtetuese që kanë të bëjnë me ligjin e mosdiskriminimit.

“Kisha Katolike mbështet nismat për mosdiskriminimin dhe reflektimi i saj nxitet nga kujdesi për çdo lloj situate njerëzore që kërkon delikatesë dhe tutelë. Në këtë prizëm, edhe në Kishën Katolike, ka një reflektim që shkon në drejtim të përkujdesjes dhe mosdiskriminimit në të gjitha dimensionet e jetës njerëzore. Nga ana tjetër ne kërkojmë nga ligjvënësit që këto ndryshime, në një të nesërme, të mos prekin kodin dhe sensin e familjes, që për ne të krishterët është ajo e themeluar mbi martesën ndërmjet një burri dhe një gruaje. Ashtu e ka theksuar edhe Papa Françesku në dokumentin e tij të fundit Amoris Laetitia duke thënë shprehimisht: ‘…vetëm bashkimi ekskluziv ndërmjet një burri dhe një gruaje kryen një funksion shoqëror të plotë, duke qenë se është një angazhim i qëndrueshëm që bën të mundur vazhdimësinë e jetës. Duhet të pranojmë larminë e madhe të situatave familjare që mund të ofrojnë njëfarë rregulli jete, por çiftet bashkëjetuese apo bashkëjetesat e personave me të njëjtën gjini … nuk mund të barazohen aq lehtësisht me martesën. Asnjë bashkim i paplotë apo i mbyllur ndaj vazhdimësisë së jetës nuk mund të na sigurojë të ardhmen e shoqërisë’”, thuhet në njoftimin për shtyp. Drejtësia është një nevojë e brendshme e njeriut, si indvid dhe si shoqëri citon Kisha Katolike.

“Një shoqëri e drejtë është një e drejtë për të gjithë.

Kisha Katolike dhe të krishterët katolikë jetojnë në shoqërinë shqiptare dhe janë pjesë e gjallë e saj, prandaj ne si barinj kemi për zemër çdo çështje që ka të bëjë me mirëqenien e grigjës që na është besuar, por edhe të vendit në përgjithësi. Për këtë arsye, ne si barinj të Kishës Katolike, inkurajojmë institucionet përkatëse, përfaqësuesit e popullit në Parlament, partitë politike dhe të gjithë punonjësit e drejtësisë, që të angazhohen fuqishëm në këtë reformë dhe ajo të zbatohet sa më mirë dhe sa më shpejt. Drejtësia e vonuar është gjithmonë drejtësi e mohuar – thotë një rregull i lashtë i së drejtës. Pa vonesa, por me kompetencë dhe vendosmëri, Reforma në Drejtësi duhet të realizohet dhe të jetë sa më e efektshme”, thuhet më tej në reagimin e Kishës Katolike.

Kategori
Uncategorized

Wikileaks-Withers: Veliaj, një qen sulmi i Edi Ramës.

rama-withers-veliaj

Ne skanerin e Ambasades se Shteteve te Bashkuara te Amerikes nuk kane kaluar vetem zhvillimet kryesore politike ne Partine Socialiste, por edhe individe, te cileve kryetari Edi Rama u ka besuar detyra te veçanta. Siç rezulton nga nje kabllogram i publikuar nga Wikileaks, kreu i G99, Erion Veliaj permendet si nje njeri i cili ka rol gjithnje e ne rritje ne seline roze.

Ne vleresimin qe ambasadori ben per Velijan, e pershkruan ate si nje njeri te besuar te Rames, por edhe te perdorur per sulme ndaj kundershtareve. “Rama perdor shpesh Veliajn per te kaluar mesazhe tek ambasadat dhe Veliaj eshte pershkruar nga shume vezhgues si

“qen sulmi” i Rames gjate fushates”,

shkruan Uidhers ne kabllogramin qe flet per situaten politike ne daten 8 korrik 2009.

Kategori
Uncategorized

PO I SHET RAMA, APO….PO JA ÇMONTOJNË RAMËS?

Kolazh rama tarafi

Ndërsa pritej një rikthim perandorak plot madhështi pas vizitës në Shtëpinë e Bardhë, zhvillime të vrullshme dhe të befasishme ja demontuan skemën Edi Ramës dhe tarafit të tij.

Njerëz të afërt me kryeministrin Rama, ose të akuzuar se janë satelitë të mbështetur prej tij në distancë, kanë pësuar goditje penale, politike apo ekonomike.

I pari dhe më i bujshmi  ishte Shullazi. I dyshuar fort për lidhjet e tij në distancë me Ramën dhe Tahirin, i forti i ’21 Dhjetorit’ u arrestua me akuzën e kërcënimit ndaj rektorit Mynyr Koni dhe tashmë vazhdon të jetë ende në qeli, pasi në drejtim të tij rëndojnë ende akuza për gjobëvënie biznesmenësh.

Arrestimi i Shullazit ndodhi kur Rama dhe Tahiri ndodheshin në avion duke u kthyer nga SHBA-të. Kryeministri ishte bërë gati që vizitën e bujshme dhe takimin me Obamën ta vendoste në funksion të retorikës për ‘mbështetje madhore’ për reformën në drejtësi, por skema ngeci dhe Rama bashkë me Tahirin e gjetën veten nën shigjetat e forta të dyshimit për bashkëpunim me një ndër personazhet më problematikë për drejtësinë shqiptare në dekadën e fundit.

Goditja e dytë erdhi ndaj Gjergj Bojaxhiut. Ndërsa pritej që Bojaxhiu të shpallte partinë e re, Top-Channel njoftoi se ai është në hetim për korrupsion dhe pastrim parash. Hetimi i Bojaxhiut është kryer si pjesë e një aksioni të gjerë nga organi i akuzës në tregun e hidrokarbureve.

Bojaxhiu paraqiste valencën e një operatori të ri politik që do krijonte një xhep votash për të gjithë qytetarët që ishin të pakënaqur nga sistemi aktual politik. Por valenca e tij përthyhet disi kur identifikon rrymat mediatike që e mbështetën në aksionin e fundit për konceptimin e partisë së re.

Janë mediat dhe portalet proqeveritare ato që po e promovonin Bojaxhiun, ndërsa një nga personat kyç në këtë lojë është dhe Eduart Zaloshnja. Ky i fundit njihet si një zgjatim i hershëm i Ramës në media,zakonisht merret me statistika por ka prezencë mediatike në një portal që është pronë e një ortaku të Olsi Ramës.

Në një moment sinqeriteti gjatë një debati televiziv, Zaloshnja u shpreh se meqenëse ishte LSI-ja e cila vendoste që prej vitit 2005 se kush duhej ta qeveriste Shqipërinë, partia e Bojaxhiut ishte parë si artificë për t’i hequr LSI-së këtë dominancë.

Goditja e tretë ndaj tarafit të Edi Ramës, erdhi pikërisht me formularin e dekriminalizimit që plotësoi kryetari i Bashkisë së Kavajës, Elvis Roshi. I vënë në shenjestër për të kalurën e tij kriminale, por i mbrojtur fuqishëm nga Rama, Roshi pranonte në formularin e tij se ishte ndaluar në Gjermani.

Në KQZ flitet se kryetarja Luzi ka nisur një fushatë të fortë për të zbuluar se kush e nxorri formularin për mediat, ndërkohë që prokuroria tashmë ka nisur hetimin.

Goditja e katërt, por që mesa duket mund të mos jetë e fundit, ishte ajo e heqjes së mandatit të deputetit Koço Kokëdhima. I njohur si njeriu i ngushtë i Edi Ramës, Koço Kokëdhima e gjeti dje veten pa mandat.

Është ironike se si kryeministri që prej afro një viti përpiqej ta paraqiste veten si kryereformatori, si politikani i vetëm që kishte integritetin e duhur për të bërë reformën e shumëdëshiruar në drejtësi, në vigjilje të miratimit të reformës, po e gjen veten mes personave me implikime kriminale apo penale.

Megjithatë nuk është çudi që një pjesë e këtyre personazheve të jenë ‘lëshuar’ nga vetë Rama. I njohur si një politikan që braktis lehtësisht betejat, Rama mund të ketë vendosur të bëjë ‘neutralin’ tashmë, për të mos cënuar pushtetin e tij kryeministor në zyrën e mbushur me piktura. / HashtagAL

Kategori
Uncategorized

Ambasadorët qesharakë.

Trokitja brutale në dyert e partive i ka bërë dy ambasadorët kryesorë të perëndimit pre të kritikave për arrogancë. Por frika është se po ndodh krejtësisht e kundërta. Procesi i vështirë i reformës në drejtësi, po rrezikon ti shndërrojë ata në qesharakë.

Deri më tani ka ndodhur pikërisht kjo.

Lulzim Basha u thotë prej gati një viti se ai dhe partia e tij e duan vërtet reformën. Por në fakt ditë pas dite PD-ja nxjerr alibi të reja, jo për ta votuar këtë dëshirë dhe vullnet të ndërkombëtarëve, por për ta shtyrë në kohë. Pavarësisht se ç’thotë, opozita është e frikësuar se, më shumë sesa shqiptarët, nga reforma mund të përfitojë Edi Rama. Prandaj bën lojën e dyfishtë: ndryshe i flet Lusë dhe Vlahutinit e krejt ndryshe vepron në praktikë.

Po të njëjtën gjë bën edhe Ilir Meta. Ai në gjuhë është më i vendosur sesa Basha, por e ka mbështetur të gjithë strategjinë antireformë tek shpresa se atë nuk e do PD-ja. Pavarësisht se ç’thotë kur është përballë ambasadorëve, ai nuk ka lënë rast, herë duke futur Spartak Brahon dhe herë duke nxjerrë Ylli Manjanin, për të shprehur rezervat e tij.

Nga dy të parët, Edi Rama ka një fjalor më të qartë pro ligjërimit të ndërkombëtarëve. Por nga ana tjetër ai e di se nëse Shqipëria do të ketë një byro hetimore dhe gjykata speciale për dënimin e korrupsionit, gjysma e kabinetit të tij nuk do të ishin në tavolinën ovale të qeverisë, por pas hekurave të qelisë. Ndaj ai ka vënë një bast: do të flasë deri në fund pro reformës me shpresën dhe besimin se koalicioni i fshehtë PD- LSI , nuk do ta lejojë kurrë të miratohet.

Në kurthin e kësaj loje me tre gënjeshtarë kanë rënë ambasadorët perendimorë. Dhe absurditetin më të madh të tyre dhe të specialistëve që kanë nga pas, shqiptarët e panë me një nga pikat e famshme të nenit 25, atë ku anuloheshin krimet e ministrave të mëparshëm.

Ende ndërkombëtarët nuk kanë dhënë një shpjegim se pse e futën këtë pikë në draft. Për të garantuar ish ministrat e Berishës? Për të garantuar Ilir Metën dhe vartësit e tij për ato që bënë në qeverinë e shkuar?

Kjo ende nuk dihet.

Por ajo që dihet është se Lulzim Basha i nxorri zbuluar duke thënë  se ky nuk qe një nen që e kishte negociuar ai. Rama, i trembur nga kritikat e krahut të tij radikal, që nuk e toleronte dot amnistimin e ish ministrave të Berishës, deklaroi se ky nen nuk do të kalonte. Madje shtoi se edhe miqtë ndërkombëtarë nuk janë të pagabueshëm.

Kështu kopili mbeti në derën e të gabueshmëve Lu, Vlahutin dhe vartësve të tyre, të cilët ende nuk dinë të shpjegojnë se si u fut në draftin përfundimtar të reformës ky nen absurd.

Për të ka vetëm një shpjegim të arsyeshëm. Ai është çmimi që po paguajnë diplomatët në cirkun e stërmundimshëm për të bindur politikanët gënjeshtarë lokalë.

Pikërisht odiseja e këtij neni përbën një minihistori të asaj që po ndodh me krejt reformën në drejtësi. Të gjendur përballë pafytyrësisë dhe gjuhës së dyfishtë të drejtuesve të partive tona, ambasadorët janë detyruar të hyjnë në lojrat meskine të politikës, herë të negociojnë dhe herë të shantazhojnë. Herë të lëshojnë koncesione të pabëshme dhe herë të tregojnë dhëmbët.

Kjo taktikë e re ka dy risqe.

E para ajo mund të nxjerrë një dokument final të reformës që do të jetë fryt i pazareve dhe jo produkt i parimeve.

Risku i dytë është se ky proces, ashtu sikurse po tregon, mund t’i shndërrojë në joseriozë përfaqësuesit më të rëndësishëm të perëndimit në Shqipëri.

Duke i futur në lojën vendase të baltës, ai mund t’i baltosë edhe ata. Duke i involvuar në negocimin mes tre palëve mashtruese, ai mund të zbehë edhe peshën e tyre në sy të publikut.

Dhe kjo pasi me Lu dhe Vlahutin po ndodh diçka e veçantë.  Roli i tyre në Shqipëri është shumë më i ndryshëm sesa ai i paraardhësve. Këta të dytët gjithnjë kanë pasur si mision qëndrimin mbi palët. Kanë bërë gjykatësin nëse një aksion i qeverisë ka qenë i drejtë apo jo, nëse një ligj ka qenë i duhuri apo jo, nëse një palë zgjedhje janë vjedhur apo jo. Kështu që nga Rajersoni e deri tek Limprehti, që nga Mariza Lino deri tek Sekui, kanë pasur fatin e madh të mos jenë pjesë e lojës, por ta shohin atë nga kolltuku i një arbitri tenisi.

Ndërsa reforma në drejtësi e ndryshoi misionin e Lu dhe Vlahutin. Ata nuk kanë detyrë vetëm të gjykojnë nga lart, ata kanë zbritur në fushë, pasi duan të imponojnë një produkt krejtësisht të tyrin.

Pikërisht ky transformim, nga arbitër në lojtarë, i ka bërë atë më vulnerabël. Pikërisht ky ndryshim statusi i ka bërë ata më të mashtrueshëm, më të pafuqishëm, më të pambrojtur në sytë e publikut nga intrigat dhe lojrat meskine të politikanëve tanë bizantinë.

Ndaj dhe halli real i tyre nuk janë kritikat se po shkelin sovranitetin. Se po tregohen brutalë.

Problemi i Lu dhe Vlahutin nuk është se po hyjnë si kaubojsë në dyert e selive qëndrore të partive, por se po i përcjellin prej tyre me nga një “PO” qesharake, që në fakt nuk shërben për asgjë.

Kategori
Uncategorized

Përse ra Kostandinopoja.

Perandoria Bizantine ekzistoi për rreth 1125vjet, dhe është një nga perandoritë më tëmëdha të të gjitha kohërave. Rruga e krijimit tësaj filloi me të qenit kryeqytet i pjesës Lindoretë Perandorisë Romake, qyteti iKostandinopojës – më pas Bizanti, dhe sotStambolli – u bë kryeqendra e një shoqërie qëruajti traditat greke dhe romake, ndërkohë qëpjesa më e madhe e Perëndimit kaloi nëPeriudhën e Errët (e konsideruar si periudha einjorancës, supersticionit dhe kaosit social).Perandoria Bizantine mbrojti trashëgiminëkulturore të Europës Perëndimore deri nëzhdukjen e barbarizmit, kur më në fund pjesëte çmuara greke dhe romake u hapën sytëeuropianëve dhe hodhën bazat e Rilindjes.Shumë historianë pranojnë se nëse Bizanti nukdo e kishte mbrojtur Europën, ajo do ishtesunduar nga pushtuesit turq.

Më 11 maj të vitit 330, Kostandinopoja (ish-Bizanti) bëhet kryeqyteti i Perandorisë Romake. Përfundimisht, kjo perandori Lindore e Ortodhoksisë së krishterë e njohur si Perandoria Bizantine do të tkurrej në vetëm kryeqytet me rrethinat e saj – dhe do të binte nën Perandorinë Osmane në betejën historike të vitit 1453. Qyteti mori emrin Stamboll. Më pas u bë kryeqyteti i katërt dhe i fundit i Osmanëve deri në rënien e kësaj perandorie në vitin 1923, kur u zëvendësua me Republikën e Turqisë dhe me Ankaranë si kryeqytet.

Përse ra Kostandinopoja?

Në Itali, perandori i fundit romak u rrëzua në vitin 476. Në lindje, Perandoria Romake, që njihej si Perandoria Bizantine, vazhdoi të qëndrojë në këmbë edhe njëmijë vite të tjerë. Kryeqyteti, Kostandinopoja, që kish marrë emrin e perandorit të parë të krishterë, u bë për të krishterët e Bizantit një qendër me po aq rëndësi sa edhe Roma, me Papën si patriark. Kostandinopoja mbajti gjithashtu një pozitë kyçe ekonomike përgjatë rrugëve tregtare midis Detit të Zi dhe Detit Mesdhe, si dhe në mes Evropës dhe Azisë.

Kostandinopoja dukej e pathyeshme. Pavarësisht më shumë se njëzet rrethimeve, ushtritë e vetme që pushtuan Kostandinopojën ishin ato të kryqëzatës së katërt dhe ata ia dolën vetëm me dinakëri. Në 1204, pjesëtarët e kryqëzatës, duke pohuar miqësi me vëllezërit e tyre të krishterë, i ankoruan anijet e tyre në Bririn e Artë, që ishte porti i qytetit. Më pas, hipën me shkallë në muret që në atë anë të qytetit ishin të ulëta, dhe e plaçkitën. Kështu që në 1453, kur sulltan Mehmeti II dhe ushtria e tij turke rrethoi qytetin, mbrojtësit e tij bllokuan hyrjen e Bririt të Artë me një zinxhir hekuri, të lidhur me disa lundra. Kjo do të thoshte që Mehmetit do t’i duhej të depërtonte në muret e anës perëndimore të qytetit. Për ta bërë këtë, ushtritë e tij do t’i duhej që së pari të kalonin një hendek me ujë, ishte 18.5 metra i gjerë. Pastaj ata do të duhej të kapërcenin një mur me gurë 9 metra të lartë, 21 metra të trashë, ndërkohë që mbrojtësit e qytetit i bombardonin me gurë, shtiza dhe vaj të nxehtë. Kushdo që arrinte të kalonte do të gjendej i bllokuar në mes të murit të jashtëm dhe një muri të brendshëm, 12 metra të lartë dhe 18 metra të gjerë. Të shpërndara brenda hapësirës së këtyre dy mureve ishin 96 kulla. Askush nuk e kishte thyer ndonjëherë. Edhe Atila, kur kish parë mbrojtjen e qytetit, kishte urdhëruar hunët e tij që të tërhiqeshin.

Mehmeti ishte i vendosur që ta pushtonte Kostandinopojën. Këshilltarët e tij, duke përfshirë Vezirin e Madh, Halil Pashën, e quajtën shumë të rrëmbyer sulltanin 22-vjeçar, ndërsa planin e tij të pamatur. Mehmeti i injoroi të gjithë. Ai ndërtoi një kala nëpër Bosfor që nga Kostandinopoja dhe në fillim të pranverës ngriti një bllokadë. I urdhëroi njerëzit e tij që të gërmonin poshtë mureve, por bizantinët arritën të kundërveprojnë ndaj secilës prej këtyre përpjekjeve. Më 20 prill, disa anije gjenoveze lundruan përtej bllokadës dhe – me zinxhirët e hequr në mesin e natës – hynë në Bririn e Artë. Në këtë moment, Mehmeti urdhëroi inxhinierët e tij që të ndërtonin një rrugë në anën tjetër të portit dhe me anë të qeve që kish marrë me vete tërhoqi shtatëdhjetë anije nëpër tokë, drejt Bririt.

Megjithatë, pas shtatë javëve, asnjë turk nuk kishte kaluar muret e qytetit. U duk se Pashai kish patur të drejtë. Brenda në qytet, bizantinët ishin të tejlodhur, por ende të vendosur. Pas kësaj, erdhën një seri ogurësh që nuk mund të shpërfilleshin. Një mjek venecian, Nicolo Barbaro, u bë dëshmitar i ngjarjeve nga brenda mureve. “Në orën e parë të natës, u duk një shenjë e mrekullueshme në qiell, që ishte për t’i treguar Kostandinit, Perandori i Parë i Kostandinopojës, se perandorisë së tij krenare po i vinte fundi”, shkruante Barbaro. “Në orën e parë pas muzgut u ngjit Hëna, që kish qenë gjithë kohës e plotë, kështu që duhet të ngjitej në formën e një rrethi të plotë, por ajo u ngjit sikur të ishte jo më shumë se një Hënë treditore, duke u shfaqur shumë pak, ndonëse ajri ishte i pastër si kristal”.

Sipas Barbaros, eklipsi hënor ndodhi në 22 maj; të tjerë thonë në 24 maj. Sido që të jetë, ishte shqetësuese. “Perandori i Kostandinopojës ishte shumë i frikësuar nga kjo dhe po kështu të gjithë të tjerët”, vazhdon Barbaro, “sepse grekët kishin një profeci që thoshte se Kostandinopoja nuk do të binte deri kur Hëna e plotë të jepte një shenjë”. Kishte edhe shenja të tjera po kaq shqetësuese. Teksa një statujë e Virgjëreshës – ikona më e shenjtë e qytetit – po transportohej nëpër rrugë, ajo u shemb në tokë. Më pas pati një stuhi të papritur dhe kortezhi u desh të braktisej. Mëngjesin tjetër, qyteti u zgjua i mbështjellë në një mjegull të trashë, të pazakontë në atë kohë të vitit. Më pas, një dritë e kuqe u ngrit nga toka deri në majë të kupolës së Shën Sofisë. Banorët e qytetit e interpretuan si shenjë që tregonte se qyteti do të shuhej në një kolonë zjarri. Një Kardin tek i shkruante Papës një muaj më vonë, thoshte se, “ashtu si qyteti u themelua nga Kostandini, bir i Helenës, po ashtu tani do të humbej prej një tjetër Kostandini (perandori i ri ishte i njëmbëdhjeti me atë emër), bir i Helenës. Dhe murgu Gennadios Scholarios vërente se maji, muaji kur qyteti do të binte, ishte i njëjti muaj në të cilin ai qe themeluar në vitin 330.

Edhe turqit i vunë re disa prej këtyre shenjave. Mehmeti ishte veçanërisht i shqetësuar nga drita e kuqe mbi kupolën e Shën Sofisë, për të cilën u tremb se mos ishte shenjë e ndërhyrjes hyjnore në anën e qytetit. Më 26 maj, turqit mbajtën një këshill lufte dhe përsëri Pashai i kërkoi të tërhiqeshin përpara se të mbërrinin përforcimet europiane. Por Mehmeti kish nisur të besonte interpretimet e vetë bizantinëve për shenjat: se ishte koha që qyteti të binte. Më 29 maj, disa valë turqish dhe vasalësh të tyre sulmuan muret. Pas katër orësh, ata më në fund hynë. Pak para agimit, turqit ishin brenda në Kostandinopojë. “Profecitë ishin përmbushur”, shkruante Barbaro, “duke parë se turqit kishin hyrë në Greqi, ishte një perandor i quajtur Kostandin, biri i Helenës, Hëna kishte dhënë një shenjë në qiell, pra Perëndia kishte vendosur kështu kundër të krishterëve dhe veçanërisht kundër Perandorisë së Kostandinopojës”.

Kronikanët e kohës kishin arsye të forta t’u jepnin domethënie shenjave. Gennadios, për shembull, ka shkruajtur rrëfimin e tij pasi Mehmeti e kish emëruar Patriark të Kostandinopojës. Të tjerë, si Kristoboulos i Imbros dhe Laonikos Chalkokondyles, ishin gjithashtu të etur për të treguar besnikërinë e tyre ndaj sulltanit duke demonstruar pashmangshmërinë hyjnore të pushtimit të tij. Sulltani e shpërbleu Kristoboulosin duke e emëruar guvernator të Imbrosit.

Sidoqoftë, historianët e kohës, ashtu si edhe ata modernë pranojnë se turqit kishin më shumë ogurë në anën e tyre. Mehmeti solli me vete rreth 80,000 burra, të armatosur me shtiza, shpata, shigjeta, tokmakë dhe një përkushtim ndaj Islamit. Ndonëse Sulltani nuk e dinte, Kostantini kishte vetëm rreth 5,000-7,000 burra. Mehmeti kishte rreth 250 anije, Kostantini vetëm 26. Mehmeti kishte edhe shërbimet e një prodhuesi hungarez topash me emrin Urban, i cili i ndërtoi topat më të mëdhenj që ishin realizuar ndonjëherë në atë kohë. Njëri ishte 8.5 metra i gjatë me një predhë 2.5 metra të trashë. Sipas kronikanit grek Dukas, u deshën gjashtëdhjetë qe dhe dyqind burra për të vendosur topat në pozicion, në anën evropiane të Bosforit. Ata mund të qëllonin vetëm disa herë në ditë, por kur e bënin, dërgonin predha çerektonëshe në ujë dhe brenda në Kostandinopojë. Mbrojtësit e qytetit riparonin pa pushim muret, por deri në maj bombardimet e kishin bërë dëmin.

Për më tepër, turqit kishin shekuj që forcoheshin, bizantinët ishin në rënie. Në 1326, turqit pushtuan pjesën më të madhe të Anadollit dhe në 1356 ata kaluan në Evropë. Në 1402, tartarët i ndalën në Ankara, por shpejt tartarët u tërhoqën në lindje ndërsa turqit përparuan. Ndërkohë, bizantinët, asnjëherë nuk e kishin marrë veten nga pushtimi i 1204 dhe perandoria e tyre ishte reduktuar gradualisht duke patur tashmë vetëm Kostandinopojën dhe rrethinat. “Të paktën në sytë e lindorëve, perandori ishte ende perandori romak”, shkruante historiani Steven Runciman. “Por, në realitet ai ishte vetëm një princ mes të tjerëve, njësoj të fuqishëm, apo ndoshta edhe më shumë”.

“Shekulli i fundit i Perandorisë Bizantine ishte një prelud për historinë e Perandorisë Osmane”, shkruan historiani Donald Nicol. Shumë përpara se të pushtonte qytetin, pavarësisht brengave të këshilltarëve të tij, Mehmeti qe tashmë shumë më i fuqishëm se Kostantini. Deri në 1453, shpresa e vetme e bizantinëve ishte që aleatët e tyre të krishterë të mblidheshin e t’i ndihmonin. Por në perëndim, evropianët ishin të zënë me Luftën e Njëqind Vjetëve dhe Luftën e Trëndafilave. Më tej në lindje, mbretërit e Serbisë dhe Hungarisë kishin nënshkruar pakte me Mehmetin. Papa ishte përkrahës, por shumë pak kish për të ofruar. Venedikasit dhe gjenovezët dërguan disa anije, por interesi i tyre i vërtetë ishte për tregti dhe turqit dukeshin partnerë po aq të gatshëm sa edhe bizantinët. Disa anije veneciane arritën madje të dalin nga Briri i Artë në shkurt, duke arritur t’i shpëtojnë si bllokadës, ashtu edhe nevojës për të luftuar turqit.

Shkencëtarët dhe historianët mbeten të pasigurtë mbi arsyen që shkaktoi eklipsin e errët, motin e pazakontë dhe dritat e kuqe në Shën Sofi. Disa mendojnë se dritat ishin një reflektim i zjarreve të largët të turqve. Të tjerë spekulojnë se një aktivitet i largët vullkanor hodhi thërrmija në atmosferë dhe shkaktoi të tre fenomenet. Cilido të ketë qenë shkaku, nuk ka asnjë dyshim se në mendjen e mesjetarëve, ata kishin shumë rëndësi. Këto shenja nuk ishin as propagandë e mëvonshme e turqve fitimtarë. Kishte gjithashtu shumë kronikanë të krishterë si Barbaro dhe Isidori, që, mes tronditjes dhe dëshpërimit për rënien e Kostandinopojës, gjetën ngushëllim dhe shpjegim tek vullneti i Perëndisë. “Kishte një farë fatalizmi në mentalitetin bizantin”, shkruan Nicol. “Ata kishin nuhatur, me një bindje në rritje, se në fund të fundit bota e tyre nuk do të zgjaste deri në Ardhjen e Dytë… dhe se përjetësia e vërtetë, e vetmja siguri dhe lumturi duhej të gjendej në Mbretërinë e vërtetë atje lart dhe përtej kësaj lugine lotësh. Kur fundi erdhi, në vitin 1453, ata ishin të përgatitur për të. Madje ndokush habitej që nuk kish ardhur më herët”.

Ka mundësi që shenjat të kenë dhënë një dorë për rënien e qytetit. Në një pikë kur turqit ishin të pashpresë dhe bizantinët të lodhur tej mase, ato mund të kenë rritur moralin e të parëve dhe të kenë ulur atë të të dytëve. Artileria superiore turke ishte padyshim e rëndësishme, por edhe faktorët psikologjikë mund të kenë luajtur rolin e tyre në pushtimin e Kostandinopojës. “Mehmeti fare mirë mund të ketë folur për secilën shenjë duke thënë se ishin paralajmërime për fitoren”, shkruan historiani Robert Martin. “Koha e sulmit final ndaj Kostandinopojës i jep natyrshëm besueshmëri kësaj ideje”.

Kategori
Uncategorized

Familja Bush, historia e dinastisë më të suksesshme politike në SHBA.

BRAND_BIO_BIO_George-W-Bush-Mini-Biography_0_172234_SF_HD_768x432-16x9

Familja Bush është një familje amerikane e cila është e shquar në politikë dhe biznes. Së bashku me shumë anëtarë që kanë qenë bankierë të suksesshëm dhe biznesmenë, mes gjeneratash, familja përfshin një senator amerikan, 2 guvernatorë dhe 2 presidentë (një nga 2 presidentët gjithashtu ka shërbyer si zv/president). George Herbert Walker Bush dhe Barbara Pierce Bush kanë qenë të martuar për 70 vjet, duke mbajtur rekordin e kohës më të gjatë të martuar të çiftit presidencial. Peter Schweizer, autor i një prej biografive të familjes, i ka përshkruar Bushët si “dinastia më e suksesshme politike në historinë amerikane”. Sipas disa burimeve, familja Bush është me prejardhje angleze e gjermane.

***

Amerikanët mund të mos e romantizojnë familjen Bush në të njëjtën mënyrë legjendare siç përshkruhen Kenedit, por ata ndoshta janë dinastia më e suksesshme politike e shekullit 20. Në vitin 1952, Prescott Bush u votua si senator në Konektikat, dhe djali i tij, Xhorxh W. Bush u zgjodh në Teksas duke ndjekur hapat e babait të tij duke fituar vend në Dhomën amerikane të Përfaqësuesve. Në vitin 1980, Presidenti i sapozgjedhur Ronald Reagan bëri dy mandave me Bushin si zv/President. I rritur nga popullariteti i administratës së Reganit, Bushi republikan arriti të merrte drejtimin në vitin 1988, por humbi përballë demokratit Bill Clinton në vitin 1992. Ndërkohë, nipërit e Prescott, Xhorxh dhe Xheb po ndërtonin rrugën e tyre politike drejt të bërit guvernatorët respektivisht të Teksasit dhe Floridas.gw-bush

Në vitin 2000, në zgjedhjet e fituara ngushtë me vetëm 600 vota avantazh, Xhorxh Bush në Florida rindezi suksesin e dinastisë së familjes së tij.

“Dinastia” politike

Postet më të larta në hierarkinë politike, fillojnë nga katragjyshi i Xhorxh W. Bush, që quhej Samuel P. Bush (1863-1948) i cili ishte këshilltar i presidentit të 31-të Shteteve të Bashkuara, Herbert Hoover. Djali i tij i parë, Presçot Bush (1895-1972), u bë senator i Konektikatit në Kongresin e Shteteve të Bashkuara. Traditën e tij në politikë e ndoqi djali i tij i dytë, George H.W. Bush (lindur më 1924), të cilin e thërrasim Bushi i Vjetër. Ai ka mbajtur postin e Presidentit të 41-të të Amerikës, zëvendëspresidentit, e gjithashtu ka qenë kongresmen i Hjustonit, drejtor i CIA-s, si dhe ka shërbyer në shumë detyra si diplomat. Para karrierës së tij politike ai ka punuar në biznesin e naftës në Teksas. Djali i tij, Xhorxh W. Bush u zgjodh president i SHBA-ve për dy mandate, 2001-2009.

Familja Bush

Ata kanë katër fëmijë: Xhorxh W. Bush, Jeb, Neil, Marvin dhe Dorothy Bush. Xhorxh Bushi, martuar me Laurën, ka dy vajza binjake, Barbaran dhe Janne. Jeb Bush, i martuar me Columba Gallo, në vitin 1974, ka tre fëmijë: George P., Jeb Junior dhe Noelle. Neil Bush është i martuar me Maria Andrews. Ai ka tre fëmijë me gruan e tij të parë Sharon Smith: Lauren, Pierce dhe Ashley. Marvin Bush është martuar me Margaret, me të cilën ka adoptuar dy fëmijë, vajzën Marshall dhe djalin Walker. Dorothy Bush është vajza e çiftit të vjetër. Ajo është martuar dy herë dhe ka katër fëmijë. Dy nga martesa e parë, që janë Sam dhe Ellie LeBlond, dhe dy nga martesa e dytë, Robert dhe Gigi Koch.

Një tjetër Bush në Shtëpinë e Bardhë?
2Një tjetër Bush në Shtëpinë e Bardhë? Kjo është beteja e re për familjen e njohur amerikane, mbiemri i së cilës ka qenë në krye të Shteteve të Bashkuara për disa mandate radhazi. Këtë herë, fjala është për Jeb Bush, vëllanë e ish-presidentit George Bush, i cili kandidon për zgjedhjet e ardhshme presidenciale.

Sipas biografëve të Bushit të parë, ai dhe gruaja e tij Barbara, e kishin përcaktuar gjithmonë Jebin si trashëgimtarin e tyre politik, i mirë, i gatshëm, i besueshëm. Papritmas, megjithatë, situata kishte ndryshuar. Jeb kishte vazhduar trajektoren e tij lineare, duke arritur deri në qeverisjen e Floridës, dhe ai që iku më larg, deri në kryesimin e SHBA-ve, ishte në fakt, vëllai i tij, George Bush, asnjëherë i përkushtuar seriozisht për politikën.

Por deri tani Jeb Bush sipas sondazheve është shumë pas për t’u zgjedhur nga republikanët si kandidat i tyre.

Si familja Bush kontrollon SHBA-të

Libri “Family Secrets” i Russ Baker ka ngritur debat të madh në SHBA kur u botua, megjithëse disa nga kapitujt e tij sipas historianëve janë konspiracione. Në libër gjendet një vështrim befasues mbi Xhorxh W. Bushin, familjen e tij, rrjetin e spiunëve dhe mjediset brenda të cilëve favorizuan veprimtaritë e tyre. Gazetari i shumë çmimeve në këtë fushë ka nisur investigimin e tij që me ngritjen në pushtet të Bushit të ri dhe arrin deri në politikat e fundit të presidencës së tij. Autori thotë se “ajo që ndodhi me Bushin, nuk është asgjë më pak sesa një histori sekrete e elitave të modeluan politikat amerikane të shekullit të kaluar”. Familja Bush del në këtë libër si një nga familjet që kontrollon lojën e pushtetit në Amerikë, kontrollon qarkullimin e parave nga firmat e Wall Street deri te bankat kombëtare, kontrollon kontrata dhe burime energjetike nafte dhe gazi në të gjitha anët e botës. Familja Bush përshkruhet si familje e pasur, që kontrollon kompani shekullore të bursave amerikane në Wall Street, me interesa të shtrira në industrinë e naftës nga Amerika në Arabinë Saudite dhe me lidhje tepër të forta në botën e fshehte të CIA-s dhe inteligjencës amerikane. Ai paraqet vrasjen e presidentit Kenedi si një komplot i organizuar nga CIA, me pjesëmarrje të G. H. Bushit (të vjetër). Jepen fakte se Bushi i vjetër ishte në Dallas ditën që u vra Kenedi, se ai ka telefonuar policinë e Dallasit për të dhënë disa dyshime se kush mund ta ketë vrarë presidentin Kenedi pak orë pas vrasjes. Vrasja e Kenedit del si një hakmarrje e disa ish-drejtuesve dhe operatorëve të CIA-s, përfshirë ish-shefin Dulles, për shkarkimet që Kenedi u bëri atyre, për shkak të dështimit të operacionit të Gjirit të Derrave për pushtimin e Kubës. Bushi i vjetër në këtë libër demonizohet. Ai del se ka lidhje me kurthin që CIA i bëri presidentit Nikson, me Uotergejtin. Bushi i vjetër, në kohën e skandalit “Uotergeit” ka qenë kryetar i Partisë Republikane të SHBA, i lidhur më shumë me zv.presidentin Xhonson, sesa me Niksonin. Në libër thuhet se G. H. Bush i kërkoi Niksonit dorëheqjen dhe luajti në një mënyrë që ta bënte të pamundur shpëtimin e presidencës “Nikson”. Bushi vjetër del si personi që zgjidhte presidentët në SHBA nëpërmjet lobeve të fuqishme financiare që kontrollonte.

Kategori
Uncategorized

Rama shpërtheu ndaj ministrave: “Po si ka mundësi, more jezitër?

Rama kryqëzon ministrat: Ptu, s’dini të paraqisni punën e vyer

Rama kryqëzon ministrat: Ptu, s’dini të paraqisni punën e vyer

Një ngjarje dramatike ka ndodhur brenda qeverisë shqiptare, raportojnë Gojët e Liga.

Në përgjigje të kërkesës së disa deputetëve socialistë që ministrat të japin llogari për punën e tyre para komisioneve parlamentare, kryeministri i ka marrë zvarrë disa prej ministrave.

“Shpejt, para deputetëve të jepni hesap deri më një”, urdhëroi kryeministri Rama.

Në vijim, ai i kapi për veshi ministrat dhe i uli në një tryezë të lodhur e të rrjepur, duke u thënë: “Çojeni kokën, shikojini në sy kolegët! Mistreca”.

Pa u lënë kohë deputetëve të bënin ndonjë pyetje, Rama shpërtheu ndaj ministrave: “Po si ka mundësi, more jezitër? Si është e mundur që bëni një punë kaq të mrekullueshme në dikasteret tuaja, dhe nuk dini t’ja përcillni publikut kryeveprat që nxirrni përditë nga duart?”

Atë çast, ministri Tahiri bëri të flasë, por Rama ja preu shkurt: “Gëk! Asnjë fjalë, zullap!”

Rama vazhdoi: “Deputetët tanë kanë të drejtë. Juve duhet t’ju vijë zor nga vetja. Punoni ditë e natë, po i transformoni radikalisht sektorët që ju janë besuar, shifrat dhe parametrat ekonomiko-financiarë po çudisin Orientin dhe Oksidentin, por ç’e do: Nuk dini si ta prezantoni punën tuaj të vyer!”

Ministrja Kumbaro, nisi të flasë, “zoti kryeministër, në fakt…”.

“Boll moj, mbylle moj të thashë!”, ndërhyri Rama bëri gati t’i flakë stilolapsin, “nuk e ke dëgjuar ti këngën, Gabimi i Mirelës të motrave Libohova? Po e di unë ç’doni ju. Ju doni që t’ju zëvendësoj me ca ministra totalisht të paaftë, që s’bëjnë asgjë gjithë ditën dhe vetëm vjedhin, por ama dinë të shiten sikur bëjnë hatanë! Turp!”

Në fund, Rama u kthye nga deputetët: “Kishit ndonjë pyetje?”

“Joo”, thanë ata, “aq shumë sa u bërtite ti, neve po na vjen keq që donim t’i kritikonim!”

Kategori
Uncategorized

Pse,pse,pse? Pse o shtet hajdut pse?

Nga Robert Rapo Elbasan.
Sot rreth ores 13…vjen faturisti i dritave..dhe ben leximin e shifrave…ne pallatin tone…Nga zhurma dal te shoh se c’po behet ..dhe shoh faturistin..Shyqyr thashe me ne fund e kapa….Ju luta duke i thene …a ka mundesi te shoh numuratorin sa shenon?!?!..

Ai e mbylli me urgjence..i vuri celesin dhe me thote shikoje me daten 24 kur te vije fatura..

I thashe zoteri ..mos e mbyll..po me ler te shoh numrin…me arrogance dhe fodullek iku…duke me thene …NE JEMI PER PUNE TJETER…Desha te di pse nuk lerjohen banoret te verifikojne shifrat?!?!..

Pse largohen me te shpejte?!?..

Pse fatura erdhi 2 fishin muajin e kaluar ???

Cfare fshihet pas ketyre veprimeve tinzare?!?!

Po drejtoria pse nuk merr masa t’i beje transparente veprimet e saj .Marr vesh qe ky faturisti quhej ALEKSANDER BERDUFI neqofte se nuk me ka genjyer ?!?!!!!

Po pse o shtet hajdut pse, edhe me gjakun tone kerkon te fitosh duke na vjedhur, se te tjerat na i ke bere dhe po na i ben cdo dite.

Deri kur do te vazhdoje keshtu me ne, askush nuk na del ne mbrojtje, askush nuk kujtohet me per ne dhe hallet tona, problemet e (medha) te pusht..tetareve i mbytin keto (vogelsira) te bagetive qe i kane votuar dhe cuar ne ato karrige, nga te dyja krahet.

Tani vetem lekura na ka mbetur, merrnaini edhe ate, ndoshta ju ben pune.

Po do te vije dita,do te vije, mos harroni, vrima e miut do te jete…..per ju.

 

 

Kategori
Uncategorized

Letër e hapur për gazetarët shqiptarë.

Të nderuar gazetare te shtypit te shkruar dhe medias audio-vizuale!

Duke vleresuar lart misionin dhe rolin tuaj
– ne nje mjedis aspak te favorshem per lirine e medias,
– ne nje vend ku pushteti sjell para dhe parate e grabitura buxhetit te ngjitin ne majat me te larta te pushtetit,
– ku eshte perhere e me e veshtire te besh dallimin midis atij qe shkel ligjin dhe atij qe paguhet me taksat e qytetareve per te ruajtur te parin,
– ku eshte gati-gati e pamundur per te dalluar fjalet e politikaneve nga veprat (e munguara) te tyre qe shfaqen vetem ne fushaten zgjedhore dhe mandej ne mas-media,
– ku qytetaret si dele (jo si dele-gate) votojne listen e kryetarit pa ditur se cfare pasanikesh pa tru te pasuruar nga pushteti e banditesh me emra te nderruar e te denuar apo te kerkuar nga drejtesia perendimore ka kjo liste,

-ku propoganda e ngritur ne sistem zhurmon dhe mbyt zerat kritike dhe “era e lirise” fryn vetem ne Fabebook e rrjetet e tjera sociale,
– ku ligjet behen vetem per syte e te huajve dhe jo per te miren e qytetareve te vendit,
– ku fjalet “punesim e mireqenie” po dalin nga fjalori i perditshem dhe jane zevendesuar me fjalen “reforma” ter cilat mungojne,
– ku pronen e gezon ai qe eshte “me i forte” dhe qe ka padyshim mbeshtetjen e politikes/shtetit,

– ku investitoret perendimore e shohin vendin si te fundit te mundshem per te investuar parate e tyre,
– ku anglezet ne dilemen e tyre te madhe “to be or not to be (EU member)” gjejne rastin te bejne humorin e tyre te holle,
ku “rregulli i e djeshem” gati ndrin ne krahasim me amulline e te sotmes,
– ku “largimi/ikja” eshte kryefjala qe shqipton i riu apo e reja sapo fillon te kuptoje boten perreth,
– ku shpresa venitet si ne nje “toke te baktisur” (no men’s land),
– ku fjala “shtet” barazohet “pushtet”

kam kenaqesine te ndaj me ju shpresen per reformen ne drejtesi qe ndoshta fillon dhe nje harkun e 10 viteve te dekades se ardhshme, lista e mesiperme do te filloje te zvogelohet dhe ne vend do te bjere “era shtet” dhe jo “vetem ere…” E duke qene se kjo eshte nje rreze shprese sic eshte nje qiri ne nje nate te ftohte dimri me ere e stuhi, keto dite filloi edhe “dekriminalizimi”, nje nisme qe pakkush e beson, se largimi i kontigjenteve te krimit nga rreshtat e pare te perfaqesimit me te larte politik dhe institucional do te zvogeloje influencen e tyre ne tendera, ne emerime, ne kultivim e tregtim droge, grabitjen “me ligj” e copave te Shqiperise permes koncesioneve e te tjera si keto…

Meqe jemi te kjo teme, e meqe mbreme u mesua se nje drejtues lavatriceje per pastrim parash – sic eshte sporti ne “vendin e shqipeve” – rrahu barbarisht nje gazetar per shkak te detyres (histori qe ka ndodhur edhe me pare ne raste te ngjashme) ju sugjeroj juve e permes jush atyre qe pretendojne se perfaqesojne qytetaret, (ne fakt perfaqesojne kryetaret e partive) te amendojne ligjin per dekriminalizimin duke zgjeruar objektin e ketij ligji per te perfshire edhe drejtuesit e klubeve sportive.

Kjo mbasi sporti, nje lloj si arsimi dhe dija eshte nje e mire publike kudo ne boten e qyteteruar dhe jo nje ndermarrje kriminale, qe pjell para kriminale dhe ne disa raste edhe ngjarje te dhimbshme kriminale si kjo e djeshmja.

Me kete rast, e ftoj median te shprehe solidaritetin e vet me kolegeun e demtuar per shkak te detyres dhe te gjithe duhet te falenderojme policine qe hodhi hapin e pare per ndeshkimin ligjor te dhunuesit te veshur me pushtet ne lemin e sportit. Ecuria e procesit duhet ndjekur ne vijimesi…

Kaq, me e pakta qe mund te behet…

Nga: Zef Preçi

Kategori
Uncategorized

Ky largohet me mot të mirë

 

Ky largohet me mot të mirë(Skicë për një analizë të gjerë)

Nga Frrok Çupi

Tani ka ardhur koha që njerëzit pyesin kudo: “Kur do të ikë ky, more?”. Pyesin në rrugë, pyesin kur hyn në dyqan, të pyesin në kafe, pyeten me njëri- tjetrin njerëzit e afërm në ceremoni… Ndërsa ky që ” do të ikë, kur?…”, është Edi Rama, Kryeministër.

Edi Rama është zgjedhur Kryeministër i Republikës para tre vjetësh. Tani ka ardhur koha që njerëzit të pyesin pa pushim se, “kur do të ikë?”. Nën këtë qeverisje njerëzit janë lodhur, janë varfëruar dhe frikësuar. Duan shpëtim. Porta e parë e shpëtimit për njerëzit, duket se çmohet largimi sa më parë i Kryeministrit.

A do të largohet? Kjo është frika e parë.

E dyta: A do të largohet pa “luftë”?

Njerëzit, tek kanë parë gjithë sjelljen poshtëruese ndaj të tjerëve dhe njëkohësisht narciziste për vete, kanë frikë se “ky nuk e lëshon kollaj”. Ka ndërtuar një perandori luksi për vete dhe kjo është arsyeja kryesore pse nuk e lëshon lehtë. Perandoria e luksit e ndërtuar nga një emigrant i ardhur direkt në qeveri,(siç është Edi Rama), kuptohet se është një faj kriminal, perandori dhe faj që mbrohet me të gjitha armët… E dyta, është mania e tij për pushtet, e manifestuar egër në gjithë jetën, që nga marrëdhënia me një bebe të tij dikur, te prindërit, te miqtë dhe te njerëzit e qeverisur prej tij. Edi Rama është dalluar për një dëshirë dominimi çnjerëzor mbi njerëzit.

E treta, se ky vjen direkt nga gjaku komunist i Politbyrosë, ku në portën e ferrit kishte shënuar “pushteti merret me armë dhe mbrohet me armë”.

Këto arsye, thjesht, i shtyjnë njerëzit të mendojnë se ” ky nuk ikën kollaj”.

Por tani që ndodhemi afër ditës kur ky duhet të largohet, më e mira është të mendosh pozitivisht. Të paktën të mendosh se ky do të largohet “me mot të mirë”, siç thotë populli. Unë për vete, si një njohës i afërt i psikozës së tij në kohë të vështira (siç ishte edhe momenti kur dikush e gjakosi para pallatit ku banonte), jam me shpresë se ky ikën me mot të mirë. Nuk bën pjesë në aradhen e njerëzve burrëror e trima.

Pse është koha për të ikur dhe pse është momenti për të shpresuar se ikën pa të keqe për vendin!?

Koha për të ikur, pse?

Sepse, (po mendoj si naiv), çfarë pati për t’i marrë ky dhe ministrat e tij, këtij vendi të varfër por që prodhon shumë para për qeveritë hajdute, ky e mori. Ndoshta ky nuk mendon kështu… Por edhe frika nga zhurma botërore se do të hapet kapaku i “kutisë së Pandorës” ku rrinë paratë e fshehura nga mafiozë dhe qeveritarë të vendeve të varfra, sigurisht që e shoqëron. “Panama Papers” është veç një sinjal. Është hera e parë kur bota po dëshmon angazhim publik për të gjetur paratë e fshehura. Por edhe ligji i ri (sipas Reformës në Drejtësi) për të hetuar qeveritarët e niveleve të larta, me siguri e bën të mendojë se “mjaft më!”.

Koha për të ikur, pse?

Sepse njerëzit kanë kuptuar se ku po i zhyt qeveria e tyre. Janë varfëruar deri në pikën e fundit. Mbi 400 mijë familje janë regjistruar në tabelën e varfërisë ekstreme, që do të thotë tre mijë lekë të vjetra në ditë për një familje me pesë anëtarë. Po shikojnë se nuk ka asnjë shpresë që qeveria të sigurojë as dy lekë për popull, asnjë investim, asnjë shpërndarje humane për pasurinë e popullit. Të gjitha shkojnë o për tenderat qeveritar, o për luksin qeveritar. Qeveria ka shtuar borxhin aq sa sot mund të thuash se çdo individ ka një borxh prej 30 mijë dollarë. Ky është i vetmi vend në botë ku qeveria plaçkit sipas ligjit.

Po të ikë ky më vonë se tani afër, atëherë e keqja bëhet ferr.

Pse ka shpresë se do të ikë “me mot të mirë”!?

Arsyeja e parë:

Ka ardhur një moment kur njerëzit e kanë mbushur mendjen se kjo është një qeveri e keqe dhe antinjerëzore. Një njeri normal nuk mund të dalë në mbrojtje të antinjerëzores. Nuk mund të përfytyrohet më që populli të dalë në rrugë për të mbrojtur Edi Ramën në një kërkesë të tij për të rezistuar alias revolucion. Madje edhe votën nuk e sheshin më “si dele”. Njerëzit mund t’i marrin lekët për votën kësaj here, por votën nuk e japin. E kanë shpirtin te hunda.

Arsyeja e dytë:

Edhe pse ky shpreson se Bashkimi Europian “po shpërbëhet”, të gjitha gjasat janë se Qytetaria Perëndimore është fitimtare mbi glob. Dje ky tha plot gëzim se “ky 9 maj, si festë e Europës, mund të jetë i fundit për Anglinë si anëtare e BE”, por nuk ka shenja se BE do të shpërbëhet. Edhe sikur të ndodhë “Brexit”, nuk ndodh shembja e Perëndimit demokratik… Ky i ka rrënuar edhe marrëdhëniet me Amerikën, e cila e ka syrin pa pushim në favor të lirisë së popujve dhe kundër qeverive autoritariste. Dje ambasadori i SHBA në Tiranë lëshoi një frazë diplomatike dëshmuese. Ai tha se “edhe qeveria gabon”, pasi ky i Tiranës kishte provokuar se “aleatët gabojnë”. Edhe sikur ky të bëjë ndonjë veprim “lufte” ditën e fundit, aleatët ndodhen në krah të paqes për njerëzimin.

Por me siguri ky do të zgjedhë “mot të mirë”

Arsyeja e tretë:

Edi Rama, si Kryeministër, bie menjëherë kur Ilir Meta të lëvizë një gisht; veç kaq. Ilir Meta është Kryetar i Kuvendit dhe aleat i kryeministrit në qeverisje. Mirëpo është një aleat përcaktues. Më shumë përcakton Meta ndaj Ramës se sa Rama ndaj Metës. Në marrëdhënien e egër mes tyre, kur Rama ka lëshuar sinjale underground se, “me Amerikën do të burgos Metën!”, në fakt tani është Meta fitimtar. Meta nuk është ngatërruar hapur në urrejtjen kundër njeriut, është tërhequr prej modës së çorapeve të kuqe dhe xhaketës alias Mao në festën e Europës, është tërhequr edhe nga krahu i Ramës. Tani është e qartë se në çastin kur vendit do t’i duhet sekonda e ikjes së Ramës, këtë kartë e luan Ilir Meta. Dhe me siguri do të zgjedhë ditë me mot të mirë!

Kështu fiton edhe kredite të reja politike.

Nuk shikoj shanse të tjera, megjithëse gropa që ky lë pas është e madhe dhe thellohet çdo orë, derisa të largohet.

Kategori
Uncategorized

Znj Vlahutin ju kujtohet para 3 tre vjetësh,ku ishit atëherë??

2016-04-24 15.03.39

Miratimi i reformës në drejtësi me Çunin e Kristaq Ramës Kryeministër një hap i rrezikshëm që do çojë në kapjen e drejtësisë nga Edi Rama.

Nëse çmimi që paguan demokracia ka këtë lloj kostoje për hyrjen në BE është totalisht i pavleshëm.Ju kujtohen tre pikat që këta monstra që sot qeverisin nuk i votuan??Opozita nuk duhet të dhurojë pushtete sepse nesër do përballet me paligjshmëri të çertifikuar nga gjyqsori si edhe me hakmarrjen cinike të një plehre Kryeministër si Edi Rama..Është prodhimi i pabesueshmërisë që prodhon për çdo ditë Kryeministri.Një arrogancë e pashëmbullt duke kërkuar ti imponojë drejtësisë vendime apo duke kërcënuar hapur gjyqsorin.

Z.Lu,znj Vlahutin ju mendoni se Edi Rama e ka seriozisht se do të bëjë reformë në drejtësi?

Ju mendoni se individi që mbushi Parlamentin,administrat dhe çdo institucion me kriminelë dhe hajdutë e ka seriozisht se do të ketë drejtësi,ju gënjen mëndja se do miratojnë ligje që i çon pas hekurave këtë kastë kriminale dhe këtë bandë që ka kapur jetën politike dhe sociale?

Gaboheni.Ju pa dashje po i dhuroni një pushtet më shumë i cili do ti çertifikojë duke i amnistuar.Ju nuk e njihni Edi Ramën sepse ju nuk i keni njohur të atin kur varte poetë duke i shërbyer diktaturës komuniste,ju nuk e njihni Ramën dhe historitë e trishtueshme të pesë grave dhe po kaq të grave të “shokëve”të tij.

Ju kërkoni që i pamorlashmi të votoj për moralin.Në dëshirën tuaj të mirë duhet të kuptoni se Kryeministri i “Rlindjes”komuniste Edi Rama përdor në takimet me ju maskën duke ju nxjerrë gjuhën kur largoheni duke ju bërë karshillëk.Vërtet besoni që ky Kryeministër do ti dorzoj drejtësisë banditë të tipit Roshi dhe Tahiri të cilët janë çerrat e krimit të organizuar?Jo e keni gabim.Ai nuk mund ta bëjë këtë sepse do të vuloste fatin e largimit të turpshëm nga karrigja e Kryeministrit,por ai dhe “specialistët”e tij që janë trajnuar dhe përgatitur në kohën e diktatorit Hoxha siç është Xhafa dhe të tjerë po përgatisin një reformë jo për dtejtësi por për amnistinë e tyre.Ju nuk i njihni këto kërma të kuqe që pas pohimeve dhe gjoja dashamirësisë fshehin një urrejtje patologjike ndaj popullit të tyre,ndaj jush,ndaj lirisë.Tashmë është vonë jeni në fund të rrugës dhe pa dashje po i jepni akoma më shumë forcë një të papërgjegjshmi i cili është kthyer në një mallkim për popullin tim.Ju duhet të kishit qënë tre vjet më përpara për të parë sa shumë e donte vëndin dhe popullin e tij ky bastard.

(nga ferdinand veliu)

Kategori
Uncategorized

Znj Vlahutin ju kujtohet para 3 tre vjetësh,ku ishit atëherë??

Miratimi i reformës në drejtësi me Çunin e Kristaq Ramës Kryeministër një hap i rrezikshëm që do çojë në kapjen e drejtësisë nga Edi Rama.

Nëse çmimi që paguan demokracia ka këtë lloj kostoje për hyrjen në BE është totalisht i pavleshëm.Ju kujtohen tre pikat që këta monstra që sot qeverisin nuk i votuan??Opozita nuk duhet të dhurojë pushtete sepse nesër do përballet me paligjshmëri të çertifikuar nga gjyqsori si edhe me hakmarrjen cinike të një plehre Kryeministër si Edi Rama..Është prodhimi i pabesueshmërisë që prodhon për çdo ditë Kryeministri.Një arrogancë e pashëmbullt duke kërkuar ti imponojë drejtësisë vendime apo duke kërcënuar hapur gjyqsorin.

Z.Lu,znj Vlahutin ju mendoni se Edi Rama e ka seriozisht se do të bëjë reformë në drejtësi?

Ju mendoni se individi që mbushi Parlamentin,administrat dhe çdo institucion me kriminelë dhe hajdutë e ka seriozisht se do të ketë drejtësi,ju gënjen mëndja se do miratojnë ligje që i çon pas hekurave këtë kastë kriminale dhe këtë bandë që ka kapur jetën politike dhe sociale?

Gaboheni.Ju pa dashje po i dhuroni një pushtet më shumë i cili do ti çertifikojë duke i amnistuar.Ju nuk e njihni Edi Ramën sepse ju nuk i keni njohur të atin kur varte poetë duke i shërbyer diktaturës komuniste,ju nuk e njihni Ramën dhe historitë e trishtueshme të pesë grave dhe po kaq të grave të “shokëve”të tij.

Ju kërkoni që i pamorlashmi të votoj për moralin.Në dëshirën tuaj të mirë duhet të kuptoni se Kryeministri i “Rlindjes”komuniste Edi Rama përdor në takimet me ju maskën duke ju nxjerrë gjuhën kur largoheni duke ju bërë karshillëk.Vërtet besoni që ky Kryeministër do ti dorzoj drejtësisë banditë të tipit Roshi dhe Tahiri të cilët janë çerrat e krimit të organizuar?Jo e keni gabim.Ai nuk mund ta bëjë këtë sepse do të vuloste fatin e largimit të turpshëm nga karrigja e Kryeministrit,por ai dhe “specialistët”e tij që janë trajnuar dhe përgatitur në kohën e diktatorit Hoxha siç është Xhafa dhe të tjerë po përgatisin një reformë jo për dtejtësi por për amnistinë e tyre.Ju nuk i njihni këto kërma të kuqe që pas pohimeve dhe gjoja dashamirësisë fshehin një urrejtje patologjike ndaj popullit të tyre,ndaj jush,ndaj lirisë.Tashmë është vonë jeni në fund të rrugës dhe pa dashje po i jepni akoma më shumë forcë një të papërgjegjshmi i cili është kthyer në një mallkim për popullin tim.Ju duhet të kishit qënë tre vjet më përpara për të parë sa shumë e donte vëndin dhe popullin e tij ky bastard.

(nga ferdinand veliu)

Kategori
Uncategorized

Folni “troç” Ambasadorë!

Folni “troç” Ambasadorë!

 Më bëri përshtypje një dialog pensionistësh në qytetin tim për reformën në drejtësi, ku njëri thoshte: “Duhet ta kishte mbiemrin S’Lu që fjala ti shkojë në vend, ky e ka Lu e fjalën nuk po e thotë troç” !- Përnjimend, thirrja e Ambasadorit Lu për rëndësinë e kryerjes së reformës në drejtësi, kritikën dhe rekomandimet e njëpasnjëshme, takimet me krerë të politikës dhe me ata që nuk duan të heqin dorë nga diktimi politik, prezenca përkrah ambasadores Vllahutin, përsëri nuk po jep frytin që aq shumë e duan shqiptarët.

Reforma në drejtësi, prej nyjeve e kurtheve që po e pengojnë për të ecur përpara, po na kthehet si “kafja 900-she” kur mungonte në diktaturë. Njëri thumbit e tjetri patkoit, ky e lagu e ky se lagu, ky kriminel e ai i korruptuar, ky hajdut e ai vrasës, ky burgaxhi e ai drogaxhi e prapë ngelëm pa reformë…!

Si rregull e sipas protokollit, një ambasador ka për mision pasqyrimin e politikës së shtetit nga vjen dhe në raste të veçanta mund të rekomandojë nisma apo marrëveshje social-ekonomike mes shtetesh. Zakonisht ato janë të tepër të kujdesshëm dhe diplomatikë në komunikimin e tyre me publikun.

Por në Shqipëri, ambasadorët janë aktorë politikë në qeverisjen e vendit! Këto 25 vite pluralizëm, ambasadorët i kanë hyrë në “thela” politikës tonë… Ata dijnë se çfarë ndodh, çfarë politikanësh kemi, ku kryhet korrupsion, kush është kriminel, cili ka vënë pasuri kriminale, kush vjedh tenderat, cili ka vrarë e kush vlen për të ecur ne rrugën e duhur shteti ynë.

Njëri nga ambasadorët që “ia di hilet” këtij vendi, është edhe Ambasadori LU, përfaqësues dinjitoz i shtetit të lirive themelore. Ai ka ndikim të fortë në politikën shqiptare. Zhvillimet politike në arenën shqiptare dhe diktimi europian në bërjen e reformave që s’mbarojnë kurrë, ka bërë që durimi popullor të arrijë kulmin, por edhe përqindja e atyre që besojnë në ndikimin euro-amerikan të ketë rritje vertikale.

Kjo si pasojë e mungesës së besimit në kampin politik shqiptar e mosndëshkueshmërisë së krimit e korrupsionit gjithëplanësh.

Gjithë shoqëria shqiptare është kthyer në një “llafazane” kafenesh, kudo flitet për reforma, flitet për korrupsion, flitet për varfëri e pabarazi shoqnore, për papunësi e mungesë zanatesh, paga të ulëta e pasurim politikanësh, majmëri ish-bashkiakësh e komunarësh e mosndëshkueshmëri e tyre, flitet për gjithçka që e shqetëson këtë vend… Por kemi edhe nga ata qytetarë që kanë frikë të flasin edhe pse dijnë gjithçka, pasi politika ka edhe “të fortët” e vet, ata që i mbyllin gojën me dhunë kundërshtarit. Të gjithë e dijmë që politika e mbrapshtë shqiptare ka rritur “cubat” e vet, të cilët me një fjalë i marrin jetën kujtdo për hesap të “kapove” në politikë. Pasojat e “cubave” po i shohim çdo ditë e po i vuajnë shumë njerëz e investitorë.

Miliona euro e dollarë të shkuara dëm për emancipimin e politikës, pastrimin e radhëve të saj, zgjedhjen e atij që vlen, krijimin e besimit në popull e ndalimin e korrupsionit masiv.

Rezultati zhgënjyes, aspak bindës! Në vend të “peshkaqenit” shkon në burg “cironka”, në vend të vrasësit politik shkon në burg “ushtari”. Pa folur për mijëra ish-komunarë e ish-bashkiakë që kanë mbirë si kërpudha rreth e përqark metropolit e bregdetit, që zotërojnë biznese pafund të ngritura nga korrupsioni me tendera e fonde që nuk shkuan kurrë në shërbim të qytetarit, e tash 25 vite askush prej tyre nuk “vuajti” shkeljen e ligjit!

Ka kuadro policë e ish-drejtues policie që zotërojnë pasuri marramendëse e ndërsa kolegët e tyre me zor shtyjnë muajin me pagën që marrin.

Ka dhe ligje që ndëshkojnë korrupsionin, por kush e ka në dorë ta zbatojë?!

“Ibrahimi” që ngrohte vezët e korrupsionit në Gjykatën e Tiranës apo “Haxhiu” që shiste akuzën për “pare makine”?! –Sa e sa “ibrahimë” e “haxhirë” që po i marrin frymën e fundit drejtësisë e akuzës shqiptare. Kush guxoi e tha fjalën “troç” në Shqipëri ? Vetëm ai që humbi gjithçka, pasi ne që kemi duruar e durojmë padrejtësitë, heshtim e presim fjalën e Ambasadorëve Lu e Vlahutin! Gjithçka po e bëjnë ambasadorët euro-amerikanë, që reforma të kryhet e ligji të mbizotërojë në Shqipëri, por një gjë nuk po e thonë: Fjalën troç ! – Tu thonë shqiptarëve se kush është bllokuesi i reformës në drejtësi e mos të merren me ecejake nëpër zyra e parti.

Sa më parë ti vihet gishti “bllokuesit” të reformës në drejtësi, aq më shpejt kryhet ky mision jetik për integrimin europian të shqiptarëve, rritet ekonomia e besimi i qytetarëve tek ligji dhe e ardhmja e fëmijëve tanë. Flitni troç për të mirën e shqiptarëve të nderuar Ambasadorë! Nuk mund të jeni të përfshirë në çdo qelizë të jetës politike të vendit, dhe të heshtni mbi ata që mbajnë peng reformën apo flisni me kode diplomatike.

Valentin Micaj.

Kategori
Uncategorized

Në 10 foto – Liqeni i Ohrit si nuk e keni parë ndonjëherë.

Liqeni i Ohrit në 10 foto. Bukuritë e këtij liqeni vijnë në këto 10 foto fituese të një konkursi online të organizuar pikërisht për promovimin e bukurive natyrore të tij, nga LakeOhridHeritage.

Fituesit janë Adnan Beci (Instagram); My Best Souvenir (Instagram) Betim Berisha (Instagram) Ardian Fezollari (Instagram); @redredvine (Instagram); Slavica Panova (Facebook); Marijana Pipe Pipileva (Facebook); @Svidoski (Instagram); @nikolanajk1 (Instagram) ; @blazevskimarko (Instagram)

Liqeni i OhritLiqeni i OhritLiqeni i OhritLiqeni i OhritLiqeni i OhritLiqeni i OhritLiqeni i OhritLiqeni i Ohrit222Liqeni i Ohrit

Kategori
Uncategorized

Artur Zheji: Rama po sulmon Berishën si Enver Hoxha Ahmet Zogun.

hzr

Nga Artur Zheji

Që Sali Berisha është një politikan mbi të cilin është diskutuar rreptë jo pak herë, në jo pak momente kyce kur ka drejtuar Shqipërinë, kjo tashmë nuk është ndonjë gjë e re. Viti ’97 apo viti ’98 flasin vetë. Gërdeci dhe shpërthimi vrastar që mori jetë dhe na tronditi të gjithëve, në vitin 2008, Reforma Kushtetuese antidemokratike me patericën e PS-së Ramës,  në po atë vit, humbja e fillit qeverisës, kryesisht në mandatin e dytë 2009-2013, moskontrolli  i korrupsionit në qeverisjen e vet dhe të oligarkëve që e rrethonin, dhe që sot janë sërish buzë më buzë me qeveritarët e sotëm, janë mëkate tashmë të listuara. Shto këtu ngjarjet e 21 janarit, që u menaxhuan me gjaknxehtësi dhe që praktikisht dolën jashtë kontrollit, me pasojat tragjike dhe të dhimbshme, të humbjes së  4 jetëve njerëzore. Ngjarje cila shënoi padyshim, tatëpjetën e besimit popullor ndaj tij.

Porse shumica e këtyre mossukseseve apo mëkateve janë vjetëruar në kohë tashmë. Fatmirësisht, piramidat financiare, revoltat dhe anti-revoltat e ‘97-’98-tës, duken ngjarje të një bote tjetër, të një kohe tjetër dhe të një Shqipërie tjetër. Berisha u ndëshkua asokohe, me braktisje, vetmi, izolim dhe votë kundra, për 8 vjet rresht. Madje askush nuk besonte në një rikthim të tijin të mundshëm në pushtet. Mirëpo forca e vullnetit të tij nga njera anë, përcarja e të Majtës nga ana tjetër, bën të mundur rikthimin e Bersishës,  në krye të pushtetit dhe të pothajse të të gjitha pushtetet që mund të zotërojë një njeri  i vetëm. Dhe qeverisi përgjithësisht kalueshëm katër vitet e para dhe bëri, ato mijëra km rrugë dhe infrastruktura rrugore të domosdoshme, me fanatizëm dhe determinizëm, në të tetë vitet e pushtetit të vet të gjatë.

Shqipëria u bë vend anëtare e Nato-s, kishte një Rrugë Kombëtare që lidhet me Kosovën e pamvarur, u liberalizuan vizat dhe për të parë në historinë e vendit, një President i Shteteve të Bashkuara, vizitoi Shqipërinë, duke e nxjerrë përfundimisht nga lista e zezë e vendeve të pasigurta.

Thënë të gjitha këto, kjo nuk e cliron figurën e tij nga hijet, njollat dhe dështimet. Në vitin 2013, shqiptarët dhanë një gjykim në favor të kundërshtarëve të tij. Ai u largua si Kryeministër dhe si kryetar partie.

Është aktiv dhe të nxin jetën në Kuvend. Është influent në disa institucione të rëndësishme shqiptare. Nga Shërbimet Informative, Gjykata dhe deri në Presidencë.

Është pra një kockë e fortë dhe e “hidhur”. Një opozitar i “pashpirt” dhe me “guxim patologjik”, që shpall dhe denoncon skandale. Duke përmendur emra personazhesh të rrezikshëm, duke krijuar jo pak siklete për qeverinë aktuale.

Nga denoncimet për krimin e organizuar, tek flirtet e segmenteve të caktuara me to, te trafiqet dhe deri te korrupsioni që është në rritje të dukshme dhe të pakontrollueshme, në politikën e koncesioneve dorëcpuara të qeverisë aktuale.

Atëhere?!

Cafrë po shohim në vend të vetëpastrimit apo tendencës për të bërë katharsis brenda vetes të pushtetit të ri?

Makineria e organizuar mirë mediatike dhe politike proqeveritare, e cila rreshton, perifrazon, stimulon, financon, egzalton dhe edhe krijon nga hici, të vërteta, shpifje, ekstrakte historike dhe biografike të Berishës, shpesh jashtë cdo konteksti, ka ndërmarrë një ofensivë të vërtetë 360 Gradë kundër tij.

Shtrohet një pyetje “naïve”:

Ky sulm i përgjithshëm kundër Berishës, cfarë është dhe cfarë fsheh në të Vërtetë?

Është një Dëshirë për të vendosur Drejtësi?

Me sa di unë dhe jo vetëm unë, Drejtësinë e vendosin akoma Gjykatat në Shqipëri!  Këto që janë dhe kështu si ato janë katandisur. Për këtë edhe Berisha është padyshim bashkëfajtor. Ndoshta reforma do ta përmirësojë këtë gjë. Të shohim!

Porse sulmi i përgjithshëm ndaj Berishës, është me regji  të fshehur por të kuptueshme politike. Këtë vetëm marrokët dhe qorrat e paguar që bërtasin në emër të moralit më shumë se kushdo tjetër, bëjnë sikur nuk e kuptojnë! Dhe kjo rregji politike, që ka bërë me vete dhe mjaft ish mbështetës të tij, ka  të paktën 3 qëllime kryesore:

E para, të Keqes që mundon këtë vend prej 25 vitesh, duhet ti vihet vetëm një emër dhe këtij emri duhet ti bashkangjitet vetëm një fytyrë! Një fytyrë qe vizatohet me art, si vrasëse, e sterrosur, e egër, e egzagjeruar!

Duhet pra një tabelë qitjeje, që opinioni publik shqiptar, ky farë opinioni që ne kemi, edhe për cdo psherëtimë të sotmes, të kthejnë vështrimin e të mallkojnë “bëmat” e djeshme të Sali Berishës!

Edhe kur sot qan fëmija, edhe kur sot vdesin pacientët spitaleve, edhe kur sot vidhet populli, edhe kur sot korruptohen tatimorët, edhe kur sot vdiset nga aksidentet, edhe kur sot mungon pjata e ngrohtë e supës me mish në mijëra tavolina të varfëra, e ka fajin që dje, para tre vitesh, Sali Berisha!

A është kjo një tallje e madhe me inteligjencën e këtij populli?! Pa hequr një gram nga mëkatet e djeshme, autentike apo të sajuara, të politikanit Berisha.

E dyta. “Regjia”,  mendon se duhet një Alibi. Duhet pra një shpegim, ose më saktë një justifikim, se pse shumë gjëra nuk shkojnë në drejtimin e duhur dhe në drejtimin e shumë pritur dhe të shumë dëshiruar, për shumëkënd, Sot?

Nuk ka rëndësi pra nëse mjaft gjëra kanë rrëshqitur nga duart Sot, nuk ka rëndësi nëse e besojmë ose jo, që mbrapshtitë që shohim lart e poshtë, janë të qëllimshme apo të paqëllimshme! Janë nga babëzia apo nga padija!

Por jo, duhet që në një mënyrë ose në një tjetër, të drogohemi me overdozën e fjalëve, se edhe sot po vjedhin biznesmenët  e Saliut. Se nuk po vidhet nga proqeveritarët kamaleonë, por po mbushen akoma gropat e Berishës!

E treta, është krijimi i Mitit, që pa u larguar nga skena politike Sali Berisha, ky vend nuk ka qetësi dhe paqe. Madje nuk mbin as lulja në pyll dhe as nuk këndon as zogu në pemë! A thua se nuk u ndërruan me qetësi dhe rregull pushtetet, në vitin 2013!

Ndërkohë që humbësit dolën qetësisht nga zyrat dhe fitimtarët hynë në zyrat e shtetit! Simbas Ligjit dhe Kushtetutës!

Ku dalim kështu?

Asgjëkundi ku ja vlen të jetohet mirë e me qetësi, mendoj!

Kjo më kujton demonizimin që regjimi i kaluar i Hoxhës, bënte për Ahmet Zogun! Bartësi i të gjitha të këqijave kombëtare, thirrej aso kohe ai! Vrasës, maskara, tradhëtar, hajdut, i përdalur!

Qëllimi?

Për të ngritur mitin e të Keqes dhe për të krijuar atmosferën surreale, se pas Errësirës vjen Drita!

Se mbas të Keqes vjen e Mira! Dhe për këtë të Mirë, mund të haje në emër të popullit, edhe një plumb ballit apo edhe një plumb mbas qafe!

Dhe ne, brezi ynë,  e pamë se cfarë e Mire erdhi më pas. Dhe vetëm e pëshpërisnim. Si shumë kush po e pëshpërit sot nga një frikë e ende e butë, por sidoqoftë e pranishme!

Por kjo është Paradhoma e një të Keqeje shumë më të madhe, se sa e “keqja reale e Berishës që ishte”, si një hipnozë mediatike për të mos parë të keqen e sotme, kudo ku ajo shfaqet.

Është instalimi i një Gënjeshtre të ekzagjeruar dhe të emfatizuar, për të fshehur bythën e zbuluar të jo pak turpeve dhe dështimeve!

Të Sotme!/