Historitë
Koçi Xoxe
Ai që ka drejtuar për herë të parë Sigurimin e Shtetit është Koçi Xoxe. Ka pasur në fillimet e tije poste të rëndësishme në Partinë Komuniste. Shërbimi i pa kursyer ndaj kësaj partie e vendosi atë si drejtues të Sigurimit të Shtetit njëkohësisht edhe ministër të Punëve të Brendshme. Pas disa vitesh qëndrim në këtë post Xoxe akuzohet se ishte agjent i jugosllavëve. Për të është zhvilluar gjyqi ku ai ka pranuar këtë akuzë. Më pas dënohet me vdekje nga Gjykata Speciale dhe pushkatohet muaj më vonë.
Nesti Kerënxhi
Nuk ka pasur të njëjtin fat drejtuesi i dytë i sigurimit të Shtetit Nesti Kerënxhi. Ai është arrestuar dhe pas një viti është lënë i lirë.
Vaskë Koleci
Edhe Vaskë Koleci është akuzuar për spiunazh, por përveç qëndrimit 30 muaj në burg, familja e ish-drejtuesit është internuar.
Beqir Ndou
Ka qenë drejtuesi i tretë i Sigurimit të Shtetit, por edhe ky si gjithë kolegët e tij ka përfunduar në burg.
Kadri Hazbiu
Edhe Kadri Hazbiu, i cili veç postit të shefit të Sigurimit të Shtetit ishte edhe një nga agjentët më të njohur të tij. Pseudonimi i ministrit të Brendshëm ishte “Besniku”. Por edhe pse i shërbeu vendit dhe partisë së asaj kohe, pikërisht kjo e fundit e dënoi me pushkatim me akuzën e armikut të popullit.
Mihallaq Ziçishti
Është dënuar nga gjykata, por jo me pushkatim si kolegët e tij të mëparshëm, por me 25 vjet burg. Jo vetëm kaq, për Mihallaq Ziçishtin ka pasur edhe një dënim me gjobë që duhet t’ia jepte shtetit.
Feçor Shehu
Ministër i Brendshëm dhe njëkohësisht edhe drejtues i Sigurimit të Shtetit. Por nuk ka qëndruar shumë në këto poste të rëndësishme dhe kyçe të asaj kohe dhe më pas është akuzuar për krime e tradhti ndaj Atdheut, pjesëmarrje aktive në organizatë. Për këtë akuzë Feçor Shehu dënohet vdekje.
Kadri Gojashi
Mund të thuhet që ka shpëtuar paq, nga zinxhiri i ekzekutimeve të sigurimsave. Pas vrasjes së Mehmet Shehut, drejtuesi i Sigurimit të Shtetit Kadri Gojashi, është shkarkuar nga kjo detyre dhe është emëruar në një më të ulët. Motivacioni i shënuar në fletën e shkarkimit për të ishte i largimit nga puna, ishte akuzuar nga partia se i kishte munguar vigjilenca. Por dënimi për të ka qenë vetëm të punojë si punëtor krahu. Më pas ardhja e demokracisë në viti 1990 e shpëtoi atë nga një gjyq i mundshëm.
Zylyftar Ramizi
Me Zylyftar Ramizin mbyllet historia e drejtuesve të Sigurimit të Shtetit. Ai u dënua me vdekje, por u amnistua duke marrë lirinë.
TE DHENA TE DETAJUARA
Koçi Xoxe
Në vitin 1945, zëvendësministër dhe ministri i parë i Brendshëm dhe njëkohësisht shef i Sigurimit të Shtetit
ARRESTOHET: 28 nëntor 1948
AKUZA: Agjent i UDB-së jugosllave
DËNIMI: 30 maj 1949 dënohet me vdekje nga Gjykata Speciale
PUSHKATOHET: Maj 1949
Nesti Kerënxhi
Zëvendësdrejtor i Mbrojtjes së Popullit (Sigurimit të Shtetit)
Emërohet ministër i Brendshëm dhe anëtar i Byrosë Politike
Pas Kongresit të Parë u përjashtuan nga funksionet qeveritare
ARRESTOHET: 1982
AKUZA: Agjent i shërbimeve jugosllave
LIROHET: 13 shtator 1983
Vaskë Koleci
DETYRAT: ministër i Brendshëm dhe shef i Sigurimit të Shtetit
U mor me ndërtimin e armës së Sigurimit nën kujdesin e përhershëm të këshilltarëve jugosllavë
ARRESTOHET: 23 qershor 1951
AKUZA: Spiunazh
DËNOHET: 30 muaj burg dhe internim
Beqir Ndou
DETYRAT: Zëvendësministër i Punëve të Brendshme, njëkohësisht edhe shef i Sigurimit të Shtetit
Zv/shefit të Drejtorisë Politike të Ushtrisë
Delegat i Këshillit NÇL të rrethit të Tropojës
ARRESTOHET: 1945
Kadri Hazbiu
DETYRAT: Punoi si agjent i Sigurimit deri në vitet ‘50
1979 ai punon në drejtim të ministrisë së Brendshme
Emërohet ministër i Mbrojtjes deri në vitin 1981 dhe njëkohësisht shef i Sigurimit të Shtetit
ARRESTOHET: 15 tetor 1982
AKUZA: Akuzua si armik i popullit dhe i partisë
DËNOHET: Me vdekje
EKZEKUTOHET: 10 shtator 1983
Mihallaq Ziçishti
Zëvendësministër dhe më pas ministër i Punëve të Brendshme dhe gjenerali i Sigurimit të Shtetit
ARRESTOHET: 10 gusht 1982
AKUZA: Për krime e tradhti ndaj atdheut
DËNOHET: 25 vjet të heqjes së lirisë dhe me heqjen e së drejtës së zgjedhjes për pesë vjet
Feçor Shehu
DETYRAT: Ish-ministri i Brendshëm dhe njëkohësisht shef i Sigurimit të Shtetit
ARRESTOHET: 24 mars 1982
AKUZA: Për krime e tradhti ndaj Atdheut
DËNOHET: Me vdekje
EKZEKUTOHET: 10 shtator 1983
Kadri Gojashi
DETYRAT: Drejtori i Drejtorisë së Sigurimit deri në vitin 1981
Kryetar i degës së Punëve të Brendshme në Gramsh
AKUZA: Motivacioni i largimit nga puna, ishte akuzuar nga partia se i kishte munguar vigjilenca
Zylyftar Ramizi
Zv/Ministri i Punëve të Brendshme, njëkohësisht edhe Drejtor i Sigurimit të Shtetit
ARRESTOHET: 1991
AKUZA: Shpërdorim detyre
DËNOHET: 1993 me vdekje
LIRUAR: Në vitin 1997 pas një amnistie të presidentit
Ishte shefi i fundit i Sigurimit të Shtetit./
AL in Sweden. 